சனி, 9 செப்டம்பர், 2017

நெத்திலி மீனை வாரம் ஒருமுறை சாப்பிடுவதால் இவ்வளவு அற்புதமான நன்மைகள்...



நெத்திலி மீனை வாரம் ஒருமுறை சாப்பிடுவதால் இவ்வளவு அற்புதமான நன்மைகள்...


மீன்களில் மிகவும் மலிவான விலையில் கிடைப்பது தான் நெத்திலி மீன். இந்த மீன் சிறியதாக இருந்தாலும் ஏராளமான நன்மைகளை வழங்கக்கூடியது.

மீன்களில் மிகவும் மலிவான விலையில் கிடைப்பது தான் நெத்திலி மீன். இந்த மீன் சிறியதாக இருந்தாலும் ஏராளமான நன்மைகளை வழங்கக்கூடியது. இதற்கு இந்த மீனை சமைத்த பின், அது மென்மையாகிவிடுவதால், இதனை முட்களோடு சாப்பிடுவதால் தான்.


பொதுவாக மீன்களில் ஒமேகா-3 ஃபேட்டி ஆசிட் அதிகம் இருக்கும். இந்த மீனில் ஒமேகா-3 அதிகம் இருப்பதோடு, கலோரிகள் குறைவு மற்றும் வைட்டமின்களும் ஏராளமாக நிறைந்துள்ளன. எனவே விலை மலிவில் கிடைக்கும் இந்த மீனை சாதாரணமாக நினைத்துவிடாமல், வாரம் ஒருமுறை உணவில் சேர்த்து வாருங்கள்.

இங்கு நெத்திலி மீனை சாப்பிடுவதால் கிடைக்கும் நன்மைகள் பட்டியலிடப்பட்டுள்ளன. அதைப் படித்து, இந்த மீனின் அற்புதத்தைத் தெரிந்து கொள்ளுங்கள்.


நெத்திலி மீனில் பாலி-அன்-சாச்சுரேட்டட் ஃபேட்டி அமிலம் அதிகம் உள்ளது. இது இதய ஆரோக்கியத்தை மேம்படுத்தும். எப்படியெனில், இந்த மீனை உட்கொள்வதால், உடலில் உள்ள கெட்ட கொழுப்புக்கள் அளவு குறைந்து, இதய நோய்கள் ஏற்படும் வாய்ப்பு குறையும்.

👁‍🗨 *செல்களை பழுதுபார்த்தல் :*

செல்கள்  மற்றும் இணைப்புத்திசுக்களின் வளர்ச்சிக்கும், பழுது பார்க்கவும் தேவையான புரோட்டீன் நெத்திலி மீனில் உள்ளது.

👁‍🗨 *சரும ஆரோக்கியம் :*

நெத்திலி மீனில் அத்தியாவசிய ஃபேட்டி அமிலங்களுடன், வைட்டமின் ஈ, செலினியம், போன்ற சருமத்தின் ஆரோக்கியத்திற்கு தேவையான சத்துக்களும் உள்ளன. எனவே அடிக்கடி நெத்திலி மீனை உணவில் சேர்த்து வந்தால், சரும பிரச்சனைகள் வருவது தடுக்கப்படுவதோடு, சருமம் பொலிவோடு இருக்கும்


👁‍🗨 *வலிமையான பற்கள் மற்றும் எலும்புகள் :*

நெத்திலி மீனில் கால்சியம் வளமாக நிறைந்துள்ளது. இது பற்கள் மற்றும் எலும்புகளுக்கு மிகவும் அத்தியாவசியமான ஓர் சத்து. அதுமட்டுமின்றி இதில் எலும்புகளின் ஆரோக்கியத்தை மேம்படுத்தும் வைட்டமின் ஏ சத்தும் உள்ளது.

👁‍🗨 *கண் ஆரோக்கியம் :*

நெத்திலி மீனில் கண்களின் ஆரோக்கியத்தைப் பாதுகாக்கும் வைட்டமின் ஏ சத்து வளமாக நிறைந்துள்ளது. எனவே இவற்றை வாரம் ஒருமுறை உட்கொண்டு வந்தால், கண் பிரச்சனைகளைத் தடுக்கலாம்.

👁‍🗨 *எடை குறைவு :*

நெத்திலி மீனில் கலோரிகள் குறைவு மற்றும் புரோட்டீன் அதிகம் என்பதால், இது உடல் எடை குறைவதற்கும் வழிவகுக்கும்.



புத்துணர்ச்சி தரும் காய்கறி பழங்கள் மிக்ஸ்டு சாலட்.

புத்துணர்ச்சியுடன்
இருக்க தினமும் காய்கறிகள், பழங்கள் சேர்த்து சாலட் சாப்பிடுவது நல்லது. இன்று பழங்கள், காய்கறிகள் வைத்து சாலட் செய்வது எப்படி என்று பார்க்கலாம்.
தேவையான பொருட்கள் :

முட்டைகோஸ் - 100 கிராம்,
வெள்ளரிக்காய் - 2,
குடமிளகாய் - 1,
தக்காளி - 3,
ஸ்ட்ராபெர்ரி - 5,
ஆப்பிள் - 1,
திராட்சை - 100 கிராம்,
எலுமிச்சை சாறு - 1 ஸ்பூன்
தேன் - 2 ஸ்பூன்,
உப்பு - சிறிதளவு,
மிளகு தூள் - அரை ஸ்பூன்.


செய்முறை :

ஸ்ட்ராபெர்ரி, தக்காளியை (விதையை எடுத்து விட்டு) நான்கு துண்டுகளாக வெட்டிக்கொள்ளவும்.

வெள்ளரிக்காய், குடமிளகாய், ஆப்பிளை பெரிய துண்டுகளாகவும் வெட்டிக்கொள்ளவும்.  

முட்டைகோஸை சற்று பெரிதாக நறுக்கிக்கொள்ளவும்.

ஒரு பாத்திரத்தில் நறுக்கி காய்கறிகள், பழங்களை சேர்த்து இவற்றுடன் திராட்சையைச் சேர்த்து போட்டு நன்றாகக் கலக்கவும்.

கடைசியாக எலுமிச்சைச் சாறு, உப்பு, தேன், மிளகுத்தூள் சேர்த்து நன்றாக கலந்து பரிமாறவும்.

சூப்பரான சத்தான காய்கறி பழங்கள் மிக்ஸ்டு சாலட் ரெடி.

செட்டிநாடு ஸ்டைல் பூண்டு புளிக்குழம்பு செய்வது எப்படி?



செட்டிநாடு ஸ்டைல் பூண்டு புளிக்குழம்பு செய்வது எப்படி?

இன்று இந்த குழம்பு செய்வது எப்படி என்று பார்க்கலாம்.
தேவையான பொருட்கள் :

சின்ன வெங்காயம் - 1/2 கப்
பூண்டு - 10 பல்
புளி - (சிறிய எலுமிச்சை அளவு )
சாம்பார் தூள்(குழம்பு மிளகாய்த்தூள் ) - 3 டீஸ்பூன்
தக்காளி - 2
வெங்காய கறி வடகம் - 1/4கப்

தாளிக்க :

வெந்தயம் - 1/4 டீஸ்பூன்
சோம்பு - 1/4 டீஸ்பூன்.



செய்முறை :

பூண்டு, சின்ன வெங்காயத்தை தோல் நீக்கி தனியாக வைக்கவும்.

தக்காளியை பொடியாக நறுக்கி கொள்ளவும்.

புளியை தண்ணீரில் ஊற வைத்து கரைத்துக் கொள்ளவும்.

ஒரு பாத்திரத்தில் தாளிப்பதற்கு தேவையான எண்ணெய் ஊற்றி வெந்தயம், சோம்பு சேர்த்து தாளித்த பின்னர் சின்ன வெங்காயம், பூண்டு சேர்த்து வதக்கவும்.

வெங்காயம் நிறம் மாறியதும் தக்காளி சேர்த்து வதக்கவும்.

தக்காளி நன்றாக வதங்கியவுடன் சாம்பார் தூள் அல்லது குழம்பு தூள் சேர்த்து வதக்கவும்.

அடுத்து அதில் கரைத்த புளியை சேர்த்து  கொதிக்க விடவும்.

இத்துனுடன் தேவையான அளவு தண்ணீர் மற்றும் உப்பு சேர்த்து குழம்பு திக்காகும் வரை அடுப்பை மிதமான தீயில் கொதிக்க விடவும்.

மற்றொரு கடாயில் தேவையான அளவு எண்ணெய் ஊற்றி வெங்காய கறி வடகத்தை பொன்னிறமாக பொரித்து எடுக்கவும்.

பொரித்த வடகத்தை குழம்பில் சேர்த்து, ஒரு கொதி வந்தவுடன் குழம்பை இறக்கவும்.

சூப்பரான செட்டிநாடு புளிக்குழம்பு ரெடி.

செட்டிநாடு புளிக்குழம்பு இட்லி, தோசை, சாதம் அனைத்துடன் சாப்பிட நன்றாக இருக்கும்.

சூப்பரான ஸ்நாக்ஸ்: கோதுமை கார மினி தட்டை



சூப்பரான ஸ்நாக்ஸ்: கோதுமை கார மினி தட்டை

கோதுமை மாவில் செய்யும் இந்த கார மினி தட்டை ஸ்நாக்ஸை ஒரு வாரம் வரை வைத்திருந்து சாப்பிடலாம். இன்று இந்த தட்டையை செய்வது எப்படி என்று பார்க்கலாம்.
தேவையான பொருட்கள் :

கோதுமை மாவு - ஒரு கப்,
பாசிப்பருப்பு - ஒரு கைப்பிடி அளவு,
மிளகுப்பொடி - 1 டீஸ்பூன்,
மிளகாய் தூள் - 1 டீஸ்பூன்,
உப்பு - தேவையான அளவு,
பெருங்காயத்தூள் - ஒரு சிட்டிகை,
நெய் - 2 டீஸ்பூன்,
எண்ணெய் - பொரிப்பதற்குத் தேவையான அளவு.



செய்முறை :

பாசிப்பருப்பை மலர வேகவைக்கவும் (குழையக் கூடாது).

கோதுமை மாவை லேசாக வறுத்துக்கொண்டு, அதனுடன் வேகவைத்த பாசிப்பருப்பு, மிளகுப்பொடி, மிளகாய் தூள், உப்பு, பெருங்காயத்தூள், நெய் சேர்த்துப் சீடை மாவு பதத்தில் பிசைந்துகொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் பிசைந்த மாவை சீடை போல் சிறிதாக உருட்டி, கட்டை விரலால் மெலிதாக அழுத்தி தட்டி சூடான எண்ணெயில் போட்டு பொரித்து எடுக்கவும்.

கோதுமை கார மினி தட்டை ரெடி.

பூசணி விதை பாதாம் பர்பி



பூசணி விதை பாதாம் பர்பி

பூசணி விதை (Pumpkin seeds) – 1/2 கப்,
பாதாம் – 1/4 கப்,
சர்க்கரை – 3/4 கப்,
நெய் – 3 டேபிள்ஸ்பூன்.
paa
எப்படிச் செய்வது?

உப்பு சேர்க்காத பூசணி விதைகளை வாங்கி வெறும் கடாயில் நன்கு வாசனை வரும் வரை வறுத்து, பொடி செய்து கொள்ளவும். பாதாமை மிதமான சுடுநீரில் 1 மணி நேரம் ஊற வைத்து தோல் எடுத்து நன்கு துடைத்து 1 மணி நேரம் உலர வைக்கவும். ஈரம் போன பிறகு அதையும் பொடித்துக் கொள்ளவும். ஒரு அடிகனமான கடாயில் சர்க்கரையை 150 மிலி தண்ணீர் கலந்து வைத்து சூடாக்கவும். சர்க்கரை கரைந்து நன்கு நுரைத்து கொதிக்க வேண்டும்.

பாகுபதத்திற்கு முந்தைய பிசுபிசுப்பு பதம் வரும் பொழுது அடுப்பை சிம்மில் வைத்து பாதாம் மற்றும் பூசணி விதை பொடியை போட்டு கைவிடாமல் கிண்டவும். அனைத்தும் ஒன்று சேர்ந்து கெட்டியாகி ஓரங்களில் நுரைத்து வரும்பொழுது நெய்யை விட்டு வேகமாக கிளறி நெய் தடவிய தட்டில் பரவலாக ஊற்றி சமப்படுத்தவும். சிறிது ஆறிய பிறகு கத்தியால் கீறி துண்டு போடவும். ஆறிய பிறகு வில்லைகளை பரிமாறவும்.

வெங்காய அடை



வெங்காய அடை


என்னென்ன தேவை?

புழுங்கல் அரிசி - 1 கப்,
பச்சரிசி - 1 கப்,
கடலைப்பருப்பு - 1 கப்,
துவரம்பருப்பு - 1 கப்,
பொடியாக நறுக்கிய சின்ன வெங்காயம் - 1 கப்,
காய்ந்தமிளகாய் - 4,
சோம்பு - 1/2 டீஸ்பூன்,
பெருங்காயத்தூள் - 2 சிட்டிகை,
உப்பு, எண்ணெய் - தேவைக்கு,
கறிவேப்பிலை,
கொத்தமல்லித்தழை - சிறிது.


எப்படிச் செய்வது?

அரிசி வகைகள், பருப்பு வகைகள் அனைத்தையும் ஒன்றாகப் போட்டு ஊறவைக்கவும். அரைக்கும் போதே காய்ந்தமிளகாய், பெருங்காயத்தூள், உப்பு, சோம்பு சேர்த்து அரைக்கவும். பின் வெங்காயம், கறிவேப்பிலை, கொத்தமல்லித்தழையை சேர்த்து கலக்கவும். தோசைக்கல்லை காயவைத்து அடை மாவை ஊற்றி எண்ணெய் + நெய் சுற்றிலும் ஊற்றி, இருபக்கமும் முறுக விட்டு எடுக்கவும். கதம்ப சாம்பார், தேங்காய் சட்னி உடன் பரிமாறவும்.

சூப்பரான ஸ்நாக்ஸ் காலிஃப்ளவர் போண்டா...



சூப்பரான ஸ்நாக்ஸ் காலிஃப்ளவர் போண்டா...

இந்த மழைக்காலத்தில் மாலையில் டீ, காபியுடன் ஏதாவது சூடாக சாப்பிட சூப்பராக இருக்கும். இன்று காலிஃப்ளவர் போண்டா செய்வது எப்படி என்று பார்க்கலாம்.
தேவையான பொருட்கள் :

கடலை மாவு - 150 கிராம்
அரிசி மாவு - 75 கிராம்
வெள்ளை ரவை - 1 டேபுள் ஸ்பூன்
காலிஃப்ளவர் - 300 கிராம்
மிளகாய் தூள் - 1/2 டீஸ்பூன்
இஞ்சி - சிறிய துண்டு
பச்சை மிளகாய் - 2
கொத்தமல்லி தழை - 1/2 கப்
கறிவேப்பிலை - 2 கொத்து
ஓமம் - 1/4 டீஸ்பூன் (விருப்பப்பட்டால்)
உப்பு - ருசிக்கேற்ப
கடலை எண்ணெய் - பொரிக்க.



செய்முறை :

ப.மிளகாய், கொத்தமல்லி, கறிவேப்பிலையை பொடியாக நறுக்கி கொள்ளவும்.

காலிஃப்ளவரை பெரிய துண்டுகளாக வெட்டி உப்பு 10 நிமிடம் தண்ணீரில் போட்டு தனியாக எடுத்து வைக்கவும்.

இஞ்சியை துருவிக்கொள்ளவும்.

ஒரு பாத்திரத்தில் கடலை மாவு, அரிசி மாவு, மிளகாய் தூள், இஞ்சி துருவல், பச்சை மிளகாய், கொத்தமல்லி தழை, கறிவேப்பிலை, ஓமம், உப்பு ஆகியவற்றை சேர்த்து அதனுடன் சூடாக காய்ச்சிய கடலை எண்ணெய் ஒரு ஸ்பூன் ஊற்றி நன்றாக கலந்து, பின் சிறிது சிறிதாக தண்ணீர் ஊற்றி இட்லி மாவு பதத்திற்கு மாவை கலந்து வைக்கவும்.

கடாயில் பொரிப்பதற்கு தேவையான எண்ணெய் ஊற்றி சூடானதும் சுத்தம் செய்து வைத்த காலிஃப்ளவர் துண்டுகளை மாவில் நன்றாக தோய்த்து எண்ணெயில் போட்டு பொன்னிறமாக வறுத்து எடுக்கவும்.

தீயை மிதமான (மீடியம்) தீயில் வைத்து வறுத்து எடுக்கவும். எண்ணெய் சலசலப்பு அடங்கியதும் போண்டாவை எண்ணெயில்லாமல் வடிகட்டி எடுத்து பரிமாறவும்.

சுட சுட காலிஃப்ளவர் போண்டா தயார்.

இஞ்சித் தயிர்..



இஞ்சித் தயிர்..


இஞ்சியில்லாத விருந்து உண்டால் ஏதோ பெரும் விபத்து நேர்ந்துவிட்டதாக நம் மூதாதையர் கருதினார்கள்.

சரித்திரத்திலும் புராணத்திலும் இஞ்சியின் மேன்மை வர்ணிக்கப்படுகிறது.

மலையாள இலக்கியத்தில் புகழ்பெற்ற "பறயி பெற்ற பந்திரு குலங்கள்' என்ற கதையைப் படித்தால் கதை ஆரம்பிக்கும்போதே இஞ்சிக் கறியை ஆயிரம் கறிகளுக்குச் சமமாகப் பாவித்து அதைத் தயாரித்துப் பரிமாறும் பெண்ணை வரருவி என்பவன் தன் மனைவியாக்கிக் கொண்டான் என்கிறது.

சிறுகுடல், பெருங்குடல் ஆகியவற்றைச் சுத்தம் செய்ய சக்தி வாய்ந்ததுடன் இஞ்சித் தயிர் குடித்தால் மூல வியாதி நீங்கும் எனவும் மருத்துவத் துறை கண்டறிந்துள்ளது.

உணவின் வாயிலாக வயிற்றில் சென்று சேருகின்ற பித்தம், மசாலாக்கள், பழையவை, வேகாதவை முதலியவற்றை ஜீரணிக்கும் சக்தி இஞ்சித் தயிருக்குண்டு.

இஞ்சி, கறிவேப்பிலை, மிளகாய், சின்ன வெங்காயம் ஆகியவற்றை அரைத்து தயிரில் சேர்த்து கலக்கித் தயாரிப்பதே இஞ்சித் தயிராகும்.

குடலைச் சுத்தமாக்கி உடலை வளர்ப்பதில் இஞ்சிக்கு நிகர் இஞ்சியே!

இஞ்சிப் பால்..!



இஞ்சிப் பால்..! இதைச் சாப்பிட்டால்…..

கொடி போல இடை தளிர்போல நடைன்னு சொல்வாங்க. அப்படி சிக்குன்னு சுறுசுறுன்னு இருக்கனும்பாங்க. சுலபமா செஞ்சு முடிக்கக்கூடிய இஞ்சிப் பால் இருக்க பயமேன்? கவலையை விடுங்க.

ஒரு நபர் ஒரு வேளை குடிக்கக்கூடிய அளவுக்கு இஞ்சிப்பால் செய்யறது எப்படி?

ஆள்காட்டி விரல் பருமனில் சிறிது துண்டு இஞ்சியை எடுத்துத் தோலைச் சீவிக்கணும். தோல் சீவிய இஞ்சித்துண்டை நல்லா நசுக்கிட்டு, பிறகு முக்கால் குவளை தண்ணீர் எடுத்து அதில் நசுக்கிய இஞ்சியை போட்டு நல்லா கொதிக்க விடணும். தண்ணீரில் சாரம் முழுவதும் இறங்கி விடும். பிறகு வடிகட்டி சாரை எடுத்துக் கொள்ளணும்.

அப்புறம் அரைக் குவளை காய்ச்சிய பால் எடுத்துக்கொண்டு அத்துடன் வடிக்கட்டிய சாரத்தை கலந்து கொள்ளணும். அத்துடன் தேவையான அளவில் தேன் அல்லது பணங்கற்கண்டு அல்லது சர்க்கரை இனிப்புச் சுவைக்காக சேர்த்துக்கணும். அவ்வளவுதான். இஞ்சிப்பால் தயார். இந்த இஞ்சிப் பாலை காலையில வெறும் வயிற்றில் குடிக்கனும்.

அட. இப்படி தினம் செஞ்சா என்ன கிடைக்கும்?

1. நுரையீரல் சுத்தமாகும்.

2. சளியை ஒழுச்சு கட்டிடும்.

3. வாயுத் தொல்லை என்பதே வராது.

4. தேவையில்லாத கொழுப்பு பொருளை கரைச்சிடும்.

5. தொப்பை வயிற்றுக்காரர்கள் தொப்பைக்கு விடை கொடுத்துவிடலாம்.

6. அதிகமா எடை இருந்தா படிப்படியாக குறைஞ்சிடும்.

7. ஒல்லியா ஆகணும்னு நினைக்கிறவங்க தொடர்ந்து குடிக்கலாம்.

8. இரத்தக் குழாய்களில் அடைப்பு எதுனாலும் இருந்தா நீக்கி விடும். அதனால மாரடைப்பை தடுக்கும் சத்தி இதுக்கு இருக்கு.

9. முக்கியமா பெண்களுக்கு சினைப்பையில் வரக்கூடிய புற்றுநோய்க் கட்டிகளை நீக்கி விடும்.

10. தினமும் சாப்பிட்டால் உடம்பு சும்மா சுறு சுறுன்னு இருக்கும்மில்லே.

அதுசரி, இந்த பாலை எல்லாருமே சாப்பிடலாமா?

3 வயசுக்கு மேல யார் வேணுமின்னாலும் சாப்பிடலாம்.

ஆனால் வாய்ப்புண், வயிற்றுப் புண், மலவாயில் புண், எரிச்சல் இருப்பவர்கள் தவிர்க்கனும்.

மீதிப்பேர் சாப்பிடலாம்.

வியாழன், 7 செப்டம்பர், 2017

சப்பாத்திக்கு அருமையான பேபிகார்ன் கிரேவி



சப்பாத்திக்கு அருமையான பேபிகார்ன் கிரேவி

 
நாண், புல்கா, சப்பாத்தி, புலாவ், சாதத்திற்கு தொட்டுக்கொள்ள அருமையாக இருக்கும் இந்த பேபிகார்ன் கிரேவி. இன்று இதன் செய்முறையை பார்க்கலாம்.

தேவையான பொருட்கள் :

பேபிகார்ன் - கால் கிலோ,
எலுமிச்சைச் சாறு - ஒரு டீஸ்பூன்,
மிளகுத்தூள் - தேவைக்கேற்ப,
இஞ்சி - பூண்டு விழுது - 2 டீஸ்பூன்,
கடலை மாவு, அரிசி மாவு - தலா ஒரு டீஸ்பூன்,
பெரிய வெங்காயம் - ஒன்று,
பெரிய தக்காளி - ஒன்று,
பச்சை மிளகாய் - 2,
மிளகாய்த்தூள், கரம்மசலாத்தூள் - தேவைக்கேற்ப,
தனியாத்தூள் - ஒன்றரை டீஸ்பூன்,
மஞ்சள்தூள் - கால் டீஸ்பூன்,
சோம்பு - ஒரு டீஸ்பூன்,
செட்டிநாடு பவுடர் (டிபர்ட்மென்ட் கடைகள் கிடைக்கும்) - 2 டீஸ்பூன்,
கறிவேப்பிலை, கொத்த மல்லி - சிறிதளவு,
எண்ணெய் - பொரிக்க தேவையான அளவு,
உப்பு - தேவையான அளவு.



செய்முறை :

வெங்காயம், ப.மிளகாய், கொத்தமல்லி, தக்காளியை பொடியாக நறுக்கி கொள்ளவும்.

ஒரு பாத்திரத்தில் தண்ணீர் ஊற்றி கொதிக்க வைத்து, கழுவிய பேபிகார்னை போட்டு 2 நிமிடம் வரை வைத்து பின் தண்ணீரை வடிகட்டி எடுத்து கார்னை நீளவாக்கில் வெட்டிக்கொள்ளவும்.

ஒரு தட்டில் குறிப்பிட்ட அளவு மிளகாய்த்தூள், மிளகுத்தூள், கரம் மசாலாத்தூள், எலுமிச்சைச் சாறு, உப்பு, மஞ்சள்தூள், இஞ்சி - பூண்டு விழுது சிறிதளவு சேர்த்து, இதில் நறுக்கிய பேபி கார்னை சேர்த்து, சிறிது தண்ணீர் சேர்த்துப் பிசிறி அரை மணி நேரம் ஊற வைக்கவும்.

பேபி கார்னை வறுப்பதற்கு முன் கடலை மாவும், அரிசி மாவும் தூவி பிசிறி, நன்கு காய்ந்து கொண்டிருக்கும் எண்ணெயில் போட்டு பொன்னிறமாக பொரித் தெடுத்து தனியே வைக்கவும்.

ஒரு கடாயில் எண்ணெய் ஊற்றி, காய்ந்ததும் சோம்பு சேர்த்து பின் பொடியாக நறுக்கிய வெங்காயம், பச்சை மிளகாய் போட்டு நன்கு வதக்கவும்.

வெங்காயம் நன்றாக வதங்கியதும் மீதம் இருக்கும் இஞ்சி - பூண்டு விழுதை சேர்த்து பச்சை வாசனை போகும் வரை வதக்கவும்.

அடுத்து அதில் மிளகாய்த்தூள், தனியாத்தூள், மஞ்சள்தூள், செட்டிநாடு பவுடர், நறுக்கிய தக்காளி, உப்பு சேர்த்து மிதமான தீயில் வதக்கவும்.

தக்காளி நன்றாக வதங்கியதும் கொஞ்சம் தண்ணீர் சேர்த்து மசாலா வாசனை போகும் வரை வதக்கவும்.

பிறகு இதனுடன் வறுத்த கார்னை சேர்த்து சிறிது நேரம் வதக்கி… இறக்கும்போது கொத்தமல்லி, கறிவேப்பிலை சேர்த்து இறக்கி பரிமாறவும்.

இது சப்பாத்தி, சாதத்துடன் சாப்பிடுவதற்கு ஏற்ற சைட் டிஷ்.

ரைஸ் கோகனட் புரோட்டா


ரைஸ் கோகனட் புரோட்டா


என்னென்ன தேவை?

கோதுமை மாவு  2 கப்,
துருவிய தேங்காய்   1/2 கப்,
வேகவைத்த சாதம்  1 கப்,
பொடியாக நறுக்கிய பச்சை மிளகாய்  4 (அ) 5,
துருவிய இஞ்சி  1/2 டீஸ்பூன்,
கொத்தமல்லித் தழை  ஒரு கைப்பிடி,
ஓமம்  1/2 டீஸ்பூன்,
எலுமிச்சைச்சாறு  1 டீஸ்பூன்,
உப்பு  தேவைக்கு,
எண்ணெய்  1 டேபிள்ஸ்பூன்,
நெய் 2 டேபிள்ஸ்பூன்,
வெண்ணெய்  2 டேபிள்ஸ்பூன்.


எப்படிச் செய்வது?

கோதுமை மாவை, தண்ணீர் சேர்த்து மிருதுவாகப் பிசைந்து கொள்ளவும். இதை பெரிய எலுமிச்சையளவு உருண்டைகளாக உருட்டி வைத்துக் கொள்ளவும். சாதத்தை மசித்துக் கொள்ளவும். ஒரு கடாயில் எண்ணெய் ஊற்றி, இஞ்சி, பச்சைமிளகாய் சேர்த்து 1 நிமிடம் வதக்கவும். இதில் மசித்த சாதத்தை சேர்த்து கட்டியில்லாமல் கிளறவும். பிறகு தேவையான உப்பு, துருவிய தேங்காய் சேர்த்துக் கிளறி, அடுப்பை அணைத்து, எலுமிச்சைச்சாறு, கொத்தமல்லி, ஓமம் சேர்த்துக் கலந்து, ஆறியதும் சிறு  உருண்டைகளாக்கவும்.

இதுதான் ஸ்டஃப் செய்ய வேண்டிய பூரணக் கலவை. பிசைந்த கோதுமை மாவை எடுத்து, சிறிய பூரி அளவு இட்டு, நடுவே பூரணக்கலவையை வைத்து மூடி, மாவைத் தொட்டுக் கொண்டு புரோட்டாஇடவும். இதைச் சூடான தோசைக் கல்லில் போட்டு, வெந்ததும் திருப்பி போட்டு, சுற்றிலும் நெய் விட்டு நன்றாக வெந்ததும் எடுத்து, மேலே வெண்ணெய் தடவி சூடாகப் பரிமாறவும். இதற்குத் தொட்டுக் கொள்ள தயிரில் சிறிது சாட் மசாலா தூவி உண்ணலாம்.

ஒவ்வாமையை எதிர்த்து போராடும் சிறந்த உணவுகள் !!



ஒவ்வாமையை எதிர்த்து போராடும் சிறந்த உணவுகள் !!

   
*க்ரீன் டீயில் ஒவ்வாமையை முறிக்கும் சக்தி உள்ளது.
   
*ஒவ்வாமையை கட்டுப்படுத்துவதற்கு வைட்டமின் சியின் உட்கொள்ளல் மிகவும் அவசியம். .
   
*எல்லா விதமான அலர்ஜிக்களுக்கும் மஞ்சள்  ஒரு சிறந்த தீர்வு.

பருவ நிலை மாற்றங்களால் உடலில் பலவித ஒவ்வாமை உருவாகிறது. பலரும் இந்த ஒவ்வாமையினால் பாதிக்கப்படுகின்றனர். நாம் தினசரி எடுத்து கொள்ளும் உணவில் இதனை கட்டுப்படுத்துவதற்கான தீர்வுகள் உள்ளன என்பது ஒரு நல்ல செய்தியாகும்.

இந்த வகை உணவுகளில் உள்ள மூலப் பொருட்கள் நோயெதிர்ப்பை அதிகரிக்கவும் ஒவ்வாமையை குறைக்கவும் உதவியாக இருகின்றன.

வீட்டின் சமையலறையில் கிடைக்கும் இந்த பொருட்களை கொண்டு உடல் ஒவ்வாமையை அகற்றி இன்பமாக வாழ்வோம்.

*க்ரீன் டீ :*

ஆன்டிஹிஸ்டமின் என்பது ஒவ்வாமையை முறிக்கும் ஒரு மருந்து ஆகும். இயற்கையாகவே க்ரீன் டீயில் இந்த மருத்துவ குணம் உள்ளது. இந்த தன்மையால் அலர்ஜி உருவாவது தடுக்கப்படுகிறது. இதனை காலையில் ஒரு கப் அருந்துவதால் தும்மல் போன்ற தொல்லைகள் தவிர்க்கப்படும். உடலுக்கு ஒரு சிறந்த அரணாக இந்த க்ரீன் டீ பயன் டுகிறது.

*💧ஆரஞ்சு மற்றும் ஸ்டராபெர்ரி:*

ஒவ்வாமையை கட்டுப்படுத்துவதற்கு வைட்டமின் சியின் உட்கொள்ளல் மிகவும் அவசியம். ஒரு வைட்டமின் மாத்திரையை உட்கொள்வதற்கு ஈடாக 2 ஆரஞ்சு பழம் அல்லது ஸ்ட்ராபெர்ரியை உட்கொள்ளலாம். இது சிறந்த பயனை கொடுக்கும்.இதில் ஒமேகா 3 கொழுப்பு அமிலங்களும், க்யூயர்சிடின் என்ற பிளவனாய்டும் இருக்கின்றது .

*💧பூண்டு:*

அலர்ஜியை ஏற்படுத்தும் ரசாயனத்தை பூண்டு தடுக்கிறது. காலையில் எழுந்ததும் 2 பூண்டு பற்களை சாப்பிடுவது மிகுந்த பலனை கொடுக்கும். குறிப்பாக அலர்ஜி உள்ளவர்கள் இதனை கண்டிப்பாக முயற்சிக்கலாம்.

*💧மஞ்சள்:*

மஞ்சளுக்கான மகத்துவங்கள் பல இருக்கின்றன. இது வீக்கத்தை வெகுவாக குறைக்கும் தன்மை கொண்டது. எல்லா விதமான அலர்ஜிக்களுக்கும் மஞ்சள் ஒரு சிறந்த தீர்வு.

*💧நட்ஸ்:*

3 அவுன்ஸ் சால்மன் மீன் உட்கொள்ளலும் 1 கையளவு அக்ரூட் பருப்புகள் சாப்பிடுவதும் ஒரே பலனை நல்கும். சைவ உணவை விரும்புகிறவர்கள் அக்ரூட் பருப்புகள் மற்றும் ஆளி விதைகள் உண்பது ஒவ்வாமையை தடுக்க சிறந்த வழியாகும் . ஆளி விதையில் உள்ள செலினியம் என்னும் ஊட்டச்சத்துக்கு ஒவ்வாமையை எதிர்க்கும் ஆற்றல் இருக்கிறது.

*💧காய்கறிகள் :*

க்யூயர்சிடின் என்ற பிளவனாய்டு, அலர்ஜியுடன் இணைந்த வீக்கத்தை குறைக்கும். ஆப்பிள், வெங்காயம், பெர்ரி, மற்றும் காலிப்ளவர் போன்றவற்றிலும் இந்த தன்மை உண்டு.

*💧கொழுப்பு நிறைந்த மீன் :*

இந்த வகை கொழுப்பு மீன்களில் ஒமேகா 3 கொழுப்பு அமிலங்கள் அதிகமாக இருக்கின்றன. கானாங்கெளுத்தி , சார்டின் ,சால்மன், டூனா,டிரௌட் பிளூபிஷ் போன்றைவை இந்த வகையில் அடக்கம். ஒமேகா 3 கொழுப்பு அமிலங்கள் ஒவ்வாமைக்கான அறிக்குறிகளை எதிர்த்து போராடுகிறது. பருவ மாற்றத்தால் ஏற்படும் அலர்ஜிகளுக்கு இது சிறந்த தீர்வை தருகிறது.

*💧தேன் :*

மகரந்த ஒவ்வாமை இருப்பவர்களுக்கு தேன் ஒரு மிக சிறந்த நிவாரணி ஆகும். காலையில் ஒரு ஸ்பூன் தேனை சாப்பிடுவதால் உடலுக்கு சகிப்புத்தன்மை கிடைக்கிறது . எல்லாவித ஒவ்வாமையும் தடுக்கப்படுகிறது .

*💧யோகர்ட் :*

யோகர்ட் மாறும் பால் பொருட்களில் ப்ரோபையோடிக் நிறைந்துள்ளன. குடலில் காணப்படும் நல்ல பாக்டீரியாக்களாகிய லக்டோபஸில்லஸ் மற்றும் பிபிடோபாக்டீரியம் ஆகியவை இந்த ப்ரோபையோடிக்களில் அடங்கியுள்ளன. இவை நோயெதிர்ப்பை அதிகரித்து உடல் நலத்தை சீராக்கி, ஒவ்வாமையை எதிர்த்து போராட செய்கிறது.

சத்தான டிபன் சிறு தானிய கொழுக்கட்டை.





சத்தான டிபன் சிறு தானிய கொழுக்கட்டை.


சிறுதானியங்களை அடிக்கடி உணவில் சேர்த்து கொள்வது உடலுக்கும் மிகவும் நல்லது.


*தேவையானவை :*

சிறு தானிய அரிசிக் குருணை  - ஒரு கப்,
சீரகம் -  ஒரு டீஸ்பூன்,
உப்பு, எண்ணெய் -  தேவையான அளவு,
கடுகு, கறிவேப்பிலை கடலைப் பருப்பு, உளுத்தம் பருப்பு -  தாளிக்க,
காய்ந்த மிளகாய் -  4.

*செய்முறை :*

💧 வாணலியில் எண்ணெய் விட்டு கடுகு, சீரகம், கறிவேப்பிலை கடலைப் பருப்பு, உளுத்தம் பருப்பு, காய்ந்த மிளகாய் சேர்த்து தாளிக்கவும்.

💧 இதனுடன் உப்பு, மூன்று கப் தண்ணீர் விட்டு நன்கு கொதிக்க விடவும்.

💧 பிறகு சிறுதானி அரிசிக் குருணை சேர்த்து கிளறி வேக விட்டு இறக்கவும்.

💧 ஆறியதும் சிறிய உருண்டைகளாக பிடித்து ஆவியில் 12 நிமிடம் வேக வைத்து எடுத்து பரிமாறவும்.

*சத்தான டிபன் சிறு தானிய கொழுக்கட்டை ரெடி.*

செவ்வாய், 5 செப்டம்பர், 2017

கத்திரி - மொச்சை பொரியல்



கத்திரி - மொச்சை பொரியல்

தேவையானவை:

பிஞ்சுக் கத்திரிக்காய் - கால் கிலோ, பச்சை மொச்சை - 100 கிராம், நாட்டுப் பூண்டு - 4 பல் (நசுக்கவும்), இஞ்சி - ஒரு துண்டு (சுத்தம் செய்து, நசுக்கவும்) நறுக்கிய கொத்தமல்லித்தழை - சிறிதளவு, சோம்பு (பெருஞ்சீரகம்) - அரை டீஸ்பூன், சின்ன வெங்காயம் - 10, நாட்டுத் தக்காளி - 4, நல்லெண்ணெய் - 3 டேபிள்ஸ்பூன், மஞ்சள்தூள், மிளகாய்த்தூள், உப்பு - தேவையான அளவு.

செய்முறை:

கத்திரிக்காய், சின்ன வெங்காயம், நாட்டுத் தக்காளியை மீடியம் சைஸில் நறுக்கவும். பச்சை மொச்சையை வேகவைக்கவும். வாணலியில் 2 டேபிள்ஸ்பூன் எண்ணெயை சூடாக்கி, சோம்பு தாளிக்கவும். சோம்பு சிவந்த பின் நறுக்கிய வெங்காயம், தக்காளி சேர்க்கவும். பாதி வதங்கிய பின் நறுக்கிய கத்திரிப்பிஞ்சு சேர்த்து, நன்றாக வதக்கி... வேகவைத்த மொச்சை, அரை கப் நீர் விட்டுக் கிளறவும். எல்லாம் நன்கு சேர்ந்து உதிர்உதிராக ஆன பின் இறக்கவும். மீதமுள்ள எண்ணெயைக் காய்ச்சி... நசுக்கிய பூண்டு, இஞ்சி, உப்பு, மஞ்சள்தூள், மிளகாய்த்தூள் சேர்த்து நன்கு புரட்டி கத்திரி - மொச்சை கலவையில் சேர்த்துக் கலந்து... கொத்தமல்லித்தழை தூவி பரிமாறவும்.

கலர் பூந்தி



கலர் பூந்தி

கடலை மாவு - 1 கிலோ
(இதை 3 பங்குகளாய் பிரித்து அதில் 3 கலர்களை கலக்கவும். ஆரஞ்சு , மஞ்சள் , பச்சை )
அரிசி மாவு - 1/2 கப்
சர்க்கரை - 1 கிலோ
நெய்- 1/4 கப்
எண்ணெய்-தேவையான அளவு

சர்க்கரை பாகு தயாரிக்கும் முறை:
ஒரு பாத்திரத்தில் சர்க்கரை மற்றும் 3 கப் தண்ணீர் சேர்த்து சூடு செய்யவும். சர்க்கரை தண்ணீரில் நன்றாகக் கரைந்து, பாகு இரண்டு விரல்களுக்கிடையில் ஒட்டும் வரை கொதிக்க விடவும்.

கடலை மாவுடன் அரிசி மாவு, கலந்து மாவு சலிக்கும் சல்லடையால் சலித்துக்கொள்ள வேண்டும்.பிறகு சிறிது சிறிதாக நீர் சேர்த்து தோசை மாவு பதத்திற்கு கரைத்துக்கொள்ள வேண்டும். வாணலியை அடுப்பில் ஏற்றி எண்ணெய் காய வைக்க வேண்டும்.எண்ணெய்க்கு மேலாக பூந்தி கரண்டியைப் பிடித்து ஒரு சிறு கரண்டியில் மாவை எடுத்து பூந்தி கரண்டியில் ஊற்றி லேசாக தேய்க்க வேண்டும்.பூந்தி சிறுசிறு முத்துக்களாக எண்ணெயில் விழும்.பூந்தி சிவந்து போகுமுன் எடுத்து விட வேண்டும்.பொரித்த பூந்தியை எடுத்து சர்க்கரை பாகில் போடவும். இவ்வாறு எல்லா மாவையும் பூந்தியாக போட்டு எடுத்து சர்க்கரை பாகில் போட்டு எடுத்து வைக்கவும்.
ஒவ்வொரு கலர் மாவையும் இதே போல் பூந்திகளாய் செய்து பாகில் போட்டு எடுத்து , அனைத்தையும் ஒன்றாய் கலந்து ,சூடு ஆறியதும் ஈரம் இல்லாத டப்பாவில் அடைக்கவும்.
விரும்பினால் உலர் திராட்சை, முந்திரி நெய்யில் வறுத்து சேர்க்கலாம்.

கொங்குநாட்டு உருளைக்கிழங்கு வறுவல்



கொங்குநாட்டு உருளைக்கிழங்கு வறுவல்

தேவையானவை :

சின்ன உருளைக்கிழங்கு - 100 கிராம்
இஞ்சி-பூண்டு விழுது - 50 கிராம்
மிளகாய்த்தூள் - 5 கிராம்
எலுமிச்சை - 1
கறிவேப்பிலை - சிறிதளவு
சோம்பு - 5 கிராம்
கரம்மசாலாத்தூள் - 10 கிராம்
சீரகம் - 5 கிராம்
எண்ணெய் - 20 மில்லி
உளுந்து - 5 கிராம்
கடுகு - 5 கிராம்
பூண்டு - 3 பல் (நன்றாக இடித்துக்கொள்ளவும்)

செய்முறை :

உருளைக்கிழங்கை வேகவைத்து உரித்துக்கொள்ளவும். 3 கிராம் சோம்பு, 3 கிராம் சீரகம், கரம் மசாலாத்தூளை எடுத்து நன்றாக வறுத்து, இஞ்சி - பூண்டு விழுதுடன், எலுமிச்சைச்சாறு, கறிவேப்பிலை சேர்த்து அரைத்துக்கொள்ளவும். இத்துடன் வேகவைத்த உருளைக்கிழங்கைச் சேர்த்துக் கிளறவும். அடுப்பில் வாணலியை வைத்து, எண்ணெயைச் சூடாக்கி உருளைக்கிழங்கைப் போட்டு அரைவேக்காடாகப் பொரித்து எடுக்கவும். பின், மீதம் இருக்கும் சீரகம், சோம்பு, உளுந்து, கடுகு, இடித்த பூண்டு போட்டு நன்றாக வதக்கி, பொரித்த உருளைக்கிழங்கை இதில் சேர்க்கவும்.

மட்டன் மசாலா வடை



மட்டன் மசாலா வடை

தேவையான பொருள்கள்:

கடலைப்பருப்பு - 100 கிராம்
மட்டன் கொத்துக்கறி - 75 கிராம்
பெரிய வெங்காயம் - 50 கிராம் (பொடியாக நறுக்கவும்)
சோம்பு - 2 கிராம்
மிளகு - 2 கிராம்
கறிவேப்பிலை - சிறிது
கொத்தமல்லித்தழை - சிறிது (பொடியாக நறுக்கவும்)
உப்பு - தேவையான அளவு
தண்ணீர் - 300 மில்லி
மஞ்சள்தூள் - கால் டீஸ்பூன்
கறிவேப்பிலை - சிறிது (பொடியாக நறுக்கவும்)
எண்ணெய் - பொரிக்கத் தேவையான அளவு

செய்முறை:

1.கடலைப்பருப்பை தண்ணீர் ஊற்றி, மூன்று மணி நேரம் ஊற வைக்கவும்.

2.வடிகட்டியில் மட்டன் கொத்துக்கறியைச் சேர்த்து குழாய் தண்ணீரில் காட்டி, கழுவி தனியாக எடுத்து வைக்கவும்.

3.அடுப்பில் வாணலியை வைத்து கொத்துக்கறி, தண்ணீர், உப்பு, மஞ்சள்தூள் சேர்த்துக் கலக்கி அதிக தீயில் நீர் வற்றும் வரை வேக விட்டு, கொத்துக்கறியை ஆற விடவும்.

4.கடலைப்பருப்பில் உள்ள தண்ணீரை இறுத்து, பிளண்டரில் சேர்த்து, இத்துடன் சோம்பு, மிளகு சேர்த்து கொரகொரப்பாக அரைத்தெடுக்கவும்.

5. வெங்காயம், கறிவேப்பிலை, உப்பு, கொத்தமல்லித்தழை, வெந்த கொத்துக்கறி ஆகியவற்றை கடலைப்பருப்பு மாவில் சேர்த்து, கைகளால் பிசையவும்.

6.உள்ளங்கையில் தண்ணீர்/எண்ணெய் தடவி ஒரு சிறிய உருண்டை மாவை எடுத்து, உள்ளங்கையில் வைத்து தட்டையாகத் தட்டவும்.

7.அடுப்பில் வாணலியை வைத்து எண்ணெய் விட்டு சூடானதும், வடையை இட்டு இருபுறமும் வேகவிட்டு எடுத்து, கிச்சன் டவலில் வைத்து அதிகப்படியான எண்ணெய் ஈர்த்த பிறகு பரிமாறவும்.

குறிப்பு:

1.ஒருவேளை சரியாக கடலைப்பருப்பில் தண்ணீரை இறுக்காமல் விட்டு, மாவு அரைக்கும் போது தண்ணீரை அதிகமாக விட்டுவிட்டால் மாவானது வடை பதத்துக்கு தட்டையாக வராது.

2.சிறிது மைதாவை வடைமாவில் சேர்த்துக் கலந்து பிசைந்து கொண்டால் வடை தட்ட முடியும்.

சருமத்தை_வெள்ளையாக்க_உதவும்_13_உணவுகள் . . .



சருமத்தை_வெள்ளையாக்க_உதவும்_13_உணவுகள் . . .

அனைவருக்கும் சருமம் நன்கு வெள்ளையாக இருக்க வேண்டுமென்ற ஆசை இருக்கும். இதற்காக எத்தனையோ அழகுப் பொருட்களை முயற்சி செய்து பார்த்திருப்போம். அதிலும் ஃபேஸ் பேக் அல்லது ஸ்கரப் என்று பல வழிகளை மேற்கொண்டிருப்போம். இவ்வாறு மேற்கொண்டால் மட்டும் போதாது, நல்ல ஆரோக்கியமான வாழ்க்கை முறையை பின்பற்ற வேண்டும்.

இதனாலும் நல்ல அழகான சருமத்தை பெறலாம். குறிப்பாக உண்ணும் உணவு முறையில் நல்ல ஆரோக்கியத்தை பின்பற்ற வேண்டும். அதற்கு பச்சை இலைக் காய்கறிகள், வைட்டமின் நிறைந்த உணவுகள் போன்றவற்றை சாப்பிட வேண்டும். அதுமட்டுமின்றி, நிறைய தண்ணீர் குடித்து, நல்ல உடற்பயிற்சியை செய்ய வேண்டும்.

இதனால் தண்ணீரானது உடலில் உள்ள டாக்ஸின்களை வெளியேற்றிவிடும். உடற்பயிற்சி செய்தால், உடலில் இரத்த ஓட்டம் அதிகரித்து, சருமம் நன்கு பொலிவாக இருக்கும். எனவே சருமம் வெள்ளையாக வேண்டுமென்பதற்காக கெமிக்கல் கலந்த க்ரீம்களை பயன்படுத்துவதை விட, இயற்கை முறையில் ஒரு சில சருமத்திற்கு ஏற்ற உணவுகளை சாப்பிட்டால், வெள்ளையாக மாறலாம். அதிலும் எண்ணெயில் பொரித்த உணவுகளை தவிர்த்து, வைட்டமின் ஏ, சி மற்றும் ஊட்டச்சத்துள்ள உணவுகள் போன்றவற்றை சாப்பிட வேண்டும். இப்போது அந்த உணவுகள் என்னவென்று பார்ப்போமா!!!

கேரட் . . .

கேரட்டில் வைட்டமின் சி மற்றும் கரோட்டீன் போன்ற சத்துக்கள் அதிகம் உள்ளது. அதுமட்டுமின்றி, இவை சருமத்திற்கும், கூந்தலுக்கும் மிகவும் சிறந்தது. எனவே கேரட் ஜூஸை தினமும் ஒரு டம்ளர் குடித்து வந்தால், சருமம் நன்கு பொலிவு பெறும்.

பப்பாளி . . .

பப்பாளியில் வைட்டமின் சி இருப்பதோடு, வைட்டமின் ஏ, ஈ மற்றும் சருமத்தில் இருக்கும் அழுக்குகளை நீக்கும் ஆன்டி-ஆக்ஸிடன்ட்களும் நிறைந்துள்ளது. எனவே இந்த பழத்தை ஃபேஸ் பேக் அல்லது ஸ்கரப் போன்றவற்றை செய்யலாம். அதுமட்டுமின்றி, இவற்றை சாப்பிட்டால், முறையற்ற மாதவிடாய் சுழற்சியும் சரியாகிவிடும்.

தக்காளி . . .

இந்த சிவப்பு நிற அழகான காய்கறியில் லைகோபைன் சத்து அதிகம் உள்ளது. இந்த பழத்தை அதிகம் சாப்பிட்டால், சருமம் பொலிவாவதோடு, உடல் எடை குறைந்து, புற்றுநோய் வருவதும் தடைபடும்.

கிவி . . .

இந்த சிட்ரஸ் பழத்தில் வைட்டமின் சி சத்து அதிகம் இருப்பதால், இதனை சாப்பிட்டால் வெண்மையான சருமத்தை பெறலாம். அதுமட்டுமல்லாமல், அதனை முகத்திற்கு தடவும் போது, கரும்புள்ளிகள், வெடிப்புகள் போன்றவை நீங்கிவிடும்.

பீட்ரூட் . . .

இந்த காய்கறியில் இரும்புச்சத்து மற்றும் வைட்டமின்கள் அதிகம் உள்ளதால், இதை சாப்பிடும் போது உடலில் இத்த ஓட்டம் அதிகரித்து, நல்ல அழகான கன்னங்களை பெறலாம். அதற்கு தினமும் ஒரு டம்ளர் பீட்ரூட் ஜூஸ் குடிக்க வேண்டும். இல்லையெனில் இதனை அரைத்து முகத்திற்கு ஃபேஸ் பேக்காக போடலாம்.

பச்சை இலைக் காய்கறிகள் . . .

பச்சை இலைக் காய்கறிகள் சருமத்திற்கு மட்டுமின்றி, உடல் முழுவதற்கும் சிறந்தது. ஏனெனில் இதில் வைட்டமின்கள், ஊட்டச்சத்துக்கள் மற்றும் கனிமச்சத்துக்கள் நிறைந்துள்ளன. அதிலும் பசலைக் கீரை போன்றவை மிகவும் ஆரோக்கியமானவை.

ஸ்ட்ராபெர்ரி . . .

இந்த புளிப்பு சுவையான பழத்தில் வைட்டமின் சி உள்ளது. இதனை சாப்பிட்டால், இதன் நிறத்தை பெறலாம்.

சிவப்பு குடைமிளகாய் . . .

சிவப்பு காய்கறிகளில் ஒன்றான சிவப்பு குடைமிளகாயில் லைகோபைன் மற்றும் வைட்டமின் சி அதிகம் உள்ளது.

தேநீர் . . .

தேநீர் வகைகளில் கிரீன் தேநீர்ல் சருமத்திற்கான நன்மைகள் பல அடங்கியுள்ளன. இதனை சாப்பிட்டால், சருமத்தில் உள்ள செல்கள் மென்மையாவதோடு, தழும்புகள் மறைய ஆரம்பிக்கும்.

மஞ்சள் நிற குடைமிளகாய் . . .

இந்த வகையான குடைமிளகாயில் வைட்டமின் சி இருப்பதோடு, சிலிகா இருப்பதால், இவற்றை அதிகம் உணவில் சேர்க்கும் போது, சருமம் நன்கு பொலிவோடு மின்னும்.

சோயா பொருட்கள் . . .

சோயா பொருட்களில் ஜிங்க் மற்றுட் வைட்டமின் சி சத்து அதிகம் உள்ளது. இதனை அதிகம் சாப்பிட்டால், பொலிவிழந்த சருமமும் பொலிவு பெறும். மேலும் சருமத்தில் ஏற்படும் பிரச்சனைகளை தடுக்கும். உதாரணமாக, சோயா பால் முகப்பருவை சரிசெய்யும்.

ப்ராக்கோலி . . .

இந்த சக்தி வாய்ந்த காய்கறியில் சருமத்தை வெள்ளையாக்கும் வைட்டமின் சி மற்றும் ஈ போன்றவை இருப்பதால், அவை உடலில் உள்ள அழுக்குகளை நீக்கி, சருமத்தை பொலிவாக்குகிறது.

மீன் . . .

மீனில் ஒமேகா-3 ஃபேட்டி ஆசிட் மற்றும் இதர சருமத்திற்கு தேவையான வைட்டமின்கள் நிறைந்துள்ளன. எனவே இதனை அதிகம் சாப்பிட்டால், சருமம் வெள்ளையாகி, அழகாகிவிடும். அதுமட்டுமின்றி, இதனை சாப்பிடும் போது, சருமத்தில் உள்ள பாதிப்படைந்த செல்களை குணப்படுத்தும்.

வெள்ளி, 1 செப்டம்பர், 2017

பயனுள்ள வீட்டு தகவல்கள்



பயனுள்ள வீட்டு தகவல்கள்


 1. வெள்ளி ஆபரணங்களுடன் சிறிது கற்பூரத்தைப் போட்டு வைப்பதால் வெள்ளி ஆபரணங்கள் கறுப்பாவதைத் தடுக்கலாம்.

2. வீட்டில் எறும்புப் புற்று இருந்தால் அங்கே கொஞ்சம் பெருங்காயத் தூளைத் தூவிவிட்டால் எறும்புத் தொல்லை இருக்காது.

3. ஒரு டம்ளர் தண்ணீரில் நான்கு ஸ்பூன் டேபிள் உப்பு கலந்து அதை அறையின் நான்கு பக்க ஓரங்களில் தெளித்துவிட்டால் எறும்பு நடமாட்டம் இருக்காது.

4. குத்துவிளக்கு, காமாட்சி அம்மன் விளக்கின் மேல் நுனியில் ரப்பர் பேண்டைச் சுற்றிப் பூ வைத்தால் கீழே விழாது.

5. துணிகளில் எண்ணெய் கறையோ, கிரீஸ் தாரோ பட்டு விட்டால் அவற்றைத் துவைக்கும் போது சில சொட்டுக்கள் நீலகிரித் தைலம் விட்டுக் கழுவினால் கறைகள் போய்விடும்.

6. எவர்சில்வர் பாத்திரங்கள் நாளடைவில் பளபளப்பு மங்கினால் வாரத்துக்கு ஒரு முறை விபூதியைக் கொண்டு நன்கு தேய்த்து வாருங்கள். வெள்ளிப் பாத்திரங்கள் போல் மின்னுவதைப் பார்க்கலாம்.

7. கோடை காலத்தில் மதிய உணவில் வெஜிடபிள் சாலட் அவசியம் சேர்க்க வேண்டும். அதிக எண்ணெயில் பொரித்த உணவு வகைகளைத் தவிர்க்க வேண்டும்.

8. உங்கள் பிளாஸ்டிக் பக்கெட் ஓட்டையாகி விட்டால் அதைக் கவிழ்த்து பழைய டூத் பிரஷைத் தீயில் காட்டி உருகும் திரவத்தை அந்த ஓட்டை மீது படியச் செய்யவும். ஓட்டை அடைபடும்.

9. எப்பொழுதாவது உபயோகிக்கும் "ஷூ"க்களில் ரசகற்பூர உருண்டை ஒன்றை ஒவ்வொரு "ஷூ"விலும் போட்டு வைத்தால் பூச்சிகள் அணுகாது.

10. ஷாம்பு வரும் சிறு பிளாஸ்டிக் கவர்கள் காலியானதும் அவற்றைத் துணிகளை ஊறவைக்கும் போது அதனுடன் போட்டு ஊறவைத்தால் துணி வாசனையாக் இருக்கும்.

11. பிரஷர் குக்கரை உபயோகபடுத்தாத நேரங்களில் மூடி வைக்கக் கூடாது.

12. பிரிட்ஜ் இல்லாதவர்களுக்கு இட்லி மாவு, தோசை மாவு புளித்துப் போகாமல் தடுக்க அரைத்த மாவை பிளாஸ்டிக் டப்பா அல்லது பக்கெட்டில் போட்டு மூடினால் புளித்துப் போகாமல் இருக்கும்.

13. வீட்டில் குளிர்சாதனப் பெட்டி இல்லாதவர்கள் காய்கறிகளின் மீது ஈரத் துணியைப் போட்டு மூடி வையுங்கள். வாடாமல் இருக்கும்.

14. பொருட்களை கறையான் அரிக்காமல் இருக்க கற்பூரத்தைப் பொடி செய்து தூவி வையுங்கள்.

15. வெள்ளி சாமான்களை பீரோவில் வைக்கும்போது அதற்குள் கற்பூரத்தைப் போட்டு வைப்பது நல்லது.

16. அசைவம் சமைத்த பிறகு பாத்திரங்களில் வீசும் துர்நாற்றத்தை நீக்கப் பாத்திரங்களில் சிறிதளவு புளியைத் தடவிப் பிறகு வழக்கம் போல் கிளீனிங் பவுடர் போட்டுத் தேய்க்க வேண்டும்.

17. இஞ்சியை ஈரத்துணியில் சுற்றித் தண்ணீர்க் குடத்தின் மேல் வைத்திருந்தால் பத்து நாள் வரை புதிதாகவே இருக்கும்.

18. காய்ந்த எலுமிச்சை, ஆரஞ்சுத் தோல்களை அலுமாரியில் வைத்தால் பூச்சிகள் அணுகாது.

19. கடையில் மூக்குப் பொடி வாங்கித் தண்ணீரில் கரைத்து எறும்புப் புற்றின் மேல் தெளித்து விடுங்கள். எறும்புகள் மாயமாய் மறைந்து போகும்.

20. குழந்தைகளுக்கு வெஜிடபிள் சூப் தரும் போது அதில் துருவிய கசுக்கொட்டையை (முந்திரி) பொடியாக நறுக்கிய பிரெட்டை நெய்யில் வறுத்து சூப்பின் மேல் தூவித் தந்தால் குழந்தைகள் விரும்பிச் சாப்பிடுவர்.

21. புளித்த பாலில் (மோரில்) வெள்ளிப் பாத்திரங்களையோ, வெள்ளி நகைகளையோ அரை மணிநேரம் ஊறப் போட்டுப் பின் துலக்கினால் அவை புதியவை போல் இருக்கும்.

22. வெள்ளை நிற வாஸ்பேஷன், பாத்ரூம், டைல்ஸ் மற்றும் சிங்ககை க்ளீனிங் பவுடர்களைக் கொண்டு சுத்தம் செய்த பின், சொட்டு நீலம் கலந்த நீரால் அலம்பிவிட்டால் பளபளப்பு மேலும் கூடும்.

23. வீட்டில் ஹோமங்கள் செய்யும் போது ஒரு டேபிள் பானை (Fan) ஜன்னல் ஓரமாக வெளிப்பக்கம் பார்த்து வைத்துவிட்டால் புகை உள்ளே பரவாது.

24. வெண்ணெயில் உப்பைத் தூவி விட்டால் அது நாட்பட்டாலும் கெடாமல் இருக்கும்.

25. வெயில் காலத்தில் எங்கு நோக்கினும் ஈக்கள் மொய்த்துக் கொண்டிருக்கும். வீட்டைக் கழுவும் போது நீரில் சிறிது உப்பைச் சேர்த்துப் பின்பு கழுவுங்கள்.காய்ந்த பின் அறையில் ஈக்கள் வராது.

26. காய்கறி மற்றும் பழங்களை சிறிதளவு வினிகர் கலந்த குளிர்ந்த நீரில் ஒரு சில நிமிடங்கள் போட்டு வைத்தால் கிருமிகள் இறந்து விடும்.

27. பூண்டு, வெங்காயம் போன்றவைகளை நறுக்குவதால் கத்தியில் ஏற்படும் துர்நாற்றத்தை போக்க, சிறிதளவு உப்பை கத்தியில் தடவி குளிர்ந்த நீரில் கழுவவும்.

28. பால் பாத்திரத்தின் அடியில் ஒட்டிக் கொள்ளாமல் இருக்க பாத்திரத்தை முதலில் குளிர்ந்த நீரால் நன்கு கழுவ வேண்டும்.

29. கோதுமை உள்ள பாத்திரத்தில் ஒரு கொத்து வெந்தயக் கீரையை போட்டு வைத்தால் பூச்சிகள் வராது.

30. இரவில் படுப்பதற்கு முன் ப்ளீச்சிங் பவுடரைச் சிறிது எடுத்து கழிப்பறையிலும் குளியலறையிலும் தூவி விட்டு அப்படியே விட்டு விட வேண்டும். கரப்பான் பூச்சித் தொல்லை இருக்காது.
31. நறுக்கி வைத்த வெங்காயத்தில் சிறிதளவு வெண்ணெய் கலந்து வைத்தால் நீண்ட நேரம் பிரஷ்ஷாக இருக்கும்.

32. தேங்காய் முடியை தண்ணீரில் வைத்தால் அல்லது முடியில் சிறிது உப்பை தடவி வைத்தால் கெடாமல் இருக்கும்.

33. நகைகளை பஞ்சில் சுத்தி வைத்தால் புது பொலிவுடன் இருக்கும்.

34. வீட்டு ஜன்னல்களுக்கு கரும் பச்சை, கருநீலத்தினால் ஆன திரைச் சீலைகளைப் பயன்படுத்தினால் வெயிலின் உஷ்ணம் உள்ளே வராது.

35. சமைக்கும் போது எரிபொருள் சிக்கனம் செய்ய வேண்டும். கீரையைத் தவிர எது சமைத்தாலும் பாத்திரத்தை மூடி வையுங்கள்.

36. மொசைக் தரையில் அழுக்கு நீங்கி பளபளப்பாக இருக்க, வெதுவெதுப்பான நீரில் கொஞ்சம் சாக்பீஸ் தூள் மற்றும் சலவை சோடா கலந்து ஸ்பாஞ்சை வைத்து துடைத்து, பிறகு நல்ல தண்ணீரில் மீண்டும் ஒரு முறை துடைக்க வேண்டும்.

37. சமையலறையிலுள்ள பாத்திரம் கழுவும் தொட்டியைச் சுத்தப்படுத்த, பழைய செய்தித்தாள்களைக் கொண்டு தேய்த்தால் அழுக்கு நீங்கி சுத்தமாக இருக்கும்.

38. கத்தியைச் சூடாக்கி ரொட்டியை வெட்டினால் பிசிறு இல்லாமல் நினைத்த படி வெட்டலாம்.

39. மீன் பாத்திரத்தில் மீன் வாடை இருந்தால் சீயக்காய்த் தூளையும், புளியையும் சேர்த்துப் பாத்திரத்தைத் துலக்கினால் மீன் வாடை போய்விடும்.

40. எலுமிச்சம்பழம் உலர்ந்து விட்டால் கொதிநீரில் ஐந்து நிமிடம் போட்டு பிறகு சாறு பிழிந்தால் நிறையச் சாறு கிடைக்கும்.

41. மழை நீரில் பருப்பு வகைகளை வேக வைத்தால் ஒரு கொதியில் வெந்து விடும். ருசியும் அதிகரிக்கும்.

42. ஊறுகாயைக் கிளறுவதற்கு மர அகப்பை உபயோகிக்க வேண்டும்.

43. தயிர், மோர் பாத்திரங்களைச் சுத்தம் செய்து வெயிலில் காய வைத்தால் அந்த பாத்திரத்தில் உள்ள வாடை நீங்கி விடும்.

44. பிளாஸ்க்கில் உள்ள துர்நாற்றம் அகல வினிகர் போட்டு கழுவலாம்.

45. கறிவேப்பிலை காயாமல் இருக்க வேண்டுமானால் அதன் மீது ஓர் அலுமினியப் பாத்திரத்தை மூடி வைத்தால் அது காயாமல் இருக்கும்.

46. சின்ன வெங்காயத்தை வாங்கி வெயிலில் உலர்த்தி எடுத்து வைத்திருந்தால் ஒரு மாதம் வரை கெடாமல் முளை வராமல் இருக்கும்.

47. எலுமிச்சம் பழத்தை நாளொன்றுக்கு ஒரு மணி நேரம் தண்ணீரில் போட்டு எடுத்து வைத்திருந்தால் ஒரு வாரம் வரை வாடாமலும் கெட்டுப் போகாமலும் இருக்கும்.

48. இஞ்சியை ஈர மணலில் புதைத்து வைக்க வேண்டும்.

49. வாழைக்காயை தண்ணீரில் போட்டு வைத்திருந்தால் ஒரு வாரம் வரை கெடாமல் இருக்கும்.

50. வெண்டைக்காயின் காம்பையும், தலைப்பாகத்தையும் நறுக்கி விட்டு வைத்தால் மறுநாள் சமைப்பதற்குள் முற்றிப் போகாமல் இருக்கும்.

51. கடலை எண்ணெய் கெடாமல் இருக்க சிறிது புளியை போட்டு வைக்க வேண்டும்.

52. எரிந்து கொண்டிருக்கும் பல்பின் மேல் இரண்டு சொட்டு சென்டைத் தெளியுங்கள். அறை முழுக்க கமகமவென்று வாசனை பரவும்.

53. நைலான் துணியை தைக்கும் போது ஊசி லேசில் இறங்காது ஊசியை அடிக்கடி சோப்பில் குத்தி எடுத்து நைலானைத் தைத்தால் சுலபமாக ஊசி இறங்கும்.

54. டூத் பேஸ்டை கடைசி வரை எடுக்க அதனை வெந்நீரில் போட்டுச் சிறிது நேரம் கழித்துப் பின் அழுத்த மிச்சம் மீதி பேஸ்டும் வந்துவிடும்.

55. உப்புக் கரைந்த குளிர்ந்த நீரில் ரத்தக்கறை பட்ட துணிகளைக் கொஞ்ச நேரம் ஊறவைத்து பின் எடுத்துச் சுத்தம் செய்யுங்கள். கறை போய்விடும்.

56. மாவடு ஊறுகாயில் சிறிதளவு விளக்கெண்ணெய் விட்டால் பூச்சிகள் வராமல் நீண்ட நாள் இருக்கும். கெட்டுப் போகாது.

57. வெள்ளைத்துணி பளிச்சிட வெள்ளைத் துணிகளைத் துவைக்கும் போது தண்ணீரில் சிறிது டேபிள் சால்ட் சேர்த்துக் கொண்டால் துணிகள் வெள்ளை வெளேர் என்று இருக்கும்.

58. முகம் பார்க்கும் கண்ணாடியின் மீது தேயிலையினால் துடைத்தால் அழுக்கு நீங்கிக் கண்ணாடி பளபளவென்று இருக்கும்.

59. பச்சை கொத்தமல்லியையும் கறிவேப்பிலையையும் வதக்கக் கூடாது. பச்சையாக உணவில் சேர்த்தால் தான் சத்து அதிகமாக இருக்கும்.

60. கிழங்கு வகைகளை கறி செய்யும் போது அதிகமாக எண்ணெய் விட்டு வறுக்கக் கூடாது. எளிதில் ஜீரணமாகாது.

61. மின்சாரம் தடைப்பட்டிருக்கும் போது மெழுகுவர்த்தியை ஏற்றுவோம். மெழுகுவர்த்தியின் வெளிச்சத்தை அதிகரிக்க மெழுகுவர்த்திக்கு பின்புறம் முகம் பார்க்கும் கண்ணாடியை வைக்கவும். இரு மடங்கு வெளிச்சம் கிடைக்கும்.

62. வெல்லம் சேர்த்து செய்யும் பொருட்களுக்கு நெய் ஊற்றுவதால் சுவையும் மணமும் கூடும்.

63. கேரட், பீட்ரூட் வாடி போனால் அதை நறுக்குவது கடினம். உப்பு கலந்த நீரில் சிறிது நேரம் போட்டு வைத்தால் புதியது ஆகி விடும். வெட்டவும் எளிதாகிவிடும்.

64. சிறிது வெதுவெதுப்பான நீரில் அழுக்குத் துணிகளை ஊறவைத்து பிறகு சோப்பு போட்டு துவைத்தால் சுலபமாக வெளுக்கும்.

65. ஒரு டப்பாவில் சிறிதளவு சர்க்கரையை தூவி அதனுள் பிஸ்கட்டை வையுங்கள். பிஸ்கட் நீண்ட நாட்கள் கெடாமல் இருக்கும்.

66. அரிசி மற்றும் காய்கறிகள் கழுவிய தண்ணீரை வீணாக்காமல் அதனை செடிகளுக்கு கொட்டினால் செடிகள் செழிப்பாய் வளரும்.

67. மிளகாய் நீண்ட நாட்கள் இருக்க வேண்டுமானால் அதன் காம்பை எடுத்துவிட்டு பேப்பரில் சுற்றி ப்ரிட்ஜில் வையுங்கள். நீண்ட நாட்கள் கெடாமல் இருக்கும்.

68. உருளைக்கிழங்கு வேக வைத்த தண்ணீரில் பாத்திரங்களை கழுவினால் பாத்திரங்கள் ஜொலிக்கும்.

69. வீட்டில் புகை அதிகமாக காணப்படுகிறதா? அறையில் ஈரத் துணியை தொங்க விட்டால் புகை காணாமல் போய் விடும்.

70. அலுமினிய பாத்திரங்களில் அடிப்பிடிப்புக் கறையை நீக்க உப்பு காகிதத்தால் தேய்த்தால் பாத்திரம் புதுப்பொலிவுடன் இருக்கும்.

71. சமையல் மேடையில் கேஸ் ஸ்டவ்வைத் துடைக்க தேங்காய் எண்ணெய், கெரசின் இரண்டையும் சம அளவு கலந்து பயன்படுத்தினால் கிச்சன் பளிச்சென்று இருக்கும்.

72. ப்ரிட்ஜ், ஸ்டோர் ரூம், பாத்ரூம் இவற்றில் கரப்பான் பூச்சி தொல்லை இருந்தால் ஆஸ்பிரின் மாத்திரைகளை ஆங்காங்கே வைத்தால் கரப்பான் தொல்லை இருக்காது.

73. பச்சை வெங்காயம் சாப்பிட்ட நாற்றத்தை போக்க உப்பு கலந்த நீரில் வெங்காயத்தை ஊற வைத்து எடுத்து சாப்பிட்டால் காரம், நாற்றம் இருக்காது.

74. மிதியடிக்கு அடியில் அதே சைசில் பழைய நியூஸ் பேப்பரை வெட்டி வைத்துவிட்டால் மிதியடிகள் அழுக்கு எல்லாம் பேப்பரில் சேர்ந்திருக்கும்.

75. வாழைப்பழம் சீக்கிரம் கறுத்துவிடாமல் இருக்க ஈரத் துணியால் சுத்தி வைத்தால் பிரஷ்ஷாக இருக்கும்.

76. ப்ரிட்ஜில் ஆப்பிள், கேரட் இரண்டையும் ஒரே கம்பார்ட்மெண்டில் வைக்காதீர்கள். ஆப்பிளில் இருந்து வெளிவரும் ஒரு வித வாயு கேரட்டைக் கசக்கச் செய்துவிடும்.

77. பீன்ஸ், அவரை போன்ற காய்களை வேக வைக்கும் போது எலுமிச்சை, தக்காளி ஜூஸ் சிறிது பிழிந்தால் சீக்கிரம் வெந்துவிடும்.

78. லேசான வெந்நீரில் வெங்காயத்தை நனைத்து வெட்டினால் கண்கள் எரியாது.

79. உணவில் அதிக அளவு உப்பு சேர்ந்துவிட்டால் உரித்த உருளைக்கிழங்கை அப்படியே உணவில் போட்டு விடுங்கள். உணவில் அதிகமாக இருந்த உப்பு குறைந்துவிடும்.

80. சாப்பிட்ட பிறகு, சிறிது வினிகரும், பேரபின் எண்ணெயும் கலந்து மேஜையை துடைத்துவிட்டால் மேஜை பளபளப்பாக இருக்கும். நாற்றம் இருக்காது.

81. கொஞ்சம் நீரில் கடுகு எண்ணெய் கலந்து மிருதுவான துணியில் நனைத்து மரச் சாமான்களை துடைத்தால் வார்னீஷ் செய்தது போல் இருக்கும்.

82. பழைய புத்தகங்களை பூச்சி அரிப்பில் இருந்து பாதுகாக்க புத்தக அலமாரியில் சிறிதளவு புகையிலையை தூவினால் பூச்சி அரிப்பு இருக்காது.

83. வேக வைத்த உருளைக்கிழங்கு தோலை வீணாக்காமல் அந்த தோலைக் கொண்டு கண்ணாடிகளை துடைத்தால் பளிச்சென்று மின்னும்.

84. முட்டை நீண்ட நாட்களுக்கு கெடாமல் இருக்க முட்டை கூட்டின் மீது சிறிது அளவு ரீஃபைண்ட் ஆயில் தேய்த்தால் கெடாது.

85. உள்ளங்கையில் சில சொட்டு சமையல் எண்ணெய் ஊற்றி தேய்த்துக் கொண்டு மீனை சுத்தம் செய்தால் கைகளில் மீன் நாற்றம் அடிக்காது.

86. சர்க்கரை வைத்திருக்கும் பாத்திரத்தில் எப்போதும் எறும்புத் தொல்லை இருந்தால் அந்தப் பாத்திரத்தினுள் நான்கைந்து கிராம்பை போட்டால் எறும்பு வராது.

87. குழந்தைகள் போடும் சாக்ஸ் லூஸாகி விட்டால், சாக்ஸ் ஓரத்தில் அதன் சுற்றளவுக்கு ஏற்றபடி ரப்பர் பேண்டை வைத்து உருட்டி தைத்துவிட்டால் ஓரம் தொய்ந்து போகாமல் காலை அழுத்தமாக பிடித்துக் கொள்ளும்.

88. வாசனை கம்மியான ஊதுவத்திகள் மீது சிறிது யூபிகோலனைத் தடவிய பின் ஏற்றி வைத்தால் வீடு முழுவதும் வாசனை தூக்கும்.

89. மிக்ஸியில் அரைக்கப் போடும் பொருள்கள் ரொம்பக் கொஞ்சமாக இருந்தால், தட்டினால் மூடிவிட்டு அரைத்தால் நன்றாக அரைபடும்.

90. வெள்ளைக் கலர் டெலிபோன் அழுக்கு ஏறி இருந்தால் நெயில் பாலீஷ் ரிமூவரால் அழுந்தத் துடைத்தால் பளிச்சென்று ஆகும்.


91. பிளாஸ்டிக் குடம் வீணாகிப் போனால் பாதிக்கு மேல் வெட்டி (மேல் பாகத்தை) விட்டு குப்பைக் கூடையாக அல்லது செடி வளர்க்க உபயோகிக்கலாம்.

92. சோப்புத் தண்ணீர் கொண்டு கேஸ் அடுப்பைத் துடைக்கும் போது டியூபையும் துடையுங்கள். இதனால் டியூப் நெடுநாள் உழைக்கும். சுத்தமாகவும் இருக்கும்.

93. வீட்டில் மரச் சாமான்களுக்கு உபயோகிக்கும் பெயிண்டை முறத்தில் தடவி காய வைத்தால் நீண்ட நாட்கள் முறம் புதுசு போல இருக்கும். பூச்சிகளும் அரிக்காது.

94. டூல் பாக்ஸில் ஒரு சாக்பீஸ் கட்டி அல்லது கரித் துண்டை போட்டால், அது ஈரப் பசையை உறிஞ்சி டூல்ஸ் துருப்பிடிக்காமல் இருக்க உதவும்.

95. செருப்பின் மேல் பாகத்துத் தோலின் அடிப்பாகத்தில் மெழுகுவர்த்தியை நன்றாகத் தேய்த்து, பிறகு அணிந்து கொண்டால் செருப்பு கடிக்கவே கடிக்காது.

96. துணி பீரோவை சுத்தம் செய்யும்போது முதலில் பீரோ தட்டுகளில், பயன்படுத்திய கொசுமேட்டை ஐந்தாறு பரப்பி அதன் மேல் பேப்பர் போட்டுத் துணியை அடுக்கினால் ஒரு வருடம் வரை பூச்சிகள் நெருங்காது.

97. கொசு தொல்லைக்காகப் போடப்பட்டுள்ள நெட்லானில் சிறிய துளைகள் ஏற்பட்டு விட்டால், செலோடேப் கட் பண்ணி ஒட்டலாம்.

98. கருவேப்பிலைச் செடிக்குப் புளித்த தயிர் அல்லது மோர் விட்டால் நன்கு செழிப்பாக வளரும். தயிர் பாத்திரத்தின் உள்ளே தண்ணீர் விட்டுக் குழப்பி அந்நீரையும் விட்டு வரலாம்.

99. குழந்தைகளுக்கு உபயோகித்த சின்ன சைஸ் கொசுவலை துணியில், embroider கைவண்ணம் காட்டி டி.வி. கவராக பயன்படுத்தலாம்.

100. துணிகளில் ஹேர்-டை பட்டால் அந்த கறையை நீக்க, நெயில்பாலிஷ் ரிமூவரால் டை படிந்த பகுதியைத் துடைத்தால் கறை போய்விடும்.

101. ரப்பர் ஸ்டாம்ப் பேட், இங்க் காய்ந்து போய்விட்டால் நீலம் சில சொட்டுகள் விட்டால் அழகாக பதிய வரும்.

102. மாதுளம் பழத் தோல்களின் உள்பாகத்தை எடுத்து
பல் தேய்த்தால் பல்லுக்கும் உறுதி, பல்லும் பளிச்சென்று இருக்கும்.

103. தேங்காய் உடைத்த இளநீரை சுண்ணாம்பு பாட்டிலில் சிறிது ஊற்றி வைத்தால் சுண்ணாம்பு சீக்கிரத்தில் காய்ந்து போகாமல் இருக்கும்.

104. மின்விசிறியில் தூசி படிந்து, கறை படிந்து விட்டதா? ஒரு துணியை மண்ணெண்ணையில் நனைத்து மின் விசிறியை அழுத்தித் துடையுங்கள். சிறிது நேரத்திற்குப் பிறகு நல்ல துணியால் துடைத்துப் பாருங்கள். பளிச்சென்றாகிவிடும்.

105. அரை வாளி தண்ணீரில், நான்கு மேஜைக்கரண்டி வினீகரை கலந்து ஜீன்ஸ் துணிகளை அலசினால் சாயம் போவதை தடுக்கலாம்.

106. புது வீட்டில் பெயிண்ட் அடித்த வாடை போக மறுக்கிறதா? ஒரு பக்கெட் நிறைய தண்ணீரை நிரப்பி அறைகளில் வையுங்கள். வாடை போய்விடும்.

107. ஆணி அடிக்கும் போது நுனியில் தேங்காய் எண்ணெய் தடவினால் சுவரில் சுலபமாக இறங்கும்.

108. சமையல் அறையில் எண்ணெய் பசையுள்ள இடத்தில் சுண்ணாம்புடன் மண்ணெண்ணெய் கலந்து அடிக்கலாம்.

109. கூர்மையான கத்திகளில் தேங்காய் எண்ணெய் தடவி வந்தால் அதன் கூர்மை மழுங்காது.

110. பால் பாக்கெட் வாங்கி காய்ச்ச நேரமில்லாமல் போனால் அதை தண்ணீருக்குள் போட்டு வைத்துவிட்டால் மூன்று மணி நேரம் கழித்துக் கூட காய்ச்சலாம்.

111. இனிப்பு பலகாரங்கள் உலர்ந்து கெட்டுப் போகாமலிருக்க அதன் மீது சிறிது தேன் பூசி வைக்கலாம்.

112. பால் காய்ச்ச மறந்து போய் விட்டீர்களா? பால் திரிந்து போகுமோ என்ற பயம் ஏற்படுகிறதா? கவலை வேண்டாம். பாலைக் காய்ச்சும் முன் ஒரு சிட்டிகை சமையல் சோடா மாவு கலந்து காய்ச்சினால் பால்
திரியாது.

113. காபி பொடியை போடுவதற்கு முன் பில்டரின் அடிப்பாகத்தை தீயில் காட்டி விட்டு பின்பு உபயோகித்தால் டிகாஷன் கலகலவென்று இறங்கும்.

114. நெய் எவ்வளவு நாளானாலும் பிரஷ்ஷாக இருக்க அதோடு ஒரு வெல்லத் துண்டைப் போட்டு வைக்கவும்.

115. தக்காளி, எலுமிச்சைப் பழம் சீக்கிரம் கெடாமலிருக்க உப்பு கலந்த நீரில் போட்டு வைக்கவும்.

116. கோதுமை மாவை நன்கு சலித்து சிறிதளவு டேபிள் சால்ட்டை கலந்து வைத்தால் வண்டுகள் வராது.

117. தயிர் புளித்து விடுமோ என்ற பயம் வேண்டாம்.ஒரு துண்டு தேங்காயைப் போட்டு வைத்தால் தயிர் புளிக்காது.

118. ஆப்பிள் மிகவும் புளிப்பாக இருந்தால் தோல் சீவி நறுக்கி உப்பு, மிளகாய்ப் பொடி, வெந்தயப் பொடி, பெருங்காயப் பொடி கலந்து தாளித்துக் கொட்டுங்கள். புதுமையான ஊறுகாய் தயார்.

119. தேங்காயை சரிபாதியாக உடைக்க, தண்ணீரில் நனைத்து பின்னர் உடைக்க வேண்டும்.

120. கொத்தமல்லி இலைகளை நன்கு ஆய்ந்து சுத்தமாக தண்ணீரில் அலசி காய வைத்து காற்று புகாத டப்பாவில் போட்டு வைத்தால், நிறைய நாட்கள் கெடாமல் இருக்கும்.

121. குளிர்ந்த நீரில் சில சொட்டுகள் எலுமிச்சை சாற்றை விட்டு அதில் காய்கறிகளைப் போட்டு வைத்தால் காய்கறிகள் அப்போது பறித்தது போல் "பிரஷ்"ஷாக இருக்கும்.

122. உப்பு வைத்திருக்கும் பாத்திரத்தினுள்ளே ஒரு பிளாஸ்டிக் பேப்பரை போட்டு அதன் மீது உப்பைக் கொட்டி வையுங்கள். உப்புக்கல் கசியாமல் அப்படியே இருக்கும்.

123. குடிக்கும் தண்ணீர் மணமா இருக்கணுமா? வாட்டர் பில்டரில் சிறிதளவு துளசியை போட்டு வையுங்கள்.

124. முதல் நாள் சாதம் மீதி இருந்தால் கவலை வேண்டாம். அதை மிக்ஸியில் நன்கு அரைத்து எடுத்து இரண்டு பிடி கடலை மாவு, பச்சை மிளகாய் துண்டுகள், உப்பு, கறிவேப்பிலை, கொத்தமல்லி, ஒரு கரண்டி தயிர் விட்டு தண்ணீர் சேர்த்து தோசையாக வார்த்தால் மிகவும் சுவையாக இருக்கும்.

125. சப்பாத்தி எப்போதும் சூடாக இருக்க, அதை சில்வர் பேப்பரில் சுற்றி வைக்கவும்.

126. மழைக்காலங்களில் தீப்பெட்டியிலுள்ள குச்சிகள் நமத்து போகாமல் இருக்க பெட்டியினுள் நான்கைந்து அரிசியைப் போட்டு ஒரு டப்பாவில் போட்டு மூடிவிட்டால் குச்சிகள் எளிதில் தீப்பற்றும்.

127. உருளைக்கிழங்கு போண்டா செய்வது போல, எல்லா காய்கறிகளையும் ஒன்றாக வதக்கி உருட்டி கடலை மாவில் தேய்த்து எண்ணெயில் பொரித்தெடுக்க வெஜிடபிள் போண்டா செய்யலாம். குழந்தைகள் காய்களையும் சாப்பிட ஒரு சந்தர்ப்பம்.

128. தானியம் மற்றும் பயறு வகைகளை எட்டு மணி நேரம் ஊற வைத்து தண்ணீர் வடித்து ஹாட் பேக்கில் போட்டு மூடி மறுநாள் திறந்து பார்த்தால் முளை கட்டிய தானியம் தயார். தானியங்களை முளை கட்டுவதற்கு ஒரு எளிய வழி.

129. கோதுமையை நன்கு கழுவி நான்கு மணி நேரம் ஊற வைத்து உலர்த்தி பின் மிஷினில் அரைத்து சப்பாத்தி செய்தால் மிகவும் மிருதுவான சப்பாத்தி கிடைக்கும்.

130. சமையலில் உப்பு சற்று கூடுதலா? கவலை வேண்டாம். பால், க்ரீம், தயிர் இவற்றில் ஏதோ ஒன்றினைச் சேருங்கள். சரியாகிவிடும்.

131. வாழைப்பூ, வாழைத்தண்டு ஆகியவற்றை நறுக்கினால் உடனே அவற்றை மோர் கலந்த தண்ணீரில் போட்டு வைக்க வேண்டும். இதனால் வாழைப்பூ, வாழைத்தண்டின் நிறம் மாறாது. கறை பிடிக்காது. துவர்ப்பு நீங்கும்.

132. துவைத்த துணிகளுக்கு நீலம் போடும் போது நீலம் கரைத்த நீரில் சிறிது வாஷிங் சோடாவையும் கலந்து கொண்டால் துணியில் நீலம் திட்டுத்திட்டாக இல்லாமல் சமமாக இருக்கும்.

133. பாலேடு, தயிரேடுகளை பாட்டிலில் போட்டு குலுக்க வெண்ணெய், மோர் ஒரே சமயத்தில் கிடைக்கும்.

134. கறிவேப்பிலை, கொத்தமல்லித் தழையை வாங்கிய உடன் வாழைப் பட்டையில் சுற்றி வைக்க வாடாமல் இருக்கும்.

135. இட்லிக்கு மாவு அரைக்க அரிசியை ஊறப் போட மறந்து விட்டீர்களா? இதோ ஒரு வழி உடனே சுடு தண்ணீரிலே அரிசியை ஊறப் போடுங்கள். பத்து நிமிடத்தில் ஊறிவிடும்.

136. உங்கள் இஸ்த்திரி பெட்டி நைலான் துணி மீது தேய்த்தால் அடிப்பாகம் வீணாகிவிட்டதா? அப்பெட்டியினை சூடாக்கி பச்சை வாழை இலையின் மீது தேயுங்கள். பெட்டியின் அடிப்பாகம் சரியாகிவிடும்.

137. காபி, டீ கொடுக்கும் பீங்கானில் கறை படிந்து உள்ளதா? ஒரு பெரிய வெங்காயத்தினை வெட்டி நன்கு தேயுங்கள். கறைகள் விட்டு விலகும்.

138. பிளாஸ்கில் உள்ள துர்நாற்றம் போக வினிகர் போட்டு கழுவலாம்.

புதன், 30 ஆகஸ்ட், 2017

சூப்பரான ஸ்நாக்ஸ் ஜவ்வரிசி - உருளைக்கிழங்கு கட்லெட்...



சூப்பரான ஸ்நாக்ஸ் ஜவ்வரிசி - உருளைக்கிழங்கு கட்லெட்...


மாலை பள்ளியில் இருந்து வரும் குழந்தைகளுக்கு சாப்பிட சுவையான  ஜவ்வரிசி - உருளைக்கிழங்கு கட்லெட்.


*தேவையானவை :*

ஜவ்வரிசி - 250 கிராம்
உருளைக்கிழங்கு - 4
கொத்தமல்லி - சிறிதளவு
வெங்காயம் - 1
ப.மிளகாய் - 2
உப்பு, எண்ணெய் - தேவையான அளவு
கரம் மசாலா தூள் -  அரை டீஸ்பூன்
மிளகு தூள் - அரை டீஸ்பூன்
மிளகாய் தூள் - அரை டீஸ்பூன்.

*செய்முறை :*

👁‍🗨 இரவில் படுக்கும் போதே ஜவ்வரிசியை 3/4 கப் வெதுவெதுப்பான தண்ணீரில் ஊற வைத்து, காலையில் அதனை கழுவி தனியாக வைத்துக் கொள்ள வேண்டும்.

👁‍🗨 வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

👁‍🗨 உருளைக்கிழங்கை வேக வைத்து, வெந்ததும் தோலுரித்து மசித்து கொள்ளவும்.

👁‍🗨 ஒரு பாத்திரத்தில் மசித்த உருளைக்கிழங்கு, ஊற வைத்த ஜவ்வரிசியுடன் சேர்த்து கலந்து கொள்ள வேண்டும்.

👁‍🗨 அடுத்து அதில் வெங்காயம், ப.மிளகாய், கொத்தமல்லி, உப்பு, கரம் மசாலா தூள், மிளகு தூள் மற்றும் மிளகாய் தூள் சேர்த்து கலந்து கொள்ள வேண்டும்.

👁‍🗨 அடுத்து கலந்து வைத்துள்ள கலவையில், ஒரு எலுமிச்சை அளவை எடுத்து, சற்று தட்டையாக தட்டி, ஒரு தட்டில் தனியாக வைத்துக் கொள்ள வேண்டும்.

👁‍🗨 வாணலியை அடுப்பில் வைத்து, அதில் பொரிப்பதற்கு தேவையான எண்ணெய் ஊற்றி, காய்ந்ததும், தட்டி வைத்துள்ளவற்றை எண்ணெயில் போட்டு பொன்னிறமாக பொரித்து எடுக்க வேண்டும்.

*சுவையான ஜவ்வரிசி கட்லெட் ரெடி!!!*

இதனை தக்காளி சாஸ் அல்லது புதினா சட்னியுடன் சாப்பிட்டால் அருமையாக இருக்கும்.

இதயத்தை பதம்பார்க்கும் உப்பு கலந்த நொறுக்குத்தீனிகள் !!


இதயத்தை பதம்பார்க்கும் உப்பு கலந்த நொறுக்குத்தீனிகள் !!


பாக்கெட்டில் அடைத்து வைக்கப்பட்டு, விற்கப்படும் உப்பு கலந்த நொறுக்குத்தீனிகளை உட்கொள்வதால், இதயத்தில் பாதிப்பு ஏற்படும் என சமீபத்திய ஆய்வு ஒன்று தெரிவித்துள்ளது.

உப்பு சத்து அதிகம் நிறைந்த உணவு வகைகள் எளிதில் ரத்தத்தில் கலப்பதன் மூலம் ரத்த அழுத்தம் அதிகரிக்கிறது என்றும், அதுவும் எண்ணெயில் பொறித்த உப்பு அதிகம் சேர்க்கப்பட்ட உணவுகள் இருதயத்திற்கு ஆபத்தானது என்றும் ஆய்வாளர்கள் எச்சரித்துள்ளனர்.

இது குறித்த ஆய்வு ஒன்றை ஆஸ்திரேலியாவின் அடிலெய்டில் உள்ள காமன்வெல்த் அறிவியல் மற்றும் தொழிலாளர் ஆய்வு குழுமம் மேற்கொண்டது.

இந்த ஆய்வில், 16 ஆரோக்கியமான நபர்கள் கலந்துகொண்டனர்.

அவர்களில் பாதி நபர்களுக்கு குறைந்த அளவு உப்பு உபயோகப்படுத்தப்பட்ட தககாளி சூப் 10 முறை வழங்கப்பட்டது.

பின்னர் அவர்களுக்கு உப்பு அதிகம் பயன்படுத்தப்பட்ட நொறுக்குத் தீனி கொடுக்கப்பட்டது. பின்னர் அவர்களின் ரத்த அழுத்தம், இருதய துடிப்பு போன்றவை குறித்து ஆய்வு செய்யப்பட்டது.

இதில் அதிக உப்பு பயன்படுத்தப்பட்ட பின்னர் ரத்தமானது இருதய அறைகளுக்குள் செல்வதில் சிரமம் ஏற்பட்டது. ரத்த அழுத்தமும் அதிகரித்திருந்தது.

இதனை தொடர்ந்து மீதமுள்ள 8 நபர்களிடம் குறைந்த அளவு உப்பு பயன்படுத்தும் போது இருந்த ரத்த ஒட்டத்தின் அளவானது, அதிக அளவு உப்பு பயன்படுத்தியவுடன் இரண்டு மணி நேரத்தில் ரத்த அழுத்தம் அதிகரித்தது தெரியவந்தது.

எனவே அதிக அளவு உப்பும், எண்ணெயில் பொறித்த உணவுகளில் உள்ள கொழுப்பும் ரத்த நாளங்களில் மாற்றங்களை ஏற்படுத்தி இதயத்தை பாதிக்கிறது என்றும் அவர்கள் தங்களின் ஆய்வு மூலம் கண்டறிந்துள்ளனர்.

மேலும் உப்பும், கொழுப்பும் அடைப்பினை ஏற்படுத்தி நைட்ரிக் ஆக்ஸைட்டை வெளியிடுகின்றன என்றும் ஆய்வாளர்கள் தெரிவித்துள்ளனர்.

இதனால் இருதய பாதிப்பு உடனடியாக ஏற்படுவதாகவும் அவர்கள் கூறியுள்ளனர்.

எண்ணெயில் பொறித்து அதிகம் உப்பு சேர்க்கப்பட்ட ஃப்ரெஞ்ச் ப்ரைஸ், உள்ளிட்ட உணவுப் பண்டங்களில் அதிக அளவில் சாச்சுரேட்டட் ஃபேட்ஸ் உள்ளது.

இவை ரத்த நாளங்களில் பாதிப்பை ஏற்படுத்தும் என்றும் ஆய்வாளர்கள் கூறியுள்ளனர்.

எனவே அதிக உப்பு சேர்க்கப்பட்ட எண்ணெயில் பொறித்த உணவுகளை உண்பது ஆயுளை குறைக்கும் என்றும் ஆய்வாளர்களும், மருத்துவர்களும் எச்சரித்துள்ளனர்.

இந்த ஆய்வு முடிவு அமெரிக்காவில் வெளிவரும் மருத்துவ இதழ் ஒன்றில் வெளியிடப்பட்டுள்ளது என்பது குறிப்பிடத்தக்கது.

எனவே உப்பு கலந்த நொறுக்குத்தீனிகளையும், எண்ணெய்யில் பொறித்த பலகாரங்களையும் அளவோடு சாப்பிட்டு ஆரோக்கிய வளமோடு வாழுங்கள்.....

செவ்வாய், 29 ஆகஸ்ட், 2017

ஈஸியான காலை உணவு - பிரெஞ்ச் டோஸ்ட்...



ஈஸியான காலை உணவு  - பிரெஞ்ச் டோஸ்ட்...

*தேவையாவை :*

பிரட் துண்டுகள் - 6
முட்டை - 1
பால் - 100 மில்லி
சர்க்கரை - 1 மேஜைக்கரண்டி
நெய் - 3 மேஜைக்கரண்டி
                       
*செய்முறை :*

👁‍🗨 முதலில் ஒரு வாயகன்ற பாத்திரத்தில் முட்டையை உடைத்து ஊற்றி நன்றாக அடித்து கலக்கவும்.

👁‍🗨 அதனுடன் பால் மற்றும் சர்க்கரை சேர்த்து நன்றாக கலக்கி வைத்துக் கொள்ளவும்.            

👁‍🗨 அடுப்பில் தோசைக்கல் (அல்லது) தவாவை வைத்து சூடானதும் பிரட் ஒன்றை எடுத்து முட்டை கலவையில் முக்கி எடுத்து தோசைக்கல்லில் போட்டு பிரட்டை சுற்றி ஒரு தேக்கரண்டி நெய் ஊற்றவும்.

👁‍🗨 ஓரங்களில் மொறுகலானதும் மறு புறம் திருப்பி  போடவும். இருபுறமும் மொறுகலானதும் எடுத்து ஒரு தட்டில் வைக்கவும்.

👁‍🗨 மீதமுள்ள 5 பிரட் துண்டுகளையும் இதே முறையில்  ரோஸ்ட் செய்யவும்.

*சுவையான பிரெஞ்ச் டோஸ்ட் தயார்.*

காலிஃப்ளவர் பஜ்ஜி...


காலிஃப்ளவர் பஜ்ஜி...

காலிஃப்ளவரை இதுவரை மஞ்சூரியன் செய்து தான் சாப்பிட்டிருப்போம்.
ஆனால் இப்போது அதனை பஜ்ஜி போன்று மாலை  வேளையில் டீ, காபி குடிக்கும் போது செய்து சாப்பிட்டு பாருங்கள். சூப்பராக இருக்கும்.


*தேவையாவை :*

காலிஃப்ளவர் - 2 கப்
கடலை மாவு - 1 கப்
மிளகாய் தூள் - 1/2 டீஸ்பூன்
பெருங்காயத் தூள் - 1 சிட்டிகை
மஞ்சள் தூள் - 1/2 டீஸ்பூன்
ஒமம் - 1 டீஸ்பூன்
உப்பு - தேவையான அளவு
தண்ணீர் - தேவையான அளவு
எண்ணெய் - தேவையான அளவு

*செய்முறை :*

👁‍🗨 முதலில் ஒரு பாத்திரத்தில் கடலை மாவு, மிளகாய் தூள், பெருங்காயத் தூள், ஓமம், மஞ்சள் தூள் மற்றும் உப்பு சேர்த்து, தண்ணீர் ஊற்றி, பஜ்ஜி மாவு பதத்திற்கு கலந்து கொள்ள வேண்டும்.

👁‍🗨 பின்னர் ஒரு வாணலியை அடுப்பில் வைத்து, அதில் பொரிப்பதற்கு தேவையான எண்ணெய் ஊற்றி, சூடேற்ற வேண்டும்.

👁‍🗨 பிறகு வாணலியில் உள்ள எண்ணெய் காய்ந்ததும், அதில் நறுக்கிய காலிஃப்ளவரை மாவில் நன்கு நனைத்து போட வேண்டும்.

👁‍🗨 பின்பு காலிஃப்ளவரானது நன்கு பொன்னிறமாக வெந்ததும், அதனை எடுத்து, தட்டில் வைக்க வேண்டும்.

👁‍🗨 இதே போன்று அனைத்து காலிஃப்ளவரை பொரித்து எடுக்க வேண்டும்.

*சுவையான காலிஃப்ளவர் பஜ்ஜி தயார்.*

சப்பாத்திக்கு சூப்பரான சோயா வெஜ் குருமா


சப்பாத்திக்கு சூப்பரான சோயா வெஜ் குருமா

சப்பாத்தி, பூரி, நாண், புலாவ், சாத்திற்கு தொட்டுக்கொள்ள சூப்பரான சத்தான சோயா வெஜ் குருமாவை இன்று செய்வது எப்படி என்று பார்க்கலாம்.

தேவையான பொருட்கள் :

சோயா பீன்ஸ் - 1 கப்
பீன்ஸ் - 5
கேரட் - 1
உருளைக்கிழங்கு - 1
பச்சை பட்டாணி- ¼ கப்
பெரிய வெங்காயம் - 1
தக்காளி - 2
பச்சை மிளகாய் - 2
மல்லித்தூள் - 1 ½ டேபிள் ஸ்பூன்
மிளகாய்த்தூள் - 1 டேபிள் ஸ்பூன்
மஞ்சள் தூள் - 1 டீஸ்பூன்
பூண்டு - 4
இஞ்சி - 1 பெரிய துண்டு
தேங்காய் - 2 கீற்று
சோம்பு - 1 டீஸ்பூன்
பட்டை - 1 துண்டு
லவங்கம் - 2
ஏலக்காய் - 3
கசகசா - 1 டீஸ்பூன்
வெள்ளை எள் - 1 டேபிள் ஸ்பூன்
கொத்துமல்லைதழை - சிறிது
கடுகு எண்ணெய் - 1 டீஸ்பூன்

செய்முறை :

முதல் நாள் இரவே ஊறவைத்த சோயாபீன்சை குக்கரில் போட்டு 5 விசில் விட்டு வேகவைக்கவும்.

கசகசா, வெள்ளை எள், ஏலக்காயை வெறும் வாணலியில் வறுத்து கொள்ளவும்.

வறுத்த பொருட்கள் ஆறியவுடன் அதனுடன் இஞ்சி, பூண்டு, பாதி வெங்காயத்தை மிக்சியில் போட்டு சிறிது தண்ணீர் சேர்த்து நைசாக அரைத்து கொள்ளவும்.

தக்காளியை தனியாக அரைத்து வைக்கவும்.

தேங்காய், சோம்பு சேர்த்து தனியாக அரைத்து வைக்கவும்.

காய்கறிகளை நீளவாக்கில் வெட்டிக்கொள்ளவும்.

வெங்காயத்தை பொடியாக நறுக்கி வைக்கவும்.

வாணலியில் எண்ணெய் ஊற்றி காய்ந்ததும், பட்டை, லவங்கம் போட்டு தாளித்த பின்னர் வெங்காயம், பச்சைமிளகாய் சேர்த்து வதக்கவும்.

வெங்காயம் நன்றாக வதங்கியதும் இஞ்சி, பூண்டு சேர்த்து அரைத்த கலவையை சேர்த்து மீண்டும் வதக்கவும்.

நன்கு வதங்கி வாசனை வந்தபின் வேக வைத்த சோயாபீன்ஸ், காய்கறிகளைப்போட்டு கிளறவும்.

அடுத்து அதில் அரைத்த தக்காளியை சேர்த்து உப்பு, மிளகாய்த்தூள், மல்லித்தூள், மஞ்சள்தூள் சேர்த்து மிதமான தீயில் பச்சை வாசனை போகும் வரை வதக்கவும்.

அடுத்து அதில் 2 கப் தண்ணீர் சேர்த்து மூடி வைத்து வேகவைக்கவும்.

10 நிமிடம் கழித்து காய் வெந்தவுடன், தேங்காய், சோம்பு சேர்த்து அரைத்த விழுதுடன் மேலும் 1/2 கப் தண்ணீர் சேர்த்து கிளறி மூடி போட்டு வைக்கவும்.

2 நிமிடம் கழித்து கொத்துமல்லி தழை போட்டு இறக்கவும்.

சுவையான சோயா வெஜ் குருமா தயார்

ஓணம் ஸ்பெஷல்: கேரள அடை பாயாசம்



ஓணம் ஸ்பெஷல்: கேரள அடை பாயாசம்

கேரளாவில் ஓணம் பண்டிகையில் விருந்தில் பரிமாறப்படும் பாயசங்களில் இந்த அடை பாயாசத்திற்கு தனி இடமுண்டு. இந்த பாயாசம் இல்லாமல் ஓணம் பண்டிகை முழுமை அடையாது.
தேங்காய்ப் பாலில் இந்தப் பாயாசம் செய்தால் மிகவும் சுவையாக இருக்கும்.
தேவையான பொருட்கள்:
அரிசி அடை – 50 கிராம்
துருவிய வெல்லம் – 125 கிராம்
முதலில் பிழிந்த தேங்காய்ப் பால் – அரை கிண்ணம்
இரண்டாவது பிழிந்த தேங்காய்ப் பால் – இரண்டரை கிண்ணம்
நெய் – ஒரு தேக்கரண்டி
ஏலக்காய்த் தூள் – கால் தேக்கரண்டி
சுக்குத் தூள் – கால் தேக்கரண்டி
சிறிதாக அரிந்த தேங்காய்த் துண்டுகள் – ஒரு தேக்கரண்டி
முந்திரி பருப்பு – 10
திராட்சைப் பழம் – 10
செய்முறை:
1. முதலில் வெல்லத்தில் அரை கிண்ணம் நீர் ஊற்றி உருக விட்டு அரைத்துக் கொள்ளவும்.
2. அரிசி அடையை இரண்டாவது தேங்காய் பாலில், சிறு தீயில் பத்து நிமிடம் வேக விடவும். அதன் பின் உருக்கிய வெல்லத்தை சேர்த்து அடை குறுகி வரும் வரை கிளறவும்.
3. அதன்பின்னர், ஏலக்காய்த் தூள், சுக்குத் தூள் போடவும். நெய்யில் தேங்காய்த் துண்டுகளைக் கருகாமல் வறுத்துக் கொள்ளவும். முந்திரி பருப்பு, திராட்சைப் பழம் இவற்றையும் வறுத்துக் கொள்ளவும்.
4. முதலில் பிழிந்த தேங்காய்ப் பாலை அடையில் ஊற்றி ஒரு கிளறு கிளறியவுடன் இறக்கிவிடவும். அதனுடன் வறுத்த தேங்காய்த் துண்டுகள், முந்திரி, திராட்சை போடவும். அடை பாயாசம் தயார்.

வெஜ் - மேத்தி கோதுமை ரவை உப்புமா



வெஜ் - மேத்தி கோதுமை ரவை உப்புமா

தினமும் கோதுமையால் ஆன உணவை சாப்பிடுவது உடலுக்கு மிகவும் நல்லது. இன்று காய்கறிகள், வெந்தயக்கீரை, கோதுமை ரவை வைத்து உப்புமா செய்வது எப்படி என்று பார்க்கலாம்.
தேவையான பொருட்கள் :

கோதுமை ரவை  - ஒரு கப்,
வெங்காயம் - 1, பொடியாக நறுக்கிய கேரட், கோஸ், பீன்ஸ் கலவை  - ஒரு கப்,
பச்சை மிளகாய் -  2,
உப்பு, எண்ணெய் - தேவையான அளவு,
கடுகு -  அரை டீஸ்பூன்,
கடலைப் பருப்பு -  அரை டீஸ்பூன்,
உளுத்தம் பருப்பு -  அரை டீஸ்பூன்,
கறிவேப்பிலை, கொத்தமல்லித்தழை  - சிறிதளவு,
வெந்தயக்கீரை  - ஒரு கட்டு.

செய்முறை :

வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

கோதுமை ரவையை வெறும் கடாயில் போட்டு நன்றாக வறுத்து கொள்ளவும்.

வெந்தயக்கீரையை சுத்தம் செய்து இலையை மட்டும் ஆய்ந்து வைக்கவும்.

கடாயை அடுப்பில் வைத்து எண்ணெய் விட்டு சூடானதும் கடுகு, கடலைப் பருப்பு, உளுந்தம் பருப்பு, கறிவேப்பிலை சேர்த்து தாளித்த பின் வெங்காயத்தை சேர்த்து வதக்கவும்.

வெங்காயம் நன்றாக வதங்கியதும் வெந்தகீரை, காய்கறிகள், பச்சை மிளகாய் சேர்த்து வதக்கவும்.

காய்கறிகள் சற்று வதங்கியதும் மூன்று கப் தண்ணீர், உப்பு சேர்த்து கொதிக்க விடவும்.

தண்ணீர் நன்றாக கொதிக்க ஆரம்பித்தவுடன் வறுத்த ரவையை சேர்த்து கிளறி வேக விடவும்.

நன்றாக வெந்து தண்ணீர் எல்லாம் வற்றியதும் கடைசியாக கொத்தமல்லி தழை சேர்த்து கிளறி இறக்கி பரிமாறவும்.

சூப்பரான வெஜ் - மேத்தி கோதுமை ரவை உப்புமா ரெடி.

திங்கள், 28 ஆகஸ்ட், 2017

யார், யார் எந்தெந்த அரிசி சாப்பிடுறது உடம்புக்கு நல்லதுன்னு தெரியுமா?



யார், யார் எந்தெந்த அரிசி சாப்பிடுறது உடம்புக்கு நல்லதுன்னு தெரியுமா?

நமது உணவில் முக்கிய பங்கு வகிக்கும் ஒரு பொருள் அரிசி. காலங்காலமாக நம் முன்னோர்கள் அரிசி உணவை சாப்பிட்டு வர இன்றைய தலைமுறையினரோ அதில் அதிகப்படியான கார்போஹைட்ரேட் இருக்கிறது.

அது சாப்பிடக்கூடாது உடல் நலத்திற்கு தீங்கானது, அதைச் சாப்பிட்டால் உடல் எடை கூடும் என்றெல்லாம் நினைத்து அரிசியை ஒதுக்க ஆரம்பித்துள்ளனர். ஆனால் அரிசியில் அத்தனை சத்துக்களும் நிரம்பியிருக்கின்றன. அதைப் பற்றி விரிவாக இங்கே பார்க்கலாம்.

அரிசி வகைகள்!

புழுங்கல் அரிசி :

புழுங்கல் அரிசி எளிதாக, விரைவாக ஜீரணம் ஆகக் கூடிய தன்மை கொண்ட ஒரு உணவாகும். அரிசி சாதம் முழுமையாக ஜீரணம் ஆக ஒரு மணி நேரம் போதுமானது.

பச்சரிசி :

உடல் மெலிந்து கொழுப்புச் சத்தே இல்லாமல் பலவீனமாகக் காணப்படுபவர்கள் பச்சரிசி சாதம் சாப்பிடலாம். ஆனால், வயிறு மற்றும் ஜீரண உறுப்புகளில் பிரச்சனை உள்ளவர்கள் பச்சரிசியை தவிர்க்க வேண்டும்.

சிகப்பரிசி :

சிகப்பரிசியில் அதிகமான பைபர் உள்ளது. இதனை சாப்பிடுவதால், ரத்தத்தில் அதிகமான கொழுப்பு சேர்வது தவிர்க்கப்படுகிறது. மேலும் சிகப்பரிசியில் எண்ணெய் தன்மை இருப்பதால் ரத்த அழுத்தம் குறைகிறது.

பாஸ்மதி அரிசி :

மற்ற அனைத்து அரிசி வகைகளையும் விட பாஸ்மதி அரிசியில் நிறைய பைபர் அடங்கியுள்ளது.

மூங்கில் அரிசி :

மூங்கில் அரிசி நார்ச்சத்து மிக்கது. இதை தொடர்ந்து சாப்பிட்டால் உடல் வலிமை பெறும். சர்க்கரை அளவைக் குறைக்கும். எலும்பை உறுதியாக்கும். நரம்புத் தளர்ச்சியை சீர் செய்யும்.

மாப்பிள்ளை சம்பா :

இந்த வகை அரிசியில் புரதம்,நார்ச்சத்து, மற்றும் பல தாதுக்கள் நிரம்பியிருக்கின்றன. இதை சாப்பிட்டால் நரம்புகள் வலுப்படும்.

சீரகச் சம்பா:

இந்த வகை அரிசி இனிப்பு சுவையுடையது. அதனால் அதிகமாக சாப்பிடத்தூண்டும். சிறுவாத நோய்களை தீர்க்க வல்லது இது.

தினை அரிசி :

இது ரத்த சோகையை அகற்றக்கூடியது. அத்துடன் , காய்ச்சல் சளித்தொல்லை இருந்தால் அதன் வேகத்தை குறைக்கும் ஆற்றல் உண்டு. இதற்காக அதிகமாக எடுத்துக்கொண்டால் அது பித்தமாகவும் மாறிடும்.

மருந்தாகும் அரிசி :

வயிற்றுக்கடுப்பு,குடல் வறட்சி இருப்பவர்களுக்கு அரிசி உலையில் கொதிக்கும் போதே ஒரு டம்பளர் நீரை எடுத்துக் கொள்ளுங்கள் அத்துடன் ஒரு ஸ்பூன் வெண்ணைய் அல்லது நெய் ஏதாவது ஒன்றை சேர்த்து குடித்தால் விரைவில் குணமாகும்.

யாரெல்லாம் சாப்பிடக்கூடாது ?

சர்க்கரை நோயாளிகள், இதய நோய் உள்ளவர்கள், உடல் பருமன் உள்ளவர்கள், அரிசி உணவுகளை குறைத்து உண்ணலாம். அரிசி உணவில் இருக்கும் சத்துக்கள் தேவைக்கு அதிகமாக இருக்கும் பட்சத்தில் அவை அப்படியே ரத்தத்தில் சேர்ந்திடும். இதனால் சர்க்கரை நோயாளிகளின் ரத்தத்தில் சர்க்கரை அளவு அதிகரிக்கும். இவர்கள் செரிமானத்திற்கு நீண்ட நேரம் எடுத்துக் கொள்கிற சாமை,தினை போன்றவைகளை எடுக்கலாம்.

அரிசி சாதம் இரவுகளில் சாப்பிடக்கூடாதா?

நம் உடலின் வளர்ச்சிதை மாற்றம் பகல் நேரங்களில் அதிகமாக இருக்கும். இதனால் அரிசிகளில் இருக்கும் கார்போஹைட்ரேட் நம் உடலின் சக்தியாக சேரும் ஆனால் இரவுகள் வளர்சிதை மாற்றம் குறைவாக இருப்பதால் அரிசியில் இருக்கும் கார்போஹைட்ரேட் கொழுப்பாக சேரும்., அதனால் இரவு உணவுகளில் அரிசி உணவை தவிர்ப்பது நலம்.

அரிசி உணவு என்பது சத்தான உணவு தான். ஆனால் அதனை அளவுக்கு அதிகமாக எடுத்துக் கொள்ளும் போது தான் அது தவறானதாக முடிகிறது.அதனால் அரிசி உணவை முற்றிலுமாக தவிர்க்காமல் உங்கள் உடலின் தேவையறிந்து சாப்பிடுங்கள்.

பலாப்பழ அல்வா / JACK FRUIT HALWA



பலாப்பழ அல்வா / JACK FRUIT HALWA

தேவையான பொருட்கள்

பலாப் பழம்     –        6 கப்

வெல்லம்       –        1.5 கப்

நெய்           –        4 - 5 மேஜைக்கரண்டி

நீர்              –        1.5 கப்

செய்முறை



பலாப் பழத்தை கொட்டைகளை நீக்கி தனியே எடுத்துக் கொள்ளவும்



அவற்றை பிரஷர் குக்கரில் எடுத்துக் கொள்ளவும்



நீர் சேர்க்கவும்



மூடி வைத்து வேக வைக்கவும்



பலாப் பழம் வெந்து விட்டது



அதனை கடாயில் வைக்கவும்



ஒரு சாஸ் பானில் வெல்லத்தை எடுத்து அதனுடன் நீர் சேர்க்கவும்



வெல்லம் நன்கு கரையும் வரை அதனை சூடாக்கவும்



அதனை வடிகட்டிக் கொள்ளவும்



பலாப்பழத்துடன் சேர்த்துக் கொள்ளவும்



நன்கு கலக்கவும்



அதனை வேக வைக்கவும்



அதிலுள்ள நீா் முழுவதும் வெளிறேி கலவை கெட்டியாகும் வரை நன்கு கிளறவும்



4 மேஜைக்கரண்டி நெய் சேர்க்கவும்



நன்கு கிளறவும்



பலாப்பழ அல்வா ரெடி!!!!!!!!!!

எள்ளோதரை



சத்தான மதிய உணவு எள்ளோதரை

எள்ளில் அதிகளவு சத்துக்கள் நிறைந்துள்ளது. இன்று எள்ளை வைத்து சத்தான சுவையான ஒரு வெரைட்டி ரைஸ் செய்வது எப்படி என்று பார்க்கலாம்.
தேவையான பொருட்கள் :

வடித்த சாதம் - ஒரு கப்,
கருப்பு எள் - 4 டீஸ்பூன்,
கடலைப் பருப்பு - 2 டீஸ்பூன்,
உளுந்தம் பருப்பு - 2 டீஸ்பூன்,
உப்பு, எண்ணெய் - தேவையான அளவு,
காய்ந்த மிளகாய் - 4,
கறிவேப்பிலை - சிறிதளவு,
கடுகு - சிறிதளவு.



செய்முறை :

வெறும் வாணலியில் எள், கடலைப் பருப்பு, உளுந்தம் பருப்பு, காய்ந்த மிளகாய், கறிவேப்பிலை தனித்தனியாக போட்டு நன்றாக வாசனை வரும் வரை வறுத்து ஆற விடவும்.

நன்றாக ஆறியதும் இதனுடன் உப்பு சேர்த்து மிக்சியில் பவுடராக பொடித்து கொள்ளவும்.

வாணலியில் எண்ணெய் விட்டு சூடானதும் கடுகு போட்டு தாளித்த பின் அரைத்த பொடி, வடித்த சாதம் சேர்த்து கிளறி இறக்கவும்.

சூப்பரான சத்தான எள்ளோதரை ரெடி.

அன்னாசி பழ பாயாசம் / PINEAPPLE KHEER



அன்னாசி பழ பாயாசம் / PINEAPPLE KHEER

தேவையான பொருட்கள்

ஜவ்வரிசி               –        1 கப்

நீர்                     –        2 கப்

அன்னாசிப் பழம்       –        2 கப் (நறுக்கியது)

சூடான பால்            –        500 மிலி

சர்க்கரை               –        ½ கப் + ¼ கப்

ஃபுட் கலர் (yellow)       –        ஒரு சிட்டிகை

செய்முறை



ஜவ்வரிசியை நன்கு கழுவவும்



அதனை பிரஷர் குக்கரில் எடுத்துக் கொள்ளவும்



ஒரு விசில் வரும் வரை வேக வைத்து பின்பு அதனை தனியே வைக்கவும்



பின்பு பாதியளவு அன்னாசி பழத்தை மிக்சியில் எடுத்துக் கொள்ளவும்



மென்மையான விழுதாக அரைத்துக் கொள்ளவும்



பின்பு அதனை ஒரு சாஸ் பானில் எடுத்துக் கொள்ளவும்



மீதமுள்ள அன்னாசி பழ துண்டுகளை அதனுடன் சேர்க்கவும்



நன்கு கிளறவும்



கலவை சிறிது கெட்டியாகும் வரை கிளறவும்



சர்க்கரை சேர்க்கவும்



பின்பு ஃபுட் கலர் சேர்த்து நன்கு கலக்கவும்.



பின்பு தனியே வைத்து ஆற வைக்கவும்



ஒரு சாஸ் பானில் பாலை எடுத்துக் கொள்ளவும்



கொதிக்க வைத்து சிறிது நேரம் சிம்மில் வைக்கவும்



ஒரு சாஸ் பானில் ஜவ்வரிசியை எடுத்துக் கொள்ளவும்



சர்க்கரை சேர்த்து நன்கு கலக்கவும்



சூடான பாலை அதனுடன் சேர்க்கவும்



நன்கு கலக்கவும்



பின்பு அதனை ஒரு பாத்திரத்தில் எடுத்து தனியே வைத்து ஆற வைக்கவும்



நன்கு ஆறியதும் அன்னாசி கலவையை அதனுடன் சேர்க்கவும்



சில மணி நேரங்கள் குளிர வைக்கவும்



அன்னாசி பழ பாயாசம் ரெடி !!!!!!!!!!

பேரீட்சை லட்டு / DATES LADDU



பேரீட்சை லட்டு / DATES LADDU

தேவையான பொருட்கள்

பேரீட்சை                            -       15

கோ கோ தூள்                        –        2 மேஜைக்கரண்டி

தேன்                                 –        2 - 3 மேஜைக்கரண்டி

முந்திரி, பாதாம், பிஸ்தா, வால் நட்   –       1/2 கப்

ஆளி விதை                          –        2 மேஜைக்கரண்டி

தேங்காய் துருவல்                   –        1/2 கப்

செய்முறை



தேவையான பொருட்களை எடுத்துக் கொள்ளவும்



பேரீட்சை பழங்களை எடுத்துக் கொள்ளவும்





விதையை நீக்கி விட்டு சிறிதாக நறுக்கிக் கொள்ளவும்



அதனுடன் முந்திரி, பாதாம், பிஸ்தா, வால்நட் சேர்க்கவும்



கோ கோ தூள் சேர்க்கவும்



ஆளி விதை சேர்க்கவும்



தேன் சேர்க்கவும்



நன்கு பிசையவும்



பின்பு அதனை சிறு சிறு உருண்டைகளாக உருட்டிக் கொள்ளவும்



அதனை தேங்காய் துருவலில் போட்டு எடுக்கவும்



பேரீட்சை லட்டு ரெடி!!!!!!

பப்பாளி பழ ஜாம் / PAPAYA JAM



பப்பாளி பழ ஜாம் / PAPAYA JAM

தேவையான பொருட்கள்

பழுத்த பப்பாளி பழம்       –        2 கப்(அரைத்தது)

சர்க்கரை                   –        1/4 கப்

எலுமிச்சை சாறு           –        1 தேக்கரண்டி

செய்முறை



பழுத்த பப்பாளி பழத்தை எடுத்துக் கொள்ளவும்



மிக்சியில் போடவும்



மென்மையான விழுதாக அரைத்துக் கொள்ளவும்.



பின்பு அரைத்த பப்பாளி விழுதை ஒரு பானில் எடுத்துக் கொள்ளவும்.



பின்பு தேவையான அளவு சர்க்கரை சேர்க்கவும்.



நன்கு கிளறவும்.



சர்க்கரை மெதுவாக கரையத் துவங்கும்.



தொடர்ந்து கிளறிக் கொண்டிருக்கவும்.



பப்பாளி விழுது வேகமாக கெட்டியாகத் துவங்கும்.



கெட்டியாகி ஜாம் பதத்திற்கு வரும் வரை தொடர்ந்து கிளறவும்.



பின்பு தீயை அணைத்து விட்டு எலுமிச்சை சாறு சேர்க்கவும்.



நன்கு கிளறவும்.



பப்பாளி பழ ஜாம் ரெடி!!!!!

மாம்பழ கேசரி / MANGO FRUIT KESAR



மாம்பழ கேசரி / MANGO FRUIT KESARI

தேவவையான பொருட்கள்

மாம்பழம்            –        1.5 கப்

சர்க்கரை             –        3/4 கப்

குங்குமப் பூ          –        ஒரு சிட்டிகை(விரும்பினால்)

ஏலக்காய் பொடி     –        1 தேக்கரண்டி

ரவை                –        1 கப்

நீர்                  –        1.5 கப்

நெய்                –        3 மேஜைக்கரண்டி

செய்முறை

மாம்பழத்துடன் ஏலக்காய் தூள், குங்குமப் பூ, சர்க்கரை, சேர்த்து மென்மையான விழுதாக அரைத்துக் கொள்ளவும்.

15 நிமிடங்கள் தனியே வைக்கவும். கடாயில் நெய்விட்டு சூடானதும் அதில் ரவையை போட்டு மணம் வரும் வரை வறுத்துக் கொள்ளவும்.

ஒரு அடி கனமான பாத்திரத்தில் சிறிது நெய் விட்டு முந்திரியை பொரித்துக் கொள்ளவும். முந்திரி லேசாகட பொன்னிறமானதும் உலர் திராட்சை சேர்க்கவும். பின்பு அவற்றை ஒரு பாத்திரத்தில் தனியே வைக்கவும்.

பின்பு அதே பாத்திரத்தில் 1.5 கப் நீர் சேர்த்து கொதிக்க வைக்கவும்.

ரவையை மெதுவாக நீரில் போட்டு கொண்டே தொடர்ந்து நன்கு கிளறவும்

நீர் முழுவதும் ஆவியாகும் வரை நன்கு கிளறிக் கொண்டிருக்கவும்.

பின்பு ஒரு மேஜைக்கரண்டி நெய் சேர்த்து நன்கு கிளறவும்.


பின்பு அரைத்த மாங்காய் விழுது சேர்த்து நன்கு கிளறவும்.


பின்பு குறைந்த தீயில் வைத்து 10 நிமிடங்கள் நன்கு கலக்கவும்.


பின்பு தீயை அணைத்து விட்டு அதனை மூடி 10 -15 நிமிடங்கள் வைக்கவும்

பின்பு அதன் மீது முந்திரி மற்றும் உலர் திராட்சை சேர்த்து பரிமாறவும். மாம்பழ கேசரி ரெடி!!!!!!!!