வியாழன், 2 பிப்ரவரி, 2017

சூப்பரான பட்டாணி ஸ்டஃப்டு சப்பாத்தி

சூப்பரான பட்டாணி ஸ்டஃப்டு சப்பாத்தி

பச்சை பட்டாணியில் அதிகளவு சத்துக்கள் நிறைந்துள்ளது.

இப்போது பச்சை பட்டாணி ஸ்டஃப்டு சப்பாத்தி செய்வது எப்படி என்று கீழே விரிவாக பார்க்கலாம்.

*தேவையான பொருட்கள் :*

கோதுமை மாவு - 2 கப்,
பச்சைப் பட்டாணி - ஒரு கப்
கொத்தமல்லித் தழை - அரை கட்டு,
பச்சை மிளகாய் - 2,
இஞ்சி - சிறு துண்டு,
நெய் - எண்ணெய் கலவை,
உப்பு - தேவையான அளவு.

*செய்முறை :*

* பச்சை பட்டாணியை வேக வைத்து கொள்ளவும்.

* கோதுமை மாவுடன் சிறிதளவு உப்பு, தேவையான நீர் சேர்த்து சப்பாத்தி மாவு பதத்தில் பிசைந்து 30 மணி நேரம் ஊற விடவும்.

* வேகவைத்த பச்சை பட்டாணியுடன் கொத்தமல்லித்தழை, இஞ்சி, பச்சை மிளகாய், சிறிதளவு உப்பு சேர்த்து அரைத்து சின்னச் சின்ன உருண்டைகள் தயார் செய்யவும்.

* பிசைந்து வைத்துள்ள கோதுமை மாவை சிறிதளவு எடுத்து அதை கிண்ணம் போல் செய்து அதனுள் பட்டாணி விழுது உருண்டையை வைத்து மூடி (வெளியே விழுது வராதபடி) சப்பாத்திகளாக தேய்க்கவும்.

* தோசைக்கல் அடுப்பில் வைத்து சூடானதும் அதில் தேய்த்து வைத்த சப்பாத்தியைப் போட்டு சுற்றிலும் நெய் - எண்ணெய் கலவையை ஊற்றி, இருபுறமும் திருப்பிப் போட்டு வேகவிட்டு எடுக்கவும்.

* சூப்பரான பட்டாணி ஸ்டஃப்டு சப்பாத்தி ரெடி.

* சூப்பரான பட்டாணி ஸ்டஃப்டு சப்பாத்தியை அப்படியே சுருட்டி லஞ்ச் பாக்ஸில் வைத்து கொடுத்து அனுப்பலாம்.

மிளகு மட்டன் கிரேவி|mutton gravy recipe in tamil

மிளகு மட்டன் கிரேவி|mutton gravy recipe in tamil.

மட்டன் – 1 கி

வறுத்து பொடிக்க:

மிளகு – 4 ஸ்பூன்
சீரகம் – 2 ஸ்பூன் சோம்பு – 1 ஸ்பூன் பட்டை,கிராம்பு,ஏலம் – தேவையான அளவு

தாளிக்க:

பெரிய வெங்காயம் – 4
தக்காளி – 1
இஞ்சி பூண்டு பேஸ்ட் – 2 ஸ்பூன்
பூண்டு – 1 மிளகாய்த்தூள் – அரை ஸ்பூன் தனியாத்தூள் – 2 ஸ்பூன் மஞ்சள்தூள் – கால் ஸ்பூன் உப்பு – தேவையான அளவு எண்ணெய் – தேவையான அளவு ப.மிளகாய் – 2 கொத்தமல்லி தழை – சிறிதளவு

செய்முறை:

மட்டனை நன்கு கழுவிக் கொள்ளவும்.

அடுப்பில் வாணலியை வைத்து அதில் எண்ணை விட்டு காய்ந்ததும் வெங்காயத்தை போட்டு சிவக்க வதக்கவும்.

பிறகு இஞ்சி ,பூண்டு பேஸ்ட் போட்டு வதக்கி தக்காளி, ப.மிளகாய், உப்பு கொத்தமல்லி தழை சேர்த்து வதக்கவும்.

மஞ்சள் தூள், தனிய தூள், மிளகாய் தூள் சேர்த்து வதக்கவும். பின்பு மட்டன் மற்றும் பொடித்து வைத்துள்ள பொடிகளையும் போட்டு நன்றாக கிளறி விடவும்.

இரண்டு டம்ளர் தண்ணீர் ஊற்றி நன்றாக வேகவைக்கவும். இது கிரேவியாக வரும்வரையில் சிம்மில் வைக்கவும்
கடைசியுல் கொத்தம்மல்லி சேர்த்து இறக்கி வைக்கவும்.

இப்பொழுது சுவையான மட்டன் கிரேவி ரெடி.

வறுத்த இட்லி!!

வறுத்த இட்லி!!

           இட்லியில் எத்தனையோ வகைகள் இருக்கின்றன. அதில் வறுத்த இட்லி மிகவும் ருசியானது. இதற்கு எந்த ஒரு சட்னியோ அல்லது சாம்பாரோ தேவையில்லை. அதிலும் இது மாலை வேளையில் குழந்தைகளுக்கு ஏற்ற ஒரு உணவு. இப்போது அந்த வறுத்த இட்லியை எப்படி எளிதாக செய்வதென்று பார்ப்போம்.

தேவையான பொருட்கள் :

இட்லி மாவு - 3 கப்

இட்லிப் பொடி - 3 டேபிள் ஸ்பு ன்

வெங்காயம் - 3 (நறுக்கியது)

கறிவேப்பிலை - சிறிது

கொத்தமல்லித்தழை - சிறிது

எலுமிச்சை சாறு - 1 டேபிள் ஸ்பு ன்

உப்பு - தேவையான அளவு

எண்ணெய் - தேவையான அளவு

செய்முறை :

🍝 முதலில் இட்லி மாவைக் கொண்டு, சிறு சிறு இட்லிகளாக ஊற்றி, வேக வைத்துக் கொள்ளவும்.

🍝 பின்னர் ஒரு வாணலியை அடுப்பில் வைத்து, அதில் எண்ணெய் ஊற்றிக் காய்ந்ததும், வெங்காயத்தைச் சேர்த்து கறிவேப்பிலையைப் போட்டு, தேவையான அளவு உப்பு சேர்த்து, பொன்னிறமாக வதக்க வேண்டும்.

🍝 பிறகு ஊற்றி வைத்துள்ள சிறு சிறு இட்லிகளை, அத்துடன் சேர்த்து, இட்லிப் பொடி, எலுமிச்சை சாறு மற்றும் கொத்தமல்லித்தழை சேர்த்து கிளறி இறக்க வேண்டும். இப்போது அருமையான வறுத்த இட்லி தயார்!!!

சர்க்கரை நோயைக் குணப்படுத்தும் வேப்பம் பூ சூப்.

சர்க்கரை நோயைக் குணப்படுத்தும் வேப்பம் பூ சூப்.

நாம் சாப்பிடும் உணவில் உள்ள சர்க்கரையைக் கொழுப்பாகவும், கிளைகோ ஜென்னாகவும் சேமித்து வைத்து, நமது உடம்பிற்கு தேவையான இன்சுலின்களை சுரக்கும் பணியை கணையம் செய்கிறது.

கணையத்திலிருந்து சுரக்கும் இன்சுலினின் அளவு குறையும் போது, உணவில் உள்ள சர்க்கரையானது, நமது உடம்பில் ஓடும் ரத்தத்தில் நேரடியாக கலந்து விடுகிறது.
இதனால் சர்க்கரையின் அளவு அதிகரிப்பதால் சர்க்கரை நோய் ஏற்படுகிறது, இவர்களுக்கான அருமையான பானம் தான் வேப்பம் பூ சூப்.

*தேவையானவை :*

வேப்பம் பூ – 4 டீஸ்பூன்
வெண்ணெய் – 4 டீஸ்பூன்
காய்கறிகள் வேக வைத்த தண்ணீர் – 1 கப்
எலுமிச்சைச் சாறு – 2 டீஸ்பூன்
பனங்கற்கண்டு – 4 டீஸ்பூன்
உப்பு – தேவையான அளவு
மிளகுத்தூள் – 1 டீஸ்பூன்

*செய்முறை :*

முதலில் வாணலியில் வெண்ணெய் ஊற்றி, அது காய்ந்ததும், அதில் வேப்பம்பூவைப் போட்டு வறுக்க வேண்டும்.

பின் வேப்பம் பூ நன்கு வறுபட்டதும், அதனுடன் பனங்கற்கண்டு, தேவையான அளவு தண்ணீர் சேர்த்து சிறிது நேரம் கொதிக்க விட வேண்டும்.

பின்பு இறக்கி ஒரு மெல்லிய துணியில், இந்த சூப்பை வடிகட்டி, அதனுடன் காய்கறிகள், தண்ணீர், உப்பு, மிளகுத்தூள், எலுமிச்சைச் சாறு ஆகியவற்றைக் கலந்து குடிக்க வேண்டும்.

சர்க்கரை நோயினால் பாதிக்கப்பட்ட அனைத்து வயதினரும் இந்த வேப்பம்பூ சூப்பைக் வாரம் ஒருமுறை குடித்து வந்தால், நல்ல பயன்கள் கிடைக்கும்.

ஆடாதொடை சூரணம் :

ஆடாதொடை சூரணம் :

தேவையானது : நிழலில் உலர வைத்த ஆடாதொடை
இலை 400 கிராம்
மிளகு 100 கிராம்

மிளகை லேசாக வறுத்து இடித்து தூள் செய்து சளித்துக் கொள்ள வேண்டும்.

ஆடாதொடை இலையையும் தனியாக இடித்து சளித்துக் கொள்ள வேண்டும். இரண்டையும் ஒன்றாக கலந்து பயன்படுத்த வேண்டும்.

தீர்வு : சளி, இருமல், ஆஸ்துமா

அளவு 1 டீஸ்பூன் தேன் அல்லது வெந்நீர், உணவிற்குப்பின் ஒரு நாளைக்கு 3 வேலை எடுக்கவும்.

புதன், 1 பிப்ரவரி, 2017

கைக்குத்தல் அரிசி இட்லி!!

கைக்குத்தல் அரிசி இட்லி!!

    நீரிழிவு நோயாளிகள் எந்த ஒரு உணவையும் எளிதில் சாப்பிட முடியாது. எதை சாப்பிட நினைத்தாலும், அதற்கு முன்பு பலமுறை யோசிக்க வேண்டும். முக்கியமாக இத்தகையவர்கள், அரிசியை உணவில் அதிகம் சேர்க்கவே கூடாது என்று சொல்வார்கள். ஆனால் கைக்குத்தல் அரிசியால் ஆன இட்லி, மிகவும் சிறந்த ஒரு காலை உணவாகும். கைக்குத்தல் அரிசி இட்லி சற்று வித்தியாசமான சுவையில் இருக்கும். இந்த கைக்குத்தல் அரிசி இட்லியை எப்படி எளிதாக செய்வதென்று பார்ப்போம்.

தேவையானப் பொருட்கள் :

கைக்குத்தல் அரிசி - 3 கப்

உளுத்தம் பருப்பு - 1 கப்

அவல் - 1 கப்

உப்பு - தேவையான அளவு

தண்ணீர் - தேவையான அளவு

செய்முறை :

👉 முதலில் கைக்குத்தல் அரிசி, உளுத்தம் பருப்பு மற்றும் அவலை தனித்தனியாக நன்கு கழுவிக் கொள்ளவும். பின் ஒவ்வொன்றையும் 3 கப் தண்ணீர் ஊற்றி, 8 மணிநேரம் ஊற வைத்துக் கொள்ளவும்.

👉 பிறகு அதனை கழுவி தனியாக வைத்து கொள்ளவும். முதலில் அரிசியை கிரைண்டரில் போட்டு, நன்கு நைஸாக அரைத்துக் கொள்ளவும். பின்னர் உளுத்தம் பருப்பு மற்றும் அவலை தனியாக நன்கு நைஸாக அரைத்து விட்டு, மூன்றையும் ஒன்றாக மீண்டும் கிரைண்டரில் போட்டு, 10 நிமிடம் நன்கு கலந்து கொள்ளவும்.

👉 பின்பு அதனை 4 மணிநேரம் புளிக்க வைத்து, உப்பு போட்டு கலந்து கொள்ளவும். பிறகு இந்த மாவினை இட்லி பாத்திரத்தில் இட்லிகளாக ஊற்றி எடுத்தால் சுவையான கைக்குத்தல் அரிசி இட்லி தயார்!!! இதனை தேங்காய் சட்னியுடன் சாப்பிட்டால், சுவையாக இருக்கும்.

கேரள ஸ்டைல் அப்பம்!!!

கேரள ஸ்டைல் அப்பம்!!!

           கேரள உணவுகள் பொதுவாக அருமையாக இருக்கும். அதிலும் மீன் மற்றும் புட்டு தான் அனைவருக்கும் பிடிக்கும். இதற்கும் நிறைய பிரியர்கள் உள்ளனர். அத்தகைய அப்பத்தை கேரளாவில் போய் சாப்பிடுவதற்கு பதிலாக, அதனை வீட்டிலேயே கேரளாவில் சாப்பிடும் சுவைக்கு செய்யலாம். இந்த கேரள ஸ்டைல் அப்பம் எப்படி எளிதாக செய்வது என்று பார்ப்போம்.

தேவையானப் பொருட்கள் :

பச்சரிசி - 3 கப்

தேங்காய் - 1 கப் (துருவியது)

இளநீர் - 3

உப்பு - தேவையான அளவு

செய்முறை :

🍅 முதலில் பச்சரிசியை 1 மணிநேரம் நீரில் ஊற வைத்துக் கொள்ளவும். பின்னர் அதனை கழுவி, கிரைண்டரில் போட்டு, தேங்காய் மற்றும் தேவையான அளவு நீருக்கு பதிலாக இளநீரை ஊற்றி, நன்கு நைஸாக அரைத்துக் கொள்ளவும்.

🍅 பின் அதனை ஒரு பாத்திரத்தில் போட்டு, உப்பு சேர்த்து, அப்ப மாவு பதத்திற்கு கரைத்துக் கொள்ளவும்.

🍅 பிறகு ஒரு வாணலியை அடுப்பில் வைத்து காய்ந்ததும், அதில் எண்ணெய் விட்டு, பின் ஒரு கரண்டி அப்ப மாவு ஊற்றி, ஒரு துணியால் அந்த வாணலியை எடுத்து, ஒரு முறை வட்டமாக அப்பம் வருவது போல் சுற்றி, பின்பு ஒரு தட்டை வைத்து 2 - 3 நிமிடம் மூடி வேகவைத்து எடுத்தால் சுவையான கேரள ஸ்டைல் அப்பம் தயார்!!!

சத்துமாவு தயாரிக்கும் முறை

சத்துமாவு  தயாரிக்கும் முறை

இயற்கை உணவுகள் பற்றிய விழிப்புணர்வு தற்போது மக்களிடம் பெருகி வருகிறது.

*தேவையான பொருட்கள்:*

ராகி 2 கிலோ
சோளம் 2 கிலோ
கம்பு 2 கிலோ
பாசிப்பயறு அரை கிலோ
கொள்ளு அரை கிலோ
மக்காசோளம் 2 கிலோ
பொட்டுக்கடலை ஒரு கிலோ
சோயா ஒரு கிலோ
தினை அரை கிலோ
கருப்பு உளுந்து அரை கிலோ
சம்பா கோதுமை அரை கிலோ
பார்லி அரை கிலோ
நிலக்கடலை அரை கிலோ
அவல் அரை கிலோ
ஜவ்வரிசி அரை கிலோ
வெள்ளை எள் 100 கிராம்
கசகசா 50 கிராம்
ஏலம் 50 கிராம்
முந்திரி 50 கிராம்
சாரப்பருப்பு 50 கிராம்
பாதாம் 50 கிராம்
ஓமம் 50 கிராம்
சுக்கு 50 கிராம்
பிஸ்தா 50 கிராம்
ஜாதிக்காய் 2
மாசிக்காய் 2

*செய்முறை :*

ராகி, சோளம், கம்பு, பாசிப்பயறு, கொள்ளு ஆகியவற்றை தண்ணீரில் 12 மணி நேரம் ஊற வைக்க வேண்டும்.
தண்ணீரை நன்றாக வடித்த பின்னர் அதை ஒரு துணியில் கட்டி 12 மணி நேரம் கழித்து எடுத்தால், தானியங்கள் முளைவிட்டு இருக்கும். அவற்றை 3 நாள் வெயிலில் காய வைக்க வேண்டும். மற்ற பொருட்களை ஒரு நாள் வெயிலில் காய வைக்க வேண்டும். அனைத்தையும் மொத்தமாக மாவு மில்லில் அரைத்து, 4 மணி நேரம் ஆற வைத்தால் சத்து மாவு தயார். 12 கிலோ மாவு கிடைக்கும்.
சத்து மாவு தயாரிக்க தேவையான பொருட்கள் மளிகைக் கடைகளில் கிடைக்கின்றன. தனியாக இடம் எதுவும் தேவையில்லை. வீட்டிலேயே தானியங்களை ஊற வைத்து, முளை கட்டலாம். வீட்டு வளாகத்தில் காய வைக்கலாம். தானியங்களை வீட்டு மிக்சியில் அரைத்தால் சரியாக வராது. மாவு மில்லில் கொடுத்து அரைக்க வேண்டும்.

*பயன்கள்*

1.ஒரு நபருக்கு ஒரு டம்ளர் தண்ணீர் வீதம் கொதிக்க வைக்க வேண்டும்.

2. ஒருவருக்கு 2 ஸ்பூன் மாவு வீதம் தண்ணீரில் கலந்து 2 நிமிடம் கொதிக்க வைத்தால் சத்து மாவு கூழ் தயாராகி விடும்.

3.அதில் அவரவர் விருப்பப்படி இனிப்பு அல்லது உப்பு அல்லது உப்பு, மிளகுபொடி சேர்த்து பருகலாம்.

4.எதுவும் கலக்காமல் அப்படியேகூட குடிக்கலாம்.காலையில் 2 டம்ளர் சத்துமாவு பானம் குடித்தால் காலை சாப்பாடு பூர்த்தியாகி விடும்.

5.இதன்மூலம் உடலுக்கு தேவையான சத்துகள் மற்றும் சக்தி கிடைக்கிறது.
6.கார்போஹைட்ரேட், கொழுப்பு குறைவாக இருப்பதால் உடல் பெருக்காது.

7.உடல் எடையை குறைக்க உதவுகிறது. குழந்தைகளுக்கு ஏற்ற உணவு. காலை, மாலை வேளைகளில் அவர்களுக்கு தரலாம்.

8.முதியோர்கள் இதை அருந்தும் போது உடனடி சக்தி கிடைப்பதை உணர முடியும். எளிதில் ஜீரணிக்க கூடிய உணவு.

*குறிப்பு:*

6 மாதம் கெடாது

1.சத்துமாவு காயவைத்து, வறுத்து அரைக்கப்படுவதால் 6 மாதம் வரை கெடாது.

2.பொதுவாக ஒரு நபர் ஒரு நாளைக்கு 50 கிராம் வரை பயன்படுத்தினால் ஒரு கிலோ பாக்கெட் 20 நாளில் தீர்ந்து விடும். இதனால், கெட்டு விடுமோ என்ற கவலையும் தேவையில்லை.

இன்றே இதை உங்கள் வீட்டில் நீங்களே தயாரித்து உங்களின் அக்கறை மிக்க குடும்பத்தினர் அனைவரும் பயன்படுத்தி நலமும் வளமும் பெறுங்கள்.

கார தோசை!!

கார தோசை!!

            பொதுவாக தோசை என்றால் அனைவருக்கும் பிடிக்கும். ஏனெனில் இதனை செய்து சாப்பிடுவது என்பது மிகவும் எளிதானது அல்லவா? இத்தகைய தோசையில் பல வகைகள் உள்ளன. இப்போது அதில் ஒரு வகையான கார தோசையை எப்படி எளிதாக செய்வதென்று பார்ப்போம்.

தேவையானப் பொருட்கள் :

புழுங்கலரிசி - 4 கப்

துவரம் பருப்பு - 1 கப்

வர மிளகாய் - 10

புளி - சிறிய நெல்லிக்காய் அளவு

பு ண்டு - 12 பல்

உப்பு - தேவையான அளவு

பெருங்காயத் தூள் - சிறிது

கொத்தமல்லிதழை - சிறிது

எண்ணெய் - தேவையான அளவு

செய்முறை :

🍪 முதலில் அரிசி மற்றும் துவரம் பருப்பை நீரில் 2 மணிநேரம் ஊற வைத்துக் கொள்ளவும். பின்னர் அதனை கிரைண்டரில் போட்டு, அத்துடன் வரமிளகாய், புளி, பு ண்டு, பெருங்காயத்தூள் சேர்த்து நன்கு மென்மையாக, தோசை மாவு போல் அரைத்துக் கொள்ளவும்.

🍪 பிறகு அதில் உப்பு மற்றும் கொத்தமல்லிதழை சேர;த்து கலந்து சுமார; நான்கு மணிநேரம் புளிக்க விட வேண்டும்.

🍪 பின்பு ஒரு தோசைக் கல்லை அடுப்பில் வைத்து, கல்லானது சு டானதும் மாவை தோசைகளாக ஊற்றி எண்ணெய் விட்டு வேக வைத்து எடுத்தால் சுவையான கார தோசை தயார;!!!. இதற்கு தொட்டுக் கொள்ள தேங்காய் சட்னி அருமையாக இருக்கும்.

இஞ்சிப் பால்..!

அரிது சிரியது எளிது
இஞ்சிப் பால்..! இதை சாப்பிட்டால்…..

கொடி போல இடை தளிர்போல நடைன்னு சொல்வாங்க. அப்படி சிக்குன்னு சுறுசுறுன்னு இருக்கனும்பாங்க. சுலபமா செஞ்சு முடிக்கக்கூடிய இஞ்சிப் பால் இருக்க பயமேன்? கவலையை விடுங்க

ஒரு நபர் ஒரு வேளை குடிக்கக்கூடிய அளவுக்கு இஞ்சிப்பால் செய்யறது எப்படி?

ஆள்காட்டி விரல் பருமனில் சிறிது துண்டு இஞ்சியை எடுத்துத் தோலைச் சீவிக்கணும். தோல் சீவிய இஞ்சித்துண்டை நல்லா நசுக்கிட்டு, பிறகு முக்கால் குவளை தண்ணீர் எடுத்து அதில் நசுக்கிய இஞ்சியை போட்டு நல்லா கொதிக்க விடணும். தண்ணீரில் சாரம் முழுவதும் இறங்கி விடும். பிறகு வடிகட்டி சாரை எடுத்துக் கொள்ளணும்.

அப்புறம் அரைக் குவளை காய்ச்சிய பால் எடுத்துக்கொண்டு அத்துடன் வடிக்கட்டிய சாரத்தை கலந்து கொள்ளணும். அத்துடன் தேவையான அளவில் தேன் அல்லது பணங்கற்கண்டு அல்லது சர்க்கரை இனிப்புச் சுவைக்காக சேர்த்துக்கணும். அவ்வளவுதான். இஞ்சிப்பால் தயார். இந்த இஞ்சிப் பாலை காலையில வெறும் வயிற்றில் குடிக்கனும்.

அட. இப்படி தினம் செஞ்சா என்ன கிடைக்கும்?

1. நுரையீரல் சுத்தமாகும்.

2. சளியை ஒழுச்சு கட்டிடும்.

3. வாயுத் தொல்லை என்பதே வராது.

4. தேவையில்லாத கொழுப்பு பொருளை கரைச்சிடும்.

5. தொப்பை வயிற்றுக்காரர்கள் தொப்பைக்கு விடை கொடுத்துவிடலாம்.

6. அதிகமா எடை இருந்தா படிப்படியாக குறைஞ்சிடும்.

7. ஒல்லியா ஆகணும்னு நினைக்கிறவங்க தொடர்ந்து குடிக்கலாம்.

8. இரத்தக் குழாய்களில் அடைப்பு எதுனாலும் இருந்தா நீக்கி விடும். அதனால மாரடைப்பை தடுக்கும் சத்தி இதுக்கு இருக்கு.

9. முக்கியமா பெண்களுக்கு சினைப்பையில் வரக்கூடிய புற்றுநோய்க் கட்டிகளை நீக்கி விடும்.

10. தினமும் சாப்பிட்டால் உடம்பு சும்மா சுறு சுறுன்னு இருக்கும்மில்லே.

அதுசரி, இந்த பாலை எல்லாருமே சாப்பிடலாமா?

3 வயசுக்கு மேல யார் வேணுமின்னாலும் சாப்பிடலாம்.

ஆனால் வாய்ப்புண், வயிற்றுப் புண், மலவாயில் புண், எரிச்சல் இருப்பவர்கள் தவிர்க்கனும்.

பன்னீர் தோசை !!

பன்னீர் தோசை !!

         தோசையில் பல வகைகள் உள்ளன. ஒவ்வொருவருக்கும் ஒவ்வொரு விதமான ருசி உள்ளது. பெரும்பாலும் தோசையில் மசாலா தோசை என்று உருளைக்கிழங்கை மசாலா போன்று செய்து, அதனை தோசையின் நடுவில் வைத்து, சாப்பிடுவோம். ஆனால் அவற்றில் சற்று வித்தியாசமாக, உருளைக்கிழங்கு மசாலாவுடன் பன்னீரை சேர்த்து செய்வது பன்னீர் தோசை ஆகும். இப்போது அந்த பன்னீர் தோசையை அருமையான சுவையில் எப்படி எளிதாக செய்வதென்று பார்ப்போம்.

தேவையானப் பொருட்கள் :

அரிசி - 4 கப்

உளுத்தம் பருப்பு - 1 கப்

உருளைக்கிழங்கு - 5 (வேக வைத்தது)

பன்னீர் - 1 கப் (துருவியது)

வெங்காயம் - 3 (நறுக்கியது)

பச்சை மிளகாய் - 3 (நறுக்கியது)

கடுகு - 1 டீஸ்பு ன்

சீரகம் - 1 டீஸ்பு ன்

வெந்தயம் - 1 டீஸ்பு ன்

மஞ்சள் தூள் - 1 டீஸ்பு ன்

மிளகாய் தூள் - 1 டீஸ்பு ன்

கறிவேப்பிலை - சிறிது

உப்பு - தேவையான அளவு

எண்ணெய் - தேவையான அளவு

வெண்ணெய் - தேவையான அளவு

செய்முறை :

👉 முதலில் அரிசி, உளுத்தம் பருப்பு மற்றும் வெந்தயத்தை நீரில் ஊற வைத்துக் கொள்ளவும். பின்பு அதனை கிரைண்டரில் போட்டு, மென்மையாக தோசை மாவு பதத்திற்கு அரைத்து, அதில் உப்பு சேர்த்து கலந்து, 4 அல்லது 5 மணிநேரம் ஊற வைத்துக் கொள்ளவும்.

👉 பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, சீரகம், கறிவேப்பிலை சேர்த்து தாளித்து, பின், வெங்காயம் போட்டு பொன்னிறமாக வதக்கிக் கொள்ளவும்.

👉 பின்னர் பன்னீர், மசித்த உருளைக்கிழங்கு, மஞ்சள் தூள், மிளகாய் தூள், பச்சை மிளகாய் மற்றும் உப்பு சேர்த்து 1 நிமிடம் வதக்கி, இறக்க வேண்டும். பின்பு தோசைக் கல்லை அடுப்பில் வைத்து, அதில் வெண்ணெய் விட்டு உருகியதும், தோசை ஊற்றி வேக வைத்து எடுத்துக் கொள்ளவும்.

👉 பின் அந்த தோசை ஒரு தட்டில் வைத்து, அதில் வதக்கி வைத்துள்ள பன்னீர் கலவையை சுற்றி வைத்து, சுருட்டி பரிமாறினால் சுவையான பன்னீர் தோசை தயார்!!! இதனை தேங்காய் சட்னி மற்றும் சாம்பாருடன் சாப்பிட்டால் சுவையாக இருக்கும்.

தக்காளி ஊத்தாப்பம்!!

தக்காளி ஊத்தாப்பம்!! 

         பொதுவாக தோசையை தான் பலர் விரும்பி சாப்பிடுவார்கள். ஆனால் அந்த தோசையை சற்று தடிமனாக ஊற்றினால், அதனையே ஊத்தாப்பம் என்று சொல்வார்கள். பெரும்பாலும் இதனை குழந்தைகள் விரும்பி சாப்பிட மாட்டார்கள். ஆனால் அவர்களுக்கு பிடித்த காய்கறிகளை பயன்படுத்தி, ஊத்தாப்பம் செய்து கொடுத்தால், அனைவருமே ஊத்தாப்பத்தை விரும்பி சாப்பிடுவார்கள். இப்போது அவற்றில் ஒருவகையான தக்காளி ஊத்தாப்பத்தை எப்படி எளிதாக செய்வதென்று பார்ப்போம்.

தேவையானப் பொருட்கள் :

இட்லி மாவு - 5 கப்

வெங்காயம் - 2 (நறுக்கியது)

கேரட் - 1 கப் (துருவியது)

பட்டாணி - 1 கப் (வேகவைத்தது)

தக்காளி - 1ஃ2 கப் (நறுக்கியது)

பச்சை மிளகாய் - 6 (நறுக்கியது)

இஞ்சி - 2 டீஸ்பு ன் (துருவியது)

கொத்தமல்லிதழை - சிறிது (நறுக்கியது)

உப்பு - தேவையான அளவு

எண்ணெய் - தேவையான அளவு

செய்முறை :

🍪 முதலில் இட்லி மாவில் இஞ்சி, பச்சை மிளகாய் மற்றும் உப்பு சேர்த்து கலந்து கொள்ளவும்.

🍪 பின்னர் தோசைக் கல்லை அடுப்பில் வைத்து, சு டேற்ற வேண்டும். கல்லானது சு டானதும், அதில் எண்ணெய் தடவி, மாவை தடிமனான தோசைகளாக ஊற்றி, அதன் மேல் வெங்காயம், கேரட், பட்டாணி, தக்காளி மற்றும் கொத்தமல்லிதழையை தூவி, எண்ணெய் விட்டு மூடி வைத்து வேக வைக்கவும்.

🍪 பின் 2 - 3 நிமிடம் கழித்து, மறுபக்கம் திருப்பி போட்டு வெந்ததும் எடுத்தால் சுவையான தக்காளி ஊத்தாப்பம் தயார்!!!. இதனை தேங்காய் சட்னி மற்றும் சாம்பாருடன் சாப்பிட்டால், சுவையாக இருக்கும்.

சனி, 28 ஜனவரி, 2017

தூக்கத்தில் உளறுவது ஏன்? உங்களுக்கு தெரியுமா?

தூக்கத்தில் உளறுவது ஏன்? உங்களுக்கு தெரியுமா?

பொதுவாக நம்மில் அனைவரும் ஆழ்ந்த உறக்கத்தில் இருக்கும் போது, யாரிடமோ பேசுவதை போல பேசிக் கொண்டிருப்பார்கள்.

இப்படி இரவில் தூங்கும் போது சிலர் தன்னை அறியாமல் பேசுவதை தான் நாம் தூக்கத்தில் உளறுதல் என்று கூறுகின்றோம்.

தூக்கத்தில் சிலர் உளறுவதற்கு என்ன காரணம் என்று நீங்கள் யோசித்தது உண்டா? நம் அனைவரின் உடம்பில் தூக்கத்தின் கட்டுப்பாட்டு மையமாக நமது மூளையில் இருக்கும் முகுளப் பகுதி செயல்படுகிறது.

ஆனால் நமது உடம்பில் உள்ள தாலமஸ், நடுமூளையின் வலைப்பின்னல் அமைப்பு மூளையின் தண்டுப்பகுதி ஆகிய உறுப்புகளின் ஒருங்கிணைந்த சில செயல்பாடுகளினால் தூக்கத்தின் தன்மைகள் சில சமயங்களில் மட்டும் மாறுபடுகிறது.

எனவே நாம் சில நேரங்களில் மிகவும் ஆழ்ந்து தூங்கும் போது, அந்த ஆழ்ந்த தூக்கத்தின் இறுதிக்கட்டத்தில், உணர்வு நரம்புகளின் தூண்டுதல்கள் மூலம் நாம் நம்மை அறியாமலே தானாகப் பேசுவதும், புலம்புவதும் போன்ற பிரச்சனைகள் ஏற்படுகிறது.

மட்டன் சாப்ஸ்:-

மட்டன் சாப்ஸ்:-
----------------
தேவையான பொருட்கள் :
-----------------------------
ஆட்டுக்கறி சாப்ஸ் துண்டுகள் - 10
வெங்காயம் - 1
இஞ்சி பூண்டு பேஸ்ட் - 1 டீஸ்பூன்
எண்ணெய் - பொரிக்க

கிரேவி செய்ய :
---------------
வெங்காயம் - 1
குடமிளகாய் - 1
அஜினமோட்டோ - 1 சிட்டிகை
சோயா சாஸ் - 2 டேபிள் ஸ்பூன்
நல்லெண்ணெய், உப்பு - தேவையான அளவு
சர்க்கரை - 1 டீஸ்பூன்

செய்முறை :
---------------
* ஒரு வெங்காயத்தை அரைத்துக் கொள்ளவும்.

* கிரேவியில் கொடுக்கப்பட்டுள்ள வெங்காயம், குடமிளகாயை நறுக்கிக் கொள்ளவும்.

* ஒரு பாத்திரத்தில் மட்டன் சாப்ஸ், அரைத்த வெங்காயம், இஞ்சி பூண்டு விழுது, உப்பு சேர்த்துக் கலந்து அரைமணி நேரம் ஊறவிடவும்.

* குக்கரில் ஊற வைத்த கறியை போட்டு 5 விசில் போட்டு வேக வைக்கவும். விசில் போனவுடன் அந்த கறியை எடுத்து எண்ணெயில் போட்டு பொன்னிறமாக பொரித்தெடுக்கவும்.

* ஒரு அடிகனமான பாத்திரத்தில் நல்லெண்ணெய் ஊற்றி சூடாக்கி அதில் வெங்காயம், குடமிளகாய் போட்டு வதக்கவும்.

* பின்னர் அதில் அஜினமோட்டோ, சோயா சாஸ், சர்க்கரை சேர்த்து கலக்கவும்.

* கடைசியாக அதில் பொரித்து வைத்துள்ள சாப்ஸையும் சேர்த்து கிரேவி திக்கானதும் இறக்கவும்.