வெஜ் கட்லெட் லொலிபொப்
தேவையான பொருட்கள்:
சர்க்கரைவள்ளி கிழங்கு - 50 கிராம்
உருளைக்கிழங்கு - 50 கிராம்
கரட் - 50 கிராம்
கோலி ஃ ப்ளவர் - 50 கிராம்
பனீர் - 50 கிராம்
முட்டைகோஸ் - 50 கிராம்
பச்சை மிளகாய் - 2
உப்பு - தேவைக்கு
இஞ்சி, பூண்டு - சிறிதளவு
மிளகாய் தூள் - 1/2 தே.க
கரம்மசாலா - 1/2 தே.க
பொடியாக நறுக்கிய வெங்காயம் - 2
கொத்தமல்லித்தழை - ஒரு கைப்பிடி
சோளமா (Corn flour) - 2 மே.க
பிரெட்தூள் - தேவைக்ககு
பொரிக்க எண்ணெய் - தேவைக்கு.
செய்முறை:
கிழங்கு வகைகளை வேகவைத்து மசிக்கவும். மற்ற காய்கறிகளை பொடியாக நறுக்கவும்.
எண்ணெயை காயவைத்து அதில் வெங்காயம் சேர்த்து வதக்கி, பிறகு இஞ்சி, பூண்டு, கரம் மசாலா, மிளகாய் தூள், உப்பு, பனீர், கோலி ஃப்ளவர், முட்டைகோஸ் போன்றவற்றை ஒவ்வொன்றாக வதக்கி ஆறவைத்து அதில் மசித்து வைத்துள்ள கிழங்கு வகைகள், கொத்தமல்லி, பச்சைமிளகாய் சேர்த்து பிசைந்து லாலிபாப் சைசில் பிடித்து, அதை பிடித்து சாப்பிட கேரட்டை 2 இன்ச் நீளம் நீளவாக்கில் கட் செய்து லாலிபாப்பில் சொருகவும்.
கார்ன்ஃப்ளாரை சிறிது தண்ணீரில் கரைத்து அதில் லொலிபொப்பை தோய்த்து பிரெட் கிரம்ஸில் கோட்டிங் கொடுத்து வைக்கவும். எண்ணெயை காயவைத்து டீப் ஃப்ரை செய்து எடுக்கவும். வெஜ் கட்லெட் லொலிபொப் ரெடி.
கருத்துகள் இல்லை:
கருத்துரையிடுக