ஞாயிறு, 29 ஏப்ரல், 2018

சுவையான பிரிஞ்சால் மசாலா!!!

சுவையான பிரிஞ்சால் மசாலா!!!

கத்திரிக்காயில் வைட்டமின் சி மற்றும் இரும்பு சத்து உள்ளது. இதில் உள்ள நீர் சத்து சருமத்தினை மென்மையாக வைத்து கொள்வதற்க்கும், நரம்புகளுக்கு வலுவூட்டவும் உதவுகிறது. மேலும் சளி, இருமலை குறைக்க கூடிய மருந்தாக இந்த கத்திரிக்காய் உள்ளது.மேலும் உடலில் அதிகமாக சேரும் இரும்பு சத்தினை சமப்படுத்தவும் இது உதவுகிறது.

இதில் உள்ள போட்டோ நியூட்ரியண்ட்ஸ் நினைவாற்றலை அதிகரிக்க செய்கிறது. பிஞ்சு கத்திரிகாயை சாப்பிடுவதன் மூலம் உடல் பருமனை குறைக்க முடியும். மேலும் மூளை செல்களை வலுப்படுத்தவும் பாதுகாக்கவும் இது உதவுகிறது.
தேவையானவை:

கத்திரிக்காய் - கால் கிலோ
வறுத்த வேர்க்கடலை - 20 கிராம்
வெள்ளை எள் - 10 கிராம்
உலர் தேங்காய்த்தூள்  - 50 கிராம்
வெங்காயம் - 100 கிராம் (பொடியாக நறுக்கவும்)
தக்காளி - 100 கிராம் (பொடியாக நறுக்கவும்)
கறிவேப்பிலை, நறுக்கிய கொத்தமல்லித்தழை - சிறிதளவு
மிளகாய்த்தூள் - ஒரு டீஸ்பூன்
தனியாத்தூள் (மல்லித்தூள்) - ஒரு டீஸ்பூன்
சோம்பு - அரை டீஸ்பூன்
காய்ந்த மிளகாய் - 4
எண்ணெய் - 50 மில்லி
புளி விழுது - 50 மில்லி
உப்பு - தேவையான அளவு 

செய்முறை: 
கடாயில் எண்ணெய்விட்டு சோம்பு, காய்ந்த மிளகாய், கறிவேப்பிலை தாளித்து, வெங்காயம் சேர்த்து வதக்கவும். நறுக்கிய கத்திரிக்காய், தக்காளி சேர்த்து மேலும் வதக்கவும். மிளகாய்த்தூள், தனியாத்தூள், புளி விழுது, சிறிதளவு தண்ணீர் சேர்த்து வேகவிடவும். உலர் தேங்காய்த்தூள், வெள்ளை எள், வேர்க்கடலையை விழுதாக அரைத்துக் கொதிக்கும் கலவையில் சேர்த்து, உப்பு போட்டுக் கலக்கவும். கொத்தமல்லித்தழைத் தூவி இறக்கவும்.
Thanks TIME PASS NEWS

புதன், 25 ஏப்ரல், 2018

வெயிலை சமாளிக்க சும்மா ஜில்லுன்னு சாப்பிடுங்க பாஸ்...

வெயிலை சமாளிக்க சும்மா ஜில்லுன்னு சாப்பிடுங்க பாஸ்...

 
             வாங்க இந்த வெயிலை சமாளிக்க எந்த மாதிரி உணவுகளை எடுத்து கொண்டால் உடலை பாதுகாக்கலாம் என்று பார்ப்போம்.
    பொதுவாக கோடை கலத்திற்கு ஏற்ற உணவு எலியதக இருக்க வேண்டும்.அதிலும் சைவ உணவு அரை வயிருக்குதன் சாப்பிட வேண்டும்.
மேலும் அசைவ உணவுகளை தவிர்ப்பது நல்லது ஏனெனில் அது நமது உடலின் வெப்ப நிலையை அதிகரித்து விடும்.
மேலும் அசைவ உணவுகளில் பாக்டீரியாக்கள் எளிதில் தோன்றி உணவு பொருளை விசதன்மையாக  மாற்றி விடும்.இந்த உணவை உண்ணும் போது வாந்தி மயக்கம் ஏற்படும்.சிலருக்கு வயிற்றில் இரைச்சல் ஏற்படும்.
இதனால் இந்த மாதிரி உணவு வகைகளை குறைத்து கொள்வது நல்லது.மேலும் கார உணவுகளையும் எண்ணையில் வதக்கிய உணவு பொருள்களையும் தவிர்ப்பது நல்லது.இவை சருமர்த்ககு தொல்லை தரும்.அது மட்டுமின்றி அஜீரண கோளாறு களையும் ஏற்படுத்தும்.

சிலர் தானிய வகைகளை


எடுத்துக்கொள்வர்,அவ்வாறு உட்கொள்பவர்கள் இந்த வெயில் காலத்தில் மட்டும் கேழ்வரகை குறைத்து கம்பு போன்ற தானியங்களை அதிகம் சேர்த்து கொள்ளலாம்.
கீரைகள் நல்லது

உடாளுக்கு குளிர்ச்சி தரும் கீரைகள் மற்றும் நீர் சத்துள்ள காய்கறிகளை அதிகம் உட்கொள்ள வேண்டும்.காலையில் வெறும் வயிற்றில் முள்ளங்கி சாறு மற்றும் வாழைத்தண்டு சாறு குடிப்பது மிகவும் நல்லது.அது உடலில் உள்ள நீர் நன்கு அனைத்து பாகங்களுக்கும் பிரிந்து செல்ல உதவும்.
    மேலும் நாம் தினமும் பருகும் நீரின் அலவை விட சற்று அதிகமா பருக வேண்டும்,இளநீர்,நீர் மோர்,நீர்சத்துள்ள பழ வகைகளை அதிகம் எடுத்து கொண்டு நாமும் நமது உடலை பாதுகாப்போம் நண்பர்களே.......... Thanks Tamil health tips 

பழைய உணவு... வேண்டாமே ப்ளீஸ்! அதென்ன ஃபிரிட்ஜா, குப்பைத்தொட்டியா?

பழைய உணவு... வேண்டாமே ப்ளீஸ்! அதென்ன ஃபிரிட்ஜா, குப்பைத்தொட்டியா?


டாக்டர் விக்ரம்குமார்
ஆற்றங்கரை நாகரிகம் முதல் கடந்த நூற்றாண்டுவரை மனித இனம் தனக்குத் தேவையான உணவை, அன்றன்றைக்கு சமைத்தே சாப்பிட்டு வருகிறது. ஆனால் குளிர்பதனப் பெட்டியின் அதிரடி வருகைக்குப் பின்னர், முந்தைய நாளில் சமைத்த உணவை சற்று அதிகமாக சாப்பிடத் தொடங்கிவிட்டோம். இதன் காரணமாக உடல்நலத்தைக் குறித்து வைத்துத் தாக்குவதற்கு, கிருமிகளின் பெரும்படையுடன் நோய்கள் ஆயத்தமாகிவிடுகின்றன.
இருபது ஆண்டுகளுக்கு முன்புவரை, வீடுகளில் மீந்த பழைய உணவு கழனிப் பானைக்குச் செல்வது வழக்கம். ஆனால் சமீபகாலமாக, மீதமான பழைய உணவு குளிர்பதனப் பெட்டிக்குள்ளும், பிறகு நம் இரைப்பைக்குள்ளும்தான் அடிக்கடி தஞ்சமடைகிறது. ஆழ்ந்து யோசித்தால், மீந்த உணவுப் பொருட்களுக்கு அடைக்கலம் கொடுக்கும் கழனிப் பானையாக நம் இரைப்பை மாறியிருப்பதை உணரலாம்.
அமுதெனினும் வேண்டாம்
நோய் நம்மை நெருங்காமல் இருக்க, ’முதல் நாளில் சமைத்த கறி அமுதெனினும் அருந்தோம்’ என்ற கருத்தை வலியுறுத்துகிறது சித்த மருத்துவர் தேரையரின் கூற்று. ஏறக்குறைய 1800 ஆண்டுகளுக்கு முன்பு இயற்றப்பட்டதாக கூறப்படும் ‘திரிகடுகம்’ எனும் நூலும், பழைய உணவை சாப்பிடாமல், நாள்தோறும் சமைத்துச் சாப்பிட வேண்டும் என்பதையே வலியுறுத்துகிறது.
பணிச் சுமை, நேரமின்மை, அவசர வாழ்க்கை என செயற்கை காரணங்களுக்காக நேற்றைய உணவை பத்திரமாகப் பாதுகாத்து இன்று சாப்பிடுகிறோம். ஆனால், இந்தப் பழக்கம் தொடரும்போது வயிற்றுப்போக்கு, செரிமானமின்மை, தோல் நோய், வாந்தி என பல்வேறு நோய்களுக்கு வழி அமைத்துக் கொடுத்துவிடும் என்பதை மறந்துவிடக்கூடாது. சிறுதுளி பெருவெள்ளமாய், நஞ்சானது நமக்கே தெரியாமல் சிறிது சிறிதாக நாளடைவில் பெரிய நோய் அறிகுறிகளை உருவாக்கும்.
மாறுபடும் இயற்கைத் தன்மை
‘நேற்றைய உணவை இன்று சூடேற்றித்தானே சாப்பிடுகிறோம், அதில் கிருமிகள் இருந்தாலும் அழிந்துவிடுகின்றன, வேறு என்ன பெரிய பாதிப்பு வந்துவிடப் போகிறது?’ என்பதே பெரும்பாலோரின் கேள்வி. ஆனால், பாதிப்பு உறுதியாக இருக்கிறது என்பதே இதற்கு பதில். ஒவ்வொரு உணவுப் பொருளுக்கும் நோய் தீர்க்கும் குணம் உண்டு. ஒரு உணவுப் பொருளின் சுவை, தன்மை, ஆயுட்காலம், சமைக்கப்படும் முறை, செரிமானத்துக்கு பின், அதில் உண்டாகும் மாறுபாடு ஆகியவற்றை அடிப்படையாக கொண்டே, அதன் நோய் போக்கும் தன்மை அமையும்.
அதிகமாகச் சூடேற்றி அல்லது குளிர்மைப்படுத்தி, ஒரு உணவுப் பொருளை அதன் இயற்கை தன்மையிலிருந்து மாற்றும்போது, அதன் நோய் தீர்க்கும் பண்பும் மாறுபட்டு, நோய் உண்டாக்கும் காரணியாகிவிடும். அரிசியை அதிகக் கொதியில் சமைக்கும்போது குழைந்தோ, நசிந்தோ இயற்கை குணத்திலிருந்து மாறுபடுகிறது. அதைப்போல, ஒரு உணவை ஒரு முறை சமைத்து மறுநாள் சூடேற்றும்போது, உணவின் இயற்கைத் தன்மை மாறுபடும். அதில் ஒளிந்துக்கொண்டிருக்கும் கிருமிகள் முழுவதுமாக அழிந்துவிடுமா என்றால், அதுவும் இல்லை.
பதப்படுத்தப்பட்ட உணவு
இன்றைய காலகட்டத்தில் உணவுப் பொருட்களின் தரம் காரணமாக காலையில் சமைத்த சில வகை உணவு, அடுத்த வேளையே கெட்டுப்போக வாய்ப்பிருக்கிறது. இந்நிலையில் அதை மறுநாள்வரை வைத்திருந்து சாப்பிடுவது உகந்ததல்ல. குளிர்பதன வசதி கொண்ட மிகப்பெரிய வணிக வளாகங்களில் விற்கப்படும் பதப்படுத்தப்பட்ட உணவை (Canned and Tinned foods) முடிந்தவரை தவிர்த்துவிட்டு, தினமும் கிடைக்கும் கீரை, காய்களால் தயாரிக்கப்பட்ட உணவை அதிகமாக உட்கொள்ளலாம். பதப்படுத்தப்பட்ட உணவு வகைகளில் நஞ்சு உண்டாவதற்கான சாத்தியம் மிக அதிகம். ’சில நிமிடங்களில் ரெடி’ என விளம்பரப்படுத்தப்படும் சிற்றுண்டி வகைகளையும், அடைக்கப்பட்ட ’ரெடிமேட்’ சூப் ரகங்களையும் சாப்பிடும்போது உடலில் அடிக்கடி விஷ உணவு அறிகுறிகள் உண்டாவது கவனத்துக்குரியது.
விபரீதமாகும் பழைய அசைவம்
சைவ உணவைவிட அசைவ உணவைப் பதனப்படுத்தி சாப்பிடும்போது, அதனால் ஏற்படும் பாதிப்புகள் மிக அதிகம். கெட்டுப்போன அசைவ உணவில் கிருமிகள் மறைந்திருந்து, உடல் ஆரோக்கியத்தைப் பதம் பார்த்துவிடும். வீட்டுக்கு அருகே வாழும் கோழியையோ ஆட்டையோ அப்போதைக்குப் பிடித்து, யாரும் இன்றைக்கு அசைவ உணவைத் தயாரிப்பதில்லை.
மாறாக அதிக அறிமுகம் இல்லாத உணவகங்களில் சுவைத்துச் சாப்பிடும் இறைச்சி உணவு, எப்போது சமைக்கப்பட்டது என்பதிலும் நம்பகத்தன்மை இருப்பதில்லை. கெட்டுப்போன உணவின் மூலம் பூஞ்சைகளையும் (Mycotoxins), பாக்டீரியாவையும் இலவசமாக நம் உடலுக்குள் நுழைய அனுமதிக்கும்போது, உடனடியாகவோ சில நாட்கள் கழித்தோ விபரீத பாதிப்புகள் உண்டாகலாம். பழைய மீன் குழம்பு சுவையானது என்பதற்காக, ஒருவாரம்வரை வைத்திருந்துப் பயன்படுத்துவது அறிவுடைமை அல்ல.
தேவையின்போது மட்டும்
வாரம் ஒரு முறையாவது உணவகங்களில் சாப்பிடப் பழகிவிட்ட மேல்தட்டுக் குடும்பங்கள், சுகாதாரமான மற்றும் நம்பகமான உணவகங்களை தேர்ந்தெடுப்பதில் கவனம் செலுத்த வேண்டும். தேவை இருக்கும்போது மட்டும் உணவகங்களை நாடிச் செல்வது உசிதம். பாரம்பரிய முறைப்படி வீட்டிலேயே போதுமான அளவு சமைத்துச் சாப்பிடுவதே சிறந்தது. வீட்டிலேயே சமைக்கப்படும் உணவில் என்னென்ன பொருட்கள் சேர்கின்றன, அவற்றின் பயன்கள் என்ன என்பதை உணர்ந்து சாப்பிடுவது மனதுக்கும் உடலுக்கும் நல்லது என்கின்றன உளவியல் ஆய்வுகள். இதுவே நமது உணவுக் கலாசாரத்தின் பெருமை. அதை விடுத்து உணவகங்களில் சாப்பிடும் உணவில் என்ன கூறுகள் சேர்கின்றன என்பது தெரியாமல், வயிற்றுக்குள் அனுப்புவது திருப்திகரமான, முழுமையான உணவாக மாறாது.
நோய்களின் தொடக்கப் புள்ளி
சமைத்து பக்குவப்படுத்தப்பட்டு குளிர்ந்து பின்பு மீண்டும் சூடாக்கப்பட்ட உணவு, வயிற்றில் ஆமத்தை உண்டாக்கி பலவித நோய்களுக்கு தொடக்கப்புள்ளியாக அமைந்துவிடும் என்று எச்சரிக்கிறது சித்த மருத்துவம். பழைய உணவைத் தொடர்ந்து சாப்பிடும்போது, செரிமான ஆற்றல் பாதிக்கப்படும். உணவைச் செரிப்பதற்கு தேவையான செரிமான அக்கினி (Digestive fire), கெட்டுப் போன உணவில் விஷமாக்கினியாக மாறாமல் இருக்க, தினமும் சமைத்த உணவை மட்டுமே சாப்பிட வேண்டும்.
நசிந்த பழைய உணவை உட்கொள்ளும்போது, நுண்கிருமிகளின் ஆதிக்கத்தால் விஷ உணவின் அறிகுறிகளான (Food poisoning) வாந்தி, சுரம், பேதி, மயக்கம் போன்றவை உண்டாகும்.
சேமிப்புக் கிடங்கு அல்ல
அறிவியல் வளர்ச்சியான குளிர்பதனப் பெட்டியை தேவைக்கேற்ப பயன்படுத்துவதில் தவறில்லை. ஆனால், அதையே உணவின் சேமிப்புக் கிடங்காக நெடு நாட்களுக்குப் பயன்படுத்துவதுதான் பிரச்சினை.
சாப்பிடத் தகுந்த ஒரே பழைய உணவு எதுவென்றால், இரவில் சாதத்தோடு நீர் சேர்த்து, மறுநாள் காலையில் நலம் பயக்கும் பாக்டீரியாவுடன் உண்ணத் தயாராக இருக்கும் ’நீராகாரம்’ மட்டுமே. தேவைக்குப் போக மீந்த உணவை குளிர் பதனப் பெட்டியில் அடைத்து வைக்காமல், பசியால் வாடுபவர்களுக்கு அன்றே தானம் செய்யலாம். அதிகளவில் மீந்த உணவைப் பெற்றுக்கொள்ள நிறைய தொண்டு நிறுவனங்களும் உள்ளன.
ஆயுட்கால நிர்ணயம்
கம்பு, சோளம், நெல் வகைகள் போன்ற மூலப்பொருட்களை பதனப்படுத்தும் முறைகள் நம் பாரம்பரியத்தில் அதிகம். ஆனால் சமைக்கப்பட்ட உணவை நீண்ட நாட்கள் பதனப்படுத்திப் பயன்படுத்துவது, நமது பாரம்பரிய உணவு முறைக்கு எதிரானதே. நாம் சாப்பிடும் உணவின் ஆயுட்காலத்தை தரநிர்ணயம் செய்தால், உணவு நமது ஆயுட்காலத்தை நிர்ணயம் செய்யும். வயிற்றின் மென்தசைகளுக்கும், அதன் செரிமானச் சுரப்புகளுக்கும் கெட்டுப் போன கழிவு உணவுக்குப் பதிலாக, புதிதாகச் சமைத்த உணவைப் பரிசளித்தால் உடல்நலமும் புத்துணர்ச்சியும் புத்துயிரும் பெறும். Thanks Kamadenu

கார்ன் ஃபிளவர் ஹல்வா ரெசி

கார்ன் ஃபிளவர் ஹல்வா ரெசி

இந்த அல்வா என்ற பெயர் கேட்டாலே நாம் எல்லாருக்கும் நினைவுக்கு வரும் ஒரே ஊர் திருநெல்வலி தான். அதுவும் அங்கே தயாரிக்கப்படும் இருட்டு கடை அல்வாவைசாபிட்டால், அதன் சுவை உங்கள் நாவில் தங்கி விடும் விஷேசங்களின்போது செய்ய ஒரு எளிய மற்றும் சுவையான அல்வா.
இதே மாதிரி பல வகையான அல்வா இருக்கிறது. மற்ற இனிப்பு வகைகளை விட இந்த அல்வா தயாரிக்கும்போது மட்டும் பொறுமை மற்றும் பக்குவம் மிகவும் அதிகமாக வேண்டும். அனால் இப்பொழுது இருக்கும் இந்த அவசர உலகத்தில் பொறுமையும், பக்குவத்தையும் யாரும் கடைப்பிடிபதே இல்லை. அனால் அல்வா சாப்பிடும் ஆசை எல்லாருக்கும் உள்ளது. 
தேவையான பொருட்கள்
சோள மாவு – அரை கப்
சர்க்கரை – ஒன்றை கப்
தண்ணீர் – இரண்டு கப்
ஃபுட் கலர் – ஒரு சிட்டிகை
ஏலக்காய் தூள் – அரை டீஸ்பூன்
நெய் – மூன்று டீஸ்பூன்
முந்திரி – பத்து

செய்முறை

ஒரு கிண்ணத்தில் தண்ணீர், சோள மாவு, சர்க்கரை, ஃபுட் கலர், ஏலக்காய் தூள் சேர்த்து நன்றாக கட்டி இல்லாமல் கலந்து கொள்ளவும்.
பின், கடாயில் ஊற்றி கைவிடாமல் கிளறவும்.
பின், ஜெல்லி பதம்வந்தவுடன் கால் டீஸ்பூன் ஏலக்காய் தூள் மற்றும் முந்திரி போட்டு இரண்டு நிமிடம் கழித்து அல்வா பதம் வந்தவுடன் ஒரு தட்டில் நெய் தடவி அதில் ஊற்றி ஆறியதும் துண்டுகள் போட்டு பரிமாறவும். Thanks TIME PASS NEWS

இடியாப்பத்தால் நமக்குக் கிடைக்கும் பலன்கள்...

இடியாப்பத்தால் நமக்குக் கிடைக்கும் பலன்கள்...

இடியாப்பம், குழந்தைகள், பெரியவர்கள், நோயாளிகள் என அனைத்துத் தரப்பினருக்கும் ஏற்றது. எளிதாக செரிமானம் ஆகக்கூடியது. ஒரு இடியாப்பத்தில் சராசரியாக 45 கலோரிகள், 0.27 கிராம் கொழுப்பு, 9.68 கிராம் கார்போஹைட்ரேட், 0.72 கிராம் புரோட்டீன் ஆகியவை உள்ளன. ஆயுர்வேத மருத்துவமுறையில், இது வாதத்தையும் பித்தத்தையும் சமநிலையில் வைத்திருக்கும் என்கிறார்கள். இதை இளஞ்சூடாக சாப்பிடுவது நல்லது.

இதில் நமக்குத் தேவையான கார்போஹைட்ரேட், புரோட்டீன், இரும்புச்சத்து மற்றும் கொழுப்புச்சத்து அனைத்தும் உள்ளன. எனவே, உடலைக் கட்டுக்கோப்பாகவும் ஆரோக்கியமாகவும் வைத்திருக்க உதவும். எண்ணெய் சேர்க்காத, ஆவியில் வேகவைத்துச் செய்யப்படுவது என்பதால், வயிற்றுக்கு எந்தப் பிரச்னையையும் ஏற்படுத்தாது. நோய்வாய்ப்பட்டவர்களுக்கு, நோயின் தன்மைக்கேற்ப இடியாப்பம் செய்து, மற்றவற்றுடன் கலந்து கொடுக்கலாம். குழந்தைகளுக்கு அடிக்கடி கொடுக்க ஏற்ற உணவு.

ஜுரம் - இடியாப்பத்தை இளஞ்சூடான நீருடன் கொடுக்கலாம். 
வயிற்றுப்போக்கு - மோர் மற்றும் கல் உப்புடன் சேர்த்துத் தரலாம்.
பசியின்மை - எலுமிச்சை சேவை, தக்காளி சேவை என செய்து கொடுக்கலாம். 
வயிற்றுக்கோளாறுகள் - எலுமிச்சை சேவையாக கல் உப்பு போட்ட மோருடன் தரலாம். 
கர்ப்பிணிகள் - இத்துடன் தேங்காய்ப்பால், பால், நெய், நாட்டுச்சர்க்கரை, டிரைஃப்ரூட்ஸ் மற்றும் நட்ஸ் சேர்த்துக் கொடுக்கலாம்.

கோதுமை இடியாப்பத்தின் பலன்கள்... 
இதில் நார்ச்சத்து அதிகம் என்பதால், சீரான செரிமானத்துக்கு உதவுகிறது கொலஸ்ட்ரால் அளவைக் குறைக்கும் இதய நோய்களுக்கான அபாயத்தை வெகுவாகக் குறைக்கும் உடல் எடை கூடுவதைத் தவிர்க்கும் சர்க்கரைநோய் உள்ளவர்களுக்கு நல்லது கோதுமை, சிறந்த ஆன்டிஆக்ஸிடன்ட்  தன்மைகொண்டது, இதில் உள்ள வைட்டமின் இ சருமத்துக்கு நல்லது. இதேபோல சிறுதானியங்களில் இதைச் செய்தால் அதிகப் பலன்களைப் பெறலாம்.
ஆக, இடியாப்பம் நல்லது.  வெளியில் வாங்கும்போது இது சுத்தமானதுதானா, ஆரோக்கியமான முறையில் தயாரிக்கப்பட்டதுதானா என்பது தெரியாது. ஒருமுறை கற்றுக்கொண்டால் நாமே வீட்டில் தயாரிக்கலாம்ஆரோக்கியம் காக்கலாம்!

சீரக சம்பா அரிசி சிக்கன் பிரியாணி...

சீரக சம்பா அரிசி சிக்கன் பிரியாணி...

சீரக சம்பா அரிசி சிக்கன் பிரியாணிதற்போது நாம் பயன்படுத்தும் அரிசியின் மூலம் செய்யப்படும் இட்லி, தோசை, ஆப்பம், முறுக்கு உள்ளிட்ட அனைத்து உணவு வகைகளையும் பாரம்பர்ய அரிசியிலும் தயாரிக்கலாம். இதில் சீரக சம்பா அரிசி சிக்கன் பிரியாணி சுவையும் கூடும் சத்துள்ளதாகவும் இருக்கும்.  
தேவையான அளவு
  • சிக்கன் -அரை கிலோ
  • சீரக சம்பா அரிசி -1 கப்
  • பெரிய வெங்காயம்-1
  • தக்காளி -1
  • கொத்தமல்லி தழை -1 கப்
  • பச்சை மிளகாய் -2
  • மஞ்சள் தூள் -அரை டீஸ்பூன்
  • மிளகாய் தூள் -1 டேபிள் ஸ்பூன்
  • மல்லி தூள் -2 டேபிள் ஸ்பூன்
  • உப்பு -தேவையான அளவு
  • எண்ணெய் -தேவையான அளவு
  • இஞ்சி பூண்டு பேஸ்ட் -2 ஸ்பூன்
  • பட்டை -2
  • கிராம்பு -2
  • ஏலக்காய் -2
  • பிரியாணி இலை-1
செய்யும் முறை
முதலில் வெங்காயத்தையும் மற்றும் தக்காளியையும் தனி தனியாக அரைத்து வைத்துக் கொள்ளவும்.பின்பு பச்சை மிளகாய் மற்றும் கொத்தமல்லி தழையும் சேர்த்து அரைத்து வைத்துக் கொள்ளவும்.அரைத்து வைத்த பின்பு ஒரு பாத்திரத்தில் சிக்கனுடன் அரைத்து வைத்த வெங்காயம்,தக்காளி,கொத்தமல்லி தழை மற்றும் மஞ்சள் தூள்,உப்பு,மிளகாய் தூள்,மல்லி தூள்,தயிர்,இஞ்சி,பூண்டு பேஸ்ட் எல்லாவட்டரையும் சேர்த்து பிசைந்து அரைமணி நேரம் உற வைத்துக் கொள்ளவும்.
 
பின்பு குக்கரில் எண்ணெய் ஊற்றி அதில் பட்டை, கிராம்பு, ஏலக்காய், பிரியாணி இலை, பொருட்களை போட்டு எண்ணெய் சேர்த்து தாளித்த பின்பு அதில் உற வைத்த சிக்கனை போட்டு சிறிது நேரம் வேக விடவும்.வேக வைத்த பின்பு அதில் அரிசியையும் போட்டு கிளறி விட்டு தண்ணீர் ஊற்றி குக்கரை மூடி விட்டு இரண்டு விசில் விட்டு பத்து நிமிடம் சிமிழ் வைத்து இறக்கவும்.சிக்கன் பிரியாணி ரெடி. குறிப்பு சீரக சம்பா அரிசி ஒரு கப் அரிசி வைத்தால் ஒன்றை கப் தண்ணீர் ஊற்றினால் போதும் அதிகம் தண்ணீர் ஊற்றினால் சாதம் குழைந்து விடும். Thanks TIME PASS NEWS

கீரை மற்றும் உருளைக்கிழங்கு கட்லெட் ரெசிபி..

கீரை மற்றும் உருளைக்கிழங்கு கட்லெட் ரெசிபி..

 கீரையை நம் முன்னோர்கள் தினசரி உணவில் உபயோகப்படுத்தியதன் காரணம், அதனுடைய மருத்துவ குணங்களை அறிந்ததினால் தான். ஒரு சரியான ஸ்டார்டர் அல்லது ஒரு பெரிய மாலை தேநீர் நேரம் சிற்றுண்டி, இந்த வெட்டு செய்ய எளிதாக மற்றும் ருசியானஉருளைக்கிழங்கு கட்லெட் 
தேவையான பொருட்கள்:
உருளைக்கிழங்கு - 4கீரை
இலைகள் - 200 கிராம்
சிவப்பு மிளகாய் தூள் - 1 தேக்கரண்டிகோதுமை மாவு - 100 கிராம்கருப்பு மிளகு தூள் - 1 தேக்கரண்டிகம்மின் தூள் - 1 தேக்கரண்டிவெங்காயம் - 2,
இறுதியாக
வெட்டப்பட்டதுகரம் மசாலா தூள் - 1 தேக்கரண்டிப்ரெட்க்ரம்ப்ஸ் - 1 1/2 கப்கொத்தமல்லி இலைகள் - பழுப்பு, நறுக்கப்பட்டசுவைக்கு உப்பு உப்புவறுக்கவும் தேவையான

எண்ணெய்செய்முறை
கொதிக்க, தலாம் மற்றும் தேங்காய் உருளைக்கிழங்கு.இறுதியாக கீரை வெட்டவும், உருளைக்கிழங்கிற்கு சேர்க்கவும்.வெங்காயம், கொத்தமல்லி இலை, மிளகு தூள், சீரகம் தூள், சிவப்பு மிளகாய் தூள், கரம் மசாலா தூள், உப்பு சேர்க்கவும். நன்றாக கலந்து.
1 தேக்கரண்டி பிரட்தூள்களில் நனைத்து மீண்டும் கலக்கவும். சிறிய-நடுத்தரபந்துகளை உருவாக்கவும் தேவையான வடிவங்களின் வெட்டுக்களுக்கு அவற்றை வடிவமைக்கவும் ஒதுக்கி வைக்கவும். கோதுமை மாவுக்கு சிறிது தண்ணீர் சேர்க்கவும். மெதுவாக பேஸ்ட் உள்ள துண்டுகளாக்கி ரோல் மற்றும் பிரட்தூள்களில் நனைக்கப்பட்டு. நடுத்த சுழற்சியில் ஒரு ஆழமான வறுக்கவும். தங்க பழுப்பு வரை தயாரிக்கப்பட்ட துண்டுப்பிரசுரங்களை வறுக்கவும். அதிகப்படியான எண்ணெயை நீக்கவும். தக்காளி சாஸ் அல்லது புதினா சட்னி உடன் சூடாக பரிமாறவும். Thanks TIME PASS NEWS

ஞாயிறு, 15 ஏப்ரல், 2018

சுவையான மசாலா இடியாப்பம்!!!

சுவையான மசாலா இடியாப்பம்!!! 

 
பொதுவாக இடியாப்பம் செய்தால், அத்துடன் தேங்காய் பால், சர்க்கரை சேர்த்து தான் சாப்பிடுவோம். ஆனால் இங்கு இடியாப்பத்தைக் கொண்டு அருமையான சுவையில் ஒரு ரெசிபி செய்யலாம். இந்த ரெசிபிக்கு மசாலா இடியாப்பம் என்று பெயர். மேலும் இந்த மசாலா இடியாப்பமானது பேச்சுலர்களுக்கு ஏற்ற ரெசிபி என்று சொல்லலாம். ஏனெனில் மசாலா இடியாப்பமானது மிகவும் ஈஸியாக இருக்கும். இங்கு அந்த ரெசிபியின் செய்முறை கொடுக்கப்பட்டுள்ளது.
தேவையானபொருட்கள்:
  இடியாப்பம் - 1 கப் வெங்காயம் - 1 (பொடியாக நறுக்கியது) இஞ்சி பூண்டு பேஸ்ட் - 1 டீஸ்பூன் தக்காளி - 1 (நறுக்கியது) புதினா - சிறிது மஞ்சள் தூள் - 1 சிட்டிகை மிளகாய் தூள் - 1/2 டீஸ்பூன் கரம் மசாலா - 1/2 டீஸ்பூன் கொத்தமல்லி - சிறிது உப்பு - தேவையான அளவு தாளிப்பதற்கு... எண்ணெய் - 2 டீஸ்பூன் சோம்பு - 1/2 டீஸ்பூன் பட்டை - 1/4 இன்ச் கிராம்பு - 2 கறிவேப்பிலை - சிறிது.

செய்முறை: முதலில் இடியாப்பம் செய்து, அதனை தனியாக ஒரு பாத்திரத்தில் உதிர்த்து, குளிர வைக்க வேண்டும். பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காயந்ததும், தாளிப்பதற்கு கொடுத்துள்ள பொருட்களைப் போட்டு தாளித்துக் கொள்ள வேண்டும். பிறகு அதில் இஞ்சி பூண்டு பேஸ்ட், வெங்காயம் சேர்த்து 2 நிமிடம் வதக்கி, பின் தக்காளி, புதினா சேர்த்து பச்சை வாசனை போக வதக்க வேண்டும்.   பின்பு அத்துடன் மஞ்சள் தூள், மிளகாய் தூள், கரம் மசாலா மற்றும் தேவையான அளவு உப்பு சேர்த்து வதக்க வேண்டும். இறுதியில் அதிலல் இடியாப்பத்தை சேர்த்து நன்கு கிளறி, கொத்தமல்லியைத் தூவினால், மசாலா இடியாப்பம் ரெடி!!! Thanks TIME PASS NEWS 

புதன், 21 மார்ச், 2018

எல்லாம் வல்ல ABC ஜூஸ்..!(Miracle Drink)


எல்லாம் வல்ல ABC ஜூஸ்..!(Miracle Drink)

ABC டிரிங்க் கேள்விப்பட்டிருக்கீங்களா?
Apple, Beetroot, Carrot இந்த மூன்றும் சேர்ந்த கலவைதான் ஏ.பி.சி ஜுஸ். எண்ணற்ற ஊட்டச்சத்துக்கள் கொண்ட ஜூஸ் என்பதால் ‘மிராக்கிள் டிரிங்க்’ என்ற சிறப்புப் பெயரும் உண்டு. நுரையீரல் புற்றுநோய் மற்றும் பிற நோய்களுக்கான மூலிகை மருந்தாக சீன மருத்துவர்களால் அறிமுகப்படுத்தப்பட்ட ஏ.பி.சி ஜூஸ், உடல் மற்றும் மூளை ஆராக்கியத்துக்குப் பயன்படும் அற்புத குணங்களைப் பெற்றிருப்பதால் இப்போது உலகம் முழுவதும் பிரபலமாகிவிட்டது. அப்படி என்ன இதில் ஸ்பெஷல் என்ற நம் சந்தேகத்துக்கு ஏபிசி ஜூஸின் பலன்களைப் பட்டியலிடுகிறார் உணவியல் நிபுணர் லஷ்மி.

சத்துக்களின் கலவை
உடல் வளர்ச்சிக்குத் தேவைப்படும் எண்ணற்ற வைட்டமின்கள் மற்றும் மினரல்களின் கலவைதான் இந்த பானம். ஆப்பிள், பீட்ரூட், காரட் ஜுஸ் வகைகளை தனித்தனியாக பருகுவதால் கிடைக்கும் ஒட்டு மொத்த பலன்களும் இந்த ஒரே பானத்தில் கிடைத்துவிடுகிறது. A, B1, B2, B6, C, E மற்றும் K வைட்டமின்களும், ஃபோலேட், சிங்க், காப்பர், இரும்பு, கால்சியம், பொட்டாசியம், பாஸ்பரஸ், மெக்னீசயம், நியாசின், சோடியம் மற்றும் மங்கனீஸ் போன்ற தாதுப்பொருட்கள் அனைத்தும் ஒருங்கே அடங்கியுள்ளது.

முதுமைத் தோற்றத்தை தவிர்க்கிறது
ABC டிரிங்கில் உள்ள A, B-Complex, C, E மற்றும் K வைட்டமின் சத்துக்கள் மினுமினுப்பாக தோற்றத்தைத் தருவதால் உண்மையான வயதைவிட மிகவும் இளமையாகத் தெரிவீர்கள். இதிலுள்ள தாதுப்பொருட்கள் மற்றும் நார்ச்சத்துக்கள் உடல் உறுப்புகளுக்கு புத்துயிர் அளித்து, அதன் இயக்கங்களை மேம்படுத்துகிறது.

சிவப்பழகைத் தரும்
முகப்பரு, கரும்புள்ளிகளுக்காக எவ்வளவோ க்ரீம்களையும், லோஷன்களையும் தடவி சலித்து போயிருப்பீர்கள். இவற்றுக்குக் காரணமான, உடலில் உள்ள தேயைற்ற ரசாயனக் கழிவுகளையும், நச்சுப்பொருட்களையும் வெளியேற்றி விடுகிறது. இந்த அற்புத பானத்தை நாள் தவறாமல் குடித்து வந்தால் முகம் பளிச்சென்று சிவப்பாக மாறிவிடும். எந்த கிரீமும், லோஷனும் தடவ வேண்டிய அவசியமே இருக்காது.


கண்ணாடி இனி தேவை இல்லை
கம்ப்யூட்டர் முன்பு மணிக்கணக்கில் வேலை செய்வதால் கண்களில் நீர்வறண்டு, கண்ணைச் சுற்றியுள்ள தசைகள் பலவீனமடைந்து விடும். அந்த கண் பார்வையை மேம்படுத்தும் ஏ வைட்டமின் அதிகம் இருப்பதால் கண் தசைகளை பலப்படுத்தும். கண்பார்வையை கூர்மையடையச் செய்யும்.

நினைவாற்றலைத் தூண்டுகிறது
பள்ளி செல்லும் உங்கள் பிள்ளைகள் அதிக மதிப்பெண் பெற, விலையுயர்ந்த பானங்களை வாங்கிக் கொடுக்கத் தேவையில்லை. நினைவாற்றல் மற்றும் கவனிக்கும் திறனை வளர்க்கும் ABC பானத்தை தினமும் ஒரு கிளாஸ் கொடுத்துப் பாருங்கள். விளையாட்டு, படிப்பு என எல்லவாற்றிலும் சுறுப்பாவதுடன் நம்பர் ஒன்னாகவும் ஜொலிப்பார்கள்.

உள்ளுறுப்புகளின் வலிமைக்கு...
கல்லீரல், இதயம், சிறுநீரகம் இந்த மூன்று உறுப்புகள்தான் உடலில் உள்ள கழிவுகளை அகற்றும் பணியைச் செய்கின்றன. இந்த மூன்றைத் தவிர மற்ற உள்ளுறுப்புகளும் அதனதன் பணியைச் செய்ய அவற்றை பாதுகாப்பது அவசியம். ABC பானத்தில் கிடைக்கும் முக்கிய மூலப்பொருட்களான ஆல்ஃபா, பீட்டா கரேட்டின் மூலப்பொருட்கள் ரத்த அழுத்தம், ரத்தக் கொழுப்பை கட்டுப்படுத்தி, செரிமானத்தை எளிதாக்குகிறது. மேலும், இதயநோய், கல்லீரல் நோய் மற்றும் சிறுநீரக நோய் வராமல் தடுக்கவும் உதவுகிறது.

நோய் எதிர்ப்பு சக்தி
காய்ச்சல், ஆஸ்துமா, ரத்தசோகை போன்ற நோய்கள் வராமல் இருக்க உடலில் நோய் எதிர்ப்புசக்தி வலுவாக இருக்க வேண்டும். ஹிமோகுளோபீன் மற்றும் ரத்த வெள்ளையணுக்கள் எண்ணிக்கை ரத்தத்தில் அதிக அளவில் இருந்தால் நோய் எதிர்ப்பு சக்தி கிடைக்கும். ABC ஜூஸ் நோய் எதிர்ப்பு சக்தி உத்தரவாதம் தந்து நோய்களை அண்டவிடாமல் காக்கிறது.

புற்றுநோய் அழற்சி குறையும்
பீட்ரூட்டில் பீட்டாசியின் என்னும் மூலப்பொருள் புற்றுநோய் செல்களின் வளர்ச்சிக்கு எதிராக செயல்படுவதாக ஆய்வில் கண்டறிந்துள்ளனர். மேலும் பீட்ரூட்டில் உள்ள இரும்புசத்து சிவப்பணுக்கள் மீளுருவாக்கத்துக்கு உதவி புற்றுநோய் செல்களுக்கு ஆக்ஸிஜனை எடுத்துச் செல்கிறது. இதன்மூலமும் புற்றுநோய் செல்கள் அழிக்கப்படுகின்றன.

எடையைக் குறைக்க...
கலோரிகள் குறைந்த ABC ட்ரிங் நிச்சயமாக உடல் பருமனை குறைக்க உதவும். உடற்பயிற்சி செய்து முடித்தபிறகு இந்த பானத்தை எடுத்துக் கொண்டால் புத்துணர்ச்சியும் கொடுக்கும். இப்ப சொல்லுங்க இது மிராக்கிள் டிரிங்க்தானே !


எப்படி தயாரிப்பது?

ஆப்பிள், பீட்ரூட், கேரட் மூன்றையும் சிறுசிறு துண்டுகளாக்கி மிக்ஸியில் போட்டு விழுதாக அரைக்க வேண்டும். அதை ஒரு டம்ளரில் போட்டு, அதனுடன் எலுமிச்சைச் சாறு, தேன் கலக்கினால் மிராக்கிள் டிரிங்க் ரெடி. காலையில் வெறும் வயிற்றில் குடிப்பது நல்லது. தினமும் ஒரு டம்ளர் தவறாமல் குடித்து வந்தால் அற்புதமான பலன்கள் கண்கூடாகவே தெரிய வரும்.

நன்றி குங்குமம் டாக்டர்

செவ்வாய், 20 மார்ச், 2018

முதியவர்கள் சாப்பிட வேண்டிய சத்தான உணவுகள் !!



முதியவர்கள் சாப்பிட வேண்டிய சத்தான உணவுகள் !!
#health tips...

முதியவர்கள் தங்கள் வயதிற்கு ஏற்ப சத்தான உணவுகளை எடுத்துக் கொண்டால் உடல் ஆரோக்கியத்துடன் வாழலாம். எனவே அவர்களுக்கான உணவு முறைகள் பற்றி இங்கு காண்போம்.

முதியோர்கள் அன்றாட உணவில் புரதச்சத்து நிறைந்த உணவுகளை எடுத்துக் கொள்ள வேண்டும். ஏனெனில் புரதச்சத்து அதிகம் நிறைந்த பருப்பு வகைகளை உணவில் சேர்த்துக் கொள்வதன் மூலம் உடலுக்குத் தேவையான புரதச்சத்து கிடைக்கப்பெற்று உடல் வலிமையை பெறும்.

கால்சியம் அதிகம் நிறைந்துள்ள பால், தயிர், கீரை வகைகள், மீன் வகைகள் ஆகியவற்றையும் உணவில் சேர்த்துக் கொள்ள வேண்டும். ஏனெனில் கால்சியம் சத்துக்களும் வயதானவர்களுக்கு மிகவும் அவசியமான ஒன்றாகும்.

முதியோர்கள் மூன்று வேளையும் அரிசி உணவுகளை உட்கொண்டால், உடல் எடை அதிகரித்து உடல்நலக் கோளாறுகள் உண்டாகும். எனவே அரிசி உணவுகளை உட்கொள்வதைத் தவிர்த்து கோதுமை மற்றும் சிறுதானியங்களை உணவாக எடுத்துக்கொள்ள வேண்டும்.

சிறுதானியங்களை உண்பதன் மூலம் அதிலுள்ள கால்சியம் மற்றும் சுண்ணாம்புச் சத்துகள் எலும்புகளை உறுதியடையச் செய்யும். மேலும் இதில் நார்ச்சத்து நிறைந்து காணப்படுவதால் மலச்சிக்கல் பிரச்சனையும் ஏற்படாது.

பாகற்காய், புடலங்காய், காலிஃபிளவர், கொத்தமல்லி, காய்ந்த மிளகாய் போன்றவையும் மலச்சிக்கல் வராமல் தடுக்க உதவும் உணவுகளாகும். இவற்றையும் அடிக்கடி உணவில் சேர்த்துக் கொள்ள வேண்டும்.

சிறுதானிய உணவுகளை சாப்பிடுவதன் மூலம் உடலிலுள்ள தேவையற்ற கொழுப்பைக் கரைக்கலாம் மற்றும் உடலில் சர்க்கரையின் அளவை கட்டுக்குள் வைத்துக்கொள்ளலாம்.

முதியவர்கள், குறிப்பாக நாள் ஒன்றுக்கு இரண்டு முதல் மூன்று லிட்டர் தண்ணீர் வரை கண்டிப்பாக குடிக்க வேண்டும்.

சோயா, முட்டையின் வெள்ளைக்கரு மற்றும் உயர்ரக காளான் போன்றவற்றிலும் புரதம் நிறைந்துள்ளது. எனவே வாரம் இருமுறையாவது இவ்வகை உணவுகளை வயதானவர்கள் சாப்பிட வேண்டும்.

சிறுநீரக நோயாளிகள் மற்றும் இதய நோயாளிகள் மருத்துவரின் ஆலோசனைப்படி தண்ணீரை அருந்த வேண்டும்.

நமது உடல் ஆரோக்கியத்திற்கு பக்கதுணையாக இருப்பது பழங்கள். எனவே முதியோர்கள் ஆரோக்கியமான வாழ்வினைப் பெறுவதற்கு கண்டிப்பாகப் பழங்களை உட்கொள்ள வேண்டும்.

உடலில் நோய் எதிர்ப்புச் சக்தி இல்லையெனில் எளிதில் நோய்கள் நம்மைத் தாக்கும். பொதுவாக வயதானவர்களுக்கு உடலில் நோய் எதிர்ப்புச் சக்தி குறைந்தே காணப்படும். எனவே இவர்கள் ஆரஞ்சு, நெல்லிக்காய், எலுமிச்சை போன்ற சிட்ரஸ் பழங்களை அதிகமாக எடுத்துக் கொள்வதன் மூலம் நோய் எதிர்ப்புச் சக்தியை அதிகரிக்கலாம்.

வயதானவர்களுக்கு ஏற்படும் பெரிய பிரச்சனை மறதி. எனவே உலர் திராட்சை, முட்டையின் மஞ்சள் கரு, ஸ்ட்ராபெர்ரி, முளைகட்டிய கோதுமை, வாழைப்பழம், பட்டை, வல்லாரைக் கீரை, வெங்காயம் ஆகியவற்றை உட்கொள்வதன் மூலம் இதனை எளிதாக சரிசெய்ய முடியும்.


வியாழன், 15 மார்ச், 2018

அறுசுவை உணவுகள்



அறுசுவை உணவுகள்:-

அறுசுவை  எனப்படுவது நாக்கு  அறியக்கூடிய ஆறு வகை சுவைகளாகும். பழங்கால இந்திய  மருத்துவங்களும், ஆயுர்வேதமும் சுவைகளை  ஆறு வகைகளாகப் பிரிக்கின்றன. அவையாவன: துவர்ப்பு, இனிப்பு, புளிப்பு, கார்ப்பு, கசப்பு, மற்றும் உவர்ப்பு ஆகியனவாகும். ஆயுர்வேதம் உடலின் ஆறு முக்கிய தாதுக்களுடன் இச்சுவைகளைச் சம்பந்தபடுத்தி, உடல் வளர்ச்சியில் இச்சுவைகளின் பங்குகளை விளக்குகின்றது. இனிப்பு, புளிப்பு, உவர்ப்பு, கசப்பு, கார்ப்பு மற்றும் துவர்ப்பு ஆகிய இந்த ஆறுசுவைகளின் பண்புகளையும், உடல் நலத்திற்கு இவற்றின் பங்குகளைப் பற்றியும் சற்று விரிவாய் பார்க்கலாம்.

தொன்றுதொட்டு பழக்கத்தில் இருந்து வரும் இந்திய மருத்துவங்களாகிய ஆயுர்வேதம், சித்த மருத்துவம் போன்றவற்றில் சுவைகள் ஆறு வகைகளாகப் பிரிக்கப்பட்டுள்ளன. உடலானது இரத்தம், தசை, கொழுப்பு, எலும்பு, நரம்பு, உமிழ்நீர், மூளை  ஆகிய ஏழு முக்கிய தாதுக்களைக் கொண்டது என்பதனால் உடலை "யாக்கை" என்று கூறினர். இதில் ஏழாவது தாதுவான மூளை சரிவர இயங்க முதல் ஆறு தாதுக்கள் தகுந்த அளவில் இருத்தல் அவசியம். இந்த ஆறு தாதுக்களும், ஆறு சுவைகளுடன் கீழ்கண்டவாறு சம்பந்தப்பட்டுள்ளன.

இனிப்பு - தசையை வளர்க்கின்றது
புளிப்பு - கொழுப்பினை வழங்குகின்றது
கார்ப்பு - எலும்புகளை வளர்க்கின்றது
உவர்ப்பு - உமிழ்நீரைச் சுரக்கச் செய்கின்றது
துவர்ப்பு - இரத்தத்தைப் பெருக்குகின்றது
கசப்பு - நரம்புகளை பலப்படுத்துகின்றது
அக்கால மருத்துவங்களும், உணவு முறைகளும் இதனை அடிப்படையாகக் கொண்டே இருந்துவந்தது. உடல் தாதுவைப் பெருக்க, சமன் செய்ய அதற்கு ஏற்றவாறு உணவு வகைகளைத் தயாரித்து வந்தனர். இதனைக் கொண்டுதான் "உணவே மருந்து, மருந்தே உணவு" என்று சொல்வார்கள்.

இனிப்புச் சுவை (sweet) தொகு

மனிதர்களால் அதிகம் விரும்பப்படும் சுவை இதுதான். மனதிற்கு மட்டுமல்லாமல் உடலுக்கும் உடனடி உற்சாகத்தைத் தரக்கூடிய சுவையிது. குழந்தைகளின் வளர்ச்சிக்கு மிகவும் உதவுகின்றது.

இது அதிகமாயின் உடல் தளர்வு, சோர்வு, அதிகத் தூக்கம், இருமல், உடல் எடைக் கூடுதல் போன்ற சிக்கல்கள் பலவும் தோன்ற வாய்ப்பு உள்ளது.

கிடைக்கும் உணவுப் பொருட்கள்:

பழவகைகள், உருளைக் கிழங்கு, காரட் போன்ற கிழங்கு வகைகள், அரிசி, கோதுமை  போன்ற தானியங்கள் மற்றும் கரும்பு  போன்ற தண்டு வகைத் தாவரங்களிலும் இனிப்புச் சுவை அதிக அளவில் அடங்கியுள்ளது.

புளிப்புச் சுவை (Sour) தொகு

உணவிற்கு மேலும் ருசி சேர்க்கும் ஒரு சுவையிது. பசியுணர்வைத் தூண்டும். உணர்வு நரம்புகளை வலுப்பெறச் செய்கின்றது. இதயத்திற்கும், செரிமானத்திற்கும் மிகவும் நல்லது.

இது அதிகமாயின், தாக உணர்வினை அதிகரிக்கும். பற்களைப்  பாதிக்கும். நெஞ்செரிச்சல், இரத்தக் கொதிப்பு, அரிப்பு போன்ற தொந்திரவுகளை உண்டுவிக்கும். உடல் தளரச் செய்யும்.

எலுமிச்சை, புளிச்ச கீரை, இட்லி, தோசை, அரிசி, தக்காளி, புளி, மாங்காய், தயிர், மோர், நார்த்தங்காய்  போன்றவற்றில் அதிகம் உள்ளது.

காரச் சுவை (Pungent) தொகு

பசியுணர்வைத் தோற்றுவிப்பதோடு அல்லாமல், செரிமானத்திற்கும் பெரிதும் உதவுகின்றது. உடல் இளைக்கவும், உடலில் உள்ள அதிக்கப்படியான நீரை வெளியேற்றவும் செய்கின்றது. இரத்தச் சுத்திகரிப்புச் செய்கின்றது. தோல் நோய்களுக்கு நல்லதொரு பலனைத் தருகின்றது.

அதிகப்படியான காரம், உடல் எரிச்சலை உண்டுவிக்கும். உடல் சூட்டை அதிகரித்து, வியர்வையை அதிகம் சுரக்கச் செய்யும். குடல் புண்கள் தோன்ற அதிக வாய்ப்பு அளிக்கும்.

வெங்காயம், மிளகாய், இஞ்சி, பூண்டு, மிளகு, கடுகு  போன்றவற்றில் அதிகப்படியான காரச்சுவை அடங்கியுள்ளது.

உவர்ப்புச் சுவை (Salt) தொகு

தவிர்க்க இயலாத சுவை இது, அளவோடு இருக்கும்பட்சத்தில் அனைவராலும் விரும்பப்படும் ஒன்று. உமிழ்நீரைச் சுரக்கச் செய்கின்றது. மற்றச் சுவைகளைச் சமன்செய்ய உதவுகின்றது. உணவுச் செரிமானத்திலும் பங்கு வகிக்கின்றது.

இது அதிகமாயின் தோல் தளர்வினை உண்டுவித்து, சுருங்கிப் போகச் செய்யும். தோல் வியாதிகளையும் தோன்றச் செய்கின்றது.

உடல் சூட்டினை அதிகப்படுத்தி சிறுக் கட்டிகள், பருக்கள் தோன்ற வழிவகுக்கும்.

கீரைத்தண்டு, வாழைத்தண்டு, முள்ளங்கி, பூசணிக்காய், சுரைக்காய், பீர்க்கங்காய்  போன்றவற்றில் அதிகமாய் இருக்கின்றது.

துவர்ப்புச் சுவை (Astringent) தொகு

இது அதிகம் விருப்பு, வெறுப்பு காட்டப்படாத சுவை. உடல் ஆரோக்கியத்திற்கு மிகவும் உகந்த சுவை. அதிக வியர்வையைக்  கட்டுப்படுத்துகின்றது. இரத்தப்போக்கினைக் குறைக்க வல்லது. வயிற்றுப்போக்கினை சரி செய்யவல்லது.

இது அதிகமாயின், இளமையில் முதுமை தோற்றத்தை உண்டுவிக்கும். வாய் உலர்ந்து போகச் செய்யும், சரளமாக பேசுவதைப் பாதிக்கும். வாத நோய்கள் தோன்ற வழிவகுக்கும்.

கிடைக்கும் உணவுப் பொருட்கள்:

வாழைக்காய், மாதுளை, மாவடு, மஞ்சள், அவரை, அத்திக்காய்  போன்ற காய் வகைகளில் அடங்கியுள்ளது.

கசப்புச் சுவை (Bitter) தொகு

அதிகம் வெறுக்கப்படும் சுவையாக இருந்தாலும், அதிகம் நன்மைப் பயக்கும் சுவையும் இது ஒன்றே. மற்றச் சுவைகளை அறிய இது பெரிதும் உதவுகின்றது. சிறந்த நோய் எதிர்ப்புச் சக்தியாக செயல்படுகின்றது. தாக உணர்வைக் கட்டுப்படுத்துகின்றது. உடல் எரிச்சல், அரிப்புகளில் இருந்து நிவாரணம் தருகின்றது. காய்ச்சலைத்  தணிக்கின்றது. இரத்தச் சுத்திகரிப்புச் செய்கின்றது.

இது அதிகமாயின், உடலின் நீர் குறைந்துப் போகச் செய்யும். மேனி வறண்டு கடினத்தன்மைத் தோன்ற நேரிடும். எலும்புகளைப் பாதிக்கும். அடிக்கடி மயக்கம் உண்டாகும், உச்சகட்டமாய் சுயநினைவற்ற நிலைக்கும் செல்ல வழிவகுக்கும்.

பாகற்காய், சுண்டக்காய், கத்தரிக்காய், வெந்தயம், பூண்டு, எள், வேப்பம்பூ, ஓமம்  போன்றவற்றில் இந்த சுவை மிகுதியாய் உள்ளது.

திங்கள், 12 மார்ச், 2018

கோடை வெயிலை சமாளிக்க இந்த பழங்களை சாப்பிடுங்கள் !




கோடை வெயிலை சமாளிக்க இந்த பழங்களை சாப்பிடுங்கள் !


கோடையில் உண்ண வேண்டிய பழங்களின் வகைகள்* !



தர்பூசணியின் பயன்கள்

தர்பூசணி வெளிர் பச்சை மற்றும் கரும் பச்சை நிறமும் வரி வரியாக ஒன்றை அடுத்து ஒன்று காணப்படும். இதன் உள்ளே நன்கு சிவந்த உண்ணத்தகுந்த சதை பகுதி காணப்படும்.

 இந்த சதை பகுதி முழுக்க முழுக்க நீர் நிறைந்து காணப்படும். இந்த சதை பகுதியில் கருப்பு நிற கொட்டைகள் அதிகமாக காணப்படும்.


தர்பூசணி கோடைகாலத்தில் கொளுத்தும் வெயிலில் உண்டால் தாகத்தையும், கலைப்பையும் தணிக்க கூடிய அற்புதமான பழம்.


இதில் வைட்டமின் பி1, சுண்ணாம்பு சத்து மற்றும் இரும்பு சத்தும் உள்ளது. இது வெள்ளரிப்பழ இனத்தை சேர்ந்தது.


இப்பழத்தை கோசாப்பழம் என்றும் கூறுவர்.
தர்பூசணி அதிக இரத்த அழுத்தத்தை கட்டுப்படுத்தி,

ரத்த ஓட்டத்தை சீராக வைக்கிறது என்று விஞ்ஞானிகள் கண்டறிந்துள்ளனர்.


முலாம் பழத்தின் பயன்கள்

முலாம் பழத்தில் புரதச்சத்து, கார்போஹைட்டிரேட், சுண்ணாம்பு சத்து, பாஸ்பரஸ், பொட்டாசியம், மக்னீசியம், இரும்புச்சத்து, சோடியம், தாமிரம், கந்தகம், குளோரின், வைட்டமின்கள் ஏ, பி, சி, ஆக்சாலிக் அமிலம் ஆகிய சத்துக்கள் அடங்கியுள்ளன.


முலாம் பழத்தை சாப்பிட்டால் மூல நோய் குணமாகும். மலச்சிக்கல் நீங்கும். சிறுநீர்தாரை எரிச்சல், நீர்க்கடுப்பு நீங்கும்.

அஜீரணத்தை குணப்படுத்தும் தன்மை முலாம் பழத்திற்கு உண்டு.
முலாம் பழ சதையுடன் தேன் கலந்து சாப்பிட்டால் வாய்ப்புண், தொண்டைப் புண் குணமாகும். கண் பார்வையை அதிகரிக்கும் சக்தி இதற்கு உண்டு.

*இளநீரின் பயன்கள்* :🥥🥥🥥

கோடை காலம் வந்துவிட்டது. கொதிக்கும் வெயிலில் ஏற்படும் தாகத்தைத் தணிக்க, இளநீருக்கு மிஞ்சியது எதுவுமில்லை.

கோடைக்காலத்தில் உடல் சூடு அதிகமாவதால் ஏற்படும் வயிற்றுக் கோளாறுகளை இளநீர் பருகுவதால் தடுக்கலாம்.

காலையில் இளநீர் சாப்பிடுவது ஆரோக்கியத்திற்கு மிக மிக நல்லது. இது உடலுக்கு ஊக்கமும், சத்தும் தரும் ஆரோக்கியமான மருந்து.

சிறுநீரில் கற்கள் உருவாகாமல் இருக்க இளநீர் உதவுகிறது.

இளநீரில் சோடியம், பொட்டாசியம், கால்சியம், மக்னீசியம், பாஸ்பரஸ், இரும்புச்சத்து உள்ளது. இதுத் தவிர இளநீரில் வைட்டமின்களும், அமினோ அமிலங்களும் உள்ளன.

*நுங்கின் பயன்கள்* :

கோடையில் நம் உடலுக்குத் தேவையான நீர்ச் சத்துக்களை வாரி வழங்குகிறது நுங்கு.
நுங்கில் அதிக அளவு வைட்டமின் பி, சி, இரும்புச்சத்து,

 கால்சியம், துத்தநாகம், சோடியம், மக்னீசியம், பொட்டாசியம், தயமின், அஸ்கார்பிக் அமிலம் மற்றும் புரதம் போன்ற சத்துக்கள் அதிகம் காணப்படுகின்றன.

உடல் எடையைக் குறைக்க நினைப்பவர்கள் உணவுக் கட்டுப்பாட்டுடன், நுங்கை அதிகம் சேர்த்துக்கொள்ளலாம்.


திங்கள், 5 மார்ச், 2018

30 வகை நாட்டுப்புற சமையல்!


30 வகை நாட்டுப்புற சமையல்!

பச்சை மொச்சை காரக்குழம்பு
தேவையானவை: வேகவைத்த பச்சை மொச்சை 200 கிராம், மஞ்சள்தூள் ஒரு சிட்டிகை, தக்காளி 4, சின்ன வெங்காயம் கால் கிலோ, பச்சை மிளகாய் 4, புளிக்கரைசல் அரை கப், உப்பு தேவைக்கேற்ப.
வறுத்து அரைக்க: பூண்டு 4 பல், சோம்பு அரை டீஸ்பூன், தனியா ஒரு டீஸ்பூன், தேங்காய்த் துருவல் கால் கப், மிளகு ஒரு டீஸ்பூன், எண்ணெய் சிறிதளவு.
தாளிக்க: கடுகு அரை டீஸ்பூன், காய்ந்த மிளகாய் 2, எண்ணெய் ஒரு டீஸ்பூன், கறிவேப்பிலை சிறிதளவு.

செய்முறை: கடாய் அல்லது மண்சட்டியில் எண் ணெய் விட்டு, வறுத்து அரைக்கக் கொடுத்துள்ள பொருட்களை சிவக்க வறுத்து, விழுதாக அரைக்கவும். மீண்டும் கடாய் (அ) மண் சட்டியை சூடாக்கி, தாளிக்கும் பொருட்களை சேர்த்து தாளிக்கவும். இதில் கீறிய பச்சை மிளகாய், நறுக்கிய சின்ன வெங்காயம், தக்காளி துண்டுகள் சேர்த்து நன்கு வதக்கவும். பிறகு, புளிக்கரைசல், உப்பு, மஞ்சள்தூள் சேர்க்கவும். கொஞ்சம் கொதித்து வருகையில் வேகவைத்த மொச்சையை சேர்க்கவும். நன்கு கொதித்து வரும்போது அரைத்த மசாலா விழுது சேர்த்து, பச்சை வாசனை போக கொதிக்கவிட்டு இறக்கவும்.
இது சாதம், இட்லி, தோசைக்கு ஏற்றது.
சேமியா தேங்காய் இனிப்பு பொங்கல்
தேவையானவை: வேகவைத்து, நீரை வடித்த சேமியா ஒரு கப், தேங்காய்த் துருவல் கால் கப், வெல்லப்பாகு ஒன்றரை கப், வேகவைத்த பாசிப்பருப்பு அரை கப், நெய் 150 கிராம், கேசரி பவுடர் ஒரு சிட்டிகை, நெய்யில் வறுத்த முந்திரி, திராட்சை தலா 25 கிராம், ஏலக்காய்த்தூள் சிறிதளவு, ஜாதிக்காய் பொடி ஒரு சிட்டிகை.

செய்முறை: சிறிதளவு நெய்யில் தேங்காய்த் துருவலை சிவக்க வறுக்கவும். அதனுடன் வெல்லப்பாகு. வெந்த சேமியா, வேகவைத்த பாசிப்பருப்பு, கேசரி பவுடர் சேர்த்து, நெய் விட்டு நன்கு கிளறி, சற்று தளர இருக்கையில் இறக்கி… வறுத்த முந்திரி திராட்சை, ஜாதிக்காய் பொடி, ஏலக்காய்த்தூள் சேர்த்து நன்கு கிளறி, இளம் சூட்டில் பரிமாறவும்.
அகத்திக்கீரை பொங்கல்
தேவையானவை: ஆய்ந்து, அலசி, நறுக்கிய அகத்திக்கீரை ஒரு கப், பச்சரிசி 200 கிராம், பாசிப்பருப்பு 100 கிராம், பெருங்காயம் ஒரு சிறிய துண்டு (தூளாக்கவும்), சீரகம், பொடித்த மிளகு தலா அரை டீஸ்பூன், நெய் 100 கிராம், மஞ்சள்தூள் ஒரு சிட்டிகை, உப்பு தேவையான அளவு.

செய்முறை: அரிசி, பாசிப் பருப்பைக் கழுவி மஞ்சள்தூள், பெருங்காயம் சேர்க்கவும். இதனுடன் ஒரு பங்கு அரிசிக்கு இரண்டரை பங்கு என்ற அளவில் நீர் சேர்த்து 10 நிமிடம் ஊறவிடவும். குக்கரில் நெய்யைக் காயவிட்டு… பொடித்த மிளகு, சீரகம் தாளித்து, அகத்திக்கீரை சேர்த்துக் கிளறி… அரிசி, பருப்பை நீருடன் ஊற்றி குக்கரை மூடி, 4 (அ) 5 விசில் விட்டு இறக்கவும். இதனுடன் உப்பு சேர்த்து, விருப்பப்பட்டால் மேலும் 2 டீஸ்பூன் நெய் சேர்த்துக் கிளறி சூடாக பரிமாறவும்.
ஏகாதசி விரதம் முடித்து, துவாதசியன்று சாப்பிடும் உணவில் இது இடம் பெறும். வயிற்றுப்புண், வாய்ப்புண்ணுக்கு சிறந்த நிவாரணி இது.
பனங்கல்கண்டு ரவை பொங்கல்
தேவையானவை: வறுத்த ரவை 200 கிராம், பாசிப்பருப்பு 100 கிராம், பனங்கல்கண்டு 400 கிராம், வறுத்த முந்திரி, திராட்சை தலா 25 கிராம், நெய் 100 கிராம், ஏலக்காய்த்தூள் கால் டீஸ்பூன்.

செய்முறை: பனங்கல்கண்டில் கால் கப் நீர் சேர்த்து கொதிக்கவிட்டு வடிகட்டி வைக்கவும். நெய்யில் ரவையை சிவக்க வறுத்து தனியே வைக்கவும். பாசிப்பருப்பை குழைய வேகவிட்டு, வறுத்த ரவை மற்றும் வடிகட்டிய பனங்கல்கண்டு பாகு சேர்க்கவும். வெந்து வருகையில் இறக்கி, ஏலக்காய்த்தூள், வறுத்த முந்திரி திராட்சை சேர்க்கவும்.
சேமியா மிளகு பொங்கல்
தேவையானவை: வேகவைத்த சேமியா ஒரு கப், வேகவைத்த பாசிப்பருப்பு அரை கப், கட்டிப் பெருங்காயம் ஒரு சிறிய துண்டு (தூளாக்கவும்), நெய் 100 கிராம், மஞ்சள்தூள் சிறிதளவு, உப்பு தேவையான அளவு.

தாளிக்க: முந்திரி 25 கிராம், மிளகு (பொடித்தது), சீரகம் தலா அரை டீஸ்பூன், கறிவேப்பிலை சிறிதளவு, துருவிய இஞ்சி அரை டீஸ்பூன்.
செய்முறை: வேகவைத்த பாசிபருப்பு, உப்பு, பெருங்காயம், மஞ்சள்தூள், வேகவைத்த சேமியா ஆகியவற்றை வாணலியில் சேர்த்து, அடுப்பில் வைத்துக் கிளறி, நெய் விட்டு மேலும் கிளறவும். பிறகு இறக்கி, தாளிக்கும் பொருட்களைத் தாளித்து சேர்க்கவும். புதினா, கொத்தமல்லி சட்னியுடன் பரிமாறவும்.
புதினா மிளகு துவையல்
தேவையானவை: ஆய்ந்து, அலசிய புதினா ஒரு கப், மிளகு 2 டீஸ்பூன், காய்ந்த மிளகாய் 2, தோலுடன் கூடிய உடைத்த கறுப்பு உளுந்து 2 டேபிள்ஸ்பூன், பூண்டு 2 பல், புளி ஒரு சிறிய நெல்லிக்காய் அளவு, எண்ணெய் ஒரு டீஸ்பூன், உப்பு தேவையான அளவு.

செய்முறை: வாணலியில் எண்ணெய் விட்டு சூடாக்கி… உப்பு, புளி தவிர மற்ற பொருட்களை சிவக்க வறுக்கவும். இதனுடன் உப்பு, புளி சேர்த்து, சிறிதளவு தண்ணீர் தெளித்து அரைக்கவும்.
இதை கஞ்சி, சாதத்துடன் தொட்டுக்கொண்டு சாப்பிட்டால், அசத்தலான சுவையில் இருக்கும்.
சிவப்பு பூசணி துவையல்
தேவையானவை: சிவப்பு பூசணி கால் கிலோ (தோல் சீவி, துருவி, வதக்கவும்), தேங்காய் அரை மூடி (துருவிக்கொள்ளவும்), மஞ்சள்தூள் சிறிதளவு, புளி சிறிய எலுமிச்சை அளவு, உப்பு தேவையான அளவு.
வறுத்துக்கொள்ள: உளுத்தம்பருப்பு 2 டேபிள்ஸ்பூன், காய்ந்த மிளகாய் 10, பூண்டு 2 பல், எண்ணெய் ஒரு டீஸ்பூன்.

செய்முறை: வறுக்கக் கொடுத்துள்ள பொருட்களை சிவக்க வறுத்து… புளி, உப்பு, மஞ்சள்தூள், தேங்காய்த் துருவல், பூசணி துருவல் சேர்த்து, சிறிதளவு நீர் தெளித்து அரைத்து எடுக்கவும் (சிறிய துண்டு வெல்லம் சேர்த்தும் அரைக்கலாம். பூண்டு தேவை இல்லை என்றால் நீக்கிவிடவும்).
நாட்டுக்காய் கதம்ப சாம்பார்
தேவையானவை: கத்திரிக்காய், வாழைக்காய் வெள்ளைப் பூசணி துண்டுகள் (சேர்த்து) 2 கப், தக்காளி 2 (நறுக்கவும்), புளிக்கரைசல் கால் கப், வேகவைத்த துவரம்பருப்பு 100 கிராம் (மசிக்கவும்), மஞ்சள்தூள் ஒரு சிட்டிகை, சாம்பார் பொடி 3 டீஸ்பூன், சின்ன வெங்காயம் 100 கிராம் (நறுக்கவும்), கறிவேப்பிலை ஒரு ஆர்க்கு, எண்ணெய் ஒரு டீஸ்பூன், உப்பு தேவையான அளவு.

தாளிக்க: காய்ந்த மிளகாய் 2, கடுகு, பெருங்காயத்தூள், வெந்தயம் சிறிதளவு, எண்ணெய் ஒரு டீஸ்பூன்.
செய்முறை: புளிக்கரைசலில் மேலும் அரை கப் நீர் ஊற்றி… உப்பு, மஞ்சள்தூள், நறுக்கிய காய்களை சேர்த்து வேகவிடவும். சின்ன வெங்காயம், தக்காளியை ஒரு டீஸ்பூன் எண்ணெயில் வதக்கி, வெந்து கொண்டிருக்கும் காயில் சேர்க்கவும். சாம்பார் பொடியையும் சேர்க்கவும். மசித்த துவரம்பருப்பில் சிறிதளவு நீர் விட்டு விளாவி இதில் சேர்த்துக் கொதிக்க விடவும். தாளிக்கக் கொடுத்துள்ளவற்றை தாளித்து, இதனுடன் சேர்த்து இறக்கி, கறிவேப்பிலையை சேர்க்கவும்.
இடித்த இஞ்சி ரசம்
தேவையானவை: நாட்டுத் தக்காளி 2, இஞ்சி ஒரு இஞ்ச் அளவு துண்டு, பருப்பு நீர் 2 கப் (50 கிராம் துவரம்பருப்பை வேகவிட்டு, தண்ணீர்விட்டு கரைக்கவும்), மஞ்சள்தூள், புளி சிறிதளவு, பூண்டு 2 பல், சீரகம் அரை டீஸ்பூன், மிளகு ஒரு டீஸ்பூன், பெருங்காயம் ஒரு சிறுகட்டி (தூளாக்கவும்), கொத்தமல்லித்தழை, கறிவேப்பிலை, கடுகு சிறிதளவு, நெய் ஒரு டீஸ்பூன், உப்பு தேவையான அளவு.

செய்முறை: தக்காளியை நறுக்கவும். இஞ்சியை இடித்துக் கொள்ளவும். பூண்டு, சீரகம், மிளகு ஆகியவற்றை அம்மி (அ) உரலில் நசுக்கிக்கொள்ளவும் (மிக்ஸியிலும் பொடிக்கலாம்). மண்சட்டி அல்லது வாணலியில் நெய்யை சூடாக்கி கடுகு, பெருங்காயம் தாளிக்கவும். நறுக்கிய தக்காளி, இடித்த இஞ்சி, மஞ்சள்தூள் சேர்த்து, வதங்கியபின் புளி, உப்பு, பருப்பு நீர் சேர்க்கவும். நசுக்கிய பூண்டு சீரகம் மிளகு சேர்த்து ஒரு கொதி வந்ததும் கொத்தமல்லித்தழை, கறிவேப்பிலை தூவி இறக்கி சூடாக பரிமாறவும்.
இது இருமலைத் தணிக்க உதவும்.

111
கேப்பை தோசை
தேவையானவை: கேப்பை (கேழ்வரகு) மாவு 250 கிராம், அரிசி மாவு 50 கிராம், உளுத்தம்பருப்பு 50 கிராம், பச்சை மிளகாய் 3, சீரகம் ஒரு டீஸ்பூன், வெங்காயம் ஒன்று (நறுக்கவும்), கொத்தமல்லித்தழை கால் கட்டு, எண்ணெய் 50 மில்லி, உப்பு தேவையான அளவு.

செய்முறை: உளுத்தம்பருப்பை அரை மணி நேரம் ஊறவைத்து அரைக்கவும். இதனுடன் கேப்பை மாவு, அரிசி மாவு, சீரகம், உப்பு, பொடியாக நறுக்கிய பச்சை மிளகாய், நறுக்கிய கொத்தமல்லித்தழை, வெங்காயம் சேர்த்து தோசை மாவு பதத்தில் கரைத்து வைக்கவும். 5 (அ) 6 மணி நேரத்துக்குப் பிறகு தோசை சுடவும். 5, 6 மணி நேரம் புளிக்க வைக்க முடியா விட்டால், சிறிதளவு புளித்த மோர் சேர்த்துக் கரைத்து உடனடியாக தோசை வார்க்கலாம்.
தினை கம்பு அடை
தேவையானவை: தினை, கம்பு, பச்சரிசி தலா அரை கப், கடலைப்பருப்பு, துவரம்பருப்பு தலா கால் கப், காய்ந்த மிளகாய் 10, பல்லு பல்லாக நறுக்கிய தேங்காய் கால் கப், உப்பு, பெருங்காயம் தேவையான அளவு, எண்ணெய் 100 மில்லி.

செய்முறை: தினை கம்பு, அரிசி ஆகியவற்றை மெஷினில் கொடுத்து ரவையாக பொடிக்கவும். இதை உப்பு கலந்த நீரில் 2 மணி நேரம் ஊறவிடவும். பருப்பு வகைகளை ஒரு மணி நேரம் ஊறவிட்டு மிளகாய், பெருங்காயம் சேர்த்து அரைக்கவும் இத்துடன் ஊறிய தினை கம்பு அரிசி கலவை, நறுக்கிய தேங்காய் சேர்த்து நன்கு கலக்கவும். தோசைக்கல்லை சூடாக்கி, மாவை அடைகளாக ஊற்றி, எண்ணெய் விட்டு சுட்டு எடுக்வும்.
இதை சூடாகத்தான் சாப்பிட வேண்டும். ஆறிவிட்டால் ருசி குறையும்.
கேப்பை இனிப்பு பணியாரம்
தேவையானவை: கேப்பை (கேழ்வரகு) மாவு ஒரு கப், அரிசி மாவு, மைதா மாவு, கோதுமை மாவு தலா ஒரு டேபிள்ஸ்பூன், உப்பு, சோடா உப்பு தலா அரை சிட்டிகை, தேங்காய்த் துருவல் கால் கப், ஏலக்காய்த்தூள் சிறிதளவு, கரைத்த வெல்ல நீர் ஒரு கப் (200 கிராம் வெல்லம் போதுமானது), நெய் எண்ணெய் கலவை 100 கிராம்.

செய்முறை: மாவு வகைகளுடன் உப்பு, சோடா உப்பு, தேங்காய்த் துருவல், ஏலக்காய்த்தூள் சேர்த்து, வெல்ல நீர் ஊற்றி இட்லி மாவு பதத்துக்கு கரைக்கவும். பணியாரக் கல்லில் சிறிதளவு நெய் எண்ணெய் கலவையை விட்டு, முக்கால் பாகத்துக்கு கரைத்த மாவு நிரப்பி, இருபுறமும் வேகவிட்டு எடுக்கவும்.
சர்க்கரைவள்ளிக் கிழங்கு பொரியல்
தேவையானவை: தோல் சீவி நறுக்கிய சர்க்கரைவள்ளிக் கிழங்கு கால் கிலோ, பொடித்த வெல்லம் 2 டீஸ்பூன், கடுகு கால் டீஸ்பூன், காய்ந்த மிளகாய் 2, உளுத்தம்பருப்பு அரை டீஸ்பூன், கறிவேப்பிலை ஒரு ஆர்க்கு, எண்ணெய் ஒரு டீஸ்பூன், உப்பு சிறிதளவு.

செய்முறை: சர்க்கரைவள்ளிக் கிழங்கை தோல் சீவி, நறுக்கி, உப்பு சேர்த்து வேகவிட்டு, நீரை வடிக்கவும். கடாயில் எண்ணெய் விட்டு கடுகு, காய்ந்த மிளகாய், உளுத்தம்பருப்பு, கறிவேப்பிலை தாளித்து, வெல்லம் சேர்த்து இளகவிடவும். வேகவைத்த வள்ளிக்கிழங்கு துண்டுகளைச் சேர்த்து நன்கு புரட்டி எடுக்கவும்.
இதை மண்சட்டியில் செய்தால் நீண்ட நேரம் சூடாக இருக்கும்.
அவல் இனிப்பு பொங்கல்
தேவையானவை: கெட்டி அவல் 200 கிராம் (10 நிமிடம் ஊறவிடவும்), வேகவைத்த பாசிப்பருப்பு 100 கிராம், பாகு வெல்லம் 250 கிராம் (கரைத்து வடிகட்டவும்), நெய் 100 கிராம், குங்குமப்பூ சில இதழ்கள், ஏலக்காய்த்தூள் சிறிதளவு, வறுத்த முந்திரி, திராட்சை, கொப்பரைத் துண்டுகள் தலா 2 டீஸ்பூன், பச்சைக் கற்பூரம் ஒரு சிட்டிகை

செய்முறை: வேகவைத்த பாசிப்பருப்பை அடுப்பில் வைத்து, வெல்லக் கரைசல், நெய் ஊற்றி நன்கு கிளறவும். கெட்டியாகும்போது, ஊறவைத்த அவல் சேர்த்துக் கிளறி இறக்கவும் (அதிக நேரம் கிளற வேண்டாம். அவல் சிதைந்துவிடும்). இதனுடன் வறுத்த முந்திரி, திராட்சை, கொப்பரைத் துண்டுகள், ஏலக்காய்த்தூள், பச்சைக் கற்பூரம், குங்குமப்பூ சேர்த்துப் பரிமாறவும்.
பாசிப்பருப்பு இஞ்சிக் கடைசல்
தேவையானவை: பாசிப்பருப்பு 200 கிராம், துருவிய இளம் இஞ்சி ஒரு டீஸ்பூன், நாட்டுப் பூண்டு 4 பல் (நசுக்கவும்), நாட்டுத்தக்காளி 4 (நறுக்கவும்), கொத்தமல்லித்தழை சிறிதளவு, பச்சை மிளகாய் 4 (இடிக்கவும்), காய்ந்த மிளகாய் 2, கடுகு, மஞ்சள்தூள் சிறிதளவு, எண்ணெய் ஒரு டீஸ்பூன், உப்பு தேவையான அளவு.

செய்முறை: பாசிப்பருப்பை அகலமான மண் சட்டியில் மலர வேகவிடவும். இத்துடன் உப்பு, மஞ்சள்தூள் சேர்த்து, மத்தால் நன்கு கடையவும். கடாயில் எண்ணெயைக் காயவிட்டு கடுகு, காய்ந்த மிளகாய், பச்சை மிளகாய் தாளிக்கவும். நசுக்கிய பூண்டு, துருவிய இளம் இஞ்சி, நறுக்கிய தக்காளி, கொத்தமல்லித்தழை சேர்த்து வதக்கி, பருப்புக் கடைசலில் சேர்த்துக் கலந்து பரிமாறவும்.
தினை தேன் புட்டு
தேவையானவை: தினை மாவு (கடைகளில் ரெடிமேட் ஆகவும் கிடைக்கிறது) 200 கிராம், ஏலக்காய்த்தூள் சிறிதளவு, நெய் 2 டீஸ்பூன், தேங்காய்த் துருவல் கால் கப், தேன் 100 மில்லி, உப்பு ஒரு சிட்டிகை.

செய்முறை: தினை மாவில் உப்பு கலந்த சுடுநீர் தெளித்து ஆவியில் 20 நிமிடம் வேகவிட்டு எடுத்து, ஆறிய பின் உதிர்க்கவும். இதனுடன் தேங்காய்த் துருவல், ஏலக்காய்த்தூள், நெய், தேன் விட்டு பிசிறி பரிமாறவும்.
சேனை பொரியல்
தேவையானவை: சேனைக்கிழங்கு கால் கிலோ, இஞ்சி பூண்டு விழுது அரை டீஸ்பூன், மிளகாய்த்தூள் ஒரு டீஸ்பூன், சோம்பு கால் டீஸ்பூன், புளி விழுது ஒரு டீஸ்பூன், எண்ணெய் 100 கிராம், உப்பு தேவையான அளவு.

செய்முறை: சேனைக்கிழங்கை தோல் சீவி, சதுரமாக நறுக்கி… உப்பு, புளி விழுது கலந்த நீரில் சேர்த்து, அரைவேக்காடு பதத்தில் வேகவிட்டு நீரை வடிக்கவும். இஞ்சி பூண்டு விழுது, மிளகாய்த்தூள், சோம்பு ஆகியவற்றை நன்கு குழைத்து, சேனைக்கிழங்கு சதுரங்களின் மீது மேலும் கீழும் பூசி, சூடான தவாவில் போட்டு இருபுறமும் எண்ணெய் விட்டு சிவக்க வறுத்து எடுக்கவும்.
மேலே மொறுமொறுப்பாக, உள்ளே மிருதுவாக அசத்தும் இந்தப் பொரியல்.
இனிப்பு பால் பொங்கல்
தேவையானவை: புதிய பச்சரிசி 200 கிராம், பால் 600 மில்லி, சர்க்கரை 300 கிராம், வறுத்த முந்திரி, திராட்சை சிறிதளவு, நெய் 100 கிராம், ஏலக்காய்த்தூள் சிறிதளவு.

செய்முறை: அரிசியைக் கழுவி 10 நிமிடம் ஊற வைக்கவும். அடிகனமான, பெரிய பாத்திரத்தில் பாலை நன்கு கொதிக்கவிடவும். இதனுடன் அரிசியைச் சேர்த்து பாதி குழைந்தபின் சர்க்கரை, நெய் சேர்க்கவும். அடிபிடிக்காமல் கவனமாக கிளறவும். பால் அரிசி கலவை நன்கு சுண்டி வருகையில் இறக்கி, வறுத்த முந்திரி, திராட்சை, ஏலக்காய்த்தூள் சேர்த்துப் பரிமாறவும்.
அவரைக்காய் வேர்க்கடலை கூட்டு
தேவையானவை: அவரைக்காய் 250 கிராம், பச்சை வேர்க்கடலை 100 கிராம் (உப்பு சேர்த்து வேகவிடவும்), தேங்காய் ஒரு மூடி, சோம்பு அரை டீஸ்பூன், காய்ந்த மிளகாய் 8, தக்காளி 2, பூண்டு 2 பல், கடுகு அரை டீஸ்பூன், கறிவேப்பிலை ஒரு ஆர்க்கு, மஞ்சள்தூள், எண்ணெய், உப்பு சிறிதளவு.

செய்முறை: தேங்காய், சோம்பு, பூண்டு, காய்ந்த மிளகாயை சேர்த்து விழுதாக அரைக்கவும். அவரைக்காயை பொடியாக நறுக்கி… மஞ்சள்தூள், உப்பு சேர்த்து வேகவைத்து நீரை வடிக்கவும். வாணலியில் (அ) மண்சட்டியில் எண்ணெயை சூடாக்கி, கடுகு, கறிவேப்பிலை தாளித்து, தக்காளியை சேர்த்து வதக்கவும். இதனுடன் அரைத்த தேங்காய் விழுது, வேகவைத்த வேர்க்கடலை, அவரைக்காய் சேர்த்து நன்கு கொதித்தபின் இறக்கவும்.
புளி சேர்க்காத இந்த கூட்டு, சுவையில் அசத்தும்.
பச்சைத் துவரை துவட்டல்
தேவையானவை: பச்சைத் துவரை (உரித்தது) 200 கிராம், இஞ்சி பூண்டு விழுது ஒரு டீஸ்பூன், சின்ன வெங்காயம் (நறுக்கியது) கால் கப், பொட்டுக்கடலை மாவு ஒரு டேபிள்ஸ்பூன், சோம்பு கால் டீஸ்பூன், நறுக்கிய புதினா ஒரு கைப்பிடி அளவு, கடுகு அரை டீஸ்பூன், பச்சை மிளகாய் விழுது சிறிதளவு, எண்ணெய் 2 டீஸ்பூன், உப்பு தேவையான அளவு.

செய்முறை: பச்சைத் துவரையை உப்பு சேர்த்து வேகவிடவும். கடாயில் எண்ணெயைக் காயவிட்டு கடுகு, சோம்பு தாளிக்கவும். நறுக்கிய சின்ன வெங்காயம் சேர்த்து வதக்கவும். பின்னர் இஞ்சி பூண்டு விழுது, புதினா சேர்த்து வதக்கவும். இதனுடன் பச்சை மிளகாய் விழுது சேர்த்து, வெந்த பச்சை துவரையையும் சேர்த்து வதக்கி, பொட்டுக்கடலை மாவு தூவி இறக்கவும்.
குறிப்பு: இந்த சீஸனில் பச்சை துவரைக் காய் நிறைய காய்கறி கடைகளில் கிடைக்கும்.
பிஞ்சு மக்காச்சோள பிரட்டல்
தேவையானவை: பிஞ்சு மக்காச்சோளம் (ஒரு இஞ்ச் அளவுக்கு நறுக்கியது) 20 துண்டுகள், இஞ்சி பூண்டு பச்சை மிளகாய் சேர்த்து அரைத்த விழுது ஒரு டீஸ்பூன், சோம்பு கால் டீஸ்பூன், எண்ணெய் 3 டீஸ்பூன், மஞ்சள்தூள், உப்பு சிறிதளவு.

செய்முறை: கடாயில் எண்ணெய் விட்டு சோம்பு தாளிக்க வும். இஞ்சி பூண்டு பச்சை மிளகாய் விழுது சேர்த்துக் கிளற வும். பிறகு, சோளப்பிஞ்சை சேர்த்து சிறிது நீர் தெளித்து வேக விடவும். இதனுடன் மஞ்சள்தூள், உப்பு சேர்த்து நன்கு வதக்கி இறக்கிப் பரிமாறவும்.
கல்கண்டு பொங்கல்
தேவையானவை: சிறிய கல்கண்டு (டைமண்ட் கல்கண்டு) 200 கிராம், பச்சரிசி 100 கிராம், பாசிப்பருப்பு ஒரு டேபிள்ஸ்பூன், வறுத்த முந்திரி, திராட்சை சிறிதளவு, ஏலக்காய்த்தூள் ஒரு சிட்டிகை, நெய் ஒரு டேபிள்ஸ்பூன்.

செய்முறை: பச்சரிசி, பாசிப்பருப்பை லேசாக வறுத்து, குழைய வேகவிடவும். இதில் கல்கண்டு சேர்க்கவும். சிறிது நேரத்தில் கெட்டியாகிவிடும். பிறகு, நெய் விட்டு நன்கு கிளறி, வறுத்த முந்திரி, திராட்சை, ஏலக்காய்த்தூள் சேர்த்துக் கலந்து இறக்கி, ஆறியபின் பரிமாறவும்.
கேப்பை வெல்ல அல்வா
தேவையானவை: கேப்பை (கேழ்வரகு) மாவு 100 கிராம், வெல்லம் 200 கிராம், நெய் 50 கிராம், எண்ணெய் 50 மில்லி, ஏலக்காய்த்தூள் சிறிதளவு, வறுத்த வேர்க்கடலை ஒரு டீஸ்பூன்.

செய்முறை: கேப்பை மாவை நீர் விட்டு தோசை மாவு பதத்துக்கு கரைக்கவும். வெல்லத்தை நீர் விட்டு கரைத்து வடிகட்டவும். கடாயை அடுப்பில் ஏற்றி வெல்லக் கரைசலை சேர்த்து கொதி வருகையில் கரைத்த கேப்பை மாவை ஊற்றவும். கலவை கெட்டியாகும்போது நெய், எண்ணெய் சேர்த்துக் கிளறி, பளபளவென மாவு வெந்து, கடாயில் ஒட்டாத பதத்துக்கு வரும்போது ஏலக்காய்த்தூள், வறுத்த வேர்க்கடலை சேர்த்து இறக்கவும்.
இதை அப்படியே பரிமாறலாம். வில்லை களாக்கியும் சாப்பிடலாம்.
வெள்ளைச் சோள மாவு ரொட்டி
தேவையானவை: வெள்ளைச் சோள மாவு 200 கிராம் (பெரிய மளிகைக் கடைகளில் கிடைக்கும்), மைதா மாவு 2 டீஸ்பூன், நறுக்கிய கொத்தமல்லித்தழை சிறிதளவு, வெங்காயம் ஒன்று, உப்பு சிறிதளவு, எண்ணெய் 50 கிராம்.

செய்முறை: வெள்ளைச் சோள மாவு. மைதா மாவு, நறுக்கிய வெங்காயம், கொத்தமல்லித்தழை, உப்பு, 2 டீஸ்பூன் எண்ணெய் ஆகியவற்றை சேர்த்து, சிறிது சுடு நீர் தெளித்து ரொட்டி (சப்பாத்தி) மாவு மாதிரி பிசையவும். கையில் எண்ணெய் தடவி சாத்துக்குடி அளவு மாவு எடுத்து உருட்டவும். இதை எண்ணெய் தடவிய வாழை இலையில் வைத்து ரொட்டியாக தட்டவும். தோசைக்கல்லை சூடாக்கி, ரொட்டியைப் போட்டு, எண்ணெய் விட்டு இருபுறமும் சிவக்க வேகவிட்டு எடுக்கவும்.
இதைச் சூடாக சாப்பிட வேண்டும்.
மக்காச்சோள சுண்டல்
தேவையானவை: வேகவைத்து உதிர்த்த நாட்டு மக்காச்சோளம் ஒரு கப், பூண்டு 2 பல் (நசுக்கவும்), காய்ந்த மிளகாய் 2, நறுக்கிய சின்ன வெங்காயம் கால் கப், கடுகு, சோம்பு தலா அரை டீஸ்பூன், கறிவேப்பிலை ஒரு ஆர்க்கு, எண்ணெய் சிறிதளவு, உப்பு தேவையான அளவு.

செய்முறை: கடாயில் எண்ணெய் விட்டு கடுகு, சோம்பு, கறிவேப்பிலை, பூண்டு, காய்ந்த மிளகாயை தாளிக்கவும். இதில் நறுக்கிய சின்ன வெங்காயம் சேர்த்து வதக்கி… உப்பு, உதிர்த்த சோளமணிகள் சேர்த்து நன்கு புரட்டி இறக்கிப் பரிமாறவும்.
பூண்டு சீரகத் துவையல்
தேவையானவை: நாட்டுப் பூண்டு (உரித்தது) 10 பல், சீரகம் ஒரு டீஸ்பூன், தக்காளி 2, காய்ந்த மிளகாய் 6, துவரம்பருப்பு ஒரு டீஸ்பூன், எண்ணெய் சிறிதளவு, உப்பு தேவையான அளவு.

தாளிக்க: சமையல் எண்ணெய் ஒரு டீஸ்பூன், கடுகு அரை டீஸ்பூன், பெருங்காயத்தூள் சிறிதளவு.
செய்முறை: சிறிதளவு எண்ணெயில் பூண்டு, சீரகம், காய்ந்த மிளகாய், துவரம்பருப்பை சிவக்க வறுக்கவும். இதனுடன் தக்காளி, உப்பு, சிறிதளவு நீர் சேர்த்து அரைக்கவும். தாளிக்கும் பொருட்களைத் தாளித்து சேர்த்துக் கலக்கவும்.
அவல் காரப்பொங்கல்
தேவையானவை: அவல் 200 கிராம் (ஊறவைக்கவும்), வேகவைத்த பாசிப்பருப்பு 100 கிராம், கீறிய பச்சை மிளகாய் 4, சீரகம் அரை டீஸ்பூன், மிளகு சிறிதளவு, பெருங்காயம் ஒரு சிறு கட்டி (தூளாக்கவும்), கறிவேப்பிலை சிறிதளவு, நெய் 3 டீஸ்பூன், உப்பு தேவையான அளவு.

செய்முறை: கடாயில் நெய் விட்டு சீரகம், பெருங்காயம், கீறிய பச்சை மிளகாய், மிளகு, கறிவேப்பிலை தாளிக்கவும். வேகவைத்த பாசிப்பருப்பு, உப்பு, ஊறவைத்த அவல் சேர்த்து, சிறிதளவு நீர் விட்டு, அவல் சிதையா வண்ணம் கிளறி இறக்கவும்.
குறிப்பு: சிவப்பு அவலிலும் செய்யலாம். ருசி மேலும் பிரமாதமாக இருக்கும்.
கீரை தக்காளி தாளிதம்
தேவையானவை: ஏதேனும் ஒரு கீரை ஒரு கட்டு (சுத்தம் செய்து நறுக்கவும்), தக்காளி ஒன்று, வேகவைத்த துவரம்பருப்பு 2 டீஸ்பூன், கீறிய பச்சை மிளகாய் 2, கடுகு, பெருங்காயம் (தூளாக்கவும்) சிறிதளவு, பூண்டு 2 பல் (நசுக்கவும்), எண்ணெய் ஒரு டீஸ்பூன், மஞ்சள்தூள், உப்பு சிறிதளவு.

செய்முறை: மண்சட்டி (அ) கடாயில் எண்ணெய் விட்டு கடுகு, பெருங்காயம், பூண்டு தாளிக்கவும். இத்துடன் கீறிய பச்சை மிளகாய், நறுக்கிய கீரை, தக்காளி, உப்பு, மஞ்சள்தூள் சேர்த்து, சிறிதளவு நீர் விட்டு, கீரை தக்காளி பாதி வெந்தவுடன் பருப்பு சேர்த்து, மேலும் வேகவிட்டு இறக்கவும்.
குறிப்பு: இது கெட்டியாகத்தான் இருக்க வேண்டும்.
மல்லி சாதம்
தேவையானவை: உதிர் உதிராக வடித்த சாதம் 2 கப் (நன்கு ஆறவிடவும்).
வறுத்துப் பொடிக்க: மல்லி விதை (தனியா) 4 டேபிள்ஸ்பூன், காய்ந்த மிளகாய் 4, கடலைப் பருப்பு, உளுத்தம்பருப்பு (சேர்த்து) 2 டேபிள்ஸ்பூன், பெருங்காயம் ஒரு சிறு கட்டி, நல்லெண்ணெய் 50 கிராம், புளி சிறிதளவு, உப்பு தேவைக்கேற்ப.

செய்முறை: வறுக்க கொடுத்த பொருட்களை (புளி, உப்பு தவிர) வெறும் கடாயில் சிவக்க வறுத்து, உப்பு, புளி சேர்த்து பொடியாக்கவும். நல்லெண்ணெயை நன்கு பொங்க காய்ச்சி, சாதத்தின் மேல் ஊற்றி, அரைத்த பொடியை சேர்த்து நன்றாக கிளறவும். சுட்ட அப்பளம் அல்லது பொரித்த அப்பளத்துடன் பரிமாறவும்.
நீராகாரம்
தேவையானவை: சாதம் வடித்த கஞ்சி ஒரு கப், சிலுப்பிய தயிர் அரை கப், முதல் நாள் இரவு வடித்த சாதத்தின் மீது ஊற்றிய நீர் ஒரு கப் (சாதத்தை நன்கு கிளறி அது மூழ்கும் வரை நீர் விடவும்), உப்பு தேவையான அளவு, நறுக்கிய வெங்காயம் ஒரு கைப்பிடி அளவு.

செய்முறை: கொடுக்கப்பட்டுள்ள பொருட்களை (வெங்காயம் தவிர) நன்கு கலந்து விளாவி, வெங்காயம் தூவி பரிமாறவும். விருப்பப்பட்டால், பச்சை மிளகாயை கடித்துக்கொண்டு நீராகத்தை பருகலாம். இது கிராமத்தினர் பலரின் வழக்கம்.

 நன்றி:-.vikatan

செவ்வாய், 20 பிப்ரவரி, 2018

நீண்ட நாட்கள் எந்த நோய் நொடியும் இல்லாமல் சந்தோஷமா வாழணுமா?


நீண்ட நாட்கள் எந்த நோய் நொடியும் இல்லாமல் சந்தோஷமா வாழணுமா?

 அப்போ ஆரோக்கியமான உணவுப் பொருட்களை சாப்பிடுங்கள் அப்படினு பலரும் சொல்லி கேட்டிருப்போம், அது உண்மையும் தான்.

ஆனால், அதே சமயம் எவ்வளவு ஆரோக்கியமான உணவாக இருந்தாலும் அதைச் சாப்பிடுவதற்கும் ஒரு நேரம் காலம் உள்ளது.

நமக்கு உடம்பு சரியில்லாமல் போனால் அதைக் குணப்படுத்த எடுத்துக் கொள்ளும் மருந்து மாத்திரையைச் சாப்பிடுவதற்கு கூட ஒரு குறிப்பிட்ட நேரம் சொல்லப் படுகிறது.

 அப்படியிருக்கையில் கண்ட நேரத்தில் அதாவது தவறான நேரத்தில் இந்த 10 உணவுப் பொருட்களை சாப்பிடுவது உங்கள் ஆரோக்கியத்தைக் கெடுத்து உங்கள் உயிருக்கே ஆபத்தாகவும் அமையலாம் என்கிறது ஆராய்ச்சி முடிவுகள்.

இந்த 10 உணவு வகைகள் கிடைப்பதற்கே அரிதான பொருட்கள் அல்ல நம் அன்றாட வாழ்வில் சாப்பிடும், தவிர்க்கவே முடியாத இடத்தைப் பிடித்த உணவுகள் தான் அவை. வாருங்கள் அந்த 10 என்னவென்று தெரிந்துகொள்வோம்.

1. வாழைப்பழம்:


எல்லாப் பருவங்களிலும் எல்லா இடத்திலும் மிகவும் எளிமையாக கிடைக்கக் கூடிய ஒரு பழம் வாழை.

நமது ஜீரண சக்தியை அதிகரிப்பது முதல் வயிற்று பிரச்னைகளில் இருந்து நம்மைப் பாதுகாப்பது வரை வாழைப்பழத்திற்குப் பல மருத்துவ குணங்கள் உண்டு.

அதிக பொட்டாஷியமும், நார் சத்தும் நிறைந்த வாழைப்பழத்தைக் காலை உணவாகவே பலரும் வெறும் வயிற்றில் சாப்பிடுகிறோம், அதன் ஆபத்து தெரியாமல்.

 வாழைப்பழம் அமிலத் தன்மை கொண்டது, இதை வெறும் வயிற்றில் உட்கொண்டால் குடல் பிரச்னைகளை இது உண்டாக்கும்.

 அதே போல் வாழைப்பழத்தில் சர்க்கரை அளவும் அதிகமாக இருப்பதால் சில மணி நேரத்திலேயே உங்கள் உடலின் எனர்ஜி குறைந்து உங்களைப் பலவீனமாக்குவதோடு, சோர்வான உணர்வைத் தரும்.

 பின் நாட்களில் குடல் புண், அல்சர் போன்ற பிரச்னைகள் வராமல் தடுக்க வெறும் வயிற்றில் வாழைப்பழம் சாப்பிடுவதை தவிருங்கள்.

2. தயிர்:


வெயில் காலம் வந்துவிட்டாலே வெப்ப சலனத்தில் இருந்து நமது உடலைப் பாதுகாக்க நாம் நாடும் உணவு வகைகளில் மிகவும் முக்கியமானது தயிர். ஒரு சிலருக்கு தயிர் இல்லாமல் சாப்பாடே இறங்காது.

ஆனால், என்னதான் ஆரோக்கியமானதாக இருந்தாலும் தயிரை இரவு நேரத்தில் சாப்பிடுவது உடல் உஷ்ணத்தை அதிகரிக்கும்.

 இரவு உறங்கச் செல்வதற்கு முன்பு தயிர் சாப்பிட்டால் தயிரில் இருக்கும் லாக்டிக் ஆசிட் செரிமான பிரச்னையை உண்டாக்கி, மூச்சுக் குழாயில் அடைப்பு, இரும்பல் ஆகிய சிக்கல்களை ஏற்படுத்தும்.

3. கிரீன் டீ:

உடல் எடை குறைய வேண்டுமா? ‘என்னுடைய அழகான உடல் அமைப்பிற்குக் காரணம் கிரீன் டீ!’ என்று பல சினிமா பிரபலங்கள் சொல்லக் கேட்டு பிடித்தும் பிடிக்காமலும் அந்த கிரீன் டீ குடிப்பவர்கள் பலர்.

ஆனால் காலையில் எழுந்தவுடன் வெறும் வயிற்றில் கிரீன் டீ குடிப்பது மிகவும் ஆபத்து என ஆராய்ச்சி முடிவுகள் சொல்கின்றன.

அதில் இருக்கும் கஃபைன் உடலில் உள்ள நீர் சத்தை குறைத்து தலை சுற்றல், வாந்தி போன்ற பிரச்னைகளை உண்டாக்கும்.

 அது மட்டுமின்றி 3 அல்லது 4 மணி நேரத்திலேயே உடல் சோர்வை ஏற்படுத்தி நம்மைப் பலவீனமாக்கி விடும்.

4. சாதம்:

நீரிழிவு, ரத்த கொதிப்பு எனப் பல பிரச்னைகளுக்கு மருத்துவர்கள் சொல்லும் முதல் கண்டிஷன் இரவில் சாதம் சாப்பிடாதீர்கள் என்பது தான்.

ஏன் நாள் முழுக்க நாம் சுறுசுறுப்புடன் செயல்படத் தேவையான கர்போஹைட்ரேட்டை தருவது இந்தச் சாதம் தான், ஆனால் அதே சமயம் இரவு நேரத்தில் சாதம் சாப்பிட்டால் அதில் அதிகமாக இருக்கும் ஸ்டார்ச் செரிமானக் கோளாறுகளை ஏற்படுத்தி, உடல் எடையை அதிகரிக்கும்.

அதிகமான உடல் எடை பின் நாட்களில் ரத்த அழுத்தம், இதய நோய் என நம் உயிருக்கே ஆபத்தாகக் கூடிய பல நோய்களை வரவழைக்கும்.

5. பால்:


எந்தச் சத்து உடலில் குறைந்தாலும் சரி அது சரி செய்யப் பால் மட்டுமே போதும். கால்சியம், பொட்டாசியம், வைட்டமின், புரதம் மற்றும் கொழுப்பு என அனைத்துச் சத்துக்களும் பாலில் நிறைந்துள்ளது.

 பாலை இரவு உறங்கப் போவதற்கு முன்பு குடித்தால் நல்ல நிம்மதியான தூக்கம் வருவதோடு பாலில் உள்ள மொத்த சத்துக்களையும் உடல் ஈர்த்துக்கொள்ளும், ஆனால் அதே சமயம் பகல் வேலையில் பால் குடிப்பது மந்தமான உணர்வைக் கொடுக்கும்.

6. ஆப்பிள்:

நாள்தோறும் ஒரு ஆப்பிள் சாப்பிடுவதால் நமக்கு எவ்வளவு நன்மைகள் உண்டு என்பதை நமது பள்ளி காலம் முதலே நாம் படித்து இருப்போம்.

ஆனால் அத்தனை ஆரோக்கியமான ஆப்பிளைக் கூட இரவு நேரத்தில் சாப்பிடக் கூடாது.

 ஆப்பிளில் இருக்கும் ஆண்டி-ஆக்ஸிடண்ட்ஸ் வயிற்று எரிச்சலை ஏற்படுத்தித் தூக்கத்தை கெடுக்கும்.

இரவு வேளையில் உணவு செரிமானம் ஆக மிகவும் நேரம் எடுக்கும் என்பதால் அமிலம் நிறைந்த இந்த ஆப்பிள் நீண்ட நேரம் நம் வயிற்றில் தங்கி வயிற்றுக் கோளாறுகளை ஏற்படுத்தும்.

7. சாக்லேட்:

சாக்லெட்டில் இருக்கும் ஆர்கானிக் கலவைகள் உடல் ஆரோக்கியத்தை அதிகரித்து, இதய நோய்களில் இருந்து நம்மைப் பாதுகாக்கும்.

 ஆனால் டார்க் சாக்லேட்டில் குறைவாக இரு

சிறுநீரக செயலிழப்புக்கு முக்கிய காரணமாகும் உணவுப்பழக்கம்.



  1. சிறுநீரக செயலிழப்புக்கு முக்கிய காரணமாகும் உணவுப்பழக்கம்.


தற்காலத்தில் சிறுநீரக செயலிழப்பால் பாதிக்கப்படுவோரின் எண்ணிக்கை அதிகரித்து வருவதாக புள்ளி விவரங்கள் கூறுகின்றன. நமது தவறான உணவுப்பழக்க வழக்கமே சிறுநீரகம் பழுதடைவதற்கு முக்கிய காரணமாக கருதப்படுகிறது. மதுரை அப்பல்லோ மருத்துவமனையின் சிறுநீரக அறுவை சிகிச்சை நிபுணர் டாக்டர் சவுந்தரபாண்டியன் சிறுநீரக பாதிப்பு பிரச்சனை குறித்து விளக்குகிறார்.

*🔻தீட்டிய அரிசி🔻*

கடந்த காலங்களில் 50 வயதுக்கு மேற்பட்டவர்களுக்கே சிறுநீரக பாதிப்பு வரும். தற்போது, 30 வயதுக்கு கீழ் உள்ளவர்கள் கூட சிறுநீரக பாதிப்புக்காக சிகிச்சைக்கு வருகிறார்கள். சிறுநீரக பாதிப்புக்கு சர்க்கரை நோய் ஒரு முக்கிய காரணமாகும். சர்க்கரை நோய்க்காக சிகிச்சைக்கு போனால் மருத்துவர்கள் அரிசி உணவை குறைத்துக் கொள்ளச் சொல்கிறார்கள்.

நமது முன்னோர்கள் கைக்குத்தல் அரிசியை உண்டார்கள். சர்க்கரை நோய் எட்டிப்பார்க்கவில்லை. ஆனால், நாம் இன்று தீட்டிய அரிசியை சாப்பிடுகிறோம். இந்த தீட்டிய அரிசி என்பது அரிசி மணியின் மேல்புறத்தில் உள்ள சர்க்கரையை கட்டுப்படுத்தும் பல்வேறு சத்துகளும் நீக்கப்பட்ட சர்க்கரை மட்டுமே.

எந்த சத்துகளும் இல்லாத இந்த தீட்டப்பட்ட சர்க்கரை அரிசியை உண்டு வந்தால் உடலில் சர்க்கரை உயரும். சத்து நிரம்பிய கைக்குத்தல் அரிசியையும் சிறுதானியங்களையும் உண்டால் சர்க்கரை நோய் பாதிப்புக்கான வாய்ப்புகள் குறைவு. இதனால், சர்க்கரை நோய் மூலம் ஏற்படும் சிறுநீரக பாதிப்பையும் கட்டுப்படுத்தலாம்.

*🔻பாக்கெட் உப்பு தப்பு🔻*

சிறுநீரகத்தில் ஏதாவது பிரச்சனை என்றால் மருத்துவர்கள் நோயாளியிடம் உணவில் உப்பு சேர்ப்பதை நிறுத்தச் சொல்வார்கள். நாம் உண்ணத் தகுந்த உப்பு என்பது கடலில் இருந்து நேரடியாக கிடைக்கும் பழுப்பு நிறத்தில் காணப்படும் ஒரு வகை உப்பு.

இதில் மாங்கனீஸ், பொட்டாஷ் உள்பட உடலுக்கு மிகத்தேவையான சத்துகள் இருக்கின்றன. இந்த உப்பு வெள்ளை நிறத்தில் இருக்க வேண்டும் என்று பாலிஸ் செய்து சத்துகளை நீக்குகிறார்கள். கடைசியில் மிஞ்சுவது சோடியம் குளோரைடு உப்புதான்.

இந்த சத்தற்ற உப்பையே நாம் பயன்படுத்துகிறோம். இது அளவுக்கு அதிகமாக உடலில் சேரும் போது சிறுநீரகம் பழுதடையவே செய்யும். தீட்டப்படாத பழுப்பு நிறத்தில் உள்ள கல் உப்பை பயன்படுத்தினால் சிறுநீரக பாதிப்பு ஏற்படும் வாய்ப்பு குறைவு.

*🔻கசக்கும் சர்க்கரை🔻*

நமது முன்னோர்கள் கரும்புச்சர்க்கரையை பயன்படுத்தினார்கள். இது உடலுக்கு நன்மை தரும். இன்று இந்த சர்க்கரையில் உள்ள சத்துகளை நீக்கி விட்டு சீனியாக விற்பனை செய்கிறார்கள்.

இந்த சீனி உடலில் சர்க்கரை அளவை உயர்த்தும். சர்க்கரை நோய் வருவதற்கான பாதிப்புகளை உருவாக்கும். சீனியை தவிர்த்தால் சிறுநீரகம் பாதிப்படைவதை தடுக்கலாம். சீனிக்கு பதிலாக நாட்டுச் சர்க்கரையை பயன்படுத்தலாம்.

*🔻புதிய புதிய எண்ணெய்🔻*

பல காலங்களாக நல்லெண்ணெய், தேங்காய் எண்ணெய் பயன்படுத்தினர். இவை இதயம், சிறுநீரகம் உள்ளிட்ட ஜீவ உறுப்புகளை பலப்படுத்துபவை.

குறிப்பாக, இவை இதயம் தொடர்பான நோய்களை தடுக்க வல்லவை. இவற்றை விட்டு விட்டு சந்தையில் கிடைக்கும் புதிய புதிய தாவர எண்ணெய் வகைகளை பயன்படுத்துகிறோம். இவை சிறுநீரகத்திற்கு பாதிப்பை ஏற்படுத்தக்கூடியவை. இவற்றையும் தவிர்க்க வேண்டும்.

எனவே, சிறுநீரகம் தொடர்பான பாதிப்பு வரும் முன் தடுக்க மற்ற எல்லாவற்றையும் விட உணவு முறைகளில் கவனமாக இருப்பது நல்லது. இதன் மூலம் உடலின் சீரான இயக்கத்தையும் ஆரோக்கியத்தையும் உறுதி செய்யலாம். குறிப்பாக, சிறுநீரகம் தொடர்பான நோய்களை தடுக்கலாம்.

வியாழன், 15 பிப்ரவரி, 2018

கிராமத்து சமையல் ஐம்பது வகையான சமையல் குறிப்புகள்


கிராமத்து சமையல் ஐம்பது வகையான சமையல் குறிப்புகள்

1. தேங்காய் தண்ணீரை வீணாக்காமல் ரசத்தில் சேர்த்தால் ரசம் மிகவும் ருசியாக இருக்கும்
2. எந்த கறை ஆடையில் பட்டாலும் சிறிது வினிகர் போட்டு துவைத்தால் கறை இருந்த இடம் தெரியாது.
3. ஆப்ப சட்டி பணியார சட்டிகளி்ல் எப்பொழுதும் எண்ணெய் தடவியே வைத்திருக்க வேண்டும். அப்பொழுதுதான் ஆப்பம் பணியாரம் செய்யும்போது எளிதாக செய்யலாம்.
4. கொதிக்கவைத்து ஆறிய நீரில் சீரகப் பொடியை போட்டு 12 மணி நேரம்ஆகி குடித்தால் இரத்த கொதிப்பு சீராகும்.
5. மண்பாத்திரம் புதிதாக வாங்கினால் அதில் சிறிது எண்ணெய் தடவி அடுப்பில் சற்று நேரம் சூடேற்றி பின் கழுவினால் மண்வாசனையும் வராது விரிசலும் விடாது.
6. தக்காளி சட்னி செய்யும் போது அதில் சிறிது எள்ளை வறுத்து பொடி செய்து போட்டால் ருசி அதிகமாக இருக்கும். தயாரிக்கும் போது அதில் சிறிது எலுமிச்சை சாற்றை கலந்து குடித்தால் ருசி அதிகமாக இருக்கும்.
7. பொரித்த அப்பளம் மீதமாகிவிட்டால் அதை பாலிதீன் பையில் நன்றாக சுற்றி ஃபிரிஜ்ஜில் வைத்துவிட்டால் ஒரு வாரம் ஆனாலும் மொறு மொறுப்பு மாறாமல் இருக்கும்.
8. வாஷ் பேசினில் இரண்டு அல்லது மூன்று ரசகற்பூரம் போட்டு வைத்தால் எந்தவித துர்நாற்றமும் வராது.
9. அடைக்க அரைக்கும் போது அரிசி பருப்புடன் இரண்டு வேக வைத்த உருளை கிழங்கு போட்டு அரைத்தால் ருசியாக இருக்கும்.
10. இளம் காலை வெயிலிலும் மாலை வெயிலிலும் பிறந்தகுழந்தையை சிறிது நேரம் படுக்க வைத்தால் அந்த குழந்தைக்கு வைட்டமீன் ”D” யும் கோடை காலத்தில் தாகம் எடுத்தாலும் எடுக்காவிட்டாலும் அவ்வப்போது தண்ணீர் குடிக்க வேண்டும் இது சரும வறட்சியை நீக்குவதோடு சிறுநீரகம் மலக்குடல் சிறப்பாக செயல்பட உதவும்.
11. பழய டூத்பிரஷ்களை தூக்கி எறிந்து விடாதீர்கள் மரக்கதவு கிரீல் கேட் பொன்றவற்றின் இடுக்குகளில் உள்ள தூசிகளை அகற்ற இதைவிட சிறந்த பொருள் வேறு எதுவும் கிடையாது.
12. மீன்தொட்டியில் உள்ள பழைய தண்ணீரை மாற்றும்போது அதை கீழே கொட்டி விடாமல் செடிகளுக்கு ஊற்றினால் செடிகள் செழித்து வளரும்.
13. சாப்பாட்டு மேஜையை துடைக்கும் துணியில் சிறிதளவு உப்போ கற்பூரமோ வைத்து துடைத்தால் ஈ மற்றும் பூச்சிகள் உட்காராது.
14. பழைய சென்ட் பாட்டில்களில் சிறிது தண்ணீர் விட்டு நன்கு குலுக்கி வைத்து கொண்டால் கைக்குட்டைகளை மணக்க செய்யலாம்.
15. உங்கள் வீட்டு .ஃப்ரிஜ்ஜிலிருந்து துர்வாடை வந்தால் ஏதாவது ஒரு எசன்ஸை ஒரு துண்டு பஞ்சில் தோய்த்து ஃப்ரீஸருக்குள்ளும் ஃப்ரிஜ்ஜின் உள் மூலையிலும் போட்டு விடுங்கள். இனி ஃப்ரிஜ்ஜை திறந்தால் ஒரே கமகமதான்.
16. ஊதுவத்தி பாக்கெட்டுகள் காலியானதும் அவற்றை துணிவைக்கும் பீரோவில் போட்டுவைத்தால் பீரோவை திறக்கும் போது கமகமக்கும்.
17. துணிகளை துவைத்து முடித்தபின் கடைசியாக அலசும்போது அந்த தண்ணீரில் சில சொட்டு கிளிசரின் கலந்து விட்டால் துணிகள் சுருக்கம் இல்லாமல் இருக்கும்.
18. நைலான் கயிரை வாங்கியவுடன்சோப்புநீரில் நனைத்து உபயோகித்தால் நீண்ட நாள் உழைக்கும்.
19. தரையில் எண்ணெய் கொட்டி விட்டால் அதன்மிது கோலப்பொடியை தூவிவிட்டு துடைத்தால் எண்ணெய் பசை நீங்கி விடும்.
20. ஏலக்காயை பொடித்து அதன்விதைகளை உபயோகத்திற்கு எடுத்தபிறகு தோலை எறிந்து விடாமல் குடிக்கும் நீரில் போட்டு வைத்தால் தண்ணீர் மிகுந்த ருசியாக இருக்கும்.
21. நிறம் மங்கிய வெள்ளை துணிகளை வினிகர் கலந்த நீரில் ஊற வைத்து துவைத்தால் துணி பளிச்சென்று இருக்கும்.
22. மிக்சியை கழுவும்போது டூத்பிரஸ்ஸில் சிறிது டூத் பேஸ்ட் வைத்து தேய்த்துக் கழுவினால் பளீரென்று இருக்கும்.
23. பூண்டு உரிப்பதற்கு முன் தண்ணீரில் ஜந்து நிமிடம் போட்டு விட்டு உரித்தால் தோல் கைகளில் ஒட்டாது.
24. நெய் காய்ச்சிய பாத்திரத்தில் ஒரு டம்ளர் தண்ணீர் விட்டு கொதிக்க வைத்து அதை சாம்பாரில் கலந்து விடுங்கள். நெய் மணம் கமழும் சாம்பார் ரெடி.
25. தேங்காயை ஃபிரிஜில் வைத்து ஜில்லென்று எடுத்து உடைத்தால் சுலபமாக உடைத்து விடலாம்.
26. மெழுகு வர்த்திகளை ஃபிரிட்ஜில் வைத்து தேவைப்படும் போது உபயோகப்படுத்தினால் சீக்கிரத்தில் உருகாது அதிக நேரம் எரியும்.
27. பாகற்காயை அப்படியே வைத்தால் ஒன்றிரண்டு நாட்களில் பழுத்து விடும் இதைத் தவிர்க்க காய்களை மேற்புறமும் அடிப்புறமும் வெட்டி விட்டு இரண்டாக பிளந்து வைத்து விடவும். பாகற்காய் பல நாட்கள் வரை பழுக்காமல் இருக்கும்.
28. மிக்ஸியில் சட்னி மசாலா போன்ற வற்றை அரைத்து வழித்து எடுத்ததும் மீண்டும் ஜாரில் தண்ணீர் விடடு மிக்ஸியை ஓட விடவும். அதனுள்ளே கெட்டியாக ஒட்டிக்கொண்டிருக்கும் சட்னி மசாலா போன்றவை தண்ணீரோடு கரைந்து வந்து விடுவதால் ஜாரை சுத்தம் செய்வது மிகவும் சுலபம்.
29. நாலு இன்ச் பெயிண்ட் பிரஷ்ஷினால் வீட்டு ஜன்னல், டிவி, கீபோர்டு போன்றவற்றை சுத்தப்படுத்தினால் துணியால் துடைப்பதைவிட நன்றாக துடைக்க முடியும்.


30. குக்கர் காஸ்கட் தொளதொளவென்றாகிப் போனால் புது காஸ்க்ட் வாங்கும் வரை இந்த காஸ்கட்டை ஃபிரிஜின் ஃபிரிஸரில் வைத்து எடுத்துப் பயன்படுத்தினால் நான்கைந்து நாட்கள் வரை பயன்படும்.
31. நான்கு பாதாம் பருப்புகளை எடுத்து இரவில் ஊறவைத்து காலையில் நன்றாக அரைத்து பாலில் கலந்து குழந்தைகளுக்கு கொடுத்தால் குழந்தைகள் புத்திசாலியாகவும் சுறுசுறுப்பாகவும் இருப்பார்கள்.
32. தினமும் சிறிது துளசி இலைகளை மென்று தின்றால் சுவாசப்பகுதி நோய்கள் வராது.
33. எலுமிச்சம் பழ சர்பத் தயாரிக்கும் போது கொஞம் இஞ்சிச் சாறைக் கலந்தால் சுவையாகவும் மணமாகவும் இருக்கும்.
34. வெண்டைக்காய் சமைக்கும்போது ஒன்றோடு ஒன்று ஒட்டாமல் இருக்க, சமைப்பதற்கு முன் அதில் சிறிதளவு எலுமிச்சை சாறை தெளிக்கவும்.
35. அரிசி உப்புமா செய்யும்போது அதில் கொஞ்சம் வேகவைத்த காராமணியை கலந்து அடையாக தட்டி, இட்லி தட்டில் வேக வைத்தும் சாப்பிடலாம். காரடையான் நோன்பு அடை போலச் சூப்பராக இருக்கும்.
36. கீரையை வேகவிடும்போது சிறிது எண்ணெயை அதனுடன் சேர்த்து வேக வைத்தால் கீரை பசுமையாக ருசியாக இருக்கும்.
37. தேங்காய் வறுத்து அரைக்கும் குழம்பு வகைகளில் அதிகமான எண்ணெய் சத்து இருக்கும். அதை நீக்க வேண்டுமானால், குழம்பை சிறிது நேரம் ·பிரிட்ஜில் வையுங்கள். மேல் பகுதியில் எண்ணெய் படியும். அதனை நீக்கிவிட்டு, குழம்பை சூடாக்கி பயன்படுத்துங்கள்.
38. வெங்காய அடை செய்யும் போது, சின்ன வெங்காயத்தை பொடியாக நறுக்கி, ஒரு ஸ்பூன் எண்ணெய்விட்டு, வதக்கி, மாவில் கலந்து அடை வார்த்தால், கம்மென்று மணம் மூக்கைத் துளைக்கும். சுவையும், ருசியும் நாவில் நீருற வைக்கும்.
39. பூரிக்கு மாவு பிசையும்போது கொஞ்சம் சர்க்கரை சேர்த்துப் பிசைந்தால் பொரித்த பூரி அதிக நேரம் நமத்துப் போகாமல் இருக்கும்.
40. அடை செய்யும்போது கையால் தட்டி வட்டமாக்கிய பிறகு வட்டமான மூடி அல்லது பிஸ்கெட் கட்டரில் வெட்டிப் பொரித்தால் வாய்க்கு ருசியோடு கண்ணுக்கும் ரம்யமாக இருக்கும்.
41. இட்லிக்கு ஊற்றிக் கொள்ள நல்லெண்ணெயை இலேசாகக் காய்ச்சி சிறிது கடுகு, பெருங்காயம் தாளித்து உபயோகப்படுத்தினால் இன்னும் இரண்டு சாப்பிடத் தோன்றும்.
42. பாகற்காயை சிறுசிறு வில்லைகளாக நறுக்கி, முற்றியதாக இருந்தால் அகற்றி – தேவையான அளவு எலுமிச்சை ரசத்தில் கொட்டி வெளியில் வைத்து ஊற வைக்கவும். ஒரு வாரத்தில் நன்றாக ஊறிப் பக்குவப்படும். தினமும் நன்கு குலுக்கி வெயிலில் வைக்க வேண்டும். கசப்பு துளியும் இராது. நீண்ட நாள் கெடாமல் இருக்கும்.
43. மைதாவை நீர் விட்டுப் பிசையாது அப்படியே ஒரு பாத்திரத்தில் கொட்டி நீராவியில் சிறிது நேரம் வேகவைத்து எடுத்து, சுவைக்கேற்ப உப்பும், நெய்யும் கூட்டிப் பிசைந்து முறுக்குப் பிழியலாம். கரகரப்பாகவும், சுவையாகவும் இருக்கும்.
44. எண்ணெய் வைத்துப் பலகாரங்கள் தயாரிக்கும்போது காய்ந்த எண்ணெயில் கோலியளவு புளியைப் போட்டு அது கருகிய பின் எடுத்து எறிந்து விடவும். எண்ணெய்க் காறலை இது போக்கும்.
45. ஜவ்வரிசி அல்லது அரிசிக்கூழ் கிளரும்போது கசகசாவையும் ஒன்றிரண்டாகப் பொடி செய்து போட்டுக் கிளறி வடாம் அல்லது வற்றல் தயாரித்தால் பொரிக்கும்போது தனி மணமும், ருசியும் காணலாம்.
46. பெருங்காயம் கல்போல் இருந்தால் உடைப்பது கஷ்டம். இரும்புச் சட்டியை அடுப்பில் வைத்துக் காய்ந்தவுடன் பெருங்காயத்தை அதில் போட்டால் இளகும். அதைக் கொஞ்சம் கொஞ்சமாகப் பிய்த்து தனித்தனியாகப் போட்டுவிட்டால் ஆறியவுடன் டப்பியில் போட்டுக் கொள்ளலாம்.
47. கிரேவி வகையறாக்கள் செய்யும்போது பிடி வேர்க்கடலையை எடுத்து தோல் நீக்கி, அரைமணி நேரம் நீரில் ஊறவைத்து நைஸாக அரைத்து சேர்த்தால் கிரேவி ரிச்சாக, டேஸ்ட் அபாரமாக இருக்கும்.
48. காய்கறிகள் எதுவாக இருந்தாலும் அவற்றை நறுக்கத் தொடங்குமுன் கைவிரல்களில் லேசாக எண்ணெய் தடவிக் கொண்டு நறுக்குவது நல்லது. வேலை முடிந்ததும் சிகைக்காய் போட்டுக் கழுவி விடவும். விரல்கள் கறுத்துப் போகாமல் இருக்க இது உதவும்.
49. மோர் மிளகாய் தயாரிக்கும்போது அத்துடன் பாகற்காய்களையும் வில்லைகளாக அரிந்து போட்டு வற்றலாக்கலாம். பாகல் வற்றல் காரமுடனும், மிளகாய் சிறு கசப்புடன் சுவை மாறி ருசியாக இருக்கும்.
50. அரிசி குருணையில் உப்புமா செய்தால், குருணை பாதி வெந்து கொண்டிருக்கும்போது, சம அளவு வறுத்த சேமியாவைக் கொட்டி வெந்ததும் இறக்கி வைத்து, அரைமூடி எலுமிச்சம்பழம் பிழியவும். இந்த டூ-இன்-ஒன் உப்புமா, புதுமையான சுவையோடு இருக்கும்.