சனி, 1 ஏப்ரல், 2017

பூண்டு சாதம்



பூண்டு சாதம்

தேவையானப்பொருட்கள்:


சாதம் - 2 கப் (இருவருக்கு தேவையான அளவு)
பூண்டு பற்கள் (சிறிய அளவு) - 10 முதல் 15 வரை
காய்ந்த மிளகாய் - 2
தனியா - 1 டீஸ்பூன்
கடலைப்பருப்பு - 1 டீஸ்பூன்
உளுத்தம் பருப்பு - 1 டீஸ்பூன்
எண்ணை - 1 முதல் 2 டேபிள்ஸ்பூன் வரை
கடுகு - 1/4 டீஸ்பூன்
கறிவேப்பிலை - சிறிது
உப்பு - 1/2 டீஸ்பூன் அல்லது தேவைக்கேற்றவாறு

செய்முறை:
ஒரு சிறு வாணலியில் ஒரு டீஸ்பூன் எண்ணை விட்டு அதில் கடலைப்பருப்பு, உளுத்தம் பருப்பு, தனியா, மிளகாய் ஆகியவற்றைப் போட்டு சிவக்க வறுக்கவும். கடைசியில் 4 அல்லது 4 பூண்டு பற்களைப் போட்டு சற்று வதக்கி எடுத்து ஆற விடவும். ஆறிய பின், வறுத்த அனைத்தையும் நன்றாகப் பொடித்துக் கொள்ளவும்.

ஒரு வாணலியை அடுப்பிலேற்றி எண்ணை விட்டு அதில் மீதமுள்ள பூண்டுப்பற்களைப் போட்டு சிவக்க வதக்கி எடுத்து, தனியாக வைத்துக் கொள்ளவும்.  அதே எண்ணையில் கடுகு போட்டு வெடிக்க ஆரம்பித்ததும் கறிவேப்பிலை சேர்க்கவும்.  அடுப்பை தணித்து வைத்துக் கொண்டு, சாதம் மற்றும் பொடித்து வைத்துள்ளப் பொடி, உப்பு  ஆகியவற்றைச் சேர்த்துக் கலந்து விடவும்.  கடைசியில் வதக்கி வைத்துள்ளப் பூண்டையும் சேர்த்துக் கிளறி இறக்கி வைக்கவும்.

வெள்ளரிக்காய் பச்சடியுடன் பரிமாறவும்.

*கவனிக்க: *எண்ணைக்கு பதில் சிறிது நெய்யிலும் பூண்டை வதக்கி போடலாம். கடலைப்பருப்பு, உளுத்தம் பருப்பிற்குப் பதிலாக, பொட்டுக்கடலை, வேர்க்கடலை ஆகியவற்றைப் பொடித்தும் சேர்க்கலாம். பொட்டுக்கடலை/வேர்க்கடலை சேர்ப்பதென்றால் வறுக்கத் தேவையில்லை.

தக்காளி சாதம்




தக்காளி சாதம் - முதல் வகை


தேவையானப்பொருட்கள்:
பச்சரிசி - 2 கப்
தக்காளி - 4
பச்சை மிளகாய் - 2
பெரிய வெங்காயம் - 2
இஞ்சி - 1" துண்டு
பூண்டுப்பற்கள் - 4
பட்டை - ஒரு சிறு துண்டு
கிராம்பு - 4
ஏலக்காய் - 2
சோம்பு - 1/2 டீஸ்பூன்
பட்டை இலை - சிறிது
மஞ்சள் தூள் - 1/2 டீஸ்பூன்
மிளகாய் தூள் - 1 டீஸ்பூன்
எண்ணை - 4 டேபிள்ஸ்பூன்
உப்பு - 2 டீஸ்பூன் அல்லது தேவைக்கேற்றவாறு
எலுமிச்சை சாறு - 2 டீஸ்பூன்

செய்முறை:

அரிசியைக் கழுவி 15 முதல் 20 நிமிடங்கள் வரை ஊற விடவும்.

வெங்காயம், இஞ்சி, பூண்டு ஆகியவற்றைப் பொடியாக நறுக்கிக் கொள்ளவும். பச்சை மிளகாயை இலேசாகக் கீறி வைக்கவும்.

முழு தக்காளியை ஒரு பாத்திரத்தில் போட்டு அது மூழ்கும் அளவிற்கு தண்ணீரை விட்டு கொதிக்க விடவும். தண்ணீர் நன்றாகக் கொதிக்க ஆரம்பித்ததும், பாத்திரத்தை மூடி வைத்து, அடுப்பை அணைத்து விடவும். சற்று நேரம் கழித்து, தக்காளியை எடுத்து அதன் தோலை உரித்து விட்டு, மிக்ஸியில் போட்டு அரைத்தெடுக்கவும். அரைத்த தக்காளிச் சாற்றுடன் தேவையான அளவு தண்ணீரைச் சேர்த்து 4 கப் அளவிற்கு எடுத்து வைத்துக் கொள்ளவும்.

குக்கரை அடுப்பிலேற்றி அதில் எண்ணையை விடவும். எண்ணை காய்ந்ததும் அதில் பட்டை, கிராம்பு, ஏலக்காய், சோம்பு, பட்டை இலை ஆகியவற்றைச் சேர்த்து சற்று வறுத்து, பின்னர் அதில் வெங்காயம், பச்சை மிளகாய், இஞ்சி, பூண்டு ஆகியவற்றையும் சேர்த்து வதக்கவும். வெங்காயம் சற்று மினுமினுப்பாக வதங்கியவுடன், அதில் மஞ்சள் தூள், மிளகாய் தூள், உப்பு சேர்த்துக் கிளறி விடவும். பின்னர் அதில் ஊற வைத்துள்ள அரிசியை, தண்ணீரை ஒட்ட வடித்து விட்டு சேர்க்கவும். அரிசியைத் தொட்டால் சுடும் அளவிற்கு வரும் வரை கவனமாகக் கிளறி விடவும். பின்னர் அதில் தக்காளிச் சாற்றையும், எலுமிச்சம் சாற்றையும் சேர்த்துக் கிளறி மூடி போட்டு 2 அல்லது 3 விசில் வரும் வரை வேக விட்டு, குக்கர் ஆறியதும், திறந்து கவனமாகக் கிளறி விடவும்.

விருப்பப்பட்டால், கொத்துமல்லித்தழையைத் தூவி அலங்கரிக்கலாம்.

வறுத்த முந்திரிப்பருப்பு, வேக வைத்தப் பட்டாணி

ஆகியவற்றையும் இத்துடன் கலந்துப் பரிமாறலாம்.


*சமையல் டிப்ஸ்*

*தக்காளி சாதம் - இரண்டாம் வகை*


இந்த சாதம், பூண்டு, வெங்காயம் சேர்க்காமல், அதிக காரமில்லாமல், விரைவில் செய்யக்கூடிய ஒன்று. விரதம் மற்றும் பண்டிகை நாட்களுக்கு ஏற்றது.

தேவையானப்பொருட்கள்:

அரிசி - 1 கப்
துவரம் பருப்பு - 1/4 கப்
தக்காளி (நடுத்தர அளவு) - 4
இஞ்சி - ஒரு சிறு துண்டு
பச்சை மிளகாய் - 2
பெருங்காயத்தூள் - ஒரு சிட்டிகை
மஞ்சள் தூள் - சிறிது
உப்பு - 1 டீஸ்பூன் அல்லது தேவைக்கேற்றவாறு

தாளிக்க:
நெய் அல்லது எண்ணை - 2 டேபிள்ஸ்பூன்
கடுகு - 1/2 டீஸ்பூன்
சீரகம் - 1 டீஸ்பூன்
காய்ந்த மிளகாய் - 4
கறிவேப்பிலை - சிறிது
முந்திரிப்பருப்பு - 5 அல்லது 6
செய்முறை:
தக்காளியைப் பொடியாக நறுக்கிக் கொள்ளவும். பச்சை மிளகாயை இரண்டாகக் கீறிக் கொள்ளவும். இஞ்சியையும் பொடியாக நறுக்கிக் கொள்ளவும்.

அரிசி, பருப்பு இரண்டையும் நன்றாகக் கழுவி, குக்கரில் போட்டு மூன்றரைக் கப் தண்ணீரைச் சேர்க்கவும். அத்துடன் நறுக்கிய இஞ்சி, பச்சை மிளகாய், தக்காளி, மஞ்சள் தூள், பெருங்காயத்தூள், உப்பு சேர்த்து குக்கரை மூடி 5 முதல் 6 விசில் வரும் வரை வேக விடவும்.

சிறிது நேரம் கழித்து, குக்கரைத் திறந்து, நன்றாகக் கிளறி விடவும்.

ஒரு சிறு வாணலியில் நெய் அல்லது எண்ணையை விட்டு காய்ந்ததும் கடுகு போடவும். கடுகு வெடிக்க ஆரம்பித்ததும், சீரகம், கறிவேப்பிலை, முந்திரிப்பருப்பு, காய்ந்த மிளகாய் ஆகியவற்றைச் சேர்த்து வறுத்து சாதத்தில் கொட்டிக் கிளறவும்.

சூடாக அப்பளம், சிப்ஸ் போன்றவற்றுடன் பரிமாறவும்.

அரிசி பருப்பு சாதம்.



அரிசி பருப்பு சாதம்.


*தேவையானவை :*

புழுங்கல் அரிசி - ஒரு கப்
துவரம்பருப்பு - 3/4 கப்
சின்ன வெங்காயம் - 10
பச்சை மிளகாய் - 2
வர மிளகாய் - 2
பூண்டு - 5 பல்
நறுக்கிய தேங்காய் பல் - அரை கப்
மிளகாய்தூள் - அரை தேக்கரண்டி
மஞ்சள்தூள் - அரை தேக்கரண்டி
தக்காளி - 2
கத்திரிக்காய் - ஒன்று
உருளைக்கிழங்கு - ஒன்று
கடுகு, உளுத்தம் பருப்பு, கடலைப்பருப்பு - தாளிக்க தேவையான அளவு

*பொடி செய்துக் கொள்ள:*
மிளகு - அரை தேக்கரண்டி
சீரகம் - அரை தேக்கரண்டி
சோம்பு - அரை தேக்கரண்டி

*செய்முறை :*

•• சின்ன வெங்காயம், பூண்டு, தக்காளியை நறுக்கவும். பச்சைமிளகாய், வரமிளகாயை கீறி வைக்கவும். கத்தரிக்காய், உருளைக்கிழங்கை பொடியாக நறுக்கவும்.

•• குக்கரில் எண்ணெய் ஊற்றி காய்ந்ததும் கடுகு, உளுத்தம்பருப்பு, கடலைப்பருப்பு, தாளித்து வரமிளகாய், பச்சைமிளகாய், வெங்காயம், பூண்டு, தக்காளி சேர்த்து வதக்கவும்.

•• 4 கப் தண்ணீர் ஊற்றவும்
மிளகாய்தூள், மஞ்சள்தூள், நறுக்கிய தேங்காய் பல், கத்தரிக்காய், உருளைக்கிழங்கு, உப்பு சேர்க்கவும்.

•• ஒரு கொதி வந்ததும் அரிசி பருப்பை போட்டு பொடி பண்ணி வைத்திருக்கும் மிளகு, சீரகம், சோம்பு பொடியை போட்டு குக்கரை மூடவும்.

•• குக்கரில் ஸ்டீம் வந்ததும் வெய்ட் போட்டு அடுப்பை சிம்மில் வைக்கவும். சரியாக 10 நிமிடம் கழித்ததும் அடுப்பை நிறுத்தி விடவும்.

•• இந்த சாதம் (கோவை) கொங்கு நாட்டில் ரொம்ப ஃபேமஸ். கொங்கு நாட்டில் இதை தெரியாதவர்களே இருக்க மாட்டார்கள்.

குழந்தை முதல் பெரியவர் வரை எல்லோரும் விரும்பி உண்ணும் உணவு இது.

சாப்பிடும்போது ஒரு தேக்கரண்டி நெய் ஊற்றி சாப்பிட வேண்டும். தொட்டுக்கொள்ள ஊறுகாய் போதும். மாங்காய் தொக்கு நல்ல மேட்சிங்.

புதன், 29 மார்ச், 2017

கடலைப்பருப்பு பணியாரம்



கடலைப்பருப்பு பணியாரம்.


*தேவையானவை :*

புளிப்பில்லாத மாவு – ஒரு கப்
கடலைப்பருப்பு – 2 தேக்கரண்டி
வெங்காயம் – ஒன்று
கறிவேப்பிலை – ஒரு ஆர்க்கு
எண்ணெய் – தேவைக்கேற்ப
உப்பு – தேவைக்கேற்ப

*செய்முறை :*

•• வெங்காயம், கறிவேப்பிலையை பொடியாக நறுக்கி கொள்ளவும்.

•• கடலைப்பருப்பை 10 நிமிடம் ஊற வைக்கவும்..
வாணலியில் எண்ணெய் ஊற்றி வெங்காயம் கறிவேப்பிலையை வதக்கி இறக்கவும்.

•• அதில் சிறிது உப்பு சேர்த்து கொள்ளவும்.

•• மாவில் ஊற வைத்த கடலை பருப்பு, வதக்கிய வெங்காயம் சேர்த்து உப்பு சரிபார்த்து கலக்கி கொள்ளவும்.

•• பணியார சட்டியை அடுப்பில் வைத்து மாவை ஒரு டம்ளரில் ஊற்றி கொள்ளவும்.
சட்டியில் எண்ணெய் விட்டு டம்ளரில் இருக்கும் மாவை பணயாரங்களாக குழியில் முக்கால் குழி வரை ஊற்றி சுற்றி சிறிது எண்ணெய் விட்டு மூடி வேக விடவும்.

•• பாதி வெந்ததும் திருப்பி போட்டு சிறிது சிவக்க வேக விட்டு எடுக்கவும்..

சுவையான கடலைப்பருப்பு பணியாரம் தயார்.
தேங்காய் சட்னி ,கார சட்னியுடன் பரிமாறலாம்.

செவ்வாய், 28 மார்ச், 2017

ஆரோக்கியத்திற்கு வேட்டு வைக்கும் இன்ஸ்டன்ட் இட்லி மாவு..



ஆரோக்கியத்திற்கு வேட்டு வைக்கும் இன்ஸ்டன்ட்

இட்லி மாவு..


காலை உணவுக்கு சிறந்த, ஆரோக்கிய உணவு இட்லி. இதற்கு காரணம் இதில் எண்ணெய் கலப்பு இல்லை மற்றும் நீராவி மூலம் சமைக்கும் முறை தான். இதனால் செரிமான கோளாறோ, கொலஸ்ட்ரால் பிரச்சனையோ ஏற்படாது என்பதால் தான் இட்லி சிறந்த காலை உணவு என கூறப்படுகிறது.

ஆனால், இன்று நேரமின்மை மற்றும் சோம்பேறித்தனம் போன்ற காரணத்தால் நாம் இட்லி, தோசைக்கு பயன்படுத்தும் இன்ஸ்டன்ட் இட்லி மாவு நமது ஆரோக்கியத்திற்கு வேட்டு வைக்கிறது என்பதை அறியாமலேயே நாம் அதை தினந்தோறும் பயன்படுத்தி வருகிறோம்...

முன்பெல்லாம் ஆட்டாங்கல்லில் தான் மாவு ஆட்டும் பழக்கம் இருந்து வந்தது. கிரைண்டர் வந்த பின் ஆட்டாங்கல் வீட்டில் காட்சி பொருளாகி போனது. பல வீடுகளில் அது வீட்டின் பின்புறத்தில் குப்பையாக தான் கிடைக்கிறது.

ஆட்டாங்கல்லில் மாவாட்டும் முன்னரும், மாவாட்டிய பிறகும் சுத்தமாக கழுவும் பழக்கம் இருந்தது. ஆனால், கடைகளில் விற்க அவர்கள் பயன்படுத்தும் பெரிய கிரைண்டர்கள் எவ்வளவு சுத்தமாக இருக்கிறது என்பது யாருக்கு தெரியும்?

மாவு ஆட்டும் போது, அதன் பிறகு கிரைண்டரை கழுவும் போதும் சுத்தமான நீரை பயன்படுத்த வேண்டும். இல்லையேல் ஈகோலி எனும் பாக்டீரியா தாக்கம் அதிகளவில் ஏற்பட வாய்ப்புகள் உண்டு. இது மாவாட்டும் போது இட்லி, தோசை மாவில் அடைக்கலம் புகுந்துவிடுகிறது.

இந்த ஈகோலி பாக்டீரியா தாக்கத்தால் நாள்ப்பட்ட வயிற்றுவலி, வயிற்றுப்போக்கு, உடல் வறட்சி, வாந்தி, மயக்கம், இரைப்பை நோய், தலைசுற்றல் போன்ற உடல்நல அபாயங்கள் ஏற்பட வாய்ப்புகள் உண்டு.

நீங்கள் எண்ணலாம், தினமும் இட்லி, தோசை தான் சாப்பிடுகிறோம்? பிறகு எப்படி உடல்நல பிரச்சனைகள் ஏற்படுகிறது என்று... இதற்கு எல்லாம் காரணம் நீங்கள் வெளி கடைகளில் வாங்கும் இட்லி மாவு தான். ஈகோலி எனும் பாக்டீரியா நீங்கள் மாவை வேக வைத்தாலும் கூட முழுமையாக அழிவதில்லை என்பது தான் சோகமே.

கடைகளில் வாங்கும் மாவினால் தான் இந்த பிரச்சனைகள் என்றால், பாக்கெட்டில் அடைக்கப்பட்டு நாம் வாங்கும் இன்ஸ்டன்ட் இட்லி மாவு அதுக்கும் மேல ராகம்.

கடைகளில் நாம் வாங்குகிற மாவு பாக்கெட்டுகள் பல விதங்களிலும் சந்தேகத்துக்குரியவையே.முதலாவதாக, அரிசியின் தரத்திலேயே கடைக்காரர்கள் காம்ப்ரமைஸ் செய்துகொள்ள வாய்ப்பு உண்டு. அரிசியில் கல் இருந்தாலோ, புழு இருந்தாலோ நீக்கிவிட வேண்டும்... அரிசியை சுத்தமாகக் கழுவ வேண்டும். கிலோ கணக்கில் அரிசியைக் கொண்டு மாவு அரைக்கிறவர்கள் இந்த விஷயத்தில் கவனக் குறைவாக இருக்க நிறைய வாய்ப்புண்டு. இதேபோல, உளுத்தம்பருப்பிலும் தரம் குறைந்ததைப் பயன்படுத்தலாம்.

முக்கியமாக எந்த அளவு சுகாதாரமான தண்ணீரைப் பயன்படுத்துகிறார்கள், எந்த மாதிரியான இடங்களில் தயாரிக்கிறார்கள், மாவு அரைக்கிற பாத்திரங்களின் சுத்தத்தைத் தொடர்ந்து பராமரிக்கிறார்களா என்பதும் கேள்விக்கு உரியதுதான். வீட்டில் மாவு அரைத்த பிறகு கிரைண்டரை கழுவி காய வைத்த பிறகுதான், அடுத்த முறை பயன்படுத்துவோம். ஆனால், அவர்கள் தினமும் பயன்படுத்துவதால் முறைப்படி காய வைத்த பிறகு மாவு அரைப்பதற்கும் வாய்ப்பு குறைவு.

இன்ஸ்டன்ட் இட்லி மாவு சீக்கிரம் கேட்டுவிடக் கூடாது என கால்சியம் சிலிகேட் சேர்க்கின்றனர். இதனால் மாவு சீக்கிரம் கெடாது, புளித்து போகாது. ஆனால், இதன் காரணத்தால் உங்கள் செரிமான மண்டலம் பாதிக்கப்படும். இதை தொடர்ந்து அஜீரண கோளாறுகள், வயிற்றுப்போக்கு, வயிற்று வலி போன்றவை ஏற்படும்.

காசுக் கொடுத்து உடல்நலக் கோளாறுகள், ஆரோக்கியமின்மை போன்றவற்றை விலைக்கு வாங்க வேண்டுமா? அரை மணிநேரம் செலவிட்டால் இட்லி மாவு வீட்டிலேயே அரைக்கலாம். நீங்கள் பாக்கெட்டில் வாங்கும் அனைத்துமே உடல் நலத்திற்கு கேடு தான் விளைவிக்கும் என்பதை மறந்துவிட வேண்டாம்.

உடலில் உள்ள கொழுப்பை கரைக்கும் சுரைக்காய் ஜூஸ்...



உடலில் உள்ள கொழுப்பை கரைக்கும் சுரைக்காய் ஜூஸ்...


தேவையான பொருட்கள் :

சுரைக்காய் - 1

மோர் - 1 கப்

எலுமிச்சை பழம் - 1

மிளகுத்தூள் - 1/4 டீஸ்பூன்

உப்பு - சுவைக்கேற்ப

செய்முறை :

* சுரைக்காய் தோலை சீவி விட்டு சிறிய துண்டுகளாக நறுக்கியோ அல்லது துருவிக் கொள்ளவும்.

* எலுமிச்சை பழத்திலிருந்து சாறு எடுத்து தனியாக வைத்து கொள்ளவும்.

* அடுப்பில் ஒரு கடாயை வைத்து சுரைக்காயைப் போட்டு லேசாக வதக்கி ஆற வைத்து கொள்ளவும். ( எண்ணெய் ஊற்றக் கூடாது)

* வதக்கிய சுரைக்காயை மிக்ஸியில் போட்டு அதனுடன் சிறிது தண்ணீர் சேர்த்து மைய அரைத்து வடிகட்டிக் கொள்ளவும்.

* வடிகட்டிய ஜூஸில் மோர், மிளகுத்தூள், உப்பு, எலுமிச்சை சாறு, ஐஸ்கட்டி சேர்த்து நன்றாக கலந்து பருகலாம்.

* சுரைக்காய் ஜூஸ் ரெடி!

* உடலில் உள்ள அதிகளவு கொழுப்பை குறைக்கும் சக்தி கொண்டது சுரைக்காய் ஜூஸ்.

கோடையில் வெயில், வெக்கை, வியர்வை... விரட்ட துணைநிற்கும் உணவுகள்...




கோடையில் வெயில், வெக்கை, வியர்வை... விரட்ட துணைநிற்கும் உணவுகள்...

*நம் முன்னோர்கள், ஒரு வருடத்தை உத்ராயணக் காலம் (தை முதல் ஆனி வரை) தட்சணாயன காலம் (ஆடி முதல் தை வரை) என இரண்டு பிரிவுகளாகப் பிரித்து வைத்துள்ளனர். தை மாதத்தில் சூரியன் தனது பாதையின் தெற்குப் பகுதியில் இருந்து வடக்குப் பகுதியில் நுழையும் காலத்தை உத்ராயணக் காலம் என்று அழைப்பார்கள். சூரிய வெப்பத்தின் தாக்கம் கொஞ்சம்கொஞ்சமாக அதிகமாகி, பங்குனி, சித்திரை மாதங்களில் மிகவும் அதிகமாக இருக்கும்.*

*சூரியன் தன் கதிர்க்கரங்களை நேரடியாக நீட்டும் காலம் வெயில் காலம். கோடையில் கொளுத்தும் அக்னி நட்சத்திர வெயிலின் வெப்பம் நம் தோல் மற்றும் உடல் உள்ளுறுப்புகளில் கூடப் பலவித மாற்றங்களை ஏற்படுத்துகின்றது.*

*உடல் வெப்பத்தைக் குறைக்க, தோலின் வழியாக வியர்வையை வெளியேற்றுகின்றது. உடல் வெப்பம் என்பது ஒரு நோயல்ல. ஆனால், இதைக் கவனிக்காமல் போனால், தலைவலி, வாந்தி, தசைப்பிடிப்பு, அதீத வியர்வை போன்றவற்றால் பாதிப்புகள் ஏற்படலாம். எனவே, வெயில் காலத்துக்கு ஏற்ற உணவுகளை நாம் தேர்வு செய்து சாப்பிட வேண்டும்.*

*உடலின் வெப்பம் அதிகரிக்கும்போது, உடலில் உள்ள நீர்த்தன்மைதான் முதலில் வற்றுகிறது. இதுதான் எல்லா அசௌகரியங்களுக்கும் நம்மை இட்டுச்செல்கின்றது. நமது உடலின் வெப்பத்தன்மையை நாம் எடுத்துக்கொள்ளும் உணவின் மூலம் சரிசெய்யலாம்.


*உடல் வெப்பத்தைக் குறைக்கும் உணவுகள்... *

*மண் பானை குடிநீர் :*

*இதை அருந்தினால், உடல் வேகமாக நீரேற்றம் கொள்ளும். இதனால் ரத்தம் தடையின்றி ரத்தக்குழாய்களில் பாயும். நமக்குச் சோர்வு நீங்கி சுறுசுறுப்புப் பெருகும்.*

*இளநீர் :*

*இளநீரைப் போன்று சிறந்த எலக்ட்ரோலைட் வேறேதுவுமில்லை. இதில் இருக்கும் குளுக்கோஸ் நமக்கு உடனடி எனர்ஜியை அளிக்கின்றது.*

*லெமன் ஜூஸ் :*

*தினமும் லெமன் ஜூஸ் எடுத்துக்கொள்வது மிகவும் நல்லது. வெப்பம் தொடர்பான அசௌகரியங்களைப் போக்கி நம் உடலைக் குளிர்வித்து உற்சாகமடையச் செய்கிறது. கூடவே சிறந்த கிருமிநாசினியாகவும் செயல்படுகின்றது. ஒருநாளைக்கு இரண்டு கிளாஸ் வரை அருந்தலாம்.*

*புதினா :*

*சுத்தம் செய்த புதினாவை ஒரு கைப்பிடியளவு எடுத்து ஒரு டம்ளர் தண்ணீரில் 15 முதல் 20 நிமிடம் கொதிக்கவைத்து குடித்தால், உடல் வெப்பம் நீங்குவதுடன் வாந்தி, மயக்கத்தையும் போக்கும்.*

*தர்பூசணி :*

*அதிக நீர்த்தன்மை கொண்ட இந்தப் பழம் உடலின் நீர்ச்சத்தை அதிகரித்து, உடலின் நச்சத்தன்மையைப் போக்குகிறது. ஆன்டிஆக்ஸிடன்ட் சத்துகள் நிறைந்தது. இதை ஜூஸாகவோ சாலடாகவோ சாப்பிடலாம்.*

*சோற்றுக்கற்றாழை :*

*அதிகக் குளிர்ச்சியான இந்தக் கற்றாழையின் சதைப் பகுதியை வீட்டிலேயே ஜூஸாக்கி அருந்தலாம். ஒரு நாளைக்கு 2 டேபிள் ஸ்பூன் வரை எடுத்துக்கொள்ளலாம். இந்த ஜெல்லை 20 நிமிடம் முகத்தில் பூசி, பின் குளிர்ந்த நீரீல் குளித்தால் உஷ்ணத்திலிருந்து தப்பிக்கலாம். முகத்தில், கழுத்துப்பகுதியில் தோன்றும் பரு, வியர்க்குரு ஆகியவற்றிலிருந்து தப்பிக்கலாம்.*



*நெல்லி :*

*வைட்டமின் 'சி' நிறைந்துள்ள இதன் ஜூஸடன் 4 பங்கு நீர் சேர்த்து, உப்பு அல்லது தேன் சேர்த்து அருந்தலாம். வெறும் வயிற்றில் அருந்துவது இன்னும் சிறப்பு.*

*நீர்மோர் :*

*தயிரைக் கடைந்து நீர் சேர்த்து, சிறிதளவு லெமன் ஜூஸ் சேர்த்து அருந்தலாம்.*

*காய்கறிகள் :*

*வெள்ளரி, தக்காளி, நுங்கு, பதனீர், ஆரஞ்சு, திராட்சைப் பழங்கள் போன்றவையும் வெப்பத்தைத் தடுக்கவல்லன. நீர்க்காய்கறிகளான பூசணி, பீர்க்கன், சுரைக்காய் , முள்ளங்கி, கேரட் ஆகியவற்றில் தயிர் பச்சடி தயாரித்துச் சாப்பிடலாம்.*

*சருமத்துக்கான ஸ்பெஷல் பேக்*

*பாலில் குழைத்த சந்தனம் அல்லது கற்றாழை ஜெல் இவற்றை முகத்தில் பூசி, 10 முதல் 15 நிமிடம் வரை வைத்திருந்து, குளிர்ந்த நீரில் கழுவவும்.*

*விரல்களில் மருதாணி வைத்துக்கொள்வதால் உடல் வெப்பத்தைக் குறைக்கும்.*

*வெள்ளரி, தக்காளியை அரைத்து முகம், கை, கால்களில் பூசி இருபது நிமிடங்கள் கழித்துக் கழுவலாம்.*

*தர்பூசணி*

 *பழத்துண்டுகளோடு புதினா இலைகளைச் சேர்த்து அரைக்கவேண்டும். இந்தக் கலவையை முகம், கை, கால்களில் பூசி வர வெயிலால் பாதித்த சருமம் புத்துயிர் பெறும்.*

*சிம்பிள் ரெசிப்பிகள்... *


*தக்காளி - வெள்ளரி சாலட் *

*தேவையானவை:*

*தக்காளி - 4,*
*வெள்ளரி - 2,*
*ஆலிவ் ஆயில் - சிறிதளவு,*
*லெமன் ஜூஸ் - ஒரு டீஸ்பூன்,*
*உப்பு - தேவையான அளவு.*

*செய்முறை:*

*தக்காளியையும் வெள்ளரியையும் கழுவி சுத்தப்படுத்தியபின் பொடியாக நறுக்கிக் கொள்ளவும். மற்ற பொருட்களை இதனுடன் கலந்துப் பரிமாறவும். இதைச் சாலடாகவும், சாண்ட்விச் ஸ்டஃபிங்காகவும் பயன்படுத்தலாம்.*




*ஆரஞ்சு – வாழை ஸ்மூத்தி*

*தேவையானவை:*

*வாழைப்பழம் - 2,*
*ஆரஞ்சு ஜூஸ் - ஒரு கப்,*
*தோலுரித்த பாதாம் பருப்பு - 15,*
*துருவிய இஞ்சி – ஒரு டீஸ்பூன்.*

*செய்முறை:*

 *பாதாமை முதலில் அரைத்துக்கொண்டு, பின் மற்ற எல்லாவற்றையும் மிக்ஸியில் சேர்த்து அரைக்கவும். உடனே சாப்பிட ரெடி!*

*பொறுமையைவிட மேலான தவமுமில்லை*
*திருப்தியை விட மேலான இன்பமுமில்லை*
*இரக்கத்தை விட உயர்ந்த அறமுமில்லை*
*மன்னித்தலை விட ஆற்றல் மிக்க ஆயுதமில்லை*

*தோல்விகள் சூழ்ந்தாலும். இருளை விளக்கும் கதிரவன் போல அதனை நீக்கி அடுத்தடுத்த வெற்றி படியில் கால் அடி எடுத்து வையுங்கள். முடியும் வரை அல்ல, உங்கள் இலக்கினை அடையும் வரை. இந்த விடியல் உங்கள் வாழ்விலும் விடியட்டும்*

*முக மலர்ச்சியோடும், நம்பிக்கையுடனும் எழுந்து புதிய நாளை துவங்க இறைவன் அருள் புரியட்டும்!*

ஞாயிறு, 26 மார்ச், 2017

கோலி பஜ்ஜி



கோலி பஜ்ஜி

மைதா மாவு  - ஒரு கப்
புளித்தத் தயிர் - முக்கால் கப்
சமையல் சோடா - சிட்டிகை
பச்சை மிளகாய் - 2
இஞ்சி, பெருங்காயம், கறிவேப்பிலை, கொத்தமல்லி - சிறிதளவு
சர்க்கரை - ஒரு டீஸ்பூன்
எண்ணெய் - தேவையான அளவு
தண்ணீர் - தேவையான அளவு.

எப்படிச் செய்வது?

ஒரு பாத்திரத்தில் மைதா, புளித்தத் தயிர், சமையல் சோடா உப்பு, தண்ணீர் சேர்த்து கெட்டியாகக் கரைக்கவும். இரண்டு மணி நேரம் ஊறவிடவும். பிறகு வெட்டி வைத்த பச்சை மிளகாய், இஞ்சி, பெருங்காயம், கறிவேப்பிலை, கொத்தமல்லித்தழைச் சேர்த்து மாவைக் கையால் நன்றாகக் கலக்கவும். கடாயில் எண்ணெயைக் காயவிட்டு மாவைச் சிறிய போண்டாகளாக போடவும். பொன்னிறமாகப் பொரித்து எடுக்கவும்.

ரத்தசோகை நீங்க, உடல் எடை அதிகரிக்க உதவும் உலர் திராட்சை!




ரத்தசோகை நீங்க, உடல் எடை அதிகரிக்க உதவும் உலர் திராட்சை!


குழந்தைகளோ, பெரியவர்களோ... கிஸ்மிஸ் பழத்தைப் பார்த்துவிட்டால், இரண்டு மூன்றையாவது எடுத்து வாயில் போடாமல் நகர மாட்டார்கள். பார்த்தவுடனேயே சாப்பிடத் தூண்டும் ஈர்ப்பு அதற்கு உண்டு. உலர் திராட்சையைத்தான் `கிஸ்மிஸ் பழம்’ என்கிறோம். அபாரமான பல சத்துக்களைக்கொண்டிருக்கும் உலர்திராட்சை, நம் ஆரோக்கியத்துக்கு வழங்கும் பலன்கள் எக்கச்சக்கம். அவற்றைப் பற்றி விளக்குகிறார் ஊட்டச்சத்து நிபுணர் வாலந்தீனா குரைசி...

* ஃபிரெஷ்ஷான திராட்சைப் பழங்களை நன்கு காயவைத்து, உலர்திராட்சை ஆக்குகிறார்கள். நான்கு டன் திராட்சைப் பழங்களை உலரவைத்தால், ஒரு டன் உலர்திராட்சைகள் கிடைக்கும். தண்ணீர் எல்லாம் வற்றிவிடும் இப்படி உலரவைப்பதன் மூலமாக, இதில் இருந்து நமக்கு ஏராளமான நார்ச்சத்துக்கள் கிடைக்கும்.

* திராட்சையுடன் ஒப்பிடும்போது உலர் திராட்சையில் அதைவிட ஏராளமான சத்துக்களும் பலன்களும் இருக்கின்றன. உதாரணமாக, 100 கிராம் உலர்திராட்சையில் 299 கலோரிகள் உள்ளன. நாம் ஒரு வேளை சாப்பிடும் உணவின் அளவில் இருக்கும் கலோரிகளை, 100 கிராம் உலர் திராட்சையைச் சாப்பிட்டாலே பெற முடியும்.

* இதில் உள்ள ஆன்டிஆக்ஸிடன்ட் அளவு திராட்சையைவிட அதிகம். இது, புற்றுநோய் மற்றும் இதய நோய்களில் இருந்து நம்மைக் காக்கும். 100 கிராம் உலர்திராட்சையில் 23 சதவிகிதம் இரும்புச்சத்து உள்ளது. இரும்புச்சத்து அதிகம் இருப்பதால், முடி உதிர்வு பிரச்னை உள்ளவர்கள் சாப்பிட்டு வந்தால், நல்ல பலன் கிடைக்கும். முக்கியமாக, பெண்களுக்கு இரும்புச்சத்து மிகவும் அவசியம். பெண்கள் உலர்திராட்சையை தினமும் சிறிதளவு உணவில் சேர்த்துக்கொண்டால், மாதவிடாய்க் கால வலி நீங்கும்; ஆரோக்கியம் கூடும்; ரத்தசோகை போன்ற பிரச்னைகளில் இருந்து தப்பிக்கலாம்.



* இரும்புச்சத்து இதில் அதிகம் உள்ளதால், உடல் எடையை அதிகரிக்க நினைப்பவர்கள் தாராளமாக இதைச் சாப்பிடலாம். .தினமும் உலர்திராட்சையை சிறிதளவு சாப்பிடுபவர்களின் உடல் எடை வெகு விரைவில் அதிகரிக்கும்.

* வெயில் காலம் தொடங்கிவிட்டால், சிலருக்கு முகத்தில் கொப்புளங்கள் வரும். அவர்கள் இதைச் சாப்பிட்டால், கொப்பளங்கள், கட்டிகள் நீங்கும்; தோல் நோய்களில் இருந்தும் நம்மை காத்துக்கொள்ள முடியும்; முகமும் பொலிவு பெறும்.

* இதில் வைட்டமின் ஏ சத்து இருப்பதால், கண்களுக்கு நல்ல பலன்களைத் தரும். கண்ணாடி அணிந்திருப்பவர்கள் தொடர்ந்து சாப்பிட்டுவந்தால், பார்வைக்குறைபாடு நீங்கும்; பார்வைத்திறன் மேம்படும்.

* உலர்திராட்சையில் பொட்டாசியம் சத்தும் அதிகமாக இருக்கிறது. உடலில் இருக்கும் தசைகள் சுருங்கி விரிந்து, நரம்புகள் தூண்டப்படுவதற்கும் இதயத் துடிப்பை சீராக வைத்திருப்பதற்கும் பொட்டாசியம் சத்து தேவை. உலர்திராட்சையை சாப்பிடுவதால், நம் உடலில் உள்ள அனைத்து செல்களுக்கும் பொட்டாசியம் சத்து பரவும்; நல்ல பலன் தரும்.

* சர்க்கரை நோயாளிகளும் உலர்திராட்சையை தாராளமாகச் சாப்பிடலாம். இதில் நார்ச்சத்தும் இருப்பதால், உடலில் உள்ள கொழுப்பைக் குறைக்கவும் ரத்தத்தில் உள்ள சர்க்கரையைக் கட்டுப்பாட்டுக்குள் வைக்கவும் உதவக்கூடியது.

ஏராளமான பலன்களை அள்ளித்தரும் உலர் திராட்சை எல்லோரும் சாப்பிட ஏற்றது.


வெங்காயத்தாள் கூட்டு + கறிவேப்பிலை சட்னி




வெங்காயத்தாள் கூட்டு  + கறிவேப்பிலை சட்னி 


வெங்காயத்தாள் கூட்டு

தேவையான பொருட்கள் :

பொருள் - அளவு
வெங்காயத்தாள் 1 கட்டு (நறுக்கியது)
பாசிப்பருப்பு 50 கிராம்
துவரம்பருப்பு 100 கிராம்
சாம்பார் பொடி அரை டேபிள் ஸ்பூன்
மஞ்சள்பொடி அரை டீஸ்பூன்
பச்சை மிளகாய் 3
வெங்காயம் கால் கப்
உப்பு தேவைக்கேற்ப
பால் அரை கப்
கடுகு 1 டீஸ்பூன்
உளுத்தம்பருப்பு 1 டீஸ்பூன்
சீரகம் 1 டீஸ்பூன்
எண்ணெய் தேவைக்கேற்ப
செய்முறை :

  துவரம்பருப்பு, பாசிப்பருப்பு இரண்டையும் மஞ்சள்பொடி சேர்த்து நன்றாக வேக வைத்துக் கொள்ளவும்.

  கடாயில் எண்ணெய் விட்டு கடுகு, உளுத்தம்பருப்பு, சீரகம் போட்டு தாளித்து வெங்காயம், பச்சை மிளகாய், சாம்பார் பொடி ஆகியவற்றை சேர்த்து வதக்கவும்.

  பின் அதில் வேகவைத்த பருப்பை சிறிது தண்ணீர் சேர்த்து நன்றாக கலக்கவும்.

  அதில் உப்பு, பொடியாக நறுக்கிய வெங்காயத்தாள் சேர்த்து கொதிக்கவிடவும். வெங்காயத்தாள் வெந்தவுடன் பால் சேர்த்து 1 நிமிடம் கொதிக்கவிட்டு இறக்கவும். இப்போது சூடான வெங்காயத்தாள் கூட்டு ரெடி.

இதனுடன் சாப்பிட உகந்த உணவுகள் : சூடான சாதத்தில் சிறிது நெய் சேர்த்து கூட்டுடன் பிசைந்து சாப்பிட நன்றாக இருக்கும்.




வெங்காயத்தாள் முட்டை பொரியல்

தேவையான பொருட்கள் :

பொருள் - அளவு
வெங்காயத்தாள் 1 கட்டு
சின்ன வெங்காயம் 10
வரமிளகாய் 4
கடுகு அரை டீஸ்பூன்
கடலைப்பருப்பு அரை டீஸ்பூன்
உளுத்தம் பருப்பு அரை டீஸ்பூன்
முட்டை 1
உப்பு தேவைக்கேற்ப
எண்ணெய் தேவைக்கேற்ப
செய்முறை :

  கடாயில் எண்ணெய் காயவைத்து கடுகு, கடலைப்பருப்பு மற்றும் உளுத்தம் பருப்பு, வரமிளகாய் சேர்த்து பொன்னிறமாகும் வரை வதக்கவும்.

  பிறகு நறுக்கிய வெங்காயத்தைச் சேர்த்து லேசாக வதக்கிவிட்டு, உப்பு, நறுக்கிய வெங்காயத்தாளைச் சேர்க்கவும்.

  வெங்காயத்தாள் சில நிமிடங்களிலேயே வதங்கிவிடும். பிறகு முட்டையை உடைத்து ஊற்றி கிளறிவிடவும். முட்டை வெந்ததும் அடுப்பிலிருந்து இறக்கி பரிமாறவும்.

இதனுடன் சாப்பிட உகந்த உணவுகள் :  சுடுசாதத்தில் அப்படியே பிசைந்து சாப்பிட நன்றாக இருக்கும். சப்பாத்திக்குத் தொட்டு சாப்பிடவும் நன்றாக இருக்கும்.






கறிவேப்பிலை சாதம்

தேவையான பொருட்கள்:

பொருள் - அளவு
கறிவேப்பிலை அரை கட்டு
சாதம்2 கப்
நெய்2 டீஸ்பூன்
சின்ன வெங்காயம்10 (நறுக்கியது)
பூண்டு பல் 10
வரமிளகாய்4
உளுத்தம் பருப்பு 1 டீஸ்பூன்
கடலைபருப்பு 1 டீஸ்பூன்
சீரகம்கால் டீஸ்பூன்
கடுகுஅரை டீஸ்பூன்
உப்புதேவைக்கேற்ப
முந்திரி10
பெருங்காயத்தூள்ஒரு சிட்டிகை
எண்ணெய்தேவைக்கேற்ப
செய்முறை :

  கடாயில் நெய் விட்டு முந்திரி வறுத்துக்கொள்ளவும்.

  அதே நெய்யில் பூண்டு, வரமிளகாய், உளுத்தம் பருப்பு, கடலை பருப்பு, கறிவேப்பிலை சேர்த்து பொன்னிறமாகும் வரை வதக்கவும். இவை ஆறியதும் கொரகொரப்பாக அரைத்து பொடியாக்கிக் கொள்ளவும்.

  அதன்பின், கடாயில் எண்ணெய் விட்டு சீரகம், கடுகு, பெருங்காயதூள் சேர்த்து தாளிக்கவும். பின் அதில் நறுக்கி வைத்திருக்கும் வெங்காயம், உப்பு சேர்த்து பொன்னிறமாகும் வரை வதக்கவும்.

  பின் சாதத்தை கொட்டி கிளறி, அதில் அரைத்து வைத்துள்ள பொடியை தூவி ஒரு சேர கிளறவும். பின் அதில் முந்திரி சேர்த்து இறக்கவும்.

இதனுடன் சாப்பிட உகந்த உணவுகள் : இந்த சாதத்தை தொக்கு வகைகளுடன் சேர்த்து சாப்பிட அருமையாக இருக்கும்.




‬ கறிவேப்பிலை சட்னி


தேவையான பொருட்கள் :

பொருள் - அளவு
கறிவேப்பிலை 1 கட்டு
சின்ன வெங்காயம் 15
தக்காளி 1
பச்சை மிளகாய் 2
கடலைப்பருப்பு அரை டீஸ்பூன்
உளுத்தம் பருப்பு அரை டீஸ்பூன்
புளி நெல்லிக்காய் அளவு
தேங்காய் துருவல் கால் கப்
பூண்டு பல் 4
இஞ்சி 1 டீஸ்பூன் (நறுக்கியது)
உப்பு தேவைக்கேற்ப
தாளிக்க
கடுகு - அரை டீஸ்பூன்
பெருங்காயம் - ஒரு சிட்டிகை
எண்ணெய் - தேவைக்கேற்ப
கறிவேப்பிலை - 1 கொத்து

செய்முறை :

  முதலில் வாணலியில் சிறிது எண்ணெயை விட்டு கறிவேப்பிலையை நன்றாக வறுத்துக்கொள்ளவும்.

  வாணலியில் சிறிது எண்ணெயைவிட்டு கடலைபருப்பையும் உளுத்தம் பருப்பையும் சிவக்க வறுத்துக் கொள்ளவும்.

  பிறகு அதில் வெங்காயத்தைக் கொட்டி சிவக்க வதக்கவும். அதனுடன் தக்காளி, பச்சை மிளகாய், இஞ்சி, பூண்டு போட்டு பச்சை வாசனை போகும் வரை வதக்கவும். பிறகு அதில் புளியைச் சேர்க்கவும்.

  பின்னர் இறக்கிவைத்து தேங்காய் துருவலைச் சேர்த்து ஆறியதும் கெட்டியாக அரைக்கவும்.

  பின், தாளிக்கும் பொருள்களைக் கொண்டு தாளிக்கவும். இப்போது சுவையான கறிவேப்பிலை சட்னி தயார்.

இதனுடன் சாப்பிட உகந்த உணவுகள் : இதனை இட்லி மற்றும் சாதத்துடன் சேர்த்து சாப்பிட மிகவும் சுவையாக இருக்கும்.

மீன் பொரிக்கும் போது கவனிக்க வேண்டியவை...





மீன் பொரிக்கும் போது கவனிக்க வேண்டியவை...

சுவையான டிப்ஸ் !!!
🐟 மீனுக்கு மசாலா போடும் போது அதில் புளி தண்ணீர் அல்லது தக்காளி இரண்டை நறுக்கி, அதன் சாறு மட்டும் பிழிந்து, அதில் மசாலாவை சேர்த்து கலக்கி, பொரித்து எடுத்தால் மீன் சுவையாக இருக்கும்.

🐟 மீன் பொரிக்கும் போது தவாவில் ஒட்டி கொள்ளாமல் இருக்க, மீன் மசாலாவுடன் சிறிது அரிசிமாவு சேர்த்து பிசைந்து கொள்ளலாம் அல்லது தவாவில் அரிசி மாவை போட்டு லேசாக வருத்து விட்டு எண்ணை ஊற்றி பொரித்து எடுத்தால் சுவையாக இருக்கும்.

🐟 மீனை தூளாக்கி கீமா கட்லெட் செய்ய, மீனை முட்டையில் நனைத்து, ஊறவைத்து பிறகு பொரித்து எடுத்தால் சுவையான கீமா கட்லெட் தயார்.

🐟 வஞ்சிர மீனுக்கு மசாலா தடவும் போது, கறி பிசைவது போல் பிசைந்து தூளாக்கி விடாமல், ஒரு கிண்ணத்தில் மசாலாவை கெட்டியாக கலக்கி கொண்டு, பின்னர் அந்த மசாலாவை தடவி அடுக்கி வைத்து பொரித்து எடுத்தால் ருசியாக இருக்கும்.

🐟 மீன் பொரிக்கும் போது, எண்ணெயுடன் சிறிது வெண்ணெய் சேர்த்து பொரித்தால் சுவையாகவும், மணமாகவும் இருக்கும்.

🐟 மீனுக்கு ஒரே மாதிரி மசாலா போடாமல் ஒரு முறை மிளகாய் தூள், அடுத்த முறை சிக்கன் மசாலா, கீரீன் மசாலா, மிளகு மசாலாக்களை போட்டு பொரித்து எடுத்தால் வித்தியாசமான சுவையாக இருக்கும்.

🐟 மீனுக்கு மசாலா கலக்கும் போது, அதில் இரண்டு தேக்கரண்டி ஓட்ஸ் மற்றும் கார்ன் பிளேக்ஸ் சேர்த்தால் மீன் நல்ல சுவையாகவும், மிருதுவாகவும் வரும்.

🐟 சாளை மீன் குழம்பிற்கு தேங்காய் சேர்க்காமல் புளி, மீன் மசாலா மட்டும் சேர்த்துக் கொண்டால் கூடுதல் சுவையாக இருக்கும்.

🐟 மீன் பிரியாணி செய்வதற்கு முன் மீனை தயிர், இஞ்சி, பு ண்டு, மஞ்சள் பொடி போட்டு பத்து நிமிடம் ஊறவைத்து பின் பிரியாணி செய்தால் பிரியாணியின் சுவை அதிகரிக்கும்.

🐟 சுறாமீன் கட்லெட் செய்ய மீனை எடுத்து அதில் உப்பு, சிறிது இஞ்சி பு ண்டு விழுது, சீரக தூள் சேர்த்து வேக வைத்து எடுத்து, அதில் கட்லெட் அல்லது வடை செய்தால் ருசியாக இருக்கும்.

செட்டிநாடு மீன் குழம்பு


செட்டிநாடு மீன் குழம்பு

செட்டிநாடு ஸ்டைல் உணவுகளுக்கு தனி பிரியர்களே உள்ளார்கள். ஏனெனில் செட்டிநாடு ஸ்டைல் உணவானது அவ்வளவு அருமையான சுவையில் இருக்கும். அதிலும் செட்டிநாடு ஸ்டைல் மீன் குழம்பு என்று சொன்னாலே பலரது நாஊறும். அந்த அளவில் மீன் குழம்பானது சுவையாக இருக்கும்.

உங்களுக்கு செட்டிநாடு மீன் குழம்பு செய்ய தெரியாதா? அப்படியானால் தொடர்ந்து படித்து வாருங்கள். ஏனென்றால் இங்கு செட்டிநாடு மீன் குழம்பின் செய்முறையை உங்களுக்காக தெளிவாக கொடுத்துள்ளோம்.

சுவையான வேறு: மண மணக்கும் செட்டிநாடு ரெசிபிக்கள்!!!

தேவையான பொருட்கள்:
வஞ்சிர மீன் - 8 துண்டுகள்
புளி - 1 எலுமிச்சை அளவு
மஞ்சள் தூள் - 1 சிட்டிகை
கொத்தமல்லி - சிறிது
உப்பு - தேவையான அளவு
அரைப்பதற்கு...
துருவிய தேங்காய் - 1/4 கப்
சோம்பு - 1 டீஸ்பூன்
மிளகாய் தூள் - 1 டீஸ்பூன்
மல்லி தூள் - 2 டீஸ்பூன்
வதக்கி அரைப்பதற்கு...
எண்ணெய் - 1 டீஸ்பூன்
தக்காளி - 1 (நறுக்கியது)
பெரிய வெங்காயம் - 1/2 (நறுக்கியது)
சின்ன வெங்காயம் - 6
தாளிப்பதற்கு...
வெந்தயம் - 1 டீஸ்பூன்
கடுகு - 1/2 டீஸ்பூன்
சின்ன வெங்காயம் - 10
பூண்டு - 5 பல்
தக்காளி - 1 (நறுக்கியது)
கறிவேப்பிலை - சிறிது
எண்ணெய் - 2 டேபிள் ஸ்பூன்
செய்முறை:
முதலில் மீனை நன்கு சுத்தமாக கழுவி, நீரை முற்றிலும் வடித்துவிட்டு, அதில் மஞ்சள் தூள் சேர்த்து பிரட்டி தனியாக வைத்துக் கொள்ள வேண்டும்.
பின் ஒரு வாணலியை அடுப்பில் வைத்து, அதில் 1 டீஸ்பூன் எண்ணெய் ஊற்றி காய்ந்ததும், வதக்கி அரைக்க கொடுத்துள்ள வெங்காயம் மற்றும் தக்காளியை சேர்த்து பச்சை வாசனை போக வதக்கி இறக்கி குளிர வைக்க வேண்டும்.
பின்னர் மிக்ஸியில் அரைப்பதற்கு கொடுத்துள்ள பொருட்களை போட்டு, அத்துடன் வதக்கி வைத்துள்ள வெங்காயத்தையும் போட்டு, சிறிது தண்ணீர் ஊற்றி பேஸ்ட் செய்து கொள்ள வேண்டும்.
பிறகு வெதுவெதுப்பான நீரில் புளியை 1/2 மணிநேரம் ஊற வைத்து, 1/4 கப் சாறு எடுத்து தனியாக வைத்துக் கொள்ளவும்.
பின்பு அதே வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி காய்ந்ததும், கடுகு சேர்த்து தாளித்து, பின் அதில் கறிவேப்பிலை, வெங்காயம், பூண்டு சேர்த்து 3 நிமிடம் வதக்க வேண்டும்.
அடுத்து அதில் தக்காளியைப் போட்டு, பச்சை வாசனை போக நன்கு வதக்கி விட வேண்டும்.
பின் அத்துடன் அரைத்து வைத்துள்ள பேஸ்ட், மஞ்சள் தூள் சேர்த்து, 1/4 கப் தண்ணீர் ஊற்றி, உப்பு சேர்த்து 20 நிமிடம் நன்கு கொதிக்க விட்டு, பின் புளிச்சாறு சேர்த்து கொதிக்க விட வேண்டும்.
எப்போது குழம்பில் இருந்து எண்ணெய் தனியாக பிரிகிறதோ, அப்போது மீன் துண்டுகளை சேர்த்து மீன் நன்கு வேகும் வரை கொதிக்க விட்டு இறக்கி, மேலே கொத்தமல்லியைத் தூவி 1 மணிநேரம் கழித்து பரிமாறினால், செட்டிநாடு மீன் குழம்பு ரெடி!!!

சனி, 25 மார்ச், 2017

கேரளா ஸ்பெஷல் குலுக்கி சர்பத்



கேரளா ஸ்பெஷல் குலுக்கி சர்பத்


தேவையான பொருட்கள் :

சப்ஜா விதை - 2 டீஸ்பூன்

எலுமிச்சை - 2

இஞ்சி ஜூஸ் - 1 டீஸ்பூன்

பச்சை மிளகாய் - 2

சோடா - 2 கப்

தேன் - தேவையான அளவு

ஐஸ் கட்டிகள் - சிறிது

செய்முறை :

* எலுமிச்சை பழத்திலிருந்து சாறு எடுத்து கொள்ளவும்.

* ப.மிளகாயை பொடியாக நறுக்கி கொள்ளவும்.

* சப்ஜா விதையை சிறிது நீரில் 20 நிமிடம் ஊற வைத்து, நீரை வடிகட்டி விட்டு சப்ஜா விதைகளை தனியாக வைத்துக் கொள்ளவும்.

* ஒரு ஷேக்கரில் ஊற வைத்த சப்ஜா விதைகள், எலுமிச்சை சாறு, இஞ்சி சாறு, பச்சை மிளகாய், சோடா, தேன் சேர்த்து 30 நொடிகள் நன்கு குலுக்கி, பின் அதில் ஐஸ் கட்டிகளை சேர்த்து பரிமாறவும்.

* கோடை வெயிலுக்கு இதம் தரும் குலுக்கி சர்பத் ரெடி.

குறிப்பு :

தேன் பிடிக்காதவர்கள் சர்க்கரை சேர்த்து கொள்ளலாம்.

தேனில் ஊற வைத்து நெல்லிக்காயை சாப்பிடுவதால் கிடைக்கும் நன்மைகள்



தேனில் ஊற வைத்து நெல்லிக்காயை சாப்பிடுவதால் கிடைக்கும் நன்மைகள்


நெல்லிக்காய் சாப்பிடுவதால் கிடைக்கும் நன்மைகள் பற்றியும், தேன் சாப்பிடுவதால் கிடைக்கும் நன்மைகள் பற்றியும் அறிந்திருப்போம். ஆனால் அந்த நெல்லிக்காயை தேனுடன் சேர்த்து ஊற வைத்து சாப்பிடுவதால் கிடைக்கும் நன்மைகள் பற்றி தெரியுமா? தேனுடன் சேர்த்து தினமும் ஒன்று சாப்பிட்டால், அதனால் கிடைக்கும் நன்மைகளோ அலாதி. சரி, இப்போது நெல்லிக்காயை தேனில் ஊற வைத்து சாப்பிடுவதால் கிடைக்கும் நன்மைகள் என்னவென்று பார்ப்போமா!!!

தேனில் ஊற வைத்த நெல்லிக்காயை தினமும் ஒன்று என சாப்பிட்டு வந்தால், இரத்தம் சுத்தமாவதோடு, இரத்தணுக்களின் அளவு அதிகரித்து, இரத்த சோகை நீங்கும்.

தினமும் தேனில் ஊற வைத்த நெல்லிக்காயை சாப்பிட்டு வருவதன் மூலம், இதய தசைகள் வலிமையடைந்து, இதய நோய்கள் வருவது தடுக்கப்படும்.

கண் பிரச்சனை உள்ளவர்கள், தினமும் தேனில் ஊற வைத்த நெல்லிக்காயை சாப்பிட்டு வந்தால், கண்களில் ஏற்படும் எரிச்சல், கண்களில் இருந்து நீர் வடிதல், கண்கள் சிவப்பாதல் போன்றவை குணமாகும்.

பசியின்மையால் அவஸ்தைப்படுபவர்கள், தேனில் ஊற வைத்த நெல்லிக்காயை தினமும் உட்கொண்டு வருவதன் மூலம் சரிசெய்யலாம்.

சிலருக்கு அடிக்கடி சளி பிடிக்கும். அதுமட்டுமின்றி தொண்டையில் புண்ணும் வரும். அத்தகையவர்கள் தேனில் ஊற வைத்த நெல்லிக்காயை சாப்பிட்டு வந்தால், உடலில் தேங்கிய சளி அனைத்தும் வெளியேறிவிடுவதோடு, தொண்டைப்புண்ணும் குணமாகும்.

சில பெண்களுக்கு வெள்ளைப்படுதல் அதிகம் இருக்கும். அத்தகைய பெண்கள், தேனில் ஊற வைத்த நெல்லிக்காயை தினமும் சாப்பிட்டு வருவதன் மூலம், வெள்ளைப்படுதலைத் தடுக்கலாம்.

முக்கியமாக தேனில் நெல்லிக்காயை ஊற வைத்து சாப்பிட்டால், சிறுநீர் மற்றும் சிறுநீரகம் தொடர்பான பிரச்சனைகள் வருவது தடுக்கப்படுவதோடு, அப்பிரச்சனைகள் இருந்தாலும் குணமாகிவிடும்.

அசிடிட்டி பிரச்சனை உள்ளவர்கள், தேனில் ஊறிய நெல்லிக்காய் சாப்பிட்டு வந்தால், நல்ல நிவாரணம் கிடைக்கும்.

தேனில் ஊற வைத்த நெல்லிக்காயை தினமும் காலையில் சாப்பிட்டால், முகத்தின் பொலிவு அதிகரித்து, சருமம் அழகாகவும், ஆரோக்கியமாகவும் காணப்படும்.

நெல்லிக்காய் மற்றும் தேனில் நிறைந்துள்ள மருத்துவ குணங்களால், இதுவரை அதிகமாக இருந்த முடி கொட்டும் பிரச்சனை தடுக்கப்பட்டு, மயிர்கால்கள் வலிமையடைந்து, முடியின் வளர்ச்சி அதிகமாகும்.

தக்காளி – ஆரஞ்சு சாலட்




தக்காளி – ஆரஞ்சு சாலட்

தேவையான பொருட்கள்:

ஆரஞ்சு சுளைகள் – 10
பொடியாக நறுக்கிய தக்காளி – ஒரு கப்
மிளகுத்தூள் – ஒரு டீஸ்பூன்
எலுமிச்சைச் சாறு – ஒரு டீஸ்பூன்
உப்பு – தேவையான அளவு
பொடியாக நறுக்கிய கொத்தமல்லி – ஒரு டேபிள்ஸ்பூன்.


செய்முறை:

• ஆரஞ்சு சுளைகள் சிறிய துண்டுகளாக நறுக்கவும்.• ஒரு பாத்திரத்தில் மேலே சொன்ன அனைத்துப் பொருட்களையும் போட்டு கொத்தமல்லி துவி பரிமாறவும்.
குறிப்பு

கோடைக்காலத்திற்கு ஏற்ற இந்த சாலட் உடலுக்கு குளிர்ச்சியை தரக்கூடியது.

வெந்தய தோசை


வெந்தய தோசை

தேவையான பொருட்கள்:

இட்லி அரிசி – 1  1 /2  கப்
வெந்தயம்  – 1 / 4  கப்
உளுந்து  – 1 /2  கப்


செய்முறை:

இட்லி அரிசி, வெந்தயம், உளுந்து  ஆகியவற்றை 3  மணி நேரம் ஊற வைக்கவும்.
தோசை மாவு பதத்திற்கு அரைக்கவும்.
தோசை மாவை குறைந்தது 8   மணி நேரம் புளிக்க வைக்கவும்.

குறிப்பு
இந்த தோசைக்கு  தேங்காய் சட்னி நன்றாக இருக்கும்.

கத்திரிக்காய் காரக் குழம்பு



கத்திரிக்காய் காரக் குழம்பு


*தேவையான பொருட்கள் :*

கத்திரிக்காய் - ஆறு
சின்ன வெங்காயம்- 100 கிராம்
தக்காளி- இரண்டு
பூண்டு - பத்து பற்கள்
புளி- எலுமிச்சையளவு
மிளகாய்த்தூள்- 4 டீ ஸ்பூன்
தனியாத்தூள்- 2 டீ ஸ்பூன்
மஞ்சத்தூள்- ½ டீ ஸ்பூன்
தேங்காய் துருவல் - 1/2 கப்
நல்லெண்ணெய்- 50 மில்லி
வெந்தயம் – ½ டீ ஸ்பூன்
பெருங்காயம்- 1/2 டீ ஸ்பூன்
உப்பு தேவையான அளவு
கறிவேப்பிலை- ஒரு கொத்து
கடுகு தாளிக்க சிறிதளவு

*செய்முறை :*

•• புளியை ஊறவைத்து கெட்டியாக கரைத்து வைக்கவும். தேங்காயை நைசாக அரைத்து வைக்கவும். கத்திரிக்காயை காம்பு பகுதியை வெட்டி விட்டு மொத்தமாக வெட்டவும். முட்டை போல இருக்கும்.

•• சின்னவெங்காயத்தையும் தக்காளியையும் பொடியாக நறுக்கி வைக்கவும்.

•• அடுப்பில் வாணலியை வைத்து அதில் எண்ணெய் ஊற்றி கடுகு, வெந்தையம், கறிவேப்பிலை போட்டு தாளிக்கவும்.

•• அதோடு நறுக்கி வைத்த வெங்காயம், உறித்து வைத்துள்ள வெள்ளைப்பூண்டு போட்டு வதக்கவும், தக்காளியை போட்டு நன்றாக குழைய வதங்கிய உடன் கத்தரிக்காயை போட்டு நன்றாக வதக்கவும்.

•• அப்போது உப்பு, மஞ்சள் தூள் தூவி லேசாக பிறட்டவும். இப்படி செய்தால் கத்தரிக்காய் எளிதில் வெந்து விடும்.

•• இதன் பின்னர் மிளகாய்தூள், மல்லித்தூள் போட்டு வதக்கவும், எண்ணெய் பிரிந்து வரும். அப்போது கரைத்து வைத்த புளியை ஊற்றி கொதிக்க விடவும்.

•• பத்து நிமிடம் நன்றாக வேகவிட்ட பின்னர் அரைத்து வைத்த தேங்காயை குழம்பில் ஊற்றி அரை டம்ளர் தண்ணீர் சேர்த்து அடுப்பை மிதமாக வைக்கவும்.

•• குழம்பு நன்றாக கொதித்து எண்ணெய் மினுமினுப்போடு வரும் போது பெருங்காயத்தூள் தூவி அடுப்பை நிறுத்தி விடவும்.

கத்தரிக்காய் காரக் குழம்பு தயார். சூடான சாப்பாட்டிற்கு சாப்பிட சுவையாக இருக்கும்.

வெள்ளி, 24 மார்ச், 2017

வெண்டைக்காய் காரகுழம்பு




வெண்டைக்காய் காரகுழம்பு


*தேவையானவை :*

வெண்டைக்காய் -250 கிராம்
பூண்டு -5 பற்கள்      
சாம்பார் பொடி -- 2 ஸ்பூன்
புளி -- 1 உருண்டை
வெங்காயம் -- 10
தக்காளி -- 1
நல்லெண்ணைய் -- 3 ஸ்பூன்
கடுகு,உளுத்தம்பருப்பு -- 1 டீஸ்பூன்
வெந்தயம்  -- 1/2 டீஸ்பூன்
பெருங்காயம் -- 1/2 டீஸ்பூன்
கறிவேப்பிலை --
அரைத்த தேங்காய் -- 3 ஸ்பூன்
சீரகம்,மிளகு -- 1 1/2 டீஸ்பூன்

*செய்முறை :*

•• தக்காளியை அடுப்பில் சுட்டு அரைத்துக்கொள்ளவும்
தேங்காய், சீரகம், மிளகை நைசாக அரைக்கவும்

•• வாணலியில் எண்ணைய் ஊற்றி கடுகு,உளுத்தம்பருப்பு தாளித்து வெந்தயம்,  பெருங்காயம், கறிவேப்பிலை , போட்டு தாளிக்கவும்

•• வெங்காயம் போட்டு  வதக்கி பின் அரைத்த தக்காளி போடவும். நன்கு வதக்கியதும்  சாம்பார் பொடி, உப்பு வெண்டைக்காய்போட்டுநன்குகிளரவும் நன்கு கொதிக்கும் போது கரைத்த புளி  ஊற்றவும்.

•• பின் அரைத்த விழுதை போட்டு மீதி உள்ள எண்ணையை ஊற்றி குழம்பை சிம்மில்  வைக்கவும்.

•• பாதி வற்றி கெட்டியானதும் இறக்கி பரிமாறவும் சுவையான  வெண்டைக்காய் காரகுழம்புரெடி

*குறிப்பு :*

வெண்டைக்காய் மாரடைப்பு போன்ற இருதய நோய்கள் வராமல் தடுக்கிறது. கரையாத நார்ச்சத்து குடலுக்கு திடத்தை கொடுத்து குடல் அழற்சி, குடல் புற்றுநோய் வராமல் தடுக்கிறது.

முட்டைகோஸ் சாதம்.



முட்டைகோஸ் சாதம்.


*தேவையானவை :*

துருவிய முட்டைகோஸ் – ஒரு கப்,
வடித்த சாதம் – ஒரு கப்,
கடலைப்பருப்பு – ஒரு டீஸ்பூன்,
பாசிப்பருப்பு – 2 டேபிள்ஸ்பூன் (ஊறவைக்கவும்),
மிளகு – சீரகத்தூள் – ஒரு டீஸ்பூன்,
வறுத்த வேர்க்கடலை – ஒரு டேபிள்ஸ்பூன்,
இஞ்சி (மிகவும் பொடியாக நறுக்கியது) – ஒரு டேபிள்ஸ்பூன்,
பட்டை – சிறிய துண்டு,
கொத்தமல்லித்தழை – சிறிதளவு,
எண்ணெய் – ஒரு டீஸ்பூன்,
உப்பு – தேவைக்கேற்ப.

*தாளிக்க :*

கடுகு, உளுத்தம்பருப்பு – தலா ஒரு டீஸ்பூன்,
கறிவேப்பிலை – சிறிதளவு,
காய்ந்த மிளகாய் – 2,
எண்ணெய் – சிறிதளவு.

*செய்முறை :*

•• வடித்த சாதம், சூடாக இருக்கும்போதே ஒரு டீஸ்பூன் நல்லெண்ணெய் ஊற்றிக் கலந்தால் பொலபொலவென்று உதிர்ந்துவிடும்.

•• கடாயில் சிறிதளவு எண்ணெய் ஊற்றி காய்ந்ததும் தாளிக்கக் கொடுத்துள்ளவற்றை தாளித்து… பட்டை, மிளகு – சீரகத்தூள், கடலைப்பருப்பு, உப்பு, வேர்க்கடலை போட்டுக் கிளறி, ஊறவைத்த பாசிப்பருப்பு, நறுக்கிய இஞ்சி சேர்த்து மேலும் கிளறவும்.

•• இதில் துருவிய முட்டைகோஸ் சேர்த்து வதக்கி, சிறிது நீர் தெளித்துப் புரட்டி வேகவிட்டு இறக்கவும்.

•• இந்த முட்டைகோஸ் மசாலாவை வெந்த சாதத்தில் போட்டுப் புரட்டி, கொத்தமல்லித்தழை தூவி பரிமாறவும்.

செவ்வாய், 21 மார்ச், 2017

கிரீன் டீ யாருக்கு ஏற்றது?



கிரீன் டீ யாருக்கு ஏற்றது?


மல்ட்டிபிள் ஸ்கெலரோசிஸ், டைப் 1 சர்க்கரை நோய், சொரியாசிஸ், ரூமட்டாய்டு ஆர்த்ரைடிஸ், பெப்டிக் அல்சர் பாதிப்பு உள்ளவர்கள் கிரீன் டீ சாப்பிடலாம்.

அலர்ஜி, ஆஸ்துமா, சைனஸ், வைரஸ் காய்ச்சல், அல்சர், வைரஸ் தொற்று நோய்கள் உள்ளவர்கள் கிரீன் டீ சாப்பிடக் கூடாது.

கிரீன் டீயை எப்படிக் குடிக்க வேண்டும்?

பவுடராக வாங்காமல் பச்சை இலையாக இருக்கும் கிரீன் டீயாக வாங்கவும்.

கிரீன் டீ இலைகளை நீருடன் சேர்த்து, கொதிக்கவைத்து வடிகட்டி, வெதுவெதுப்பான சூட்டில் அருந்துவது உடலுக்கு நல்லது. உடல் எடையைக் குறைக்க விரும்புபவர்கள், சர்க்கரை நோயாளிகள் சர்க்கரை, வெல்லம் அல்லது தேன் போன்றவற்றைச் சேர்க்காமல் குடிக்க வேண்டும்.

தினமும் ஒன்று அல்லது இரண்டு கப் அளவுக்கு மேல் கிரீன் டீ குடிக்கக் கூடாது.

கிரீன் டீ சாப்பிடுவதால் உடலில் ஏதேனும் பக்க விளைவுகள் ஏற்படுவது போல தோன்றினால், உடனே கிரீன் டீ சாப்பிடுவதை நிறுத்திவிடுவது நல்லது.

உடலுக்கு ஆரோக்கியம்

கிரீன் டீயில் ஃப்ளேவோனாய்டு (Flavonoid), கேட்டச்சின் (Catechin) முதலான பாலிபீனால்கள் (Polyphenol) அதிகம் உள்ளன. இவை சிறந்த ஆன்டி ஆக்ஸிடன்ட்களாகச் செயல்பட்டு, உடலில் உள்ள செல்கள் சிதையாமல் பாதுகாக்கின்றன. இளமையிலேயே வயதான தோற்றம் வராமலிருக்க, தினமும் ஒரு கப் கிரீன் டீ அருந்தலாம்.

கிரீன் டீயில் சிறிதளவு காஃபின் (Caffeine) இருக்கிறது. இது மூளையில் உள்ள நியூரோ டிரான்ஸ்மீட்டர்களைத் தூண்டி, நரம்பு இயக்கங்களைப் புத்துணர்ச்சி அடையச் செய்கிறது. இதனால் சுறுசுறுப்பான உணர்வு கிடைக்கும். மூளை நன்றாக இயங்கும்.

கிரீன் டீ தொடர்ந்து சாப்பிட்டு வருபவர்களுக்கு, மறதி நோயான அல்சைமர், மூளையில் டோபோமைன் சரியாகச் சுரக்காததால் வரும் பார்கின்சன் போன்ற நோய்கள் வருவதற்கான வாய்ப்பு 25 சதவிகிதம் குறைகிறது.

பற்களில் ஸ்ட்ரெப்டோகோக்கஸ் மியூட்டன்ஸ் (Streptococcos mutans) என்ற பாக்டீரியா வளர்ந்தால், பற்கள் பாதிக்கப்பட்டு, சொத்தையாக மாறும் அபாயம் உண்டு. கிரீன் டீ குடித்தால், அதில் இருக்கும் கேட்டசின், இந்த வகை பாக்டீரியாக்களை அழித்து, பற்களைக் காக்கும்.

கிரீன் டீ இன்சுலின் செயல்பாட்டை சிறிதளவு அதிகரிக்கும். எனவே, சர்க்கரை சேர்க்காமல் கிரீன் டீ குடிப்பது, சர்க்கரை நோயாளிகளுக்கு நல்லது. கிரீன் டீயைத் தொடர்ந்து குடிப்பவர்களுக்கு, டைப்-2 சர்க்கரை நோய்க்கான வாய்ப்பு குறைகிறது. சர்க்கரை சேர்க்காமல் கிரீன் டீ அருந்தினால், உடலில் உள்ள தேவையற்ற கெட்ட கொழுப்புகள் கரையும். எனவே, உடல் எடையைக் குறைக்க விரும்புபவர்களுக்கு ஏற்றது.

இதயத்துக்குச் செல்லும் வால்வுகளில் கொழுப்புக் கட்டிகள் சேர்வதைத் தடுக்கும் வல்லமை பெற்றது கிரீன் டீ. இதய நோய்கள் அண்டாமல் இருப்பதற்கும், பக்கவாதம் வராமல் இருக்கவும் கிரீன் டீ அருந்தலாம். கிரீன் டீயில் அமினோ அமிலங்கள் உள்ளன. இது உடல் மற்றும் மனச் சோர்வைப் போக்கக்கூடியது. எனவே, மன அழுத்தம் உள்ள சமயங்களில் கிரீன் டீ அருந்தலாம்.

கிரீன் டீ ஆன்டி ஆக்ஸிடன்ட் நிறைந்தது என்பதால், உடலில் தேவையற்ற கட்டிகளை வளரவிடாது. பெருங்குடல், மார்பகம் மற்றும் ப்ராஸ்டேட் புற்றுநோய் போன்றவை வருவதற்கான வாய்ப்புகளை கிரீன் டீ குறைக்கிறது.



பல்வேறு உடல் நல பயன்களைக் கொண்டுள்ள 10 வகையான சுவைமிக்க கிரீன் டீ!!!


கிரீன் டீயில் பல வித உடல்நல பயன்கள் அடங்கியுள்ளது என்பது நம் அனைவருக்குமே தெரிந்த விஷயம் தான். கிரீன் டீயில் பல வகைகள் உள்ளது. அவைகளில் பல சுவை மணங்களும் பல வீதத்தில் காப்ஃபைனும் அடங்கியுள்ளது. எந்த கிரீன் டீ அதிக சுவையுடன் இருக்கும் என்பது ஒவ்வொருவரின் தனிப்பட்ட விருப்பத்தைப் பொருத்ததாகும்.
இருப்பினும் மூலிகைகள் மற்றும் இஞ்சி, ஏலக்காய், கருப்பு மிளகு மற்றும் இலவங்கப்பட்டை போன்ற மசாலாக்கள் சேர்க்கப்பட்ட கிரீன் டீக்களை தேர்ந்தெடுத்தால் அதிக உடல்நல பயன்கள் கிடைக்கும். நீங்கள் தேர்ந்தெடுக்கக் கூடிய சிறந்த 10 வகையான கிரீன் டீக்களை பற்றி இப்போது பார்க்கலாமா? இந்த அனைத்து சுவைமணங்களையும் இணையளத்தில் மூலமாக சுலபமாக பெற்றுக் கொள்ளலாம்.

ஜாஸ்மின் கிரீன் டீ (Jasmine green tea)
ஜாஸ்மின் என்பது கலோரிகள் அல்லாத மிதமான சுவையை கொண்ட பானமாகும். இதில் ஊட்டச்சத்துக்களும் வளமையாக உள்ளது. இதிலுள்ள EGCG என்ற கூட்டுப்பொருள் புற்றுநோயை தடுப்பதில் உபயோகமாக உள்ளது. DNA-வை பாதித்து புற்றுநோயை உருவாக்கும் ஆற்றலை படைத்துள்ள இயக்க உறுப்புகளை சமநிலைப்படுத்தும் ஆற்றலை கொண்டுள்ளது டீயில் உள்ள ஆன்டி-ஆக்ஸிடன்ட் கேட்சின். டைப்-2 சர்க்கரை நோய் இடர்பாடும் இதனால் குறைவாகவே இருக்கும். இதுப்போக, நறுமணம் வீசும் அதன் சுவைமணத்தால் ஜாஸ்மின் கிரீன் டீ உங்கள் புலன்களை தணிக்கவும் செய்யும்.
மொராக்கோன் மின்ட் கிரீன் டீ (Moroccan mint green tea)
மொராக்கோன் மின்ட் கிரீன் டீ என்பது மொராக்கோ மக்களால் அன்றாடம் பயன்படுத்தப்பட்டு வரும் மிகவும் சுவை மிகுந்த டீயாகும். இயற்கையாகவே இதில் கலோரிகள் குறைவாக உள்ளது. நற்பதமான அல்லது உலர்ந்த தேயிலைகளில் இருந்து இது தயாரிக்கப்படுகிறது. கிரீன் டீயுடன் புதினா இலைகள் சேர்க்கப்பட்டு இந்த டீ தயாரிக்கப்படுகிறது. அமைதிப்படுத்தும் மருந்தாக செயல்படும் இந்த டீ உங்களை அமைதிப்படுத்தும் குணங்களை கொண்டுள்ளது. செரிமாமின்மை மற்றும் இதய எரிச்சல் போன்ற அறிகுறிகளை நீக்க புதினா உதவிடும். இந்த டீயை பருகினால் மலச்சிக்கல் மற்றும் தலைவலி போன்ற பிரச்சனைகளில் இருந்து நிவாரணம் கிடைக்கும். மேலும் உயிரியலுக்குரிய பல செயல்பாடுகளை பராமரிக்க தேவையான அதிமுக்கிய வைட்டமின்களால் நிறைந்துள்ளது இந்த டீ. ஆரோக்கியமான 6 வழிகளில் எப்படி கிரீன் டீ போடுவது என்பதை படித்து தெரிந்து கொள்ளுங்கள்.
டிராகன்வெல் கிரீன் டீ (Dragonwell green tea)
டிராகன்வெல் கிரீன் டீ என்பது புகழ்பெற்ற, மிகவும் சிறந்த சீன கிரீன் டீயாகும். மென்மையான மற்றும் மிகவும் புத்துணர்ச்சி அளிக்க கூடிய சுவையை கொண்டிருக்கும் இது. இந்த டீ மெட்டபாலிசத்தை மேம்படுத்தும். மேலும் கொழுப்பை எரிக்க உதவுவதால் உடல் எடை குறைப்பிற்கு உதவியாக இருக்கும். இந்த டீயில் உள்ள ஆன்டி-ஆக்ஸிடன்ட்களால் கொலஸ்ட்ரால் அளவுகளும் இரத்த கொதிப்பும் குறையும். மேலும் ஃப்ளூ மற்றும் இதர பாக்டீரியல் மற்றும் வைரல் தொற்றுகள் ஏற்படும் வாய்ப்புகளை குறைக்கும். நீங்கள் ஃப்ளூ மற்றும் சளியால் பாதிக்கப்பட்டிருந்தால், கிரீன் டீயுடன் தேன் சேர்த்துக் கொண்டு குடித்தால் நல்ல நிவாரணம் கிடைக்கும்.
க்யூகுரோ கிரீன் டீ (Gyokuro green tea)
இந்த வகை கிரீன் டீ, ஜப்பானில் பாரம்பரியப்படி வளர்க்கப்பட்டு அறுவடை செய்யப்படுகிறது. க்யூகுரோவில் தேயிலைகள் பச்சை நிறத்தில், மிகவும் சிறியதாக இருக்கும். மிகவும் ஆரோக்கியமான இந்த டீயை பல நோய்களுக்கு சிகிச்சை அளிக்க பயன்படுத்தலாம். புற்று நோயை தடுக்கும் ஆற்றலை கொண்டுள்ள பாலிஃபெனால் இதில் உள்ளதால், இந்த டீயினால் கிடைக்கும் மிக முக்கியமான உடல் நல பயன்களில் ஒன்றாக இது பார்க்கப்படுகிறது. இதய நோய்களின் இடர்பாட்டை குறைக்க இது உதவும். மேலும் இரத்த க்ளுகோஸ் அளவை ஆரோக்கியமான வீதத்தில் வைத்திருக்க உதவுவதன் மூளலாம் சர்க்கரை நோய்க்கான வாய்ப்புகளையும் குறைவாகவே வைத்திருக்கும். உலர்ந்த இலையின் வடிவத்தில் க்யூகுரோவை கடைகளில் வாங்கலாம். க்யூகுரோ கிரீன் டீயில் கொஞ்சம் காப்ஃபைன் உள்ளது. அதனால் நீங்கள் கர்ப்பமாக இருக்கும் போதும் தாய்ப்பால் கொடுக்கும் போதும் இதனை தவிர்த்திடுங்கள். மேலும் கிரீன் டீயை பற்றிய 6 பக்க விளைவுகளையும் தெரிந்து கொள்ளுங்கள்.
கென்மைச்சா கிரீன் டீ (Genmaicha green tea)
இனிமையான சுவைமணத்தை கொண்ட ஜப்பானிய கென்மைச்சா கிரீன் டீ பழுப்பு அரிசி உமியுடன் கலக்கப்பட்டிருக்கும். டீயில் உள்ள கேட்சின்ஸ் மற்றும் கால்லிக் அமிலம் போன்ற பல பாலிஃபீனால்களாலும், கரோடினாய்டுகள் மற்றும் அஸ்கார்பிக் அமிலம் போன்ற ஆன்டி-ஆக்ஸிடன்ட்களாலும், இதனை தொடர்ச்சியாக குடித்து வந்தால் பல நோய்கள் தடுக்கப்படும். இரத்தக் கொதிப்பை குறைக்கவும் இது உதவுகிறது. இதயகுழலிய நோய்கள் உருவாகும் இடர்பாட்டை குறைக்கவும் கூட இது உதவிடும். இதய நோய்கள் வராமல் இருக்க கிரீன் டீ எப்படியெல்லாம் உதவுகிறது என்பதை படித்து தெரிந்து கொள்ளுங்கள். ஆர்கானிக் கென்மைச்சா டீயை சுலபமாக மளிகை கடைகளில் வாங்கலாம்.
குகிச்சா கிரீன் டீ (Kukicha green tea)
தேயிலை செடியின் கிளைகள் மற்றும் தண்டுகளில் இருந்து தயாரிக்கப்படும் ஜப்பானிய டீ தான் இந்த குகிச்சா கிரீன் டீ. இதில் காப்ஃபைன் அளவு குறைவாகவே உள்ளது. அதே போல் அல்கலைஸ் குணங்களும் அதிகமாக இருக்கும். குறைவான அளவில் காப்ஃபைன் இருக்கும் பானத்தை குடித்து வந்தால் அசிடிட்டி, பதற்றம் மற்றும் தூக்கமின்மை போன்ற பிரச்சனைகள் இல்லாமல் இருக்கலாம். இந்த டீயில் வைட்டமின்களும், கனிமங்களும் கூட வளமையாக உள்ளது. மேலும் ஒரு கிளாஸ் பாலில் உள்ள கால்சியத்தின் அளவை விட இதில் அதிகமாக உள்ளது. இதனை சூடாகவோ அல்லது குளிராகவோ பருகலாம். ஆற்றல் திறன் மற்றும் உற்சாகத்தை இது மேம்படுத்துவதால், இதனை காலை உணவுடன் சேர்த்துக் கொள்ளலாம்.
சென்ச்சா கிரீன் டீ (Sencha green tea)
சென்ச்சா கிரீன் டீ என்பது அதிக தரம் வாய்ந்த சுவைமணம் கொண்ட ஜப்பானிய டீயாகும். இதற்கான தயாரிப்பு செயல்முறையும் மிகவும் குறைவாக இருக்கும். உங்கள் உடலில் உள்ள அணுக்கள் மற்றும் திசுக்களை இயக்க உறுப்பு பாதிப்புகளில் இருந்து பாதுகாக்க இதில் அதிக அளவிலான ஆன்டி-ஆக்ஸிடன்ட்கள் உள்ளது. இரத்தத்தில் உள்ள சர்க்கரை அளவை கட்டுப்படுத்தவும் இதய நோய்களுக்கு எதிராக போராடவும் இந்த டீ இதவுகிறது. சென்ச்சாவின் புத்துணர்ச்சி சுவைமணத்தால் உங்கள் வாயில் துர்நாற்றமும் இருக்காது. வாயில் அடிக்கும் துர்நாற்றத்தை போக்குவதற்கு ஏலக்காய் கலந்த க்ரீன் டீயையும் பயன்படுத்தலாம். இயற்கையான 9 முறையில் வாயில் வீசும் துர்நாற்றத்தை எப்படி போக்குவது என்பதை நீங்கள் தெரிந்து கொள்ள வேண்டும்.
மாட்சா கிரீன் டீ (Matcha green tea)
தேயிலையை நைசான தூளாக அரைத்து உருவாக்கப்படுவது தான் மாட்சா கிரீன் டீ. தேயிலைகளை சூடாக்கி எடுக்கும் பிற கிரீன் டீக்களை விட மாட்சா கிரீன் டீ தான் ஆரோக்கியமாக விளங்குகிறது. இதில் பல ஆண்டி-ஆக்சிடன்ட்கள் அடங்கியுள்ளதால் உங்களை ஆரோக்கியமாக வைத்திருக்க உதவும். இதிலுள்ள எல்-தியனைன் என்ற அமினோ அமிலம் உங்கள் புலன்களையும் மனதையும் அமைதியுற செய்யும். இந்த டீயில் க்லோரோஃபில் வளமையாக உள்ளதால் இதில் நச்ச் பண்பை நீக்கும் குணங்களும் உள்ளது. இந்த டீ தூளில் ஏலக்காய் சேர்த்து குடித்தால் குடலில் உள்ள புழு பூச்சிகள் எல்லாம் நீங்கும்.
ஹௌஜிச்சா கிரீன் டீ (Hojicha green tea)
ஹௌஜிச்சா தேயிலைகள் பழுப்பு நிறத்தில், செதில் வகையான தோற்றத்தில் காணப்படும். குறைந்த அளவிலான காப்ஃபைன் உள்ள பானத்தை நீங்கள் விரும்பினால் உங்களுக்கானது தான் இந்த டீ. அமைதியான மற்றும் ஆழத்தை தூக்கத்தை பெறுவதற்கு மற்ற டீக்கள் அல்லது காபியை குடிப்பதற்கு பதிலாக இரவு நேரத்தில் ஹௌஜிச்சா கிரீன் டீயை குடியுங்கள். இது போக இதில் பாக்டீரியா எதிர்ப்பி மற்றும் நுண்ணுயிர்கள் எதிர்ப்பி குணங்கள் அடங்கியிருக்கிறது. மேலும் இதயகுழலிய நோய்களில் இருந்து பாதுகாப்பை அளிக்கும். அமேசான் தளத்தில் இருந்து ஆர்கானிக் ஹௌஜிச்சா டீயை வாங்கலாம்.
பஞ்ச்சா கிரீன் டீ (Bancha green tea)
பஞ்ச்சா கிரீன் டீயில் தனித்துவமான சுவைமணம் இருக்கும். மேலும் அதனை தயாரிப்பதும் சுலபம். இதிலும் கூட காப்ஃபைன் மிகுந்த குறைந்த அளவிலேயே இருக்கிறது. மேலும் கேட்சின்ஸ் போன்ற பாலிஃபினால்களும் வளமையாக உள்ளது. இதிலுள்ள காப்ஃபைன் மன உஷார் நிலையை மேம்படுத்த உதவிடும். துவாரங்கள் போன்ற பொதுவான வாய் தொற்றுக்களை கட்டுப்படுத்தவும் இது உதவுகிறது. இந்த டீயுடன் கருப்பு மிளகாய் சேர்த்து குடித்தால் உங்கள் நோய் எதிர்ப்பு சக்தி அமைப்பு மேம்பட்டு, அதனால் தொற்றுக்கள் அண்டாமல் இருக்கும்.
மனதில் வைத்துக் கொள்ள வேண்டிய டிப்ஸ்:
* பாட்டிலில் உள்ள கிரீன் டீயை விட காய்ச்சிய கிரீன் டீயில் தான் ஆன்டி-ஆக்ஸிடன்ட்கள் அதிகமாக உள்ளதால், அதையே தேர்ந்தெடுங்கள்.
* வணிக ரீதியான டீக்களில் பூச்சி மருந்துகளின் எச்சங்கள் இருக்கலாம். அதனால் ஆர்கானிக் வகைகளையே தேர்ந்தெடுங்கள்.
* காப்ஃபைன் நீக்கப்பட்டுள்ள டீயில் பயனுள்ள ஆன்டி-ஆக்ஸிடன்ட்கள் குறைந்த அளவிலேயே இருக்கும். உங்களுக்கு கூடுதல் காப்ஃபைன் வேண்டாம் என்றால் ஹௌஜிச்சா மற்றும் பஞ்ச்சா போன்ற டீக்களை பயன்படுத்துங்கள்.


இவ்வளவு பயன் தரும் கிரீன் டீயை நாமும் அருந்துவோம். பயன் பெறுவோம்