திங்கள், 26 ஆகஸ்ட், 2019

30 வகை எண்ணெய் இல்லாத சமையல்...


30 வகை எண்ணெய் இல்லாத சமையல...

”எதுக்குத்தான் இப்படி எண்ணெயைக் கொட்டி கத்திரிக்காயைச் சமைப்பியோ..?!” என்று தெறித்து ஓடும் அளவுக்கு பலரையும் பாதித்துக் கொண்டிருக்கிறது, உணவில் மிதமிஞ்சி பயன்படுத்தப்படும் எண்ணெய்!

எண்ணெய் என்றால் என்னவென்றே தெரியாத காலத்தியே விதம்விதமான சமையல் இருக்கத்தான் செய்தது. எள்ளு தாத்தா-எள்ளு பாட்டியிடம் (உயிரோடு இருந்தால்) கேட்டுப் பாருங்கள்… பல தலைமுறைகளாக தாங்கள் சப்புக்கொட்டி, ரசித்து, ருசித்து சாப்பிட்டு, நோய் நொடியில்லாமல் வலம் வந்த அந்த ரகசியத்தைச் சொல்வார்கள்!

அப்போதெல்லாம், பண்டிகைகளுக்கு மட்டுமே எண்ணெய் என்பது வீடுகளை எட்டிப் பார்க்கும். இன்றைக்கோ… தோசை, பூரி, வடை என்று பொழுதுவிடிந்தால்… பொழுதுபோனால், எண்ணெயோடுதான் வாழ்க்கை! விளைவு… கொலஸ்ட்ரால், பிளட் பிரஷர், சர்க்கரை என டாக்டரிடம் ஓடிக் கொண்டிருக்கிறோம். அவர் சொல்கிற முதல் வார்த்தையே “சாப்பாட்டுல எண்ணெயைக் குறைச்சுடுங்க” என்பதுதான்.

”எண்ணெய் இல்லாமல் சமைக்க முடியுமா?” என்று அலறாதீர்கள். இங்கே, பிரபல ‘சமையல் கலை நிபுணர்’ ரேவதி சண்முகம் உங்களுக்கு பரிமாறிஇருக்கும் 30 வகை சமையலுமே ‘ஆயில் ஃப்ரீ’தான்! கூடவே அவர் சொல்லும் ஓர் எச்சரிக்கைக் குறிப்பு …

“இந்த வகை சமையலுக்காக தாளிக்கறப்ப, அடுப்பை மிதமான தீயில வச்சுருக்கணும். அப்பதான் கடுகு, உளுத்தம்பருப்பு, சோம்பு மாதிரியான பொருட்கள் கருகாம பொரிஞ்சு வரும்.”

எண்ணெய் செலவுக்கு மட்டுமல்ல… மருத்துவச் செலவுக்கும் குட்பை சொல்வோமா?!

 *டயட் சாம்பார்*

 *தேவையானவை:*
 துவரம்பருப்பு – அரை கப், ஏதேனும் ஒரு வகை காய் (நறுக்கியது) – ஒரு கப், நறுக்கிய வெங்காயம் – 1, தக்காளி – 2, சாம்பார் பொடி – 2 டீஸ்பூன், புளி – 50 கிராம், மஞ்சள்தூள், பெருங்காயத்தூள், கடுகு, வெந்தயம், சீரகம் – தலா கால் டீஸ்பூன், உளுத்தம்பருப்பு – அரை டீஸ்பூன், கறிவேப்பிலை, கொத்தமல்லி – சிறிதளவு, உப்பு – தேவையான அளவு.

 *செய்முறை:* குக்கரில் துவரம்பருப்பு, மஞ்சள்தூள், தண்ணீர் சேர்த்து வேகவிட்டு, 3 விசில் வந்ததும் இறக்கவும். புளியை ஒரு கப் தண்ணீரில் ஊற வைத்து, கரைத்து, வடிகட்டவும். வெந்த பருப்புடன் நறுக்கிய காய், வெங்காயம், தக்காளி, சாம்பார் பொடி, புளிக் கரைசல், பெருங்காயத்தூள், உப்பு ஆகியவற்றை சேர்த்து, குக்கரை மூடி… 2 விசில் வந்ததும் இறக்கவும்.

வெறும் கடாயில் கடுகு, உளுத்தம்பருப்பு, சீரகம், வெந்தயம் சேர்த்து மிதமான தீயில் நன்கு பொரிய விட்டு, சாம்பாரில் சேர்க்கவும். நறுக்கிய கொத்தமல்லி, கறிவேப்பிலை தூவி இறக்கினால்… டயட் சாம்பார் ரெடி!

 *வாழைத்தண்டு கூட்டு*

 *தேவையானவை:* பாசிப்பருப்பு – அரை கப், வாழைத்தண்டு (மீடியம் சைஸ்) – ஒன்று, வெங்காயம் (நறுக்கிக் கொள்ளவும்) – 1, பச்சை மிளகாய் – 3, காய்ச்சிய பால் – கால் கப், சீரகம் – அரை டீஸ்பூன், பூண்டு – 2 பல், கறிவேப்பிலை – சிறிதளவு, உப்பு – தேவையான அளவு.

 *செய்முறை:* பாசிப்பருப்பை நன்கு வேக வைத்துக் கொள்ளவும். வாழைத்தண்டை நார் நீக்கி, பொடியாக நறுக்கவும். நறுக்கிய வாழைத்தண்டு, வெங்காயம், கீறிய பச்சை மிளகாய், உப்பு ஆகியவற்றை குக்கரில் சேர்த்து, ஒரு கப் தண்ணீர் ஊற்றி வேக வைத்து, 2 விசில் வந்ததும் இறக்கவும். ஆறியதும் திறந்து, அதனை வேக வைத்த பாசிப்பருப்புடன் சேர்த்து, சில நிமிடங்கள் கொதிக்க விடவும். பிறகு, நசுக்கிய பூண்டு, சீரகம், கறிவேப்பிலை, பால் சேர்த்துக் கிளறி பரிமாறவும்.

 *உசிலி*

 *தேவையானவை:* கடலைப்பருப்பு – முக்கால் கப், துவரம்பருப்பு – கால் கப், பச்சை மிளகாய் – 3, பெருங்காயத் தூள் – அரை டீஸ்பூன், எலுமிச்சைச் சாறு – ஒரு டேபிள்ஸ்பூன், ஏதாவது ஒரு வகை காய் (பொடியாக நறுக்கியது) – ஒரு கப், கடுகு – அரை டீஸ்பூன், உப்பு – தேவையான அளவு.

 *செய்முறை* : கடலைப்பருப்பு, துவரம்பருப்பு இரண்டையும் கலந்து, ஒரு மணி நேரம் ஊற விடவும். பிறகு, தண்ணீரை வடித்து, அவற்றுடன் பச்சை மிளகாய், உப்பு, பெருங்காயத்தூள் சேர்த்து, கொஞ்சம் கரகரப்பாக அரைக்கவும். அரைத்த மாவை உருண்டைகளாகப் பிடித்து, இட்லி பாத்திரத்தில் போட்டு 10-15 நிமிடம் வேக வைத்து, இறக்கவும். ஆறியதும், அந்த உருண்டைகளை, சிறு துண்டுகளாக்கி மிக்ஸியில் போட்டு ஒருமுறை சுற்றி எடுத்தால்… உதிராக வரும். நறுக்கிய காய்கறியுடன் உப்பு சேர்த்து (தேவைப்பட்டால்), குக்கரில் வேக விட்டு, ஒரு விசில் வந்ததும் இறக்கவும். உதிர்த்த பருப்புடன் வேக வைத்த காய்கறி, எலுமிச்சைச் சாறு சேர்த்து நன்கு கிளறவும். வெறும் கடாயில், கடுகு பொரித்து சேர்த்து, நன்கு கலந்து பரிமாறவும்.

 *கீரை மசியல்*

 *தேவையானவை:* அரைக்கீரை – ஒரு கட்டு, சின்ன வெங்காயம் – 5, பச்சை மிளகாய் – 1, பூண்டு – 5 பல், சீரகம் – அரை டீஸ்பூன், உப்பு – தேவையான அளவு.

 *செய்முறை* : கீரையை ஆய்ந்து, தண்ணீரில் அலசி சுத்தம் செய்து கொள்ளவும். ஆய்ந்த கீரையுடன் கொடுத்துள்ள எல்லாவற்றையும் சேர்த்து, தண்ணீர் விட்டு குக்கரில் வேக வைக்கவும். ஒரு விசில் வந்ததும் இறக்கவும். ஆறியதும், திறந்து நன்கு மசித்துப் பரிமாறவும். விருப்பப்பட்டால், வேக வைத்த பாசிப்பருப்பு கொஞ்சம் சேர்த்துக் கலந்தும் பரிமாறலாம்.

இதேபோல் முளைக்கீரை, சிறுகீரையிலும் செய்யலாம்.

 *பருப்பு ரசம்*

 *தேவையானவை:* துவரம்பருப்பு வேக வைத்த தண்ணீர் – ஒரு கப், புளிக் கரைசல் – கால் கப், தக்காளி – 2, மஞ்சள்தூள் – ஒரு சிட்டிகை, பெருங்காயத்தூள் – கால் டீஸ்பூன், கடுகு – வெந்தயம் – தலா கால் டீஸ்பூன், கறிவேப்பிலை, கொத்தமல்லி – சிறிதளவு, உப்பு – தேவையான அளவு.

 *பொடிக்க:* மிளகு, சீரகம் – தலா ஒன்றரை டீஸ்பூன், துவரம்பருப்பு – 2 டீஸ்பூன், காய்ந்த மிளகாய் – 2, பூண்டு – 3 பல்.

 *செய்முறை:* பாத்திரத்தில் துவரம்பருப்பு வேக வைத்த தண்ணீர், புளிக் கரைசல், பெருங்காயத்தூள், தக்காளி, மஞ்சள் தூள், உப்பு, சிறிதளவு தண்ணீர் சேர்த்து எல்லாவற்றையும் நன்றாகக் கலந்து… கொதிக்க விடவும். பொடிக்கக் கொடுத்துள்ள பொருட்களை நன்கு பொடிக்கவும். வெறும் கடாயை மிதமான தீயில் வைத்து கடுகு, வெந்தயம் சேர்த்து சிவக்கப் பொரித்து, துவரம்பருப்புத் தண்ணீர் கரைசலில் சேர்க்கவும். ஒரு கொதி வரும்போது, பொடித்த பொடியையும் சேர்க்கவும். கூடவே, கறிவேப்பிலை, கொத்தமல்லி சேர்த்து இறக்கிப் பரிமாற வும்.

 *வாழைக்காய் பொடிமாஸ்*

 *தேவையானவை* : வாழைக்காய் – ஒன்று, மஞ்சள்தூள் – கால் டீஸ்பூன், தேங்காய் துருவல் – ஒரு டேபிள்ஸ்பூன், கடுகு – ஒரு டீஸ்பூன், கறிவேப்பிலை – சிறிதளவு, உப்பு – தேவையான அளவு.

 *பொடிக்க* : உளுத்தம்பருப்பு, கடலைப்பருப்பு – தலா அரை டீஸ்பூன், காய்ந்த மிளகாய் – 2, சீரகம் – அரை டீஸ்பூன்.

 *செய்முறை:* வாழைக்காயை இரண்டாக நறுக்கி, வேக வைக்கவும். முக்கால் பதம் வெந்ததும் இறக்கவும். ஆற வைத்து, தோல் நீக்கி, துருவிக் கொள்ளவும். வெறும் கடாயில் பொடிக்க கொடுத்துள்ள பொருட்களை சிவக்க வறுத்து, மிக்ஸியில் கரகரப்பாகப் பொடிக்கவும். மிதமான தீயில் கடாயை வைத்து கடுகு போட்டு பொரித்து, கறிவேப்பிலை சேர்த்து… துருவிய வாழைக்காயை சேர்த்துக் கிளறவும். பொடித்த பொடி, மஞ்சள்தூள், தேங்காய் துருவல், உப்பு சேர்த்துக் கிளறி இறக்கவும்.

எண்ணெய் சேர்க்காததால், அடுப்பை ‘சிம்’மிலேயே வைத்து சமைக்கவும். விருப்பப்பட்டால், எலுமிச்சைச் சாறு சேர்க்கலாம்.

 *அவல் தோசை*

 *தேவையானவை* : பச்சரிசி – ஒன்றரை கப், புழுங்கல் அரிசி, அவல் – தலா அரை கப், உளுந்து – கால் கப், வெந்தயம் – அரை டீஸ்பூன், சர்க்கரை – ஒரு டீஸ்பூன், உப்பு – தேவையான அளவு.

 *செய்முறை* : பச்சரி, புழுங்கல் அரிசி, உளுந்து, வெந்தயம் ஆகியவற்றை ஒன்றாக ஊற வைக்கவும். அவலை தனியாக ஊற வைக்கவும். ஒரு மணி நேரம் நன்கு ஊறியதும், எல்லாவற்றையும் ஒன்றாக்கி, நைஸாக அரைத்து, உப்பு சேர்த்துப் புளிக்க விடவும். புளித்ததும், சர்க்கரை சேர்த்துக் கலக்கவும். மிதமான தீயில் தோசைக்கல்லை வைத்து, ஒரு கரண்டி மாவு விட்டு, ஊத்தப்பம் போல் வார்த்து மூடியால் மூடவும். வெந்ததும், திருப்பிப் போடாமல் அப்படியே எடுக்க… அவல் தோசை ரெடி! இதேபோல் ஒவ்வொரு அவல் தோசையையும் தயார் செய்யவும்.

 *இளந்தோசை*

 *தேவையானவை* : இட்லி மாவு – ஒரு கப், தண்ணீர் – சிறிதளவு.

 *செய்முறை* : இட்லி மாவுடன் சிறிதளவு தண்ணீர் சேர்த்து, தோசை மாவு பதத்தில் கலந்து கொள்ளவும். தோசைக்கல்லை மிதமான தீயில் வைத்து, தோசை மாவை விட்டு, மெல்லிய தோசையாக வார்க்கவும். பிறகு, மூடியால் மூடி வைத்து ஒரு நிமிடம் வேக விட்டு எடுக்கவும். இதேபோல், ஒவ்வொரு தோசைகளாக வார்த்தெடுக்கவும்.

இந்த தோசைகள், வெள்ளை நிறம் மாறாமல் மிக மெல்லியதாக இருக்கும்.

 *பொடி இட்லி*

 *தேவையானவை* : இட்லி மாவு – 2 கப், இட்லி மிளகாய்ப் பொடி – 3 டேபிள்ஸ்பூன், கடுகு – கால் டீஸ்பூன், கறிவேப்பிலை – சிறிதளவு, உப்பு – சிறிதளவு.

 *செய்முறை:* இட்லி மாவில், மினி இட்லிகளை தயார் செய்து கொள்ளவும். வெறும் கடாயை மிதமான தீயில் வைத்து, கடுகு போட்டு பொரிக்கவும். பிறகு, பொடியாக நறுக்கிய கறிவேப்பிலையைப் போட்டு வறுக்கவும். இட்லி மிளகாய்ப் பொடியுடன் சிறிதளவு உப்பு சேர்த்து ஒரு பாத்திரத்தில் போட்டு… தண்ணீர் விட்டுக் குழைத்து, மினி இட்லிகளைப் சேர்த்துப் புரட்டி எடுக்கவும். பொரித்த கடுகு, கறிவேப்பிலை சேர்த்து, நன்கு கலந்து பரிமாறவும்.

 *தயிர் சாண்ட்விச்*

 *தேவையானவை:* பிரெட் ஸ்லைஸ் – 10, புளிக்காத தயிர் – ஒரு கப், வெள்ளரிக்காய், தக்காளி – தலா 1, புதினா, பச்சை மிளகாய், உப்பு சேர்த்து அரைத்த சட்னி – 3 டேபிள்ஸ்பூன், சாட் மசாலா, சீரகத்தூள் – தலா அரை டீஸ்பூன், உப்பு – தேவையான அளவு.

 *செய்முறை:* வெள்ளரிக்காய், தக்காளியை மெல்லிய வட்டமான துண்டுகளாக நறுக்கவும். பிரெட் ஸ்லைஸின் ஓரங்களை நறுக்கவும். ஒரு பிரெட் ஸ்லைஸின் மீது, புதினா – பச்சை மிளகாய் சட்னியைப் பரவலாகத் தடவவும். பிறகு, நறுக்கிய வெள்ளரி, தக்காளித் துண்டுகளை அதன் மேல் வைத்து, மற்றொரு ஸலைஸால் மூடவும். இதேபோல் எல்லா பிரெட் ஸ்லைஸ்களையும் தயார் செய்து கொள்ளவும். தயிருடன், உப்பு சேர்த்து நன்கு கலந்து தயார் செய்து வைத்துள்ள ஸ்லைகள் மேல் கொஞ்சம் கொஞ்சமாக விட்டு, சாட் மசாலா, சீரகத்தூள் தூவி பரிமாறவும்.

 *மல்டி வெஜிடபிள் குழம்பு*

 *தேவையானவை:* நறுக்கிய பரங்கிக்காய், கத்திரிக்காய், அவரை, காராமணி, மொச்சை, வாழை, முருங்கைக்காய் கலவை – 2 கப், வேக வைத்த துவரம்பருப்பு – கால் கப், சின்ன வெங்காயம் – 15, பூண்டு – 8 பல், புளி – 50 கிராம், தக்காளி – 4, மிளகாய்த்தூள் – 2 டீஸ்பூன், தனியாத்தூள் – ஒரு டீஸ்பூன், மஞ்சள்தூள் – அரை டீஸ்பூன், கடுகு, சீரகம், சோம்பு – தலா கால் டீஸ்பூன், வெந்த யம் – அரை டீஸ்பூன். கறிவேப்பிலை, கொத்தமல்லி – சிறிதளவு, உப்பு – தேவையான அளவு.

 *செய்முறை:* சின்ன வெங்காயம், பூண்டை தோலுரித்து, நசுக்கிக் கொள்ளவும். புளியை ஊற வைத்து கரைத்து, வடிகட்டவும். பிறகு புளிக் கரைசலை கொதிக்க விடவும். கொதிக்க ஆரம்பித்த தும், தோல் உரித்த சின்ன வெங்காயம், பூண்டு, தக்காளி, நறுக்கிய காய்கறி கலவையைச் சேர்த் துக் கலக்கவும். அடுப்பை மிதமான தீயில் வைத்து மிளகாய்த்தூள், தனியாத்தூள், மஞ்சள்தூள், உப்பு சேர்த்து நன்கு கலந்து… காய் வேகும் வரை கொதிக்க விடவும்.

வெறும் கடாயில் கடுகு போட்டு பொரிந்ததும், சீரகம், சோம்பு, வெந்தயம் சேர்த்து வறுத்து, குழம்பில் சேர்க்கவும். வேக வைத்த துவரம்பருப்பை சேர்த்துக் கலந்து, கறிவேப்பிலை, நறுக்கிய கொத்தமல்லி சேர்த்து இறக்கவும்.

 *வெஜ் சூப்*

 *தேவையானவை* : பொடியாக நறுக்கிய கேரட், பீன்ஸ், காலிஃப்ளவர், முட்டைகோஸ் – ஒரு கப், வெங்காயம் – ஒன்று, இஞ்சி-பூண்டு விழுது – ஒரு டீஸ்பூன், சோள மாவு – 3 டீஸ்பூன், மிளகுத்தூள் – ஒரு டீஸ்பூன், கொத்தமல்லி – சிறிதளவு, சர்க்கரை – அரை டீஸ்பூன், உப்பு – தேவையான அளவு.

 *செய்முறை:* பாத்திரத்தில் மூன்று கப் தண்ணீர் விட்டுக் கொதிக்க வைக்கவும். கொதித்ததும், பொடியாக நறுக்கிய காய்கறிகள், நறுக்கிய வெங்காயம், இஞ்சி-பூண்டு விழுது, மிளகுத்தூள், உப்பு, சர்க்கரை சேர்க்கவும். காய்கள் வேகும் வரை கொதிக்க விடவும். சோள மாவை கால் கப் தண்ணீரில் கரைத்து அதில் விடவும். பிறகு, நறுக்கிய கொத்தமல்லி சேர்த்துக் கலந்து இறக்கி… சூடாகப் பரிமாறவும்.

 *மசாலா சென்னா*

 *தேவையானவை:* வெள்ளை சென்னா – ஒரு கப், மிளகாய்த்தூள், சீரகத்தூள் – தலா அரை டீஸ்பூன், மிளகுத்தூள் – ஒரு சிட்டிகை, சாட் மசாலா – ஒரு டீஸ்பூன், மாங்காய்த்தூள் (டிபார்ட்மென்ட் ஸ்டோர்களில் கிடைக்கும்) – கால் டீஸ்பூன், பொடித்த வெல்லம் – ஒரு டீஸ்பூன், நறுக்கிய கொத்தமல்லி – சிறிதளவு, உப்பு – தேவையான அளவு.

 *செய்முறை* : சென்னாவை 6-8 மணி நேரம் ஊற வைக்கவும். ஊற வைத்த சென்னாவுடன் உப்பு சேர்த்து குக்கரில் வேகவிட்டு, 3 விசில் வந்ததும் இறக்கவும். ஆறியதும், மூடியைத் திறந்து, தண்ணீரை வடிக்கவும். கொடுத்துள்ள எல்லாப் பொருட்களையும் ஒவ்வொன்றாகச் சேர்த்து, நன்கு கலக்க… மசாலா சென்னா தயார்!

 *செட்டிநாட்டு பருப்புத் துவையல்*

 *தேவையானவை:* துவரம்பருப்பு அல்லது பாசிப்பருப்பு – கால் கப், காய்ந்த மிளகாய் – 2, புளி – கொட்டைப்பாக்களவு, தேங்காய் துருவல் – ஒரு டீஸ்பூன், பூண்டு – 2 பல், உப்பு – தேவையான அளவு.

 *செய்முறை:* வெறும் கடாயில், பருப்பை பொன்நிறமாக வறுக்கவும். பிறகு, காய்ந்த மிளகாய் சேர்த்து வறுக்கவும். ஆறியதும், புளி, தேங்காய் துருவல். உப்பு ஆகியவற்றைச் சேர்த்து, மிக்ஸியில் போட்டு கொஞ்சம் தண்ணீர் விட்டு கெட்டியாகவும், கரகரப்பாகவும் அரைக்கவும். கடைசி யாக, பூண்டு சேர்த்து ஒருமுறை சுற்றி எடுக்க… செட்டிநாட்டு பருப்புத் துவையல் ரெடி!

 *பருப்பு சாதம்*

 *தேவையானவை* : பாசுமதி அரிசி – ஒரு கப், துவரம்பருப்பு – அரை கப், தக்காளி – 2, மஞ்சள்தூள் – கால் டீஸ்பூன், பூண்டு – 8 பல், சீரகம் – ஒரு டீஸ்பூன், உப்பு – தேவையான அளவு.

 *செய்முறை:* பாத்திரத்தில் தண்ணீர் விட்டுக் கொதிக்க விடவும். கொதித்ததும், கழுவிய துவரம்பருப்பு, நறுக்கிய தக்காளி, மஞ்சள் தூள் சேர்த்து நன்கு வேக விடவும். பிறகு, அரிசி, தோலுரித்து நசுக்கிய பூண்டு, சீரகம், உப்பு சேர்த்து குழைய வேக வைத்து இறக்கவும்.

இதற்கு மோர்க்குழம்பு, பொடிமாஸ் சிறந்த சைட் டிஷ்.

 *கலவைக்காய் குருமா*

 *தேவையானவை:* பொடியாக நறுக்கிய கேரட், பீன்ஸ், காலிஃப்ளவர், முட்டைகோஸ் கலவை – 2 கப், உப்பு – தேவையான அளவு.

 *அரைக்க:* தேங்காய் துருவல் – கால் கப், பாதாம் – 10, பொட்டுக்கடலை – ஒரு டேபிள்ஸ்பூன், பச்சை மிளகாய் – 4, பூண்டு – 2 பல், இஞ்சி – ஒரு சிறிய துண்டு, சோம்பு – கால் டீஸ்பூன், ஏலக்காய், பட்டை, கிராம்பு – தலா ஒன்று.

 *செய்முறை* : நறுக்கிய காய்கறிகளுடன் உப்பு சேர்த்து குக்கரில் வேகவிட்டு, 2 விசில் வந்ததும் இறக்கவும். அரைக்கக் கொடுத்துள்ள பொருட்களை ஒரு கடாயில் சேர்த்து, மிதமான தீயில் நன்கு வதக்கி இறக்கவும். ஆறியதும், மிக்ஸியில் போட்டு நைஸாக அரைத்து… வேக வைத்த காய்கறி கலவையுடன் சேர்த்துக் கலக்கி கொதிக்க விடவும். எல்லாம் ஒன்றாகக் கலந்து ஒருமுறை கொதித்ததும் இறக்கிப் பரிமாறவும்.

 *காய்கறி போளி*

 *தேவையானவை:* கேரட் துருவல் – கால் கப், வேக வைத்து மசித்த உருளைக்கிழங்கு – அரை கப், முள்ளங்கி, முட்டைகோஸ் துருவல் (கலந்தது) – கால் கப், கோதுமை மாவு – ஒன்றரை கப், பால் – அரை கப், பட்டை – 2 துண்டு, சோம்பு – அரை டீஸ்பூன், மிளகாய்த்தூள் – ஒரு டீஸ்பூன், எலுமிச்சைச் சாறு – 2 டீஸ்பூன், நறுக்கிய கொத்தமல்லி – சிறிதளவு, உப்பு – தேவையான அளவு.

 *செய்முறை* : ஒரு பாத் திரத்தில் கேரட், முள்ளங்கி, முட்டை கோஸ் துருவலுடன் உப்பு சேர்த்து நன்கு கலந்து… அந்தக் கலவையை அழுத்தி வைக்கவும். 10 நிமிடம் கழித்து அதனை எடுத்து, மசித்த உருளைக் கிழங்கு, பட்டை, சோம்பு, மிளகாய்த்தூள், எலுமிச்சைச் சாறு, நறுக்கிய கொத்த மல்லி, உப்பு சேர்த்து நன்கு பிசைந்து கொள்ளவும்.

கோதுமை மாவுடன் பால், உப்பு சேர்த்து சிறிதளவு தண்ணீர் விட்டு மிருதுவாகப் பிசைந்து கொள்ளவும். பிசைந்த மாவிலிருந்து கொஞ்சம் எடுத்து… உருட்டிக் கிண்ணம் போல் செய்து, அதனுள் காய்கறி கலவையை வைத்து மூடவும். அதனை சப்பாத்திக் கல்லில் இட்டு, சற்று கனமாகத் தேய்க்கவும். இதேபோல் ஒவ்வொன்றையும் தேய்த்து தயார் செய்து கொள்ளவும். அவற்றை தோசைக்கல்லில் போட்டு, மிதமான தீயில் சுட்டெடுக்கவும்.

 *பனீர் டிக்கா*

 *தேவையானவை* : பனீர் – 200 கிராம், இஞ்சி-பூண்டு விழுது – 2 டீஸ்பூன், மிளகாய்த்தூள், சீரகத்தூள் – தலா ஒரு டீஸ்பூன், கரம் மசாலாத்தூள் – அரை டீஸ்பூன், எலுமிச்சைச் சாறு – 2 டேபிள்ஸ்பூன், காய்ந்த வெந்தயக்கீரை (டிபார்ட்மென்ட் ஸ்டோர்களில் கிடைக்கும்) – 2 டீஸ்பூன், உப்பு – தேவையான அளவு.

 *செய்முறை* : பனீரை, மீடியம் சைஸ் சதுரத் துண்டுகளாக நறுக்கவும். அதனுடன், கொடுத்துள்ள மற்ற பொருட்களை ஒவ்வொன்றாகச் சேர்த்து, நன்கு கலந்து… 2-3 மணி நேரம் ஊற வைக்கவும். மிதமான தீயில் தோசைக்கல்லை வைத்து, 4-5 பனீர் கலவை துண்டுகளைப் போட்டு, இருபுறமும் திருப்பி எடுக்க… பனீர் டிக்கா ரெடி!

 *பாலக் பனீர்*

 *தேவையானவை* : பாலக் கீரை (அ) பசலைக் கீரை, வெந்தயக் கீரை – தலா ஒரு கட்டு, பனீர் – 200 கிராம், பச்சை மிளகாய் – ஒன்று, பூண்டு – 2 பல், உப்பு – தேவையான அளவு.

 *செய்முறை* : கீரைகளை ஆய்ந்து, அலசிக் கொள்ளவும். அதனுடன் பச்சை மிளகாய், தோலுரித்த பூண்டு சேர்த்து வேக வைக்கவும். வெந்ததும், உப்பு சேர்த்துக் கலந்து நன்கு மசித்துக் கொள்ளவும். நறுக்கிய பனீர் துண்டுகளைச் சேர்த்து ஒருமுறை லேசாகக் கொதிக்க வைத்து இறக்கவும்.

 *காலிஃப்ளவர் மசாலா*

 *தேவையானவை* : காலிஃப்ளவர் – 1, வெங்காயம் – 1, தக்காளி – 2, இஞ்சி-பூண்டு விழுது – ஒரு டீஸ்பூன், மிளகாய்த்தூள் – ஒன்றரை டீஸ்பூன், சோம்புத்தூள் – அரை டீஸ்பூன், அரைத்த தேங்காய் விழுது – 2 டேபிள்ஸ்பூன், கறிவேப்பிலை – சிறிதளவு, உப்பு – தேவையான அளவு.

 *செய்முறை:* காலிஃப்ளவரை துண்டுகளாக நறுக்கவும். தண்ணீரில் கொஞ்சம் உப்பு சேர்த்து, அதில் நறுக்கிய காலிஃப்ளவரை நன்கு கழுவவும். வெங்காயம், தக்காளியைப் பொடியாக நறுக்கவும். நறுக்கிய காலிஃப்ளவர், நறுக்கிய வெங்காயம், தக்காளியை கடாயில் சேர்த்து வேகவிடவும். சில நிமிடங்கள் கழித்து, இஞ்சி-பூண்டு விழுது, மிளகாய்த்தூள், சோம்புத்தூள், தேங்காய் விழுது, கறிவேப்பிலை, உப்பு சேர்த்துக் கிளறவும். கிரேவி பதம் வந்ததும் இறக்கவும்.

 *மினி ரவா இட்லி*

 *தேவையானவை:* ரவை, புளிக்காத தயிர் – தலா ஒரு கப், சேமியா – 1 டேபிள்ஸ்பூன், ஃப்ரூட் சால்ட், மிளகுத்தூள், சீரகத்தூள் – தலா ஒரு டீஸ்பூன், பெருங்காயத்தூள் – கால் டீஸ்பூன், பச்சை மிளகாய், இஞ்சி விழுது – அரை டீஸ்பூன், கடுகு – கால் டீஸ்பூன், உளுந்து, கடலைப்பருப்பு – தலா ஒரு டீஸ்பூன், நறுக்கிய கொத்தமல்லி – சிறிதளவு, உப்பு – தேவையான அளவு.

 *செய்முறை:* வெறும் கடாயில் கடுகு சேர்த்து பொரிக்கவும். பிறகு உளுந்து, கடலைப்பருப்பு சேர்த்து வறுத்து, ரவை சேர்த்து சிவக்க வறுத்தெடுக்கவும். ஆறியதும், ஃப்ரூட் சால்ட் நீங்கலாக மற்றவற்றை எல்லாப் பொருட்களையும் சேர்த்து நன்கு கலந்து கொள்ளவும். அந்த ரவைக் கலவையில் தண்ணீர் விட்டு, இட்லி மாவு பதத்தில் கரைத்துக் கொள்ளவும். இட்லி பானையில் தண்ணீர் விட்டு, சூடாகும் நேரத்தில், ரவை மாவில் ஃப்ரூட் சால்ட் சேர்த்து அதன் மேல் கொஞ்சம் தண்ணீர் விட, அது பொங்கி வரும். மாவை மீண்டும் நன்கு கலந்து, மினி இட்லிகளாக சுட்டெடுக்கவும்.

 *முட்டைகோஸ் ரொட்டி*

 *தேவையானவை* : கோதுமை மாவு – 2 கப், காய்ச்சிய பால் – அரை கப், உப்பு – அரை டீஸ்பூன்.

ஸ்டஃப் செய்வதற்கு: முட்டைகோஸ் துருவல் – அரை கப், வெங்காயத் துருவல், கேரட் துருவல், பொடியாக நறுக்கிய பசலைக் கீரை – தலா கால் கப், எலுமிச்சைச் சாறு – 2 டீஸ்பூன், பொடியாக நறுக்கிய கொத்தமல்லி – சிறிதளவு, கரம் மசாலாத்தூள், மிளகாய்த்தூள் – தலா ஒரு டீஸ்பூன், உப்பு – சிறிதளவு.

 *செய்முறை* : கோதுமை மாவுடன் பால், உப்பு, தண்ணீர் விட்டு மிருதுவாகப் பிசையவும். முட்டைகோஸ் துருவல், கேரட் துருவல், வெங்காயத் துருவல், பசலைக் கீரை ஆகியவற்றுடன் உப்பு சேர்த்துப் பிசறி வைக்கவும். 10 நிமிடம் கழித்து காய்கறிக் கலவையை பிழிந்து கொள்ளவும். அதனுடன் உப்பு, எலுமிச்சைச் சாறு, நறுக்கிய கொத்தமல்லி, மிளகாய்த்தூள், கரம் மசாலாத்தூள் சேர்த்து நன்கு கலந்து கொள்ள… காய்கறி பூரணம் ரெடி!

பிசைந்த மாவில், கொஞ்சம் மாவை எடுத்து கிண்ணம் போல் செய்து… அதனுள் பூரணம் வைத்து மூடவும். இதேபோல் ஒவ்வொரு ரொட்டியையும் தயார் செய்யவும். அவற்றை சப்பாத்திக் கல்லில் இட்டு சற்று கனமாகத் தேய்த்துக் கொள்ளவும். தோசைக்கல்லை மிதமான தீயில் வைத்து தேய்த்த ரொட்டியை சுட்டெடுக்கவும்.

 *கிரீன் கொழுக்கட்டை*

 *தேவையானவை:* அரிசி மாவு – ஒரு கப், தேங்காய்ப் பால் – ஒரு கப். உப்பு – தேவையான அளவு

 *அரைக்க* : நறுக்கிய கொத்தமல்லி, புதினா – சிறிதளவு, இஞ்சி – ஒரு துண்டு, பூண்டு – 2 பல், பச்சை மிளகாய் – 1.

 *செய்முறை* : அரைக்கக் கொடுத்துள்ள பொருட் களை மிக்ஸியில் போட்டு நைஸாக அரைத்துக் கொள்ளவும். அரைத்த விழுதை, தேங்காய் பாலில் கரைத்து வடிகட்டவும். அந்தப் பாலை அடுப்பில் வைத்து சூடாக்க… நுரை கட்டி வரும். அப்போது அரிசி மாவைக் கொட்டி, உப்பு சேர்த்து கட்டியில்லாமல் கிளறி இறக்கவும். அதிலிருந்து, கொஞ்சம் மாவு எடுத்து சிறு உருண்டைகளாக உருட்டி… ஆவியில் வேக வைக்க, கொழுக்கட்டை ரெடி!

 *வாழைத்தண்டு கோசம்பரி*

 *தேவையானவை* : பொடியாக நறுக்கிய வாழைத்தண்டு – அரை கப், பொடியாக நறுக்கிய வெள்ளரிக்காய், தக்காளி, குடமிளகாய், கொத்தமல்லி – தலா கால் கப், தேங்காய் துருவல் – கால் கப், வேக வைத்த சென்னா (அ) ஸ்வீட் கார்ன் – அரை கப், எலுமிச்சைச் சாறு – 2 டேபிள்ஸ்பூன், சர்க்கரை – 2 டீஸ்பூன், மிளகுத்தூள் – 1 டீஸ்பூன், மாதுளம் முத்துக்கள் – கால் கப், உப்பு – தேவையான அளவு.

 *செய்முறை* : நறுக்கிய வாழைத்தண்டை 5 நிமிடம் ஆவியில் வேக வைக்கவும். ஆறியதும், கொடுத்துள்ள எல்லா பொருட்களையும் ஒவ்வொன்றாக சேர்த்து நன்றாகக் கலந்து பரிமாறவும்.

எளியமையான இந்த ரெசிபி, உடல் எடையைக் கட்டுப்படுத்தும்.

 *பேங்கன் கூட்டு*

 *தேவையானவை:* பாசிப்பருப்பு – அரை கப், கத்திரிக்காய் – 5, உருளைக்கிழங்கு, வெங்காயம் – தலா 1, தக்காளி, பச்சை மிளகாய் – தலா 2, மிளகாய்த்தூள் – ஒரு டீஸ்பூன், புளி – பெரிய நெல்லிக்காய் அளவு, மஞ்சள்தூள் – ஒரு சிட்டிகை, கடுகு, சோம்பு – தலா கால் டீஸ்பூன், உளுத்தம்பருப்பு – அரை டீஸ்பூன், நறுக்கிய கொத்தமல்லி, கறிவேப்பிலை – சிறிதளவு, உப்பு – தேவையான அளவு.

 *செய்முறை* : பாத்திரத்தில் பாசிப்பருப்புடன் மஞ்சள்தூள் சேர்த்து வேக வைக்கவும். முக்கால் பதம் வெந்ததும், நறுக்கிய வெங்காயம், தக்காளி, உருளைக்கிழங்கு, கத்திரிக்காய், மிளகாய்த்தூள், கீறிய பச்சை மிளகாய், உப்பு சேர்க்கவும். இவை எல்லாம் ஒன்றாகக் கலந்து நன்கு வெந்ததும், புளிக் கரைசல், நறுக்கிய கொத்தமல்லி, கறிவேப்பிலை சேர்த்து, ஐந்து நிமிடங்கள் மிதமான தீயில் கொதிக்க விடவும். பிறகு, வெறும் கடாயில் கடுகு, உளுத்தம்பருப்பு, சோம்பு தாளித்து சேர்த்துப் பரிமாறவும்.

 *தால் இட்லி*

 *தேவையானவை:* துவரம்பருப்பு – அரை கப், உளுத்தம்பருப்பு, பாசிப்பருப்பு – தலா ஒரு டேபிள்ஸ்பூன், புழுங்கல் அரிசி – 2 டேபிள்ஸ்பூன், காய்ந்த மிளகாய் – 4, தேங்காய் துருவல், கேரட் துருவல் – தலா ஒரு டீஸ்பூன், பெருங்காயத்தூள் – ஒரு சிட்டிகை, உப்பு – தேவையான அளவு.

 *செய்முறை* : மூன்று வகை பருப்புகள், புழுங்கல் அரிசி எல்லாவற்றையும் ஒன்றாக்கி, ஒரு மணி நேரம் ஊற வைக்கவும். பிறகு, தண்ணீரை வடித்து காய்ந்த மிளகாய், பெருங்காயத்தூள், உப்பு சேர்த்து கரகரப்பாக இட்லி மாவு பதத்தில் அரைக்கவும். அரைத்த மாவுடன், தேங்காய் துருவல், கேரட் துருவல் சேர்த்து நன்கு கலந்து கொள்ளவும். இந்த மாவை, இட்லித் தட்டுகளில் விட்டு இட்லிகளாக வேக வைத்து, சூடாகப் பரிமாறவும்.

இதற்கு கார சட்னி சிறந்த காம்பினேஷன்.

 *இட்லி சாம்பார்*

 *தேவையானவை* : பாசிப்பருப்பு – அரை கப், வெங்காயம், தக்காளி – தலா ஒன்று, மஞ்சள்தூள் – ஒரு சிட்டிகை, எலுமிச்சைச் சாறு – ஒரு டேபிள்ஸ்பூன், கடுகு – கால் டீஸ்பூன், உளுத்தம்பருப்பு – அரை டீஸ்பூன், பெருங்காயத்தூள் – சிறிதளவு, நறுக்கிய கொத்தமல்லி, கறிவேப்பிலை – சிறிதளவு, உப்பு – தேவையான அளவு.

 *அரைக்க:* உளுத்தம்பருப்பு – ஒரு டீஸ்பூன், பொட்டுக்கடலை – 2 டீஸ்பூன், சீரகம் – அரை டீஸ்பூன், பச்சை மிளகாய் – 3, தேங்காய் துருவல் – ஒரு டேபிள்ஸ்பூன்.

 *செய்முறை* : பாசிப்பருப்பு, மஞ்சள்தூள், பெருங்காயத்தூள், நறுக்கிய வெங்காயம், தக்காளியை பாத்திரத்தில் போட்டு, தண்ணீர் விட்டு உப்பு சேர்த்து நன்கு வேகவிடவும். வெறும் கடாயில் மிதமான தீயில், அரைக்கக் கொடுத்துள்ள பொருட்களை சேர்த்து வதக்கி, ஆறியதும் அரைக்கவும். அரைத்த விழுதை, பருப்புக் கலவையுடன் சேர்த்துக் கலந்து நறுக்கிய கொத்தமல்லி, கறிவேப்பிலை சேர்த்து… ஒரு கொதி வந்ததும் இறக்கவும். வெறும் கடாயில் கடுகு, உளுத்தம்பருப்பு தாளித்துக் கொட்டி, எலுமிச்சைச் சாறு சேர்த்துக் கலந்து பரிமாறவும்.

 *மோர்க்குழம்பு*

 *தேவையானவை:* புளிப்பில்லாத தயிர் – ஒரு கப், பொட்டுக்கடலை மாவு – 3 டீஸ்பூன், மஞ்சள்தூள் – ஒரு சிட்டிகை, பெருங்காயத்தூள் – கால் டீஸ்பூன், கடுகு, வெந்தயம், ஓமம் – தலா கால் டீஸ்பூன், பச்சை மிளகாய் – 3, உப்பு – தேவையான அளவு.

 *செய்முறை* : தயிரை நன்கு கடைந்து, கொஞ்சம் தண்ணீர், மஞ்சள் தூள், பெருங்காயத்தூள், உப்பு, பொட்டுக்கடலை மாவு சேர்த்துக் கரைக்கவும். வெறும் கடாயில், கடுகு, வெந்தயம், ஓமம், கீறிய பச்சை மிளகாய் சேர்த்துத் தாளிக்கவும். பிறகு, மோர்கலவையை சேர்த்து.. கிளறியவாறே இரண்டு நிமிடம் கொதிக்க வைத்து இறக்கவும்.

ஏதாவது காய்கள் சேர்ப்பதாக இருந்தால் தனியே வேக வைத்து சேர்க்கவும்.

 *மல்டி பருப்பு சாம்பார்*

 *தேவையானவை:* துவரம்பருப்பு – அரை கப், கடலைப்பருப்பு – கால் கப், ஏதாவது ஒரு காய் (நறுக்கியது) – ஒரு கப், புளி – பெரிய நெல்லிக்காய் அளவு, தக்காளி – 2, வெங்காயம் – 1, மஞ்சள்தூள் – ஒரு சிட்டிகை, கடுகு – கால் டீஸ்பூன், பெருங்காயம் – தேவையான அளவு, உளுத்தம்பருப்பு – அரை டீஸ்பூன், நறுக்கிய கறிவேப்பிலை, கொத்தமல்லி – சிறிதளவு, உப்பு – தேவையான அளவு.

 *வறுத்துப் பொடிக்க:* தனியா – ஒன்றரை டேபிள்ஸ்பூன், உளுத்தம்பருப்பு – கடலைப்பருப்பு – தலா 2 டீஸ்பூன், காய்ந்த மிளகாய் – 6, வெந்தயம், சீரகம் – தலா அரை டீஸ்பூன்.

 *செய்முறை* : பொடிக்கக் கொடுத்துள்ள பொருட்களை வெறும் கடாயில் சேர்த்து வறுத்து, ஆறியதும் மிக்ஸியில் பொடிக்கவும். பாத்திரத்தில் தண்ணீர் விட்டு, கொதித்ததும்… துவரம்பருப்பு, கடலைப்பருப்பு, மஞ்சள்தூள் சேர்த்து வேகவிடவும். பாதி பதத்தில் வெந்ததும் நறுக்கிய வெங்காயம், தக்காளி, காய்கறி சேர்த்துக் குழைய வேகவிடவும். பிறகு, புளிக் கரைசல் விட்டுக் கலந்து கொதிக்க விடவும். பச்சை வாசனை போனதும், வறுத்துப் பொடித்த பொடியை சேர்க்கவும். பெருங்காயம், உப்பு சேர்த்து ஐந்து நிமிடங்கள் கொதிக்க விட்டு, நறுக்கிய கறிவேப்பிலை, கொத்தமல்லி சேர்க்கவும். வெறும் கடாயில் கடுகு, உளுத்தம்பருப்பு தாளித்துக் கொட்டி இறக்கவும்.

இந்த சாம்பார்… சர்க்கரை, ரத்த அழுத்தம் உள்ளவர்களுக்கு ஏற்றது.

 *பாசிப்பருப்பு டோக்ளா*

 *தேவையானவை:* பாசிப்பருப்பு – ஒரு கப், கடலை மாவு – ஒரு டேபிள்ஸ்பூன், தயிர் – கால் கப், பச்சை மிளகாய் விழுது – 2 டீஸ்பூன், சீரகத்தூள் – ஒரு டீஸ்பூன், ஃப்ரூட் சால்ட் (டிபார்ட்மென்ட் ஸ்டோர்களில் கிடைக்கும்) – 2 டீஸ்பூன், கேரட் துருவல் – ஒரு டேபிள்ஸ்பூன், நறுக்கிய கொத்தமல்லி – சிறிதளவு, உப்பு – தேவையான அளவு.

 *செய்முறை* : பாசிப்பருப்பை ஒரு மணி நேரம் ஊற வைத்து, கரகரப்பாக அரைக்கவும். அரைத்த மாவுடன் கடலை மாவு, தயிர், பச்சை மிளகாய் விழுது, சீரகத்தூள், உப்பு, கேரட் துருவல், நறுக்கிய கொத்தமல்லி சேர்த்து இட்லிமாவு பதத்தில் கலந்து கொள்ளவும். இட்லி பாத்திரத்தில் தண்ணீர் வைத்து சூடானதும், கலந்து வைத்துள்ள மாவில்… ஃப்ரூட் சால்ட் சேர்த்து, அதன் மேல் கால் கப் தண்ணீர் விட, உடனே அது பொங்கி வரும். அதன் பிறகு, மாவை நன்கு கலக்கவும். இட்லித்தட்டில், ஒரு சொட்டு எண்ணெய் விட்டுத் தடவி, அதில் மாவை விட்டு வேகவைத்து இறக்கவும்.

ஆறியதும், துண்டுகளாக நறுக்கி, தேங்காய் சட்னி, காரச் சட்னியுடன் பரிமாறவும்.

 *நன்றி:- சமையல் கலை நிபுணர் ரேவதி சண்முகம்*

இந்த பதிவில் எண்ணெய் இல்லா சமையல் குறிப்பை பயன்படுத்தி இருக்கிறார்கள் மிகப்பெரிய சமையல் ரகசியம் மறைந்துள்ளது கண்டறியுங்கள் பார்ப்போம்

சாப்பிடும் முறைகள்

வியாழன், 15 ஆகஸ்ட், 2019

30 வகை எடை குறைப்பு உணவுகள்


30 வகை எடை குறைப்பு உணவுகள்

இன்றைய சூழ்நிலையில் இயந்திரங்களின் பெருக்கத்தால் உடல்_உழைப்பு குறைந்துவருகிறது.

இதன் விளைவாக `ஒபிசிட்டி’ எனும் உடல் பருமன் அனைத்து வயதினரையும் தாக்குகிறது. உடல்பருமனில் இருந்து விடுபட்டு, உடல் ஆரோக்கியத்தைப் பாதுகாக்க... சத்துமிக்க, அதேசமயம் குறைந்த கலோரிகள்கொண்ட உணவு வகைகளை உட்கொள்ள வேண்டியது அவசியம். இதைக் கருத்தில்கொண்டு, ஓசூரைச் சேர்ந்த சமையல் கலைஞர் எஸ்.சாந்தி எடை குறைப்பு உணவு வகைகளை இங்கே வழங்குகிறார்.

★சிறுதானிய பிரெட் சாண்ட்விச்

தேவையானவை:

சிறுதானிய பிரெட் ஸ்லைஸ்கள் - தேவையான அளவு, வெங்காயம் - ஒன்று (துருவவும்), முளைகட்டிய பச்சைப் பயறு - அரை கப், தக்காளி - ஒன்று (பொடியாக நறுக்கவும்), பொடியாக நறுக்கிய புதினா, கொத்தமல்லித்தழை (சேர்த்து) -  ஒரு கைப்பிடியளவு,  பச்சை மிளகாய், புதினா, கொத்தமல்லித்தழை, தோல் சீவிய இஞ்சி சேர்த்து அரைத்த விழுது - ஒரு டேபிள்ஸ்பூன்,  மிளகு - சீரகத்தூள் - கால் டீஸ்பூன், இந்துப்பு - கால் டீஸ்பூன், ஆலிவ் எண்ணெய் - கால் டீஸ்பூன்.

செய்முறை:

முளைகட்டிய பயறுடன் தக்காளி, புதினா, கொத்தமல்லித்தழை, வெங்காயம், இந்துப்பு, மிளகு - சீரகத்தூள், ஆலிவ் எண்ணெய் சேர்த்துக் கலக்கவும். தோசைக்கல்லைக் காயவைத்து பிரெட் ஸ்லைஸ்களை டோஸ்ட் செய்து எடுக்கவும். அதன்மீது அரைத்த விழுதைத் தடவவும். பிறகு, சிறிதளவு பயறு கலவையைப் பரப்பி மேலே மற்றொரு பிரெட் ஸ்லைஸ் வைத்து மூடி, மீண்டும் தோசைக்கல்லில் போட்டு இருபுறமும் டோஸ்ட் செய்து எடுக்கவும். இதை பிரெட் டோஸ்டரிலும் செய்யலாம்.

பயன்:

காலை உணவாக உண்ணும்போது அன்றைய நாள் முழுவதற்கும் தேவையான ஊட்டச்சத்துகள் கிடைக்கும்.

★புதினா - கொத்தமல்லி மணப்பாகு

*தேவையானவை:

புதினா, கொத்தமல்லித்தழை -  தலா ஒரு கட்டு (ஆய்ந்து எடுக்கவும்), துருவிய வெல்லம் - ஒரு கப், தோல் சீவிய இஞ்சி - ஒரு இஞ்ச் துண்டு, எலுமிச்சைப்பழம் - 2 (சாறு பிழியவும்), இந்துப்பு - கால் டீஸ்பூன்.

*செய்முறை:

புதினா, கொத்தமல்லித்தழையுடன் இஞ்சி சேர்த்து தண்ணீர்விட்டு நைஸாக அரைத்து வடிகட்டவும். வெல்லத்துடன் அரை கப் தண்ணீர் சேர்த்துக் கொதிக்கவிடவும். வெல்லம் கரைந்த பின் வடிகட்டிய சாறு சேர்த்து ஒரு கொதிவிட்டு இறக்கவும். அதனுடன் இந்துப்பு, எலுமிச்சைச்சாறு சேர்த்துக் கலந்து சேகரிக்கவும். இதை வாரம் ஒரு முறை தயார் செய்து பயன்படுத்தலாம்.

பயன்:
தினமும் காலை வெறும் வயிற்றில்  2 டேபிள்ஸ்பூன் மணப்பாகுடன் முக்கால் டம்ளர் வெந்நீர் சேர்த்துக் கலந்து குடித்துவர... ஊளை சதை குறையும்.

★*டயட் ஸ்பெஷல் தால் வித் ரொட்டி

*தேவையானவை:

சிறுதானிய ரெடி மிக்ஸ் (சாமை, வரகு, குதிரைவாலி கலந்த மாவு), கோதுமை மாவு - தலா ஒரு கப், இந்துப்பு - தேவையான அளவு.

தால் செய்ய:

கொள்ளு - ஒரு கப், தோலுரித்த சின்ன வெங்காயம் - 10, தக்காளி, பச்சை மிளகாய் – தலா ஒன்று (பொடியாக நறுக்கவும்), சாம்பார் பொடி - 2 டீஸ்பூன், எலுமிச்சைப்பழம் - ஒன்று (சாறு பிழியவும்), புதினா, கொத்தமல்லித்தழை, கறிவேப்பிலை - சிறிதளவு, உப்பு - தேவையான அளவு.

*தாளிக்க:

கடுகு, சீரகம், எண்ணெய் - சிறிதளவு.

செய்முறை: கொள்ளுப் பயறை எட்டு மணி நேரம் ஊறவைக்கவும். பிறகு, குக்கரில் ஊறவைத்த கொள்ளுடன் சின்ன வெங்காயம், தக்காளி, பச்சை மிளகாய், புதினா, கொத்தமல்லித்தழை, கறிவேப்பிலை, சாம்பார் பொடி, 2 கப் தண்ணீர் சேர்த்து 4 விசில் விட்டு இறக்கவும். ஆறியதும் உப்பு, எலுமிச்சைச்சாறு சேர்த்துக் கலக்கவும். தாளிக்கக் கொடுத்துள்ளவற்றைத் தாளித்துச் சேர்க்கவும். மாவு வகைகளுடன் இந்துப்பு, தேவையான தண்ணீர் சேர்த்து சப்பாத்தி மாவு பதத்துக்குப் பிசையவும். மாவைச் சிறிய உருண்டைகளாக்கித் திரட்டவும். தோசைக்கல்லைக் காயவைத்து ரொட்டிகளைப் போட்டு, எண்ணெய்விடாமல் இருபுறமும் சுட்டு எடுக்கவும். ரொட்டிகளுடன் தால் சேர்த்துப் பரிமாறவும்.

**பயன்:
இடுப்புப் பகுதி சதை குறையும். தேவையற்ற கொழுப்புகள் நீங்கும்.

**பூண்டு கஞ்சி

தேவையானவை:

பூண்டு - 10-15 பல் (தோலுரிக்கவும்), வறுத்து, உடைத்த புழுங்கல் அரிசி - ஒரு கப், சீரகம், மிளகு - தலா கால் டீஸ்பூன் (உடைக்கவும்), வெந்தயக்கீரை - ஒரு கைப்பிடி அளவு, இந்துப்பு - தேவையான அளவு, மோர் - ஒரு கப், தண்ணீர் - 4 கப்.

செய்முறை:

உடைத்த புழுங்கல் அரிசி, பூண்டு, மிளகு, சீரகம், இந்துப்பு, வெந்தயக்கீரை, தண்ணீர் ஆகியவற்றை குக்கரில் சேர்த்து, மூடி 4 விசில்விட்டு இறக்கவும். ஆறியதும் நன்கு மசித்து, மோர் சேர்த்து அருந்தலாம்.

பயன்:

மதிய உணவாகச் சாப்பிடலாம். கொழுப்பைக் குறைக்கும். ரத்த ஓட்டத்தைச் சீராக்கும்.

**தானிய பிரட்டல்

தேவையானவை:

முளைகட்டிய தானியக் கலவை (பச்சைப் பயறு, கொள்ளு, காராமணி)  - ஒரு கப், பொடியாக நறுக்கிய முட்டைகோஸ் அல்லது வெள்ளரி - ஒரு கப், தோல் சீவிய துருவிய இஞ்சி - ஒரு டீஸ்பூன், பூண்டு - 5 பல், சாம்பார் பொடி - 2 டீஸ்பூன், கடுகு, சீரகம் - தலா கால் டீஸ்பூன், கறிவேப்பிலை - சிறிதளவு, ஆலிவ் எண்ணெய் - ஒரு டீஸ்பூன், உப்பு - தேவையான அளவு.

செய்முறை:

குக்கரில் தானியங்களுடன் முட்டைகோஸ் அல்லது வெள்ளரி துண்டுகள், பூண்டு, இஞ்சித் துருவல், சாம்பார் பொடி, உப்பு, 2 கப் தண்ணீர் சேர்த்து மூடி 3 முதல் 5 விசில் விட்டு இறக்கவும். வாணலியில் எண்ணெய்விட்டு கடுகு, சீரகம், கறிவேப்பிலை தாளித்து வேகவைத்த கலவையுடன் சேர்க்கவும்.

பயன்:
உடலின் மெட்டபாலிசத்தை அதிகரித்து, தேவையற்ற கொழுப்பைக் கரைக்க உதவும்.

**எடை குறைப்பு சாலட்

தேவையானவை:

ஆவியில் வேகவைத்த பூசணி, கேரட், பறங்கிக்காய், வெள்ளரிக் கலவை - ஒரு கப், சீரகத்தூள், மிளகுத்தூள் - தலா கால் டீஸ்பூன், பொடியாக நறுக்கிய புதினா, கொத்தமல்லித்தழை – சிறிதளவு, எலுமிச்சைச் சாறு - ஒரு டீஸ்பூன்,  இந்துப்பு – சிறிதளவு.

செய்முறை:

வேகவைத்த  காய்கறிகளுடன் சீரகத்தூள், மிளகுத்தூள், இந்துப்பு, புதினா, கொத்தமல்லித்தழை, எலுமிச்சைச் சாறு சேர்த்துக் கலக்கவும்.

பயன்:
தினமும் இதை ஒரு கப் அளவு காலை உணவாக எடுத்துக்கொள்ளலாம். எடையைக் குறைக்க மிகவும் உதவும்.

**கொள்ளு கஷாயம்

தேவையானவை:

கொள்ளு - ஒரு கப், சீரகம் - ஒரு டேபிள்ஸ்பூன், இந்துப்பு - தேவையான அளவு.

செய்முறை:

வெறும் வாணலியில் கொள்ளு, சீரகத்தைத் தனித்தனியாக  வறுத்து எடுக்கவும்.  ஆறிய பிறகு மிக்ஸியில் பொடியாக அரைக்கவும். ஒரு கப் தண்ணீரில் ஒரு டீஸ்பூன் இந்தப் பொடியைச் சேர்த்துக் கொதிக்கவைத்துப் பருகலாம் (தேவைப்பட்டால் மட்டும் இந்துப்பு சேர்க்கவும்).

பயன்:
வயிற்றுப் பகுதியில் உள்ள தேவையற்ற கொழுப்பு நீங்கி, சதை குறையும். காலை, மாலை என இருவேளையும் குடிக்கலாம் (மாதவிடாய் நேரங்களில் பருக வேண்டாம்).

**வெந்தய - மல்லி பானம்

தேவையானவை:

வெந்தயம், சுக்கு, மல்லி (தனியா) - தலா 100 கிராம், கொம்பு மஞ்சள் (விரலி மஞ்சள்) - 50 கிராம், சீரகம் - 100 கிராம், பட்டை -  50 கிராம், எலுமிச்சைப்பழம் - ஒன்று (சாறு பிழியவும்).

செய்முறை:

வெறும் வாணலியில் வெந்தயம், சுக்கு, மல்லி (தனியா), மஞ்சள், சீரகம், பட்டை ஆகியவற்றைத் தனித்தனியாக வாசம் வரும் வரை வறுத்து எடுக்கவும். ஆறிய பிறகு மிக்ஸியில் பவுடராக அரைத்து எடுக்கவும். 200 மில்லி தண்ணீரில் ஒரு டீஸ்பூன் இந்தப் பொடியைச் சேர்த்து 100 மில்லியாகக் குறையும் வரை கொதிக்கவைத்து இறக்கி வடிகட்டவும். அதனுடன் எலுமிச்சைச்சாறு சேர்த்து, காலை வேளையில் பருகலாம் (தேவைப்பட்டால் மட்டும் உப்பு சேர்க்கவும்).

பயன்:
உணவு உண்பதற்கு ஒரு மணி நேரம் முன்பு குடிக்கலாம். நாம் சாப்பிடும் உணவில் உள்ள அதிக கலோரிகளை எரிக்கவும். கொழுப்பைக் குறைக்கவும் உதவும்.

**வெண்பூசணி கேரட் சாலட்

தேவையானவை:

வெண்பூசணித் துருவல் - ஒரு கப், வெள்ளை மிளகுத்தூள் - கால் டீஸ்பூன், கேரட் துருவல் - கால் கப், இந்துப்பு – கால் டீஸ்பூன், எலுமிச்சைப்பழம் - அரை மூடி (சாறு பிழியவும்).

செய்முறை:

பூசணித் துருவலுடன், கேரட் துருவல், மிளகுத்தூள், இந்துப்பு, எலுமிச்சைச்சாறு சேர்த்து நன்றாகக் கலக்கவும்.

பயன்:
தேவையற்ற கொழுப்பு கரையும். உடலில், ரத்தத்தில் உள்ள நச்சுகள் சிறுநீரகம் மூலம் வெளியேறு வதால் இந்த சாலட் சாப்பிட்டால் உடல் லேசானதுபோல உணரலாம்.

**ஆளி விதை பொடி ஜூஸ்

தேவையானவை:

வறுத்துப் பொடித்த ஆளிவிதை - ஒரு டீஸ்பூன், கடைந்த மோர் - அரை கப், தோலுடன் அரைத்த வெள்ளரிக்காய் சாறு - அரை கப், சீரகத்தூள், இந்துப்பு - தலா கால் டீஸ்பூன்.

செய்முறை:

மோருடன் வெள்ளரிச்சாறு, ஆளிவிதைப் பொடி, சீரகத்தூள், இந்துப்பு சேர்த்துக் கலந்து பருகலாம்.

பயன்:
உடலைச் சோர்வடையாமல் பாதுகாக்கும். தேவையற்ற கொழுப்பைக் கரைப்பதுடன், உடலின் எடையைக் சீராக ஒரே அளவில் குறைக்க உதவும்.

**வாழைத்தண்டு மோர் பச்சடி

தேவையானவை:

பொடியாக நறுக்கிய இளம்வாழைத்தண்டு - ஒரு கப், பச்சை மிளகாய் (பொடியாக நறுக்கவும்), காய்ந்த மிளகாய் - தலா ஒன்று, சீரகத்தூள், மஞ்சள்தூள் - தலா கால் டீஸ்பூன், நறுக்கிய கொத்தமல்லித்தழை - ஒரு கைப்பிடியளவு, தோலுரித்த சின்ன வெங்காயம் - 10 (பொடியாக நறுக்கவும்), கடைந்த தயிர் - ஒரு கப், உப்பு - தேவையான அளவு.

தாளிக்க:

கடுகு, உளுத்தம்பருப்பு, கடலைப்பருப்பு, சீரகம் - தலா கால் டீஸ்பூன், ஆலிவ் எண்ணெய் - 2 டீஸ்பூன்.

செய்முறை:

வாணலியில் எண்ணெய்விட்டு தாளிக்கக் கொடுத்துள்ள பொருள்களைச் சேர்த்து தாளிக்கவும். அதனுடன் வெங்காயம், பச்சை மிளகாய், காய்ந்த மிளகாய் சேர்த்து வதக்கவும். பிறகு வாழைத்தண்டு, உப்பு, சீரகத்தூள், மஞ்சள்தூள் சேர்த்து, மூடி போட்டு வேகவிட்டு இறக்கவும். ஆறிய பிறகு மோர் சேர்த்து, கொத்தமல்லித்தழை தூவிப் பரிமாறவும்.

பயன்:
கொழுப்பைக் கரைக்கும். சிறுநீரகச் செயல்பாட்டுக்கும் நல்லது.

**திரிபலா பானம்

தேவையானவை:

திரிபலா பொடி (நாட்டு மருந்துக்கடைகளில் கிடைக்கும்), தேன் - தலா  ஒரு டீஸ்பூன்,  முட்டைகோஸ் சாறு  - ஒரு கப்.

செய்முறை:

முட்டைகோஸ் சாற்றுடன் திரிபலா பொடி, தேன் சேர்த்துக் கலந்து பருகவும். தினமும் இந்தப் பானத்தை காலை வேளையில் அல்லது  11 மணி அளவில் குடித்து வரலாம்.

பயன்:
இதை அருந்தி வந்தால், உடல் எடை சரசரவென குறைவது நன்றாகத் தெரியும். ஒரு கப் முட்டைகோஸில் வெறும் 14 கலோரிகள்தான் உள்ளன.  திரிபலா ஒரு காயகல்பமாகும்.  இது உள்ளுறுப்பு இயக்கத்தைச் சீர்செய்யவும் உதவும்.

**முழு பயறு வெள்ளரி சாலட்

தேவையானவை:

முளைக்கட்டிய கொள்ளு (அ) காராமணி, பச்சைப் பயறு - தலா கால் கப், பொடியாக நறுக்கிய வெள்ளரித் துண்டுகள் - கால் கப், கேரட் துருவல், வெங்காயத் துருவல் - தலா ஒரு டேபிள்ஸ்பூன், மிளகு - சீரகத்தூள் - கால் டீஸ்பூன், எலுமிச்சைச் சாறு - ஒரு டீஸ்பூன், ஆரிகானோ – சிறிதளவு, புதினா, கொத்தமல்லித்தழை - தலா ஒரு கைப்பிடி அளவு, இந்துப்பு - தேவையான அளவு.

செய்முறை:

கொடுக்கப்பட்டுள்ள பொருள்களை ஒன்றாகச் சேர்த்துக் கலந்து உடனே பரிமாறவும்.

பயன்:
உடலின் தேவையற்ற கொழுப்பைக் கரைக்கவும், முக வசீகரத்துக்கும் உதவும். நச்சுகள் உடலிலிருந்து வெளியேறவும் உதவும்.

**பைனாப்பிள் டயட் சூப்

தேவையானவை:

அன்னாசிப்பழத் துண்டுகள் - ஒரு கப், ஓமம், சீரகம் - தலா 10 கிராம்.

செய்முறை:

முதல் நாள் இரவே அன்னாசிப்பழத் துண்டுகளுடன் ஓமம், சீரகம் சேர்த்து மூடி வைக்கவும். மறுநாள் அரைத்து வடிகட்டி பருகவும்.

பயன்:
தொப்பைக் குறையும்.  நோய் எதிர்ப்புச் சக்தி கிடைக்கும். ரத்தச் சுத்திகரிப்புக்கு உதவும்.

**புரோக்கோலி சூப்

தேவையானவை:

நறுக்கிய புரோக்கோலித் துண்டுகள் - ஒரு கப், பூண்டு -  8-10 பல், தோல் சீவி, துருவிய இஞ்சி - ஒரு டீஸ்பூன், பொடியாக நறுக்கிய வெங்காயத்தாள் - ஒரு டேபிள்ஸ்பூன், அரிசி கழுவிய நீர் - 4 கப், கறிவேப்பிலை, கொத்தமல்லித்தழை, புதினா கலவை - ஒரு கைப்பிடி அளவு, வெள்ளை மிளகுத்தூள் - கால் டீஸ்பூன், சீரகத்தூள் - அரை டீஸ்பூன், ஆரிகானோ அல்லது காய்ந்த துளசி இலை - ஒரு டீஸ்பூன், எலுமிச்சைப்பழம் - அரை மூடி (சாறு பிழியவும்), மஞ்சள்தூள் - கால் டீஸ்பூன், தோலுரித்த சின்ன வெங்காயம் - 10 (பொடியாக நறுக்கவும்), பட்டை - கிராம்புத்தூள் - கால் டீஸ்பூன், சிறுதானிய மாவு - ஒரு டீஸ்பூன், இந்துப்பு - கால் டீஸ்பூன்.

செய்முறை:

குக்கரில் புரோக்கோலியுடன் பூண்டு, இஞ்சி, கறிவேப்பிலை, கொத்தமல்லித்தழை, புதினா, வெங்காயத்தாள், வெங்காயம், 2 கப் அரிசி கழுவிய தண்ணீர், இந்துப்பு சேர்த்து மூடி 3 விசில்விட்டு இறக்கவும். ஆறியதும் இதை அரைத்து மீதமுள்ள 2 கப் அரிசி கழுவிய தண்ணீர், மஞ்சள்தூள், சீரகத்தூள், மிளகுத்தூள், ஆரிகானோ, பட்டை - கிராம்புத்தூள்,  சிறுதானிய மாவு சேர்த்துக் கரைத்து 10 நிமிடங்கள் கொதிக்கவைத்து இறக்கவும். எலுமிச்சைச் சாறு, கொத்தமல்லித்தழை சேர்த்துச் சூடாகப் பருகவும். டயட்டில் இருப்பவர்கள் காலை உணவுக்குப் பதிலாக இந்த சூப் பருகலாம். விருப்பப்பட்டால், இதனுடன் பிரவுன் பிரெட் சாண்ட்விச் சேர்த்துக்கொள்ளலாம்.

பயன்:
எடையைக் குறைக்கவும், உடலின் மெட்டபாலிசத்தை அதிகரிக்கவும் உதவும்.

**டயட் தேநீர்

தேவையானவை:

பட்டை - 100 கிராம், மல்லி (தனியா) - 50 கிராம், சுக்கு - 30 கிராம், கிராம்பு - 20 கிராம், எலுமிச்சைப்பழம் - அரை மூடி (சாறு பிழியவும்), தேன் - ஒரு டீஸ்பூன், தண்ணீர் - 100 மில்லி.

செய்முறை:

வெறும் வாணலியில் பட்டை, தனியா, சுக்கு, கிராம்பு ஆகியவற்றைத் தனித்தனியாக வறுத்துப் பொடிக்கவும். இதைக் காற்றுப்புகாத டப்பாவில் சேகரிக்கவும். தண்ணீரைச் சூடாக்கி, ஒரு டீஸ்பூன் அரைத்த பொடி சேர்த்து நன்றாகக் கொதிக்கவைத்து இறக்கி வடிகட்டவும். அதனுடன் எலுமிச்சைச் சாறு,  தேன் கலந்து காலையில் வெறும் வயிற்றில் குடித்து வரவும்.

பயன்:
கொழுப்பைக் கரைக்கும். உடல் எடை குறைய உதவும். இந்தத் தேநீர் 18 வயதுக்கு மேற்பட்டவர்கள் மட்டுமே அருந்தவும்.

**சுரைக்காய் சாரம்

தேவையானவை:

சுரைக்காய்த் துண்டுகள் - ஒரு கப், தக்காளி - 2 (பொடியாக நறுக்கவும்), தோலுரித்த சின்ன வெங்காயம் - 10 (பொடியாக நறுக்கவும்), பச்சை மிளகாய் - 3 (பொடியாக நறுக்கவும்), கொத்தமல்லித்தழை – ஒரு கைப்பிடி அளவு, புதினா, கறிவேப்பிலை (சேர்த்து) - ஒரு கைப்பிடி அளவு, ஆலிவ் எண்ணெய் - ஒரு டீஸ்பூன், இந்துப்பு - தேவையான அளவு.

தாளிக்க:

கடுகு, உளுத்தம்பருப்பு, சீரகம், பெருங்காயத்தூள் - தலா கால் டீஸ்பூன்.

செய்முறை:

குக்கரில் சுரைக்காய், தக்காளி, சின்ன வெங்காயம், பச்சை மிளகாய், கொத்தமல்லித்தழை, புதினா, கறிவேப்பிலை, இந்துப்பு சேர்த்து, அரை கப் தண்ணீர்விட்டு மூடி 2 விசில்விட்டு இறக்கவும். ஆறியதும் மிக்ஸியில் அரைத்து எடுக்கவும். வாணலியில் ஆலிவ் எண்ணெய்விட்டு கடுகு, உளுத்தம்பருப்பு, சீரகம், பெருங்காயத்தூள் தாளித்து அரைத்த விழுதுடன் கலக்கவும். இதைச் சிறுதானியச் சாதத்துடன் சாப்பிடலாம்.

பயன்:
சுரைக்காயில் உள்ள நீர்ச்சத்து, கனிமச்சத்து, உயிர் சத்துகள் அனைத்தும் உடலில் கொழுப்பு சேராமல் பாதுகாக்கும்.

**முள்ளங்கி பராத்தா

தேவையானவை:

முள்ளங்கித் துருவல் – ஒரு கப், கோதுமை மாவு - 2 கப், சீரகம், மஞ்சள்தூள், மிளகாய்த்தூள் - தலா கால் டீஸ்பூன், உப்பு - தேவையான அளவு.

செய்முறை:

முள்ளங்கித் துருவலுடன் சீரகம், உப்பு, மஞ்சள்தூள், மிளகாய்த்தூள், கோதுமை மாவு சேர்த்து, தேவையான அளவு தண்ணீர் தெளித்து சப்பாத்தி மாவு பதத்துக்குப் பிசையவும். மாவைச் சிறிய உருண்டைகளாக்கி, பராத்தாக்களாக திரட்டவும். தோசைக்கல்லை காயவைத்து பராத்தாக்களைப் போட்டு இருபுறமும் வேகவைத்து எடுக்கவும். சூடாகச் சாப்பிட்டால், அருமையாக இருக்கும். சைட் டிஷ் தேவையில்லை. விரும்பினால் தயிர்ப் பச்சடி சேர்த்துப் பரிமாறலாம்.

பயன்:
முள்ளங்கி எடை குறைப்புக் கேற்ற சிறந்த உணவாகும். ஒரு வேளைக்கு இரண்டு பராத்தாக்கள் மட்டுமே சாப்பிடவும்.

**முருங்கைக்கீரை தண்ணீர் சாறு

தேவையானவை:

முருங்கைக்கீரை - ஒரு கப், சின்ன வெங்காயம் - 12 (தோலுரித்து நறுக்கவும்), தக்காளி - 2 (பொடியாக நறுக்கவும்), மிளகு, சீரகம் - தலா கால் டீஸ்பூன், பூண்டு – 5 பல், அரிசி கழுவிய தண்ணீர் - 2 கப், உப்பு - தேவையான அளவு.

செய்முறை:

குக்கரில் முருங்கைக்கீரையுடன் சின்ன வெங்காயம், தக்காளி, சீரகம், மிளகு, பூண்டு, உப்பு, தண்ணீர் சேர்த்து மூடி 3 விசில்விட்டு இறக்கவும். ஆறிய பிறகு மசிக்கவும். இதை வடிகட்டாமல் அப்படியே எடுத்துக்கொள்ளலாம். காலை அல்லது மதிய உணவாகப் பருகலாம்.

பயன்:
தினசரி அல்லது வாரத்தில் 3 முதல் 4 நாள்கள் பருகினால் தொப்பைக் குறையும். இது, சர்க்கரை நோயைக் கட்டுப்படுத்த உதவும். தைராய்டு ஹார்மோன்களைச் சமன் செய்யும். எடைக்குறைப்பின்போது ஏற்படும் சோர்வைத் தடுக்கும்.

**கேரட் டயட் ஜூஸ்

தேவையானவை:

கேரட் - 2 (துண்டுகளாக்கவும்), எலுமிச்சைப்பழம் - அரை மூடி அல்லது ஆரஞ்சுப்பழம் - ஒன்று (சாறு பிழியவும்), புதினா - ஒரு கைப்பிடி அளவு.

செய்முறை:

கேரட் துண்டுகளுடன் புதினா, தண்ணீர் சேர்த்து அரைத்து வடிகட்டவும். அதனுடன் எலுமிச்சைச் சாறு அல்லது ஆரஞ்சு சாறு சேர்த்துக் கலந்து பருகலாம். இனிப்பு சேர்க்கத் தேவையில்லை.

பயன்:
ரத்தச் சுத்திகரிப்புக்கு உடவும்.  வயிற்றுப் பகுதியில் உள்ள சதை குறையும். கொழுப்பைக் கரைக்கும். முடிந்தவரை ஜூஸ் வகைகளை வடிகட்டாமல் அப்படியே பருகினால், நார்ச்சத்து மிகுந்து விரைவான பலனளிக்கும்.

**வெங்காயத்தாள் இஞ்சி துவையல்

தேவையானவை:

நறுக்கிய வெங்காயத்தாள் - ஒரு கப், தோல் சீவிய இஞ்சி - ஒரு இஞ்ச் துண்டு, தோலுரித்த சின்ன வெங்காயம் - 5-8, பச்சை மிளகாய் - 2, புளி - கோலி குண்டு அளவு,  கடுகு, உளுத்தம் பருப்பு, பெருங்காயத்தூள் – தலா கால் டீஸ்பூன், ஆலிவ் எண்ணெய், உப்பு - தேவையான அளவு.

செய்முறை:

வாணலியில் எண்ணெய்விட்டு வெங்காயத்தாள், இஞ்சி, சின்ன வெங்காயம், பச்சை மிளகாய், புளி ஆகியவற்றைச் சேர்த்து வதக்கவும். ஆறிய பின் மிக்ஸியில் போட்டு உப்பு, தண்ணீர் சேர்த்து விழுதாக அரைத்து எடுக்கவும். சிறிதளவு எண்ணெயில் கடுகு, உளுத்தம்பருப்பு, பெருங்காயத்தூள் தாளித்து, அரைத்து வைத்த துவையலுடன் கலக்கவும். இதை பிரவுன் பிரெட்டுக்குத் தொட்டுக்கொள்ளலாம். சிறுதானியச் சாதத்துடன் சாப்பிடலாம்.

பயன்:
இது, டயட் கன்ட்ரோலுக்குச் சிறந்த உணவாக அமையும்.

**மாதுளை டயட் ஜூஸ்

தேவையானவை:

மாதுளை முத்துகள் - ஒரு கப், வெள்ளை மிளகுத்தூள் - கால் டீஸ்பூன், தேன் - அரை டீஸ்பூன், எலுமிச்சைப்பழம் - அரை மூடி (சாறு பிழியவும்), தண்ணீர் - தேவையான அளவு.

செய்முறை:

மாதுளம்பழத்துடன் தண்ணீர் சேர்த்து அரைத்து வடிகட்டவும். அதனுடன் எலுமிச்சைச் சாறு, மிளகுத்தூள், தேன் சேர்த்துப் பருகலாம்.

பயன்:
டயட்டில் இருப்பவர்கள் காலை 11 மணியளவில் அல்லது மாலை 4 மணி அளவில் பருகலாம். இது, பித்தத்தைக் குறைக்கும். மலச்சிக்கலைத் தீர்க்கும். மாதவிடாய் கோளாறுகளைச் சரிசெய்யும்.

**தர்பூசணி டயட் ஜூஸ் அண்ட் சாலட்

தேவையானவை:

தர்பூசணி சிவப்புப் பகுதி -  ஒரு பெரிய துண்டு, தர்பூசணியின் வெள்ளைப் பகுதி ஒரு துண்டு, சீரகத்தூள் - கால் டீஸ்பூன், வெள்ளை மிளகுத்தூள் - கால் டீஸ்பூன், பட்டைத்தூள் - கால் டீஸ்பூன், இந்துப்பு - ஒரு சிட்டிகை.

செய்முறை:

சிவப்புத் துண்டுடன் சீரகத்தூள், இந்துப்பு, பட்டைத்தூள், மிளகுத்தூள் சேர்த்து அரைத்து வடிகட்டாமல் பருகலாம் (விரும்பினால் நாட்டுச் சர்க்கரை ஒரு டீஸ்பூன் சேர்க்கலாம்).
தர்பூசணியின் வெள்ளைப் பகுதியை ஆவியில் வேக வைத்து எடுக்கவும். அதன் மீது சீரகத்தூள், இந்துப்பு, பட்டைத்தூள், மிளகுத்தூள் தூவி சாப்பிடலாம். காலை உணவாக இந்த சாலட் மற்றும் ஜூஸ் சாப்பிட்டு வரலாம்.

பயன்:

உடல் எடை நன்றாகக் குறையும். சோர்வை நீக்கி  புத்துணர்ச்சி தரும். `கெட்ட கொழுப்பு’ நீக்கும். காயங்கள், புண்கள் விரைவில் ஆறும். உடல் சூடு தணியும். எளிதில் செரிமானமாகும். தர்பூசணி நீர் சத்து அதிகம் உள்ள பழமாகும்.

**வெயிட் லாஸ் பவுடர்

தேவையானவை:

தனியா (மல்லி), சோம்பு - தலா 2 டேபிள்ஸ்பூன், சீரகம் - ஒரு டேபிள்ஸ்பூன், பட்டை - 10 துண்டுகள், வெந்தயம் - ஒரு டீஸ்பூன், கொள்ளு, ஆளிவிதை - தலா ஒரு டேபிள்ஸ்பூன், கல் உப்பு - ஒரு டீஸ்பூன்.

செய்முறை:

வெறும் வாணலியில் தனியா, சோம்பு, சீரகம், வெந்தயம், பட்டை, கொள்ளு, ஆளிவிதை ஆகியவற்றைத் தனித்தனியாக வறுத்து எடுக்கவும். அதனுடன்  உப்பு சேர்த்து பவுடராக அரைக்கவும். ஒரு கப் தண்ணீருடன் அரைத்த பொடி ஒரு டீஸ்பூன் சேர்த்துக் கொதிக்கவைத்து இறக்கி வடிகட்டவும். தூங்குவதற்கு ஒரு மணி நேரம் முன்பு 2 மாதங்கள் தினமும் குடித்து வர... எடை குறைப்பில் நல்ல வித்தியாசத்தை உணர முடியும்.

பயன்:
முறையாக டயட் மேற்கொள்ள முடியாத சூழ்நிலையில், இந்த வெயிட் லாஸ் பவுடர் உறுதுணைபுரியும்.

**சிறுதானிய கஞ்சி

தேவையானவை:

சிவப்பரிசி, குதிரைவாலி அரிசி (சேர்த்து) - ஒரு கப், கொள்ளு - அரை கப், பூண்டு - 7 பல், சீரகம் - 2 டீஸ்பூன், மிளகு - கால் டீஸ்பூன், எலுமிச்சைப்பழம் - அரை மூடி (சாறு பிழியவும்), உப்பு - தேவையான அளவு.

செய்முறை:

சிவப்பரிசி, குதிரைவாலி, கொள்ளு, பூண்டு, மிளகு, சீரகம் ஆகியவற்றைச் சேர்த்து, வறுத்துப் பொடிக்கவும். 250 மில்லி தண்ணீரில் அரைத்த பொடி 2 டீஸ்பூன் சேர்த்துக் கொதிக்கவிடவும். நன்கு வெந்ததும் எலுமிச்சைச் சாறு, உப்பு சேர்த்துக் கலந்து மிதமான சூட்டில் அருந்தவும்.

பயன்:
அதிகப்படியான கொழுப்பை எரித்துக் கரைத்துவிடும். மூட்டுவலி, கால்வலி குறையும். எலும்பு வலுபெறும். காய்ச்சல் நேரத்திலும் கபம் இருக்கும்போதும் இதைச் சாப்பிடலாம்.

**பசலைக்கீரை சூப்

தேவையானவை:

பசலைக்கீரை - ஒரு கட்டு (பொடியாக நறுக்கவும்), மிளகு, சீரகம் - தலா கால் டீஸ்பூன், தோல் சீவி, துருவிய இஞ்சி - ஒரு டீஸ்பூன், பாசிப்பருப்பு - ஒரு டீஸ்பூன், தோலுரித்த சின்ன வெங்காயம் - 5 (பொடியாக நறுக்கவும்), தக்காளி -  ஒன்று (பொடியாக நறுக்கவும்), தண்ணீர் அல்லது அரிசி களைந்த தண்ணீர் - 2 கப், பூண்டு - 5 பல், உப்பு - தேவையான அளவு.

செய்முறை:

குக்கரில் கீரையுடன் பாசிப்பருப்பு, மிளகு, சீரகம், பூண்டு, இஞ்சி,  வெங்காயம், தக்காளி , தண்ணீர் சேர்த்து மூடி, 3 விசில்விட்டு இறக்கவும். ஆறிய பிறகு உப்பு சேர்த்து மிக்ஸியில் அரைத்து  எடுத்துப் பருகவும்.

பயன்:
இந்த சூப்பில் இரும்புச்சத்து, ஃபோலிக் அமிலம் அதிகம் உள்ளது.  பருமனான உடல் உள்ளவர்கள் இளைக்க துணைபுரியும்.

**கிரேப்ஸ் ஹெர்பல் ஜூஸ்

தேவையானவை:

விதையுள்ள நாட்டு திராட்சை - ஒரு கப், சீரகத்தூள், மிளகுத்தூள், ஓமம் - தலா கால் டீஸ்பூன்.

செய்முறை:

கொடுக்கப்பட்டுள்ள பொருள்களை ஒன்றாகச் சேர்த்து மிக்ஸியில் அரைத்து, வடிகட்டாமல் பருகவும்

பயன்:
குடற்புண், கல்லீரல் கோளாறுகளைச் சரிசெய்யும். குழந்தைப் பிறப்புக்குப் பிறகு அதிகரிக்கும் எடையைக் குறைக்கும்.

**எடை குறைப்பு சூப்

தேவையானவை:

கொள்ளு - ஒரு டீஸ்பூன், பார்லி - ஒரு டீஸ்பூன், சீரகத்தூள், மிளகுத்தூள் - தலா கால் டீஸ்பூன், வெண்பூசணித் துண்டுகள் - கால் கப், வெள்ளரிக்காய்த் துண்டுகள் - கால் கப், ஏதேனும் ஒருவகை கீரை - ஒரு கைப்பிடி அளவு, சுரைக்காய்த் துண்டுகள் - கால் கப், எலுமிச்சைப்பழம் - அரை மூடி (சாறு பிழியவும்), அரிசி கழுவிய தண்ணீர் - 2 கப், உப்பு – தேவையான அளவு.

செய்முறை:

குக்கரில் கொள்ளு, பார்லியை எண்ணெய்விடாமல் வறுக்கவும். பிறகு, அதனுடன் வெண்பூசணி, வெள்ளரிக்காய், சுரைக்காய், கீரை, அரிசி கழுவிய தண்ணீர் சேர்த்து, குக்கரை மூடி, 5 விசில்விட்டு இறக்கவும். ஆறியதும் மிளகுத்தூள், சீரகத்தூள், உப்பு, எலுமிச்சைச்சாறு சேர்த்துக் கலந்து சூடாகப் பருகவும்.

பயன்:
எடை குறைப்புக்கு இந்த சூப் முழு பலனளிக்கும். இடுப்பு மற்றும் அடிவயிற்றுப் பகுதி சதையைக் குறைக்கும்.

**அவல் - காய்கறி  கிச்சடி

தேவையானவை:

அவல் - ஒரு கப், வெங்காயம் -  ஒன்று (பொடியாக நறுக்கவும்), பச்சை மிளகாய் - 2 (நீளவாக்கில் நறுக்கவும்), நறுக்கிய கேரட், பீன்ஸ், உருளைக்கிழங்கு, பச்சைப் பட்டாணி கலவை - ஒரு கப், புதினா, கொத்தமல்லித்தழை - தலா ஒரு கைப்பிடி அளவு, எலுமிச்சைப்பழம் - ஒன்று (சாறு பிழியவும்), மஞ்சள்தூள் - கால் டீஸ்பூன், எண்ணெய், உப்பு - தேவையான அளவு.

தாளிக்க:

எண்ணெய் - சிறிதளவு, கடுகு, உளுத்தம்பருப்பு, கடலைப்பருப்பு, சீரகம், பெருங்காயத்தூள் - தலா கால் டீஸ்பூன்.

செய்முறை:

வாணலியில் எண்ணெய்விட்டு தாளிக்கக் கொடுத்துள்ள பொருள்களைச் சேர்த்துத் தாளிக்கவும். அதனுடன் வெங்காயம், பச்சை மிளகாய், மஞ்சள்தூள், காய்கறி கலவை, தண்ணீர் சேர்த்து வேகவிடவும்.  பிறகு அவல், உப்பு  சேர்த்து நன்றாகக் கிளறி, மூடி போட்டு 5 நிமிடங்கள்  வேகவைக்கவும். இறுதியாக கொத்தமல்லித்தழை, புதினா, எலுமிச்சைச் சாறு சேர்த்து நன்றாகக் கிளறி இறக்கவும். டயட்டில் இருப்பவர்கள் காலை அல்லது மதிய உணவாக எடுத்துக்கொள்ளலாம்.

பயன்:
இது `பேலன்ஸ்டு டயட்’டாக அமைவதுடன், தேவையான புத்துணர்ச்சியுடன் இருக்கவும் உதவும்.

**பார்லி - காய்கறி சூப்

தேவையானவை:

பார்லி - அரை கப், பொடியாக நறுக்கிய (கேரட், பீன்ஸ், வெள்ளரிக்காய், பூசணி) காய்கறிக் கலவை - ஒரு கப், பொடியாக நறுக்கிய வெங்காயத்தாள் - ஒரு கைப்பிடி அளவு, புதினா, கொத்தமல்லித்தழை (சேர்த்து) - ஒரு கைப்பிடி அளவு , மிளகு - சீரகத்தூள் - ஒரு டீஸ்பூன், அரிசி கழுவிய தண்ணீர் - 4 கப்,  உப்பு - தேவையான அளவு, எலுமிச்சைப்பழம் - அரை மூடி (சாறு பிழியவும்).

செய்முறை:

பார்லியை வெறும் வாணலியில் வறுத்து உடைக்கவும். குக்கரில் பார்லியுடன் காய்கறிக் கலவை, வெங்காயத்தாள், புதினா, கொத்தமல்லித்தழை, அரிசி கழுவிய தண்ணீர் சேர்த்து மூடி, 4 விசில்விட்டு இறக்கவும். ஆறியதும் மிளகு - சீரகத்தூள், உப்பு, எலுமிச்சைச் சாறு சேர்த்துச் சூடாக அருந்தவும்.

பயன்:
ஊளை சதை குறையும்.

30 வகை சிக்கன சமையல் !


30 வகை சிக்கன சமையல் !

காய்கறிகளின் விலை, திடீர் திடீர் என்று நினைத்துப் பார்க்க முடியாத உச்சத்தைத் தொட்டு விடும்போது… ‘எந்தக் காய்கறியை வாங்கி சமைப்பது?’ என்று மண்டையிடியே வந்துவிடும்தானே! அதற்கு மருந்துபோடும் வகையில், 30 வகை ‘சிக்கன ரெசிபி’களை வழங்கி உங்களுக்கு உதவிக்கரம் நீட்டுகிறார் ‘பட்ஜெட் சமையல் ஸ்பெஷலிஸ்ட்’ நங்கநல்லூர் பத்மா.

”வாழைத்தண்டு, கீரை, பூசணிக்காய், பப்பாளி, வேப்பம்பூ போன்ற விலை அதிகம் இல்லாத பொருட்களை பயன்படுத்தி, சுவையில் சூப்பராக இருக்கும் அயிட்டங்களை தந்துள்ளேன். குறைவான செலவில் இவற்றை செய்து பரிமாறி, நிறைவான பராட்டுக்களை அள்ளுங்கள்” என்று வாழ்த்தும் பத்மாவின் ரெசிபிகளை, அலங்கரித்து பரிமாறுகிறார் செஃப் ரஜினி.

கீரைக்கூட்டு

தேவையானவை: அரைக்கீரை – ஒரு கட்டு, தேங்காய் துருவல் – ஒரு கப், கடுகு – கால் டீஸ்பூன், சீரகம், உளுத்தம்பருப்பு – தலா ஒரு டீஸ்பூன், மிளகாய் வற்றல் – 2, பெருங்காயத்தூள் – சிறிதளவு, பாசிப்பருப்பு – 100 கிராம், எண்ணெய் – ஒரு டீஸ்பூன், உப்பு – தேவையான அளவு.

செய்முறை: கீரையை ஆய்ந்து, நன்கு அலசி, தண்ணீர் வடிய விட்டு பொடியாக நறுக்கவும். கடாயில் எண்ணெய் விட்டு, சீரகம், மிளகாய் வற்றல், உளுத்தம்பருப்பை லேசாக வறுத்து, தேங்காய் துருவல் சேர்த்து, மிக்ஸியில் நைஸாக அரைக்கவும். பாசிப்பருப்பை லேசாக வறுத்து குழைவாக வேகவிடவும். நறுக்கிய கீரையுடன் தேவையான உப்பு கலந்து நன்றாக வேக வைத்து, அரைத்து வைத்துள்ள தேங்காய் விழுது, வெந்த பருப்பு சேர்த்துக் கொதிக்கவிடவும். பிறகு, பெருங்காயத்தூள் சேர்த்து, கடுகு தாளித்து இறக்கவும்.

குறிப்பு: அரைக்கீரை கண்ணுக்கும் கூந்தல் வளர்ச்சிக்கும் நல்லது.

வெஜிடபிள் கோஸ்மல்லி

தேவையானவை: பாசிப்பருப்பு – 100 கிராம், துருவிய கோஸ், துருவிய கேரட், பொடியாக நறுக்கிய வெள்ளரிக்காய் – தலா ஒரு கப், தக்காளி – ஒன்று (பொடியாக நறுக்கவும்), எலுமிச்சம் பழம் – ஒரு மூடி, கொத்தமல்லி – சிறிதளவு, உப்பு – தேவையான அளவு.

செய்முறை: பாசிப்பருப்பை அரை மணி நேரம் ஊற வைத்து, தண்ணீரை நன்கு வடித்துவிடவும். துருவிய கேரட், கோஸ், நறுக்கிய வெள்ளரிக்காய், தக்காளி, உப்பு எல்லாவற்றையும் சேர்த்து, எலுமிச்சம்பழம் பிழிந்து, நறுக்கிய கொத்தமல்லி சேர்த்துக் கலக்கவும்.

குறிப்பு: இதே முறையில் முளைகட்டிய பயறு வகைகளையும் தயாரித்துச் சாப்பிடலாம். விருப்பமான காய்கறிகளை சேர்த்து (வெங்காயம், தக்காளி, பச்சை சோளம்) பச்சையாக சாப்பிடுவதால், அனைத்துச் சத்துகளும் அப்படியே உடலுக்கு கிடைக்கும்.

கத்திரிக்காய் ரசவாங்கி

தேவையானவை: கத்திரிக்காய் – 250 கிராம், தனியா – 2 டீஸ்பூன், கடலைப்பருப்பு – ஒரு டீஸ்பூன், மிளகாய் வற்றல் – 2, புளி – நெல்லிக்காய் அளவு, தேங்காய் துருவல் – ஒரு கப்,  வெல்லம் – சிறிதளவு, கடுகு – அரை டீஸ்பூன், எண்ணெய் – ஒரு டீஸ்பூன், உளுத்தம்பருப்பு – கால் டீஸ்பூன், கறிவேப்பிலை – சிறிதளவு, உப்பு – தேவையான அளவு.

செய்முறை: கத்திரிக்காயை நீளவாக்கில் நறுக்கி… உப்பு சேர்த்து, புளியை கரைத்து விட்டுக் கொதிக்க விடவும். தனியா, கடலைப்பருப்பு, மிளகாய் வற்றல், தேங்காய் துருவல் ஆகியவற்றை வறுத்து, மிக்ஸியில் நைஸாக அரைத்து, வேக வைத்திருக்கும் கத்திரிக்காயுடன் சேர்க்கவும். பிறகு, வெல்லம் சேர்த்து கொதிக்க வைக்கவும். கடுகு, உளுத்தம்பருப்பு, கறிவேப்பிலை தாளித்து இறக்கவும்.

குறிப்பு: இதைச் சாதத்துடன் கலந்து சாப்பிடலாம். தோசைக்கும் தொட்டு சாப்பிடலாம்.

கேழ்வரகு இனிப்பு தோசை

தேவையானவை: கேழ்வரகு மாவு – 250 கிராம், அரிசி மாவு – ஒரு கப், வெல்லம் – 100 கிராம், ஏலக்காய்த்தூள் – சிறிதளவு, நெய் – 50 மில்லி.

செய்முறை: வெல்லத்தை தூளாக்கி சிறிது தண்ணீர் விட்டு கரைத்து வடிகட்டவும். இதில் இரண்டு வகை மாவையும் சேர்த்து தோசை மாவு பதத்தில் கரைத்து, ஏலக்காய்த்தூள் சேர்த்து தோசைகளாக வார்த்து, இருபுறமும் சிறிது நெய்விட்டு, வேகவிட்டு எடுக்கவும்.

வாழைப்பூ பொரியல்

தேவையானவை: வாழைப்பூ – ஒன்று (சிறியது), தேங்காய் துருவல் – 4 டீஸ்பூன், மஞ்சள்தூள் – ஒரு சிட்டிகை, புளித் தண்ணீர் – சிறிய கப், கடுகு – கால் டீஸ்பூன், உளுத்தம்பருப்பு – கால் டீஸ்பூன், மிளகாய் வற்றல், கறிவேப்பிலை, பெருங்காயத்தூள், மோர் – சிறிதளவு, உப்பு, எண்ணெய் – தேவையான அளவு.

செய்முறை: வாழைப்பூவை ஆய்ந்து நடுவில் நரம்பு போல் உள்ள காம்பை எடுத்துவிட்டுப் பொடியாக நறுக்கி, சிறிது மோர் கலந்த தண்ணீரில் ஊற வைக்கவும். பிறகு, புளித் தண்ணீர், உப்பு, மஞ்சள்தூள், சேர்த்து வேக வைத்து தண்ணீரை வடித்து நன்கு பிழியவும். கடாயில் எண்ணெய் விட்டு… கடுகு, உளுத்தம்பருப்பு, பெருங்காயத்தூள் தாளித்து, மிளகாய் வற்றல் கிள்ளிப் போட்டு, கறிவேப்பிலை, பிழிந்து வைத்திருக்கும் வாழைப்பூ, தேங்காய் துருவல் சேர்த்து நன்றாகக் கிளறி இறக்கவும்.

குறிப்பு: வாழைப்பூவில் உள்ள துவர்ப்புச்சத்து சுகர் பிராப்ளம் உள்ளவர்களுக்கு நல்லது. இதை துவையல், உசிலி, கூட்டு என்று பல விதமாகத் தயாரிக்கலாம்.

வாழைத்தண்டு புளிப்பச்சடி

தேவையானவை: வாழைத்தண்டு – ஒரு பெரிய துண்டு, புளி – எலுமிச்சம் பழ அளவு, பொடித்த வெல்லம் – 50 கிராம், பச்சை மிளகாய் – ஒன்று, தேங்காய் துருவல் – 4 டீஸ்பூன், மோர் – சிறிதளவு, கடுகு – கால் டீஸ்பூன், எண்ணெய் – ஒரு டீஸ்பூன், உப்பு – தேவையான அளவு.

செய்முறை: வாழைத்தண்டை மேல் தோல் சீவி, வில்லை வடிவமாக நறுக்கி நாரை நீக்கிப் பொடியாக நறுக்கவும். தண்ணீரில் சிறிது மோர் ஊற்றி நறுக்கிய வாழைத்தண்டைப் போட்டு வைக்கவும். புளியைக் கரைத்து, நறுக்கிய வாழைத்தண்டை எடுத்து அதனுடன் சேர்த்து, உப்பு போட்டு வேக வைக்கவும். அதில் தேங்காய் துருவல், பச்சை மிளகாயை அரைத்து சேர்க்கவும். பிறகு, வெல்லம் சேர்த்து கொதிக்க வைத்து, கடுகு தாளித்து இறக்கவும்.

குறிப்பு: வாழைத்தண்டு பித்தப்பையில் கல் சேராமல் தடுக்கும். நார்ச்சத்து உடையது. ஜூஸ் செய்தும் குடிக் கலாம்.

புரோட்டீன் தானிய கூட்டு #Ecr_special

தேவையானவை: முளைகட்டிய கொண்டைக்கடலை, மொச்சை, பச்சைப் பட்டாணி, முளைகட்டிய பாசிப் பயறு, முளைகட்டிய கொள்ளு – தலா ஒரு கப், தேங்காய் துருவல் – 4 டீஸ்பூன், மிளகாய் வற்றல் – 2, இஞ்சி – ஒரு சிறிய துண்டு, பூண்டு – 4 பல், சீரகம் – ஒரு டீஸ்பூன், கடுகு – கால் டீஸ்பூன், கறிவேப்பிலை, எண்ணெய், பெருங்காயத்தூள், உப்பு – தேவையான அளவு.

செய்முறை: கொண்டைக்கடலை, பச்சைப் பட்டாணி, மொச்சை, பாசிப் பயிறு, கொள்ளு எல்லாவற்றையும் ஒன்றாக குக்கரில் சேர்த்து, தண்ணீர் விட்டு, உப்பு சேர்த்து… இரண்டு விசில் வந்ததும் இறக்கவும். தேங்காய் துருவல், மிளகாய் வற்றல், இஞ்சி, பூண்டு, சீரகம் ஆகியவற்றை மிக்ஸியில் அரைத்து, வேக வைத்த பயறு வகையுடன் சேர்த்து கொதிக்க வைக்கவும். கடாயில் எண்ணெய் விட்டு கடுகு தாளித்து, அதில் கறிவேப்பிலை, பெருங்காயத்தூள் சேர்த்து, வேக வைத்த பயறுடன் கலந்து  இறக்கவும்.

குறிப்பு: பயிறு வகைகளில் புரோட்டீன் அதிகம் என்பதால்… சுண்டல், சாலட், அடை, வடை என்று பல விதமாக பயிறு வகைகளைப் பயன்படுத்தலாம்.

ரத்ன லட்டு

தேவையானவை: கேழ்வரகு, கம்பு, சோளம், தினை, சாமை அரிசி, பொட்டுக்கடலை, ஜவ்வரிசி, கொள்ளு, சிவப்பரிசி – தலா ஒரு சிறிய கப், பார்லி – 4 டீஸ்பூன், ஏலக்காய்த்தூள் – சிறிதளவு, நெய் – 100 மில்லி, சர்க்கரை – 250 கிராம்.

செய்முறை: கேழ்வரகு, கம்பு, தினை, சோளம், சாமை அரிசி, பொட்டுக் கடலை, ஜவ்வரிசி, பார்லி, கொள்ளு, சிவப்பரிசி எல்லாவற்றையும் கல் நீக்கி, தனித்தனியாக வறுத்து, ஒன்றாக சேர்த்து மிக்ஸியில் நன்கு அரைக்கவும். சர்க்கரையையும் மிக்ஸியில் அரைத்து, அரைத்த மாவுடன் கலந்து, நெய்யை சூடாக்கி விட்டு, ஏலக்காய்த்தூள் சேர்த்து உருண்டை பிடிக்கவும்.

குறிப்பு:  விலை மலிவாக கிடைக்கும் இந்த தானியங்களில்  நிறைய சத்துகள் உள்ளன. வளரும் குழந்தைகளுக்கு தினம் ஒரு உருண்டை கொடுத்தால், நல்ல வளர்ச்சி இருக்கும். முந்திரி, பாதாம் சேர்த்தும் அரைக்கலாம்.

சோயா  மொச்சை கிரேவி

தேவையானவை: சோயா – 100 கிராம், மொச்சை – 100 கிராம், தக்காளி – 2, மிளகாய் வற்றல் – 2, தனியா – ஒரு டீஸ்பூன், இஞ்சி – சிறிய துண்டு, பூண்டு – 2 பல், தயிர் – 2 டீஸ்பூன், சின்ன வெங்காயம் – 2, எண்ணெய் – 2 டீஸ்பூன், உப்பு – தேவையான அளவு.

செய்முறை: சோயா, மொச்சையைக் குக்கரில் வைத்து, தண்ணீர் விட்டு, இரண்டு விசில் வந்ததும் இறக்கவும் தக்காளி, மிளகாய் வற்றல், தனியா, இஞ்சி, பூண்டு பல், சின்ன வெங்காயம் சேர்த்து அரைக்கவும். கடாயில் எண்ணெய் விட்டு, அரைத்த விழுது, உப்பு சேர்த்துக் கிளறி, நன்கு வதங்கியதும் வேக வைத்த மொச்சை, சோயாவைப் போட்டுக் கொதிக்க வைத்து, தயிர் விட்டு இறக்கவும்.

குறிப்பு: சோயா மொச்சையுடன் இஞ்சி, பூண்டு சேர்ப்பதால் வாயுத் தொல்லை வராது.

பிரெட் பக்கோடா

தேவையானவை: பிரெட் – 10 துண்டுகள், பொடியாக நறுக்கிய வெங்காயம் – ஒரு கப், பொடியாக நறுக்கிய இஞ்சி – 2 டீஸ்பூன், பச்சை மிளகாய் – ஒன்று, கறிவேப்பிலை – சிறிதளவு, எண்ணெய் – 250 மில்லி, உப்பு – தேவையான அளவு.

செய்முறை: பிரெட்டின் ஓரத்தை கட் செய்து நீக்கவும். நறுக்கிய வெங்காயம், பொடியாக நறுக்கிய இஞ்சி, நறுக்கிய பச்சை மிளகாய், கறிவேப்பிலை, உப்பு  ஆகியவற்றை பிரெட்டுடன் சேர்த்து, சிறிது தண்ணீர் விட்டு கெட்டியாகப் பிசையவும். கடாயில் எண்ணெயை சூடாக்கி, பிசைந்து வைத்ததை பக்கோடாக்களாக கிள்ளிப் போட்டு பொரித்து எடுக்கவும்.

குறிப்பு:  சட்னி அல்லது சாஸ் இதற்கு சிறந்த காம்பினேஷன்.

மிக்ஸ்டு வெஜிடபிள் சப்பாத்தி

தேவையானவை: கோதுமை மாவு – 500 கிராம், துருவிய கேரட், துருவிய முள்ளங்கி – தலா ஒரு கப், பொடியாக நறுக்கிய வெங்காயத்தாள்- ஒரு கப், எண்ணெய் – 4 டீஸ்பூன், உப்பு – தேவையான அளவு.

செய்முறை: கோதுமை மாவில் 2 டீஸ்பூன் எண்ணெய் விட்டு தேவையான அளவு உப்பு சேர்த்துக் கலக்கவும். முள்ளங்கி துருவல், கேரட் துருவல், வெங்காயத்தாள் எல்லாம் சேர்த்து 2 டீஸ்பூன் எண்ணெய் விட்டு வதக்கி, கலந்து வைத்துள்ள மாவுடன் சேர்க்கவும். அதில் சிறிது தண்ணீர் விட்டு பிசைந்து, சப்பாத்திகளாக தேய்த்து, தோசைக்கல்லில் போட்டு வாட்டி எடுக்கவும்.

குறிப்பு: இதே முறையில் பொடியாக நறுக்கிய வெங்காயம், கோஸ் துருவல் போட்டும் தயாரிக்கலாம். புதினா, கொத்தமல்லி நறுக்கிப் போட்டும் தயாரிக்கலாம்.

முருங்கைக்கீரைப் பொரியல்

தேவையானவை: ஆய்ந்து எடுத்த முருங்கைக்கீரை – 250 கிராம், தேங்காய் துருவல் – 4 டீஸ்பூன், ஊற வைத்த பாசிப்பருப்பு – 4 டீஸ்பூன், கடுகு – கால் டீஸ்பூன், மிளகாய் வற்றல் – ஒன்று, பெருங்காயத்தூள், எண்ணெய் – சிறிதளவு, உப்பு – தேவையான அளவு.

செய்முறை: முருங்கைக்கீரையைப் பாசிப்பருப்பு சேர்த்து வேக வைத்து தண்ணீரை வடிகட்டவும். கடாயில் எண்ணெய் விட்டு… கடுகு, மிளகாய் வற்றல் போட்டு தாளித்து, வெந்த கீரையை பிழிந்து போட்டு, தேங்காய் துருவல், பெருங்காயத்தூள், உப்பு சேர்த்து நன்கு கிளறி இறக்கவும்.

குறிப்பு: முருங்கைக்கீரையில் அடை, வடை, கூட்டு என்று பல விதமாக தயாரிக்கலாம்.

கார்ன் ஊத்தப்பம்

தேவையானவை: இட்லி அரிசி – 200 கிராம், உளுத்தம்பருப்பு – ஒரு கப், வெந்தயம் – ஒரு டீஸ்பூன், சோளம் – 2, எண்ணெய் – 100 மில்லி, உப்பு – தேவையான அளவு.

செய்முறை: அரிசி, உளுத்தம்பருப்பு, வெந்தயம் மூன்றையும் ஒன்றாக ஒரு மணி நேரம் ஊற வைத்து, களைந்து அரைக்கவும். சோளத்தை உரித்து முத்துக்களை எடுத்து தனியாக அரைத்து, மாவுடன் கலந்து, உப்பு சேர்க்கவும். தோசைக்கல்லில் மாவை உற்றி தோசைகளாக வார்த்து,  இருபுறமும் எண்ணெய் விட்டு, பொன்னிறமாக ஆனதும் எடுக்கவும்.

குறிப்பு: சோளம் கிடைக்கும் சமயத்தில் வித்தியாசமான இந்த ஊத்தப்பம் தயாரித்து சாப்பிடலாம்.

நோன்பு அடை

தேவையானவை: அரிசி – 250 கிராம், சிவப்பு காராமணி- 50 கிராம், வெல்லம் – கால் கிலோ, ஏலக்காய்த்தூள், தேங்காய் (பொடியாக நறுக்கியது) – சிறிதளவு.

செய்முறை: அரிசியை ஊற வைத்து களைந்து ஒரு துணியில் பரவலாகப் போட்டு, ஈரம் உலர்ந்ததும் மிக்ஸியில் அரைத்து, மாவு சல்லடையால் சலித்து, பொன்னிறமாக மாவை வறுக்கவும். ஒரு பங்கு மாவுக்கு ஒன்றரை பங்கு என்ற அளவில் தண்ணீர் விட்டு வெல்லத்தைக் கரைத்து வடிக்கட்டி, சூடாக்கி… கொதிக்கும்போது மாவைத் தூவி கிளற வேண்டும். காராமணியை வறுத்து ஊற வைத்து வேகவிடவும். கிளறிய மாவுடன் ஏலக்காய்த்தூள், பொடியாக நறுக்கிய தேங்காய், காராமணி சேர்த்துப் பிசைந்து வடை போல தட்டி, இட்லித் தட்டில் வைத்து வேகவிடவும்.

குறிப்பு: இதற்கு வெண்ணெய் சிறந்த காம்பினேஷன். இதே முறையில் பச்சை மிளகாய், இஞ்சி, உப்பு சேர்த்து உப்பு அடையும் தயாரிக்கலாம்.

பப்பாளி கூட்டு

தேவையானவை: பப்பாளிக்காய் (சிறியது) – ஒன்று, தேங்காய் துருவல் – ஒரு கப், பச்சை மிளகாய்  – 2, சீரகம் – ஒரு டீஸ்பூன், பாசிப்பருப்பு – ஒரு கப், கறிவேப்பிலை – சிறிதளவு, கடுகு, உளுத்தம்பருப்பு – தலா கால் டீஸ்பூன், பெருங்காயத்தூள் – சிறிதளவு, எண்ணெய்  – 2 டீஸ்பூன், உப்பு – தேவையான அளவு.

செய்முறை: பப்பாளிக்காயை தோல் சீவி, சிறிய துண்டுகளாக நறுக்கி, உப்பு சேர்த்து வேகவிடவும் . பாசிப்பருப்பை தனியாக வேக வைக்கவும். தேங்காய் துருவல், பச்சை மிளகாய், சீரகம் ஆகியவற்றை அரைத்து, வெந்த பப்பாளிக்காயுடன் சேர்த்து பருப்பும் சேர்க்கவும். பிறகு, கடாயில் எண்ணெய் விட்டு… கடுகு, உளுத்தம்பருப்பு தாளித்து சேர்த்து, பெருங்காயத்தூள் கறிவேப்பிலை போட்டு கலந்து… கொதிக்க வைத்து இறக்கவும்.

மரவள்ளிக்கிழங்கு அடை

தேவையானவை: இட்லி அரிசி – 250 கிராம், மரவள்ளிக்கிழங்கு – ஒன்று, துவரம்பருப்பு – ஒரு கப், கடலைப்பருப்பு – 4 டீஸ்பூன், உளுத்தம்பருப்பு – 2 டீஸ்பூன், பொடியாக நறுக்கிய கறிவேப்பிலை – சிறிதளவு, மிளகாய் வற்றல் – மூன்று, எண்ணெய் – 100 மில்லி, உப்பு – தேவையான அளவு,

செய்முறை: இட்லி அரிசியை ஒரு மணி நேரம் ஊற வைத்து மிளகாய் வற்றல் சேர்த்து சிறிது கரகரப்பாக அரைக்கவும். துவரம்பருப்பு, கடலைப்பருப்பு, உளுத்தம்பருப்பை அரை மணி நேரம் ஒன்றாக ஊற வைத்து களைந்து தனியாக அரைக்கவும். இரண்டு மாவையும் ஒன்று சேர்க்கவும். மரவள்ளிக்கிழங்கை தோல் சீவி, கேரட் துருவியில் துருவி, மாவுடன் சேர்த்து, தேவையான அளவு உப்பு சேர்த்து, கறிவேப்பிலை நறுக்கிப் போடவும். தோசைக்கல்லில் மாவை அடைகளாக வார்த்து, இருபுறமும் எண்ணெய் விட்டு வேகவிட்டு எடுக்கவும்.

குறிப்பு: மரவள்ளிக்கிழங்கு அதிகமாக கிடைக்கும்போது வறுவல் தயாரித்து வைக்கலாம்.  வேக வைத்து வெல்லம் சேர்த்தும் சாப்பிடலாம்.

சோனைக்கிழங்கு சாண்ட்விச்

தேவையானவை: சேனைக்கிழங்கு – 250 கிராம், சோம்பு – ஒரு டீஸ்பூன், கசகசா – ஒரு டீஸ்பூன், பூண்டு – 4 பல், சின்ன வெங்காயம் – 2, மிளகாய் வற்றல் – 6, தனியா – 1 டீஸ்பூன், மஞ்சள்தூள் – கால் டீஸ்பூன், எண்ணெய் – 100 மில்லி, உப்பு – தேவையான அளவு.

செய்முறை: சோனைக்கிழங்கை தோல் சீவி பிரெட் ஸ்லைஸ் வடிவத்தில் நறுக்கி, உப்பு, மஞ்சள் தூள் சேர்த்து ஒரு அகலமான பாத்திரத்தில் போட்டு சிறிது நேரம் கொதிக்கவிடவும். சோம்பு, கசகசா, பூண்டு, மிளகாய் வற்றல், தனியா, வெங்காயம், உப்பு ஆகியவற்றை சேர்த்து நைஸாக அரைக்கவும். வேக வைத்த சேனைத் துண்டுகளின் இருபுறமும் அரைத்த மசாலாவை தடவி, நான்-ஸ்டிக் தவாவில் போட்டு, எண்ணெய் விட்டு பொன்னிறமாக வரும் வரை திருப்பி போட்டு எடுத்து இறக்கவும்.

குறிப்பு: மசாலா வாசனையுடன், சூடாக சாப்பிட மிகவும் ருசியாக இருக்கும்.

பரங்கிக்காய் காரக்குழம்பு

தேவையானவை: பரங்கிக்கீற்று – ஒன்று, புளி – ஒரு பெரிய எலுமிச்சம்பழ அளவு, சாம்பார் பொடி – 2 டீஸ்பூன், கடுகு, கடலைப்பருப்பு, வெந்தயம், மிளகாய் வற்றல், கறிவேப்பிலை, பெருங்காயத்தூள், எண்ணெய் – தாளிக்க தேவையான அளவு, உப்பு – தேவையான அளவு.

செய்முறை: வாணலியில் எண்ணெய் விட்டு கடுகு, கடலைப் பருப்பு, வெந்தயம், மிளகாய் வற்றல், கறிவேப்பிலை தாளித்து, சாம்பார் பொடி சேர்த்து, புளியைக் கரைத்து விட்டு, தேவை யான உப்பு சேர்த்துக் கொதிக்க விடவும். கூடவே பரங்கிக்காயை சிறு துண்டுகளாக நறுக்கிப் போட்டு நன்கு வெந்ததும் பெருங் காயத்தூள் சேர்த்து இறக்கவும்.

குறிப்பு: விருப்பமான காய்களில் இதே முறையில் காரக்குழம்பு தயாரிக்கலாம்.

பூசணிக்காய் மோர் கூட்டு

தேவையானவை: பூசணிக் கீற்று – 2, தேங்காய் துருவல், தயிர் – தலா ஒரு கப், பச்சை மிளகாய் – 2, கறிவேப்பிலை, பெருங்காயத்தூள் – சிறிதளவு, கடுகு, உளுத்தம்பருப்பு – தலா கால் டீஸ்பூன், தேங்காய் எண்ணெய் – 2 டீஸ்பூன், உப்பு – தேவையான அளவு.

செய்முறை: பூசணிக்காயை தோல் சீவி, பொடியாக நறுக்கி உப்பு சேர்த்து வேகவிடவும். தேங்காய் துருவல், பச்சை மிளகாயை அரைத்து பூசணிக்காயுடன் சேர்க்கவும். பிறகு… தேங்காய் எண்ணையில் கடுகு, உளுத்தம்பருப்பு தாளித்து சேர்த்து, தயிர் விட்டு கலக்கவும். கறிவேப்பிலை, பெருங்காயத்தூள் சேர்க்கவும்.

மல்டி பருப்பு வடை

தேவையானவை: முளைகட்டிய கொண்டைக்கடலை, முளைகட்டிய கொள்ளு – தலா ஒரு கப், துவரம்பருப்பு, உளுந்து – தலா ஒரு கப் (ஊற வைக்கவும்), மிளகாய் வற்றல் – 4, கறிவேப்பிலை – சிறிதளவு, எண்ணெய் – 250 மில்லி, உப்பு – தேவையான அளவு.

செய்முறை: கொண்டைக் கடலை, கொள்ளு, துவரம்பருப்பு, உளுத்தம்பருப்பை ஒன்றாக சேர்த்து… மிளகாய் வற்றல், உப்பு சேர்த்துக் கெட்டியாக அரைத்து, கறிவேப்பிலையை பொடியாக நறுக்கிப் போடவும். வாணலியில் எண்ணெய் விட்டு அரைத்த மாவை வடைகளாக தட்டிப் போட்டு, பொன்னிறமாக வேகவிட்டு எடுக்கவும்.

குறிப்பு: இதே முறையில் சோளம், முளைவிட்ட பச்சைப் பயறு, மொச்சை போன்றவற்றை வைத்தும் தயாரிக்கலாம்.

வெங்காயத் துவையல்

தேவையானவை: சின்ன வெங்காயம் – 200 கிராம், மிளகாய் வற்றல் – 2, உளுத்தம்பருப்பு – 50 கிராம், புளி – சிறிய நெல்லிக்காய் அளவு, எண்ணெய் – 2 டீஸ்பூன், உப்பு – தேவையான அளவு.

செய்முறை: வெங்காயத்தை தோல் உரித்து, கடாயில் எண்ணெய் விட்டு வதக்கித் தனியாக எடுத்து வைக்கவும். உளுத்தம்பருப்பு, மிளகாய் வற்றல் இரண்டையும் வறுத்து,  மிக்ஸியில் அரைக்கவும். சிறிது மசிந்ததும் புளி, உப்பு சேர்த்து அரைத்து, அதற்குப் பிறகு வெங்காயத்தை சேர்த்து அரைக்கவும். தண்ணீர் விடக்கூடாது.

குறிப்பு: இதை சாதத்தில் போட்டு பிசைந்து சாப்பிடலாம். இட்லி, தோசைக்கும் சிறந்த காம்பினேஷன்.

கலவைக் காய் சொதிகுழம்பு

தேவையானவை: கேரட், குடமிளகாய், உருளைக்கிழங்கு, கத்திரிக்காய் – தலா ஒன்று, அவரைக் காய் – 4, வேக வைத்த துவரம்பருப்பு – ஒரு கப், புளி – ஒரு எலுமிச்சம்பழ அளவு, சாம்பார் பொடி – 4 டீஸ்பூன், கடுகு, வெந்தயம் – தலா கால் டீஸ்பூன், தேங்காய்ப் பால் – 100 மில்லி, எண்ணெய் – 4 டீஸ்பூன், உப்பு – தேவையான அளவு,

செய்முறை: கேரட்டை தோல் சீவி சிறிய துண்டுகளாக நறுக்கிக் கொள்ளவும். குடமிளகாய், கத்திரிக்காய், அவரைக்காய், உருளைக்கிழங்கு எல்லாவற்றையும் ஓரளவு சிறு துண்டுகளாக நறுக்கவும். வாணலியில் எண்ணெய் விட்டு அனைத்து காய்களையும் வதக்கி உப்பு சேர்த்து, புளி கரைத்துவிட்டு, சாம்பார் பொடி போட்டு கொதிக்கவிடவும். வேக வைத்த துவரம்பருப்பு சேர்த்து, தேங்காய்ப் பால் விட்டுக் கலக்கவும். கடுகு, வெந்தயம் தாளித்து சேர்த்து இறக்கவும்.

குறிப்பு: எல்லா காய்களும் மிச்சப்பட்டிருக்கும்போது இந்த குழம்பு தயாரிக்கலாம். தேங்காய்ப் பாலுக்கு பதில் தேங்காயை அரைத்து சேர்த்தும் கொதிக்கவிட்டு இறக்கலாம்.

சுண்டைக்காய் பொரியல்; #Nachikulam_special

தேவையானவை: பச்சை சுண்டைக்காய் – 250 கிராம், தேங்காய் துருவல் – ஒரு கப், கடுகு, உளுத்தம்பருப்பு – தலா கால் டீஸ்பூன், எண்ணெய் – 2 டீஸ்பூன், உப்பு – தேவையான அளவு.

செய்முறை: சுண்டைக்காயை காம்பு ஆய்ந்து சிறிது நசுக்கி,  எண்ணெய் விட்டு வதக்கி, உப்பு சேர்த்து வேகவிட்டு தண்ணீர் வடிக்கவும். கடாயில் எண்ணெய் விட்டு… கடுகு, உளுத்தம்பருப்பு தாளித்து, வேக வைத்த சுண்டைக்காய், தேங்காய் துருவல் போட்டு கிளறி இறக்கவும்.

குறிப்பு: வீட்டுக்கு ஒரு சுண்டைச் செடி இருந்தால் போதும்… வற்றல் தயாரித்து வைக்கலாம். பொரியல், கூட்டு, சாம்பார் என்று பலவிதமாக தயாரிக்கலாம்.

கார்ன்   காலிஃப்ளவர் சூப்

தேவையானவை: காலிஃப்ளவர் (பொடியாக நறுக்கியது) – ஒரு கப், ஸ்வீட் கார்ன் (உதிர்த்தது) – ஒரு கப், மிளகுத்தூள் – கால் டீஸ்பூன், சோள மாவு  – ஒரு டீஸ்பூன், வெண்ணெய் – கால் டீஸ்பூன், பொடியாக நறுக்கிய கொத்தமல்லி –  சிறிதளவு, உப்பு – தேவையான அளவு.

செய்முறை: காலிஃப்ளவர், உதிர்த்த ஸ்வீட் கார்ன் இரண்டையும் வேக வைத்து, அதில் சோள மாவை  கரைத்து விட்டு… உப்பு, மிளகுத்தூள், வெண்ணெய் சேர்க்கவும். நறுக்கிய கொத்தமல்லி சேர்த்து, கொதிக்க வைத்து இறக்கவும்.

குறிப்பு: இதே முறையில் கோஸ் , கேரட், பட்டாணியிலும் சூப் தயாரிக்கலாம்.

பரங்கிக்காய் ஓலன்

தேவையானவை: பாதி முற்றிய பரங்கிக்காய் – 2 கீற்று, தேங்காய் எண்ணெய் – ஒரு டீஸ்பூன், கடுகு, உளுத்தம்பருப்பு – சிறிதளவு, உப்பு – தேவையான அளவு.

செய்முறை: பரங்கிக்காயை வறுவலுக்கு நறுக்குவது போல நறுக்கவும். கடாயில் தேங்காய் எண்ணெய் விட்டு கடுகு, உளுத்தம்பருப்பு தாளித்து நறுக்கிய பரங்கிக்காய், உப்பு சேர்த்து மிதமான தீயில் வதக்கவும்.

குறிப்பு: சிறிய பரங்கிக்காயில் (பரங்கிப் பிஞ்சு) அடை, பால் கூட்டு தயாரிக்கலாம். பாதி முற்றியதும் ஓலன் தயாரிக்கலாம். நன்கு முற்றியதும் அல்வா, பொரியல், சாம்பார் செய்யலாம்.

கோவைக்காய் துவட்டல்

தேவையானவை: கோவைக்காய்  – 250 கிராம், பெரிய வெங்காயம் – 2, மிளகாய்த்தூள்  – ஒரு டீஸ்பூன், மஞ்சள்தூள் – கால் டீஸ்பூன், எண்ணெய் – 4 டீஸ்பூன், உப்பு – தேவையான அளவு.

செய்முறை: கோவைக்காயை நீளவாக்கில் நறுக்கி… உப்பு, மஞ்சள்தூள் சேர்த்து வேகவிட்டு தண்ணீரை வடிக்கவும். கடாயில் எண்ணெய் விட்டு நறுக்கிய வெங்காயத்தை போட்டு வதக்கி, மிளகாய்த்தூள் சேர்த்து, வேக வைத்த கோவைக்காயையும் சேர்த்து மிதமான தீயில் வதக்கி எடுக்கவும்.

குறிப்பு: இதை சாதத்துடன் கலந்து சாப்பிடலாம். சப்பாதிக்கும் தொட்டு சாப்பிடலாம்.

வெந்தயக் கீரை பணியாரம்

தேவையானவை: வெந்தயக் கீரை – ஒரு கட்டு, இட்லி மாவு – 250 கிராம், வெங்காயம் (பொடியாக நறுக்கியது) – ஒரு கப், எண்ணெய் – 100 மில்லி, உப்பு தேவையான அளவு.

செய்முறை: வெந்தயக்கீரையை பொடியாக நறுக்கி வதக்கி, வெங்காயத்தையும் வதக்கி, இட்லி மாவுடன் கலந்து உப்பு சேர்த்துக் கலக்கவும். பிறகு, பணியாரக் கல்லில் மாவை ஊற்றி சிறிது எண்ணெய் விட்டு, ஒரு குச்சியால் திருப்பி, வேகவிட்டு எடுக்கவும்.

குறிப்பு: இதற்கு சட்னி சிறந்த காம்பினேஷன். வெந்தயக் கீரையில் சாம்பாரும் செய்யலாம்.

எள்ளு சாதம்

தேவையானவை: அரிசி – 250 கிராம், எள்ளு – 50 கிராம், மிளகாய் வற்றல் – 2, உளுத்தம்பருப்பு – 2 டீஸ்பூன், எண்ணெய் – 2 டீஸ்பூன், உப்பு – தேவையான அளவு.

செய்முறை: அரிசியை ஒரு பங்குக்கு மூன்று பங்கு தண்ணீர் விட்டு குக்கரில் வைத்து, மூன்று விசில் வந்ததும் இறக்கவும். வெறும் கடாயில் எள்ளு, உளுத்தம்பருப்பு, மிளகாய் வற்றலை வறுத்து, தேவையான உப்பு சேர்த்து மிக்ஸியில் பொடிக்கவும். சாதத்துடன் இந்தப் பொடியை சேர்த்து எண்ணெய் விட்டு கலந்து சாப்பிடலாம்.

குறிப்பு: இதற்கு தயிர் பச்சடி சிறந்த காம்பினேஷன். எள் எலும்புக்கு வலிமை தரும். எள் உருண்டையும் தயாரித்து சாப்பிடலாம்.

வேப்பம்பூ பச்சடி

தேவையானவை: வேப்பம்பூ – ஒரு கப், புளி – எலுமிச்சை அளவு, கடுகு – அரை டீஸ்பூன், மிளகாய் வற்றல் – ஒன்று, எண்ணெய்  – ஒரு டீஸ்பூன், வெல்லம் – 100 கிராம், உப்பு – சிறிதளவு

செய்முறை: வாணலியில் எண்ணெய் விட்டு கடுகு, மிளகாய் வற்றல் தாளித்து… புளிக் கரைசல், உப்பு சேர்த்து, வெல்லம் போட்டு கொதிக்கவிடவும். சிறிது கொதித்தவுடன் வேப்பம்பூவை வறுத்துப் போட்டு இறக்கவும்.

குறிப்பு: வேப்பம்பூ சீஸனில் வேப்பம்பூவை சேகரித்து வைத்தால்… பொடி, துவையல், ரசம் என்று பலவிதமாக பயன்படுத்தலாம். பித்தத்துக்கு மிகவும் நல்லது.

கேப்சிகம் ரைஸ்

தேவையானவை: அரிசி – 250 கிராம், குடமிளகாய் – 2, பெரிய வெங்காயம் – 2, நறுக்கிய கொத்தமல்லி – சிறிதளவு, எண்ணெய் – 4 டீஸ்பூன், உப்பு – தேவையான அளவு.

செய்முறை: அரிசியை ஒரு பங்குக்கு இரண்டரை பங்கு தண்ணீர் விட்டு குக்கரில் வைத்து இரண்டு விசில் வந்ததும் இறக்கவும். குடமிளகாய், வெங்காயத்தை பொடியாக நறுக்கி எண்ணெய் விட்டு வதக்கி சாதத்துடன் சேர்த்து, உப்பு சேர்த்துக் கலக்கவும். நறுக்கிய கொத்துமல்லி சேர்த்துப் பரிமாறவும்.

குறிப்பு: குடமிளகாயுடன் பேபி கார்ன், புதினா சேர்த்தும் தயாரிக்கலாம்.
Thanks Aval Vikatan

புதன், 14 ஆகஸ்ட், 2019

விநாயகர் சதுர்த்தி ஸ்பெஷல் - 30 வகை கொழுக்கட்டை


விநாயகர் சதுர்த்தி ஸ்பெஷல் - 30 வகை கொழுக்கட்டை

விநாயகர் சதுர்த்தி ஸ்பெஷல் - 30 வகை கொழுக்கட்டை
கொழுக்கட்டை’களை வழங்குகிறார் சமையல் கலை நிபுணர் சீதா சம்பத்.

''ஆவியில் வேக வைப்பதால், கொழுக் கட்டை எளிதில் ஜீரணமாகும். எனவே, விருப்பப்படும் நாட்களில் எல்லாம் செய்து பரிமாற... பீட்ரூட் கொழுக்கட்டை, சேமியா கொழுக்கட்டை, ட்ரை ஃப்ரூட்ஸ் கொழுக் கட்டை என வெரைட்டியாக கொடுத் துள்ளேன்.


விநாயகர் அருளால் உங்கள் இல்லத்தில் எல்லா வளமும் நிறைந் திருக்கட்டும்'' என்று மனமார வாழ்த்தும் சீதாவின் ரெசிபிகளை, உள்ளத்தை கொள்ளை கொள்ளும் விதத்தில்  அலங்கரித்திருக்கிறார் செஃப் ரஜினி.

புரோட்டீன் கொழுக்கட்டை

தேவையானவை: பச்சரிசி மாவு  -  ஒரு கப், சோயா பீன்ஸ் - அரை கப், கடுகு - அரை டீஸ்பூன், உளுத்தம்பருப்பு, கடலைப்பருப்பு - தலா ஒரு டீஸ்பூன், இஞ்சி - ஒரு சிறிய துண்டு, பச்சை மிளகாய் - 4, கறிவேப்பிலை - சிறிதளவு, பெருங்காயத்தூள் -  ஒரு சிட்டிகை, தண்ணீர் - ஒன்றரை கப்,  எண்ணெய் - 4 டீஸ்பூன், உப்பு - தேவையான அளவு.

செய்முறை: சோயா பீன்ஸை ஊற வைத்து, ரவை போல கொர கொரப்பாக அரைத்துக் கொள்ளவும். இஞ்சி, பச்சை மிளகாய், சிறிதளவு உப்பு மூன்றையும் சேர்த்து அரைத்து இதனுடன் கலக்கவும். கடாயில் 2 டீஸ்பூன் எண்ணெய் விட்டு, சூடானதும் கடுகு, உளுத்தம்பருப்பு, கடலைப்பருப்பு போட்டு வறுத்து, பெருங்காயத்தூள் சேர்க்கவும். அத்துடன் அரைத்த சோயா பீன்ஸ் விழுது சேர்த்து, கறிவேப்பிலையை கிள்ளி போட்டு, சிறிதளவு உப்பு சேர்த்துக் கிளறவும். வெந்து உதிரியாகும் வரை கிளறி எடுக்கவும். இதுதான் பூரணம்.


விநாயகர் சதுர்த்தி ஸ்பெஷல் - 30 வகை கொழுக்கட்டை
கடாயில் தண்ணீர் விட்டு, சிறிதளவு உப்பு, ஒரு டீஸ்       பூன் எண்ணெய் விட்டு கொதிக்கவிடவும். இதில் பச்சரிசி மாவு தூவி கட்டி இல்லாது கிளறி எடுக்கவும். ஆறியதும் கையில் எண்ணெய் தடவிக் கொண்டு, அரிசி மாவில் எலுமிச்சம் பழ அளவு எடுத்து உருட்டி, கிண்ணம் போல் செய்து அதில் சோயா பூரணம் ஒரு டீஸ்பூன் அளவு வைத்து மூடி, கொழுக்கட்டை வடிவம் கொடுக்கவும். தயாரித்தவற்றை ஆவியில் வேக வைத்து எடுத்தால்... புரோட்டீன் கொழுக்கட்டை தயார்.

குறிப்பு: சத்தான, புதுமையான இந்தக் கொழுகட்டை, எல்லோருக்கும் ஏற்றது. எளிதில் ஜீரணம் ஆகக் கூடியது.

 பீட்ரூட் கொழுக்கட்டை

தேவையானவை: பீட்ரூட் துருவல், அரிசி மாவு - தலா ஒரு கப், தேங்காய் துருவல் - கால் கப், பொடித்த வெல்லம் - முக்கால் கப், ஏலக்காய்த்தூள் - கால் டீஸ்பூன், நெய் - 4 டீஸ்பூன், முந்திரிப்பருப்பு - 10.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: அரிசி மாவை வெறும் கடாயில் வறுக்கவும். கடாயில் வெல்லம், தண்ணீர் சேர்த்து சூடாக்கி, வெல்லத்தை கரையவிட்டு வடிகட்டவும். அரிசி மாவுடன் பீட்ரூட் துருவல், தேங்காய் துருவல், ஏலக்காய்த்தூள், முந்திரிப்பருப்பு, நெய் விட்டு கலந்து... வடிகட்டிய வெல்லக் கரைசலை அதில் விட்டு, கெட்டியாக பிசைந்து கொள்ளவும். கலவையில் சிறிது சிறிதாக எடுத்து உருட்டி, லேசாக தட்டி, ஆவியில் வேக வைத்து எடுக் கவும். மேலே முந்திரிப்பருப்பை வைத்து அலங்கரிக்கவும்.

 ஹெர்பல் கொழுக்கட்டை

தேவையானவை: பச்சரிசி மாவு - ஒரு கப், கொத்தமல்லி இலை - ஒரு கப், புதினா - கால் கப், இஞ்சி - ஒரு சிறிய துண்டு, பச்சை மிளகாய் - 4, எலுமிச்சைச் சாறு - ஒரு டீஸ்பூன், தண்ணீர் - ஒன்றரை கப், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கொத்தமல்லி, புதினா, இஞ்சி, பச்சை மிளகாயை சுத்தம் செய்து ஒன்றாக சேர்த்து அரைத்துக் கொள்ளவும். இதில் எலுமிச்சைச் சாறு விட்டு கலக்கவும். கடாயில் தண்ணீர் விட்டு உப்பு, சிறிதளவு எண்ணெய், அரைத்த விழுது ஆகியவற்றை சேர்த்து கொதிக்கவிடவும் (ஒரு கொதி போதுமானது). இதில் பச்சரிசி மாவு தூவி கட்டி இல்லாது கெட்டியாக கிளறி எடுத்து ஆறவிடவும். கையில் எண்ணெயை தடவிக் கொண்டு கலவையில் சிறிது எடுத்து, சிறுசிறு உருண்டைகளாக உருட்டி வைத்து ஆவியில் வேக வைத்து எடுத்தால்... ஹெர்பல் கொழுக்கட்டை தயார்.

குறிப்பு: இது, நல்ல வாசனை யாகவும் ருசியாகவும் இருக்கும். பித்தத்தை தணிக்கும். பசியைத் தூண்டக்கூடியது.

பஞ்சரத்ன கொழுக்கட்டை

தேவையானவை: இட்லி அரிசி, துவரம்பருப்பு, பயத்தம்பருப்பு, உளுத்தம்பருப்பு, கடலைப்பருப்பு - தலா அரை கப், காய்ந்த மிளகாய் - 6, இஞ்சி - ஒரு சிறிய துண்டு, பச்சை மிளகாய் - 2, கொத்தமல்லி - கறிவேப்பிலை - ஒரு கைப்பிடி அளவு, கடுகு - அரை டீஸ்பூன், பெருங்காயம் -  ஒரு சிட்டிகை, எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: அரிசி, பருப்புகளை சுத்தம் செய்து ஒன்றாக சேர்த்து 30 நிமிடம் ஊற வைக்கவும். பிறகு, தண்ணீர் வடித்து காய்ந்த மிளகாய், உப்பு, இஞ்சி, பச்சை மிளகாய் சேர்த்து கெட்டியாக அரைத்து எடுக்கவும். கொத்தமல்லி, கறிவேப்பிலையை கிள்ளிப் போட்டு கலக்கவும். இட்லித் தட்டில் எண்ணெய் தடவி விட்டு, அரைத்து எடுத்த கலவையில் கொஞ்சம் கொஞ்சமாக எடுத்து உருட்டி வைக்கவும். அப்படியே ஆவியில் வேக வைத்து எடுக்கவும். கடாயில் சிறிதளவு எண்ணெய் விட்டு, சூடானதும் கடுகு, பெருங்காயம் தாளித்து, வேக வைத்த உருண்டைகளைப் போட்டு கலந்து எடுக்கவும்.

 காரடையான் நோன்பு கொழுக்கட்டை

தேவையானவை: அரிசி மாவு - ஒரு கப், காராமணி - கால் கப், பொடித்த வெல்லம் - முக்கால் கப், தேங்காய் துண்டுகள் - 3 டேபிள்ஸ்பூன், ஏலக்காய்த்தூள் - அரை டீஸ்பூன், நெய் - அரை டீஸ்பூன், தண்ணீர் - 2 கப், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: காராமணியை வெறும் கடாயில் வறுத்து வேகவிட்டு எடுக்கவும். அரிசி மாவை வெறும் கடாயில் பொன்னிறமாக வறுத்து எடுக்கவும். வெல்லத்துடன் தண்ணீர் சேர்த்து கரையவிட்டு கொதிக்க வைத்து வடிகட்டி எடுத்து, மீண்டும் கொதிக்கவிடவும். இத்துடன் வேக வைத்த காராமணி, தேங்காய் துண்டுகள், உப்பு, ஏலக்காய்த் தூள், நெய் கலந்து... கொதிக்கும்போது அரிசி மாவை தூவி கெட்டியாக கிளறி எடுக்கவும். ஆறியதும் ஈர கையினால் கலவையை நன்கு பிசைந்து கலக்கவும். சிறிதளவு கலவை எடுத்து உருட்டி உள்ளங்கையில் வைத்து லேசாக தட்டி நடுவில் ஓட்டை போட்டு தயார் செய்யவும். அப்படியே ஆவியில் வேக வைத்து எடுக்கவும்.

குறிப்பு: இதற்கு தொட்டுக் கொள்ள ஃப்ரெஷ் வெண்ணெய் ஒரு டீஸ்பூன் வைத்து பரிமாறவும்.

ஏகாதசி கொழுக்கட்டை

தேவையானவை: அரிசி ரவை, தேங்காய் துருவல் - தலா ஒரு கப், வெல்லத்தூள் - கால் கப், ஏலக்காய்த்தூள் - கால் டீஸ்பூன், எண்ணெய் - 2 டீஸ்பூன், தண்ணீர் - 2 கப், உப்பு - ஒரு சிட்டிகை.

செய்முறை: கடாயில் தண்ணீர், உப்பு, ஒரு டீஸ்பூன் எண்ணெய் சேர்த்து கொதிக்கவிடவும். உடனே அரிசி ரவையைப் போட்டு கெட்டியாக கிளறி எடுத்து ஆறவிடவும். தேங்காய் துருவல், வெல்லத்தூள், ஏலக்காய்த்தூள் சேர்த்துக் கலந்து வைத்துக் கொள்ளவும். கையில் எண்ணெய் தடவிக் கொண்டு, அரிசி ரவை கலவையில் இருந்து சிறிய கமலா ஆரஞ்சு அளவு எடுத்து உருட்டி, நடுவில் குழி செய்து 2 டீஸ்பூன் அளவு தேங்காய் கலவை வைத்து மூடி, வட்டமாக உருட்டவும். அப்படியே ஆவியில் வேக வைத்து எடுக்கவும்.

விநாயகர் சதுர்த்தி ஸ்பெஷல் - 30 வகை கொழுக்கட்டை
குறிப்பு:  நம் முன்னோர்கள் ஏகாதசிக்கு இதை மட்டுமே ஒரு வேளை உணவாக எடுத்துக் கொண்டு விரதம் இருந்தனர். அதனால்தான் இந்தப் பெயர்!

சேமியா கொழுக்கட்டை

தேவையானவை: சேமியா - 200 கிராம், தேங்காய் - ஒன்று (துருவிக் கொள்ளவும்), காய்ச்சிய பால் - 2 கப், அரிசி மாவு - 3 டேபிள்ஸ்பூன், நறுக்கிய வெங்காயம் - ஒரு கப், பச்சை மிளகாய் - 5 (நறுக்கியது), கடுகு, சீரகம், எள் - தலா அரை டீஸ்பூன், உளுத்தம்பருப்பு - ஒரு டீஸ்பூன், கறிவேப்பிலை - சிறிதளவு, எண்ணெய், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: சேமியாவை வறுத்து, பாலில் 30 நிமிடம் ஊற வைக்கவும். கடாயில் எண்ணெய் விட்டு, சூடானதும் கடுகு, உளுத்தம்பருப்பு, கறிவேப்பிலை, வெங்காயம், நறுக்கிய பச்சை மிள காய் ஆகியவற்றை வதக்கவும். தேங்காய் துருவல் சேர்த்து, தீயை நிறுத்திவிட்டு கலக்கவும். பாலில் ஊறிய சேமியா, உப்பு, அரிசி மாவு, எள்ளு, சீரகம் ஆகிய வற்றையும் அதில் கலக்கவும். கையினால் நன்கு  மசித்து கலந்து சிறுசிறு உருண்டைகளாக உருட்டி, ஆவியில் வேகவைத்து எடுக்கவும்.

பாஸ்தா மசாலா கொழுக்கட்டை

தேவையானவை: அரிசி மாவு - ஒரு கப், தக்காளி - 2, வெங்காயம், குடமிளகாய், கேரட் - தலா ஒன்று, பாஸ்தா (டிபார்ட்மென்ட் கடைகளில் கிடைக்கும்) - ஒரு கப், இஞ்சி - பூண்டு விழுது - ஒரு டீஸ்பூன், பச்சை மிளகாய் விழுது - அரை டீஸ்பூன், கொத்தமல்லி, புதினா - சிறிதளவு, தக்காளி சாஸ் - ஒரு டீஸ்பூன், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: பாஸ்தாவில் கொதிநீர் விட்டு 10 நிமிடம் ஊற வைத்து எடுக்கவும். அரிசி மாவை வெறும் கடாயில் வறுத்து... உப்பு, சிறிதளவு எண்ணெய் சேர்த்துக் கலந்து, தண்ணீர் விட்டு கெட்டியாக பிசைந்து கொள்ளவும். அரிசி மாவை சிறு சிறு உருண்டைகளாக உருட்டி ஆவியில் வேக வைத்து எடுக்கவும். கடாயில் எண்ணெய் விட்டு சூடானதும் நறுக்கிய வெங்காயம், தக்காளி, குடமிளகாய், கேரட் துண்டுகள், உப்பு, இஞ்சி -  பூண்டு விழுது, பச்சை மிளகாய் விழுது சேர்த்து வதக்கவும். பிறகு, தண்ணீர் தெளித்து வேக வைக்கவும். வெந்து சேர்ந்தாற்போல் வந்ததும், பாஸ்தாவை அதில் சேர்த்து கலந்துவிடவும். ஆவியில் வேக வைத்த அரிசி மாவு உருண்டைகளை சேர்த்து, லேசாக கலக்கவும். நிறைவாக, தக்காளி சாஸ், புதினா, கொத்தமல்லி தூவி கலக்கினால்... பாஸ்தா மசாலா கொழுக்கட்டை தயார்

சேவரி கொழுக்கட்டை

தேவையானவை: மிச்சமாகிப் போன சேவரி (ஓமப்பொடி, தேன்குழல், காராசேவு, காராபூந்தி போன்றவை) - ஒரு கப், அரிசி மாவு - ஒரு கப், மிளகுத்தூள் - ஒரு டீஸ்பூன், தண்ணீர் - ஒன்றரை கப், எண்ணெய் - 2 டீஸ்பூன், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: மிச்சமாகிப் போன ஓமப்பொடி, தேன்குழல், காராசேவு, காராபூந்தி எதுவாகிலும் ஒன்றாகக் கலந்து, மிக்ஸியில் கொரகொரப்பாக தூள் செய்யவும். இதனுடன் மிளகுத் தூள் சேர்த்துக் கலந்தால்... பூரணம் தயார். கடாயில் தண் ணீர், உப்பு, எண்ணெய் விட்டு கொதிக்கவிடவும். கொதி வந்ததும் அரிசி மாவு தூவி, கட்டி இல்லாது கிளறி எடுத்து ஆறவிடவும். கையில் எண்ணெய் தடவிக் கொண்டு, அரிசி மாவு கலவையில் சிறிது எடுத்து உருட்டி குழி செய்து,  பூரணம் ஒரு டீஸ்பூன் அளவு வைத்து மூடவும். அப்படியே ஆவியில் வேக வைத்து எடுக்கவும். இதை நினைத்த நேரத்தில் செய்து அசத்தலாம்.

 டிரை ஃப்ரூட்ஸ் கொழுக்கட்டை

தேவையானவை: அரிசி மாவு - ஒரு கப், பேரீச்சம்பழம் (விதை நீக்கியது) - 10, முந்திரி, பாதாம், பிஸ்தா - தலா 10, திராட்சை, வெல்லம் - தலா 50 கிராம், பொட்டுக்கடலை - 4 டீஸ்பூன், எண்ணெய் - 2 டீஸ்பூன், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தண்ணீர்,  உப்பு, சிறிதளவு எண்ணெய் சேர்த்து கொதிக்கவிட்டு... அதில் அரிசி மாவு தூவி கெட்டியாக கிளறி எடுக்கவும். இதுதான் மேல் மாவு. முந்திரி, பாதாம், பிஸ்தா, பொட்டுக்கடலையை மிக்ஸி யில் கொரகொரப்பாக தூள் செய்து எடுக்கவும். பேரீச்சம்பழம், திராட்சை, வெல்லம் சேர்த்து அரைத்து, பருப்பு தூள்களை சேர்த்து ஒரு சுற்று சுற்றி எடுத்தால்... பூரணம் தயார். கையில் எண்ணெய் தடவிக் கொண்டு மேல் மாவில் சிறிது எடுத்து உருட்டி, கிண்ணம் போல் செய்து, ஒரு டீஸ்பூன் பூரணத்தை அதில்  வைத்து மூடி, வேண்டிய வடிவம் கொடுக்கவும், அப்படியே ஆவியில் வேகவைத்து எடுக்கவும்.

குறிப்பு: திராட்சை, பேரீச்சம்பழத்தை வெந்நீரில் ஊற வைத்தும் அரைத்து எடுக்கலாம்.

ராகி கொழுக்கட்டை

தேவையானவை: ராகி (கேழ்வரகு) மாவு - 2 கப், அரிசி மாவு - ஒரு கப், பச்சை மிளகாய் - 4, வெங்காயம் - ஒன்று (நறுக்கிக் கொள்ளவும்), கடுகு, சீரகம் - தலா ஒரு டீஸ்பூன், உளுத்தம்பருப்பு - 2 டீஸ்பூன், கறிவேப்பிலை - சிறிதளவு, எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: ராகி மாவு, அரிசி மாவை சேர்த்து வெறும் கடாயில் சூடுபட வறுக்கவும். கடாயில் எண்ணெய் விட்டு, சூடானதும் கடுகு, உளுத்தம்பருப்பு, சீரகம் தாளிக்கவும். வெங்காயம், நறுக்கிய பச்சை மிளகாய், கறிவேப்பிலை போட்டு புரட்டவும். உப்பு சேர்த்துக் கிளறவும். தேவையான அளவு தண்ணீர் விட்டு, கொதி வந்தவுடன் மாவு தூவி கிளறவும். கெட்டியானதும் இறக்கி ஆறவிடவும். ஈரக் கையினால் கலவையில் சிறிதளவு எடுத்து உருட்டி லேசாக தட்டி வைக்கவும். தயாரித்தவற்றை ஆவியில் வேக வைத்து எடுக்கவும்.

குறிப்பு: இது எல்லோருக்கும் ஏற்றது. சுகர் பிராப்ளம் உள்ளவர்களுக்கு மிகவும் நல்லது.

மின்ட் கொழுக்கட்டை

தேவையானவை: அரிசி மாவு - ஒரு கப், தேங்காய் துருவல், பொட்டுக்கடலை, புதினா - தலா அரை கப், பச்சை மிளகாய் - 4, எலுமிச்சைச் சாறு - 2 டீஸ்பூன், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: பொட்டுக்கடலை, புதினா, தேங்காய் துருவல், பச்சை மிளகாய் ஆகியவற்றுடன் எலுமிச்சைச் சாறு சேர்த்து, உப்பு போட்டு அரைத்துக் கொள்ளவும். கடாயில் 2 கப் தண்ணீர் விட்டு... உப்பு, எண்ணெய் சேர்த்துக் கலந்து கொதிக்கவிடவும். கொதி வந்ததும் அரைத்து வைத்த விழுதை போட்டு கலக்கவும். உடன் அரிசி மாவை தூவி கெட்டியாக கிளறி எடுக்கவும். கையில் எண்ணெய் தடவிக் கொண்டு, மாவை சிறுசிறு உருண்டைகளாக செய்யவும். அப்படியே ஆவியில் வேக வைத்து எடுக்கவும்.

சோயா சங்ஸ் ஸ்வீட் கொழுக்கட்டை

தேவையானவை: சோயா சங்ஸ் (பெரிய மளிகைக் கடைகளில் கிடைக்கும்) - 20 அல்லது 25, பொடித்த வெல்லம் - முக்கால் கப், ஏலக்காய்த்தூள் - கால் டீஸ்பூன், பச்சரிசி மாவு - ஒரு கப், உப்பு - ஒரு சிட்டிகை, எண்ணெய் - 4 டீஸ்பூன்.

செய்முறை: சோயா சங்ஸை சுடுநீரில் 10 நிமிடம் ஊற வைத்து, தண்ணீர் வடித்து உதிர்த்து துளாக்கவும். கடாயில் வெல்லம், தண்ணீர் சேர்த்து சூடாக்கி, வெல் லத்தை கரையவிட்டு வடிகட்டி, பச்சை வாசனை போக கொதிக்கவிடவும். தூளாக்கிய சோயா சங்ஸை இதில் போட்டு, ஏலக்காய்த்தூள் கலந்து, சிறிதளவு எண்ணெய் சேர்த்து, அடிபிடிக்காமல் கிளறி எடுக்கவும். இதுதான் பூரணம்.

விநாயகர் சதுர்த்தி ஸ்பெஷல் - 30 வகை கொழுக்கட்டை
கடாயில் தண்ணீர் விட்டு, உப்பு, கொஞ்சம் எண்ணெய் விட்டு கொதிக்கவிடவும். இதில் பச்சரிசி மாவைத் தூவி கெட்டியாக கிளறி எடுக்கவும். ஆறியதும் கட்டி இல்லாது பிசைந்து கொள்ளவும். மாவில் சிறிது எடுத்து உருட்டி கிண்ணம் போல் செய்து, தேவையான அளவு சோயா சங்ஸ் பூரணம் வைத்து மூடவும். தயாரித்தவற்றை ஆவியில் வேக வைத்து எடுக்கவும்.

கம்பு இனிப்பு கொழுக்கட்டை

தேவையானவை: அரிசி மாவு - 2 டீஸ்பூன், கம்பு  மாவு - ஒரு கப்,  தேங்காய் துருவல் - அரை கப், ஏலக்காய்த்தூள் - கால் டீஸ்பூன், பொடித்த வெல்லம் - முக்கால் கப்.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: அரிசி மாவு, கம்பு மாவை வெறும் கடாயில் சேர்த்து சூடுபட வறுத்து, கலந்து எடுத்து வைக்கவும். வெல்லத்துடன் தண்ணீர் சேர்த்து கரையவிட்டு கொதிக்க வைத்து வடிகட்டவும். மாவுக் கலவையில் ஏலக்காய்த்தூள், தேங்காய் துருவல் சேர்த்துக் கலக்கவும். இதில் வெல்லக் கரைசலை விட்டுக் கலந்து, சப்பாத்தி மாவு போல பிசையவும். கலவையில் சிறிது எடுத்து நீளவாட்டில் உருட்டவும். தயாரித்தவற்றை ஆவியில் வேக வைத்து எடுக் கவும்.

கேபேஜ் கொழுக்கட்டை

தேவையானவை: முட்டைகோஸ் துருவல் - 2 கப், உளுத்தம்பருப்பு, கடலைப்பருப்பு  - தலா 2 டீஸ்பூன், காய்ந்த மிளகாய் - 4,  பெருங்காயத்தூள் - கால் டீஸ்பூன், அரிசி மாவு - 2 கப், புளி - பெரிய நெல்லிக்காய் அளவு, எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் எண்ணெய் விட்டு சூடானதும், காய்ந்த மிளகாய், உளுத்தம்பருப்பு, கடலைப்பருப்பு, பெருங்காயத்தூள் போட்டு வறுத்து எடுக்கவும். அதே கடாயில் முட்டைகோஸ் துருவலை சேர்த்து பச்சை வாசனை போக வதக்கவும். ஆறியதும் எல்லாவற்றையும் மிக்ஸியில் போட்டு, புளி, உப்பு சேர்த்து கெட்டியாக அரைத்து எடுக்கவும். தண்ணீரை கொதிக்க வைத்து... உப்பு சேர்த்து, எண்ணெய் விட்டு, இதில் அரிசி மாவை தூவி கெட்டியாக கிளறி எடுக்கவும். ஆறியதும் கையில் எண்ணெய் தடவிக் கொண்டு, மாவில் சிறிது எடுத்து உருட்டி தட்டையாக செய்து, அதில் 2 டீஸ்பூன் அளவு முட்டைகோஸ் பூரணம் வைத்து மூடவும். அப்படியே ஆவியில் வேக வைத்து எடுக்கவும்.

உசிலி கொழுக்கட்டை

தேவையானவை: அரிசி மாவு - ஒரு கப், உளுத்தம்பருப்பு - கால் கப், கடுகு - அரை டீஸ்பூன், காய்ந்த மிளகாய் - 2, கறிவேப்பிலை - சிறிதளவு, பெருங்காயத்தூள் - ஒரு சிட்டிகை, பொடியாக நறுக்கிய இஞ்சி, பச்சை மிளகாய் - தலா ஒரு டீஸ்பூன், எண்ணெய், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: அரிசி மாவை வெறும் கடாயில் வறுக்கவும். உப்பு, ஒரு டீஸ்பூன் எண்ணெய் விட்டு கலக்கவும். சுடுநீர் விட்டு சப்பாத்தி மாவு போல் பிசைந்து சிறு உருண்டைகளாக செய்யவும். அப்படியே ஆவியில் வேக வைத்து எடுக்கவும். உளுத்தம் பருப்பை ஊற வைத்து, தண்ணீர் வடித்து, காய்ந்த மிளகாய் சேர்த்து கெட்டியாக அரைத்து எடுக்கவும். கடாயில் கொஞ்சம் எண்ணெய் விட்டு கடுகு, சிறிதளவு உளுத்தம்பருப்பு, பெருங்காயத் தூள் தாளிக்கவும். இஞ்சித் துண்டுகள், பச்சை மிளகாய் துண்டுகள், கறிவேப்பிலை போட்டு கிளறவும். அதனுடன் அரைத்த உளுத்தம்பருப்பு விழுதை சேர்த்துக் கிளறவும். வெந்து உதிரியாக வந்ததும், வேக வைத்த கொழுக்கடைகளை சேர்க்கவும். லேசாக கலந்து இறக்கவும்.

ஸ்பிரவுட் கொழுக்கட்டை

தேவையானவை: முளைகட்டிய பயறு - ஒரு கப், பச்சை மிளகாய்  - 3 (நறுக்கவும்), தேங்காய் துருவல் - கால் கப், அரிசி மாவு - ஒரு கப், கறிவேப்பிலை - சிறிதளவு, பெருங்காயத்தூள் - கால் டீஸ்பூன், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் கொஞ்சம் எண்ணெய் விட்டு பெருங்காயத்தூள், கறிவேப்பிலை தாளித்து... முளைகட்டிய பயறு, உப்பு, பச்சை மிளகாய் துண்டுகள் சேர்த்து தண்ணீர் தெளித்து வேகவிடவும். பயறு வெந்ததும் தேங்காய் துருவலை கலந்து எடுக்கவும்.  கடாயில் தண்ணீர் விட்டு சூடாக்கி... உப்பு, எண்ணெய் சேர்த்து, கொதித்து வரும்போது அரிசி மாவை சேர்த்து கெட்டியாக கிளறி எடுக்கவும். ஆறியதும் நன்கு பிசைந்து கொள்ளவும். கையில் எண்ணெய் தடவிக் கொண்டு மாவில் கொஞ்சம் கொஞ்சமாக எடுத்து உருட்டி, சின்ன கிண்ணம் போல் செய்து, பயறு கலவையை உள்ளே வைத்து மூடவும். அப்படியே ஆவியில் வேக வைத்து எடுத்தால்... ஸ்பிரவுட் கொழுக்கட்டை தயார்.

 மணி பேக் கொழுக்கட்டை

தேவையானவை: அரிசி மாவு - ஒரு கப், பட்டாணி, வெல்லம் - தலா அரை கப், தேங்காய் துருவல் - கால் கப், ஏலக்காய்த் தூள் - அரை டீஸ்பூன், எண் ணெய் - 2 டீஸ்பூன், உப்பு - தேவையான அளவு,

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: பட்டாணியை முதல் நாளே ஊற வைத்து, அடுத்த நாள் வேக வைத்து மசித்துக் கொள்ளவும். கடாயில் ஒன்றரை கப் தண்ணீர் விட்டு... உப்பு, சிறிதளவு எண்ணெய் சேர்த்து கொதிக்கவிடவும். அதில் அரிசி மாவு தூவி, கட்டி இல்லாமல் கெட்டியாக கிளறி எடுக்கவும். கடாயில் வெல்லம், தண்ணீர் சேர்த்து சூடாக்கி, வெல்லத்தை கரையவிட்டு வடிகட்டி எடுக்கவும். அதில் பட்டாணி விழுது, தேங்காய் துருவல், ஏலக்காய்த்தூள் சேர்த்து, ஒரு டீஸ்பூன் எண்ணெய் விட்டு அடிபிடிக்காமல் கிளறி எடுக்கவும். இதுதான் பூரணம். கையில் எண்ணெய் தடவிக் கொண்டு, அரிசி மாவு கலவையில் இருந்து சிறிது எடுத்து உருட்டி கிண்ணம் போல் செய்து, அதனுள் பூரணத்தை கொஞ்சம் வைத்து, பை போல் சுருக்கி ஒட்டிவிடவும். அப்படியே ஆவியில் வேகவைத்து எடுக்கவும்.

சுருக்குப் பை வடிவத்தில், பார்க்க அழகாக இருக்கும் இது, சுவையிலும் சூப்பர்தான்!

முத்து கொழுக்கட்டை

தேவையானவை: ஜவ்வரிசி - ஒரு கப், மைதா - 2 டீஸ்பூன், இஞ்சி - பச்சை மிளகாய் விழுது - ஒரு டீஸ்பூன், கறிவேப்பிலை, கொத்தமல்லி - சிறிதளவு, மிளகாய்த்தூள் - கால் டீஸ்பூன், தேங்காய் துருவல் - 4 டீஸ்பூன்,  எண்ணெய் - 2 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: ஜவ்வரிசியை தேவையான அளவு சுடுநீர் விட்டு 2 மணி நேரம் ஊறவிடவும். நன்கு ஊறியதும் அழுத்தி பிசையவும். அத்துடன் மைதா, உப்பு, இஞ்சி - பச்சை மிளகாய் விழுது சேர்த்து... கறிவேப்பிலை, கொத்தமல்லி  கிள்ளி போட்டு, மிளகாய்த்தூள், தேங்காய் துருவல் சேர்த்து, எண்ணெய் விட்டுக் கலந்து பிசைந்து, சிறு உருண்டைகளாக தயார் செய்யவும். அப்படியே ஆவியில் வேக வைத்து எடுத்தால்.... முத்து கொழுக்கட்டை தயார்.

பூந்தி கொழுக்கட்டை

தேவையானவை: அரிசி மாவு - ஒரு கப், இனிப்பு பூந்தி - ஒரு கப், எண்ணெய் - 2 டீஸ்பூன், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் ஒன்றரை கப் தண்ணீர், ஒரு டீஸ்பூன் எண்ணெய் மற்றும் உப்பு சேர்த்து அடுப்பில் வைக்கவும். கொதி வந்ததும் அரிசி மாவைக் கொட்டி, கட்டியில்லாமல் கெட்டியாக கிளறி எடுக்கவும். ஆறியதும், கையில் எண்ணெய் தடவிக் கொண்டு, பெரிய நெல்லிக்காய் அளவு மாவு எடுத்து உருட்டி கிண்ணம் போல செய்து, அதனுள் 2 டீஸ்பூன் அளவு பூந்தி வைத்து மூடி, கொழுக்கட்டை வடிவம் கொடுக்கவும். தயாரித்த வற்றை ஆவியில் வேக வைத்து  எடுக்கவும்.

 கருப்பட்டி கொழுக்கட்டை

தேவையானவை: அரிசி மாவு - ஒரு கப், கருப்பட்டி - அரை கப், தேங்காய் துருவல் - ஒரு கப், ஏலக்காய்த்தூள் - அரை டீஸ்பூன், பொட்டுக்கடலை மாவு - 2 டீஸ்பூன், நல்லெண்ணெய் - 2 டீஸ் பூன், தண்ணீர் - ஒன்றே கால் கப், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தண்ணீர் விட்டு... உப்பு சேர்த்து, சிறிதளவு எண்ணெய் விட்டு அடுப்பில் வைக்கவும். கொதித்து வரும்போது அரிசி மாவு தூவி, கட்டி இல்லாது கெட்டியாகும் வரை கிளறி எடுத்து ஆறவிடவும். கடாயில் கருப்பட்டியுடன் தண்ணீர் சேர்த்து சூடாக்கி, கருப்பட்டியை கரையவிட்டு வடிகட்டி, இத்துடன் தேங்காய் துருவல், ஏலக்காய்த்தூள், பொட்டுக்கடலை மாவு சேர்த்து பூரணமாக கிளறி எடுக்கவும். கையில் எண்ணெய் தடவிக் கொண்டு, மாவு கலவையில் சிறிது எடுத்து உருட்டி, கிண்ணம்போல் செய்து, பூரணம் கொஞ்சம் வைத்து மூடவும். அப்படியே ஆவியில் வேக வைத்து எடுக்கவும்.

 வெஜிடபிள் கொழுக்கட்டை

தேவையானவை: அரிசி மாவு -  ஒரு கப், முட்டைகோஸ் துருவல், கேரட் துருவல் - தலா கால் கப்,  கொத்தமல்லி இலை - கால் கப், மிளகுத்தூள் - ஒரு டீஸ்பூன், நறுக்கிய இஞ்சி, பச்சை மிளகாய் - தலா ஒரு டீஸ்பூன், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தேவையான அளவு தண்ணீர் விட்டு.. சிறிதளவு உப்பு சேர்த்து, கொஞ்சம் எண்ணெய் விட்டு கொதிக்கவிடவும்.  அதில் அரிசி மாவு தூவி கட்டி இல்லாது கெட்டியாக கிளறி எடுத்து வைக்கவும். கடாயில் 2 டீஸ்பூன் அளவு எண்ணெய் விட்டு, சூடானதும் முட்டைகோஸ், கேரட் துருவல், கொத்தமல்லி இலை, இஞ்சி, பச்சை மிளகாய், உப்பு சேர்த்து சுருள கிளறவும். மிளகுத்தூள் கலந்து இறக்கவும். இதுதான் பூரணம். கையில் எண்ணெய் தடவிக் கொண்டு  அரிசி மாவு கலவையில் சிறிது எடுத்து உருட்டி, கிண்ணம் போல் செய்து அதில் பூரணம் வைத்து மூடவும். அப்படியே ஆவியில் வேக வைத்து எடுக்கவும்.

 தினை மாவு  பனைவெல்ல கொழுக்கட்டை

தேவையானவை: தினை மாவு (சூப்பர் மார்க்கெட், காதி கடைகளில் கிடைக்கும்), பனைவெல்லம் - தலா ஒரு கப், தேங்காய் துண்டுகள் - அரை கப், ஏலக்காய்த்தூள், சுக்குப் பொடி - தலா அரை டீஸ்பூன், எண்ணெய் - 2 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: தினை மாவை வெறும் கடாயில் வறுத்து... உப்பு, சிறிதளவு எண்ணெய் விட்டு கலந்து, கொதி நீர் தெளித்து பிசிறி மூடி வைக்கவும். இதை 10 நிமிடம் ஊறவிடவும். பனைவெல்லத்தை நீரில் கரைத்து வடிகட்டி எடுக்கவும். இத்துடன் சுக்குப் பொடி, ஏலக்காய்த்தூள், தேங்காய் துண்டுகள் சேர்த்து சுடவைத்து, கொதித்து வரும்போது பிசிறி வைத்த மாவை கொட்டி கலக்கவும். கெட்டியாக வந்ததும் இறக்கவும். கையில் எண்ணெய் தடவிக் கொண்டு, மாவை சிறு சிறு உருண்டைகளாக செய்யவும். அப்படியே ஆவியில் வேக வைத்து எடுக்கவும்.

கார கொழுக்கட்டை

தேவையானவை: அரிசி மாவு - ஒரு கப்,  கறிவேப்பிலை - சிறிதளவு, இட்லி மிளகாய்ப் பொடி, தேங்காய் துருவல் - தலா 4 டீஸ்பூன், எண்ணெய் - 2 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தண்ணீர் விட்டு, சிறிதளவு எண்ணெய், உப்பு சேர்த்து, அடுப்பில் வைக்கவும். கொதி வந்ததும் கறிவேப்பிலையை கிள்ளிப் போடவும். தேங்காய் துருவல், இட்லி மிளகாய்ப் பொடி, அரிசி மாவு தூவி கெட்டியாக கிளறவும். தீயை நிறுத்திவிட்டு, ஆறவிடவும். கையில் எண்ணெயை தடவிக் கொண்டு, பெரிய நெல்லிக்காய் அளவு அரிசி மாவு கலவை எடுத்து உருட்டி தயார் செய்யவும். அவற்றை ஆவியில் வேக வைத்து எடுக்கவும்.

இஞ்சி இனிப்பு கொழுக்கட்டை

தேவையானவை: அரிசி மாவு - ஒரு கப்,  நறுக்கிய இஞ்சி, பொடித்த வெல்லம் -  தலா அரை கப், பொட்டுக்கடலை - 2 டீஸ்பூன், எண்ணெய், நெய்  - தலா ஒரு டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தண்ணீர், உப்பு, சிறிதளவு எண்ணெய் சேர்த்து சுடவைத்து, கொதித்து வரும்போது அரிசி மாவு தூவி கெட்டியாக கிளறி எடுக்கவும். கடாயில் நீர் விட்டு சூடாக்கி வெல்லத்தை கரையவிட்டு வடிகட்டி எடுக்கவும். இஞ்சித் துண்டுகள், பொட்டுக்கடலையை சேர்த்து அரைத்து, வெல்லக் கரைசலில் சேர்த்து, நெய் விட்டு பூரணமாக கிளறி எடுக்கவும். அரிசி மாவு கலவையில் கொஞ்சம் எடுத்து உருட்டி, குழி செய்து, சிறிது இஞ்சி பூரணம் வைத்து மூடி உருட்டி, லேசாக அழுத்தவும். அப்படியே ஆவியில் வேக வைத்து எடுக்கவும்.

இது ஜீரணத்துக்கு மிகவும் நல்லது.

கம்பு மசாலா கொழுக்கட்டை

தேவையானவை: கம்பு மாவு - ஒரு கப்,  வேக வைத்த உருளைக்கிழங்கு - ஒன்று, வெங்காயம் -  ஒன்று (நறுக்கிக் கொள்ளவும்), இஞ்சி - பூண்டு விழுது -  அரை டீஸ்பூன், மிளகாய்த்தூள் - கால்  டீஸ்பூன், தண்ணீர் - ஒன்றே கால் கப், எண்ணெய் - 4 டீஸ்பூன், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கடாயில் தண்ணீர், உப்பு, ஒரு டீஸ்பூன் அளவு எண்ணெய் சேர்த்து சுட வைத்து,  கொதித்து வரும்போது கம்பு மாவை சேர்த்து, கட்டி இல்லாமல் கிளறி எடுத்து வைக்கவும். உருளைக்கிழங்கை தோல் நீக்கி மசித்துக் கொள்ளவும். இத்துடன் வெங்காய துண்டுகள், இஞ்சி - பூண்டு விழுது, மிளகாய்த்தூள், உப்பு கலந்து பிசைந்து சிறு உருண்டைகள் செய்து கொள்ளவும். கையில் எண்ணெய் தடவிக் கொண்டு, கம்பு மாவு கலவையில் சிறிது         எடுத்து உருட்டி குழித்து, மசாலா கலவை உருண்டையை  அதில் வைத்து மூடவும். அப்படியே ஆவியில் வேக வைத்து எடுக்கவும்.

கோதுமை மாவு கொழுக்கட்டை

தேவையானவை: கோதுமை மாவு - அரை கப்,  தேங்காய் துருவல் - 2 கப், வெல்லம் - அரை கப், ஏலக்காய்த்தூள் - அரை டீஸ்பூன், உப்பு - ஒரு சிட்டிகை, எண்ணெய் - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: கோதுமை மாவுடன் உப்பு சேர்த்துக் கலக்கி, தண்ணீர் விட்டு சப்பாத்தி மாவு போல கெட்டியாக பிசையவும். கடாயில் ஒரு டீஸ்பூன் எண்ணெய் விட்டு... தேங்காய் துருவல், வெல்லம், ஏலக்காய்த்தூள் சேர்த்து பூரணமாக கிளறி எடுக்கவும். பிசைந்து வைத்த கோதுமை மாவில் சிறிது எடுத்து உருட்டி கிண்ணம் போல் செய்து, பூரணம் கொஞ்சம் வைத்து மூடி, கொழுக்கட்டை வடிவம் கொடுக்கவும். சூடான எண்ணெயில் 4, 5 கொழுக்கட்டைகளாக போட்டு பொரித்து எடுக்கவும்.

குறிப்பு: ஹோமம் செய்யும் நாளில் இதனை தயாரிப்பது வழக்கம்.

கோசுமல்லி கொழுக்கட்டை

தேவையானவை: மைதா - ஒரு கப், பாசிப்பருப்பு, கேரட் துருவல், தேங்காய் துருவல், கொத்தமல்லி இலை - தலா 4 டீஸ்பூன், கறிவேப்பிலை - சிறிதளவு, எண்ணெய், உப்பு - தேவையான அளவு.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: மைதா மாவில் உப்பு, எண்ணெய் விட்டு கலந்து, தண்ணீர் தெளித்து கெட்டியாக சப்பாத்தி மாவு போல் பிசைந்து கொள்ளவும். ஒரு பாத்திரத்தில் பாசிப்பருப்பை ஊற வைத்து தண்ணீர் வடித்து எடுக்கவும். இத்துடன் கேரட் துருவல், தேங்காய் துருவல், கொத்தமல்லி, கறிவேப்பிலை, உப்பு சேர்த்துக் கலந்து கொள்ளவும். மைதா மாவில் பெரிய நெல்லிக்காய் அளவு எடுத்து, சப்பாத்தி போல இட்டு, அதனுள் ஒரு டீஸ்பூன் அளவு பருப்பு - காய் கலவை வைத்து மூடி ஒட்டிவிடவும். அப்படியே ஆவியில் வேகவைத்து எடுக்கவும்.

உண்டிலி பாயச கொழுக்கட்டை

தேவையானவை: அரிசி மாவு - ஒரு கப், தேங்காய் துருவல் - அரை கப்,  வெல்லம் - 100 கிராம், ஏலக்காய்த்தூள் - அரை டீஸ்பூன், சாரைப்பருப்பு - ஒரு டீஸ்பூன், நெய் - 2 டீஸ்பூன், பால் - 500 மில்லி, உப்பு -  ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: அரிசி மாவில் ஒரு டீஸ்பூன் நெய் விட்டு, சிட்டிகை உப்பு போட்டு கலக்கவும். அதில்  கொதி நீர் விட்டு, சப்பாத்தி மாவு போல் பிசைந்து, மணி மணியாக உருட்டவும். அப்படியே ஆவியில் வேக வைத்து எடுக்கவும். தேங்காய் துருவல், வெல்லம், ஏலக்காய்த்தூள் ஆகியவற்றை சேர்த்து அரைத்து, பாலில் கலந்து கொதிக்கவிடவும். பால் கலவை பாதியாக குறுகியதும், ஒரு டீஸ்பூன் நெய்யில் சாரைப்பருப்பை வறுத்து சேர்க்கவும். ஏலக்காய்த்தூள் சேர்த்துக் கலக்கவும். உருட்டி, வேக வைத்த கொழுக்கட்டைகளை, பால் கலவை சேர்த்து, கொதி வந்ததும் இறக்கவும்.

 டேட்ஸ் அண்ட் ஓட்ஸ் கொழுக்கட்டை

தேவையானவை: ஓட்ஸ் - ஒரு கப், பேரீச்சம்பழம் - 10 (விதை நீக்கவும்), பொட்டுக்கடலை - 2 டீஸ்பூன், வெல்லம் - பெரிய எலுமிச்சம் பழ அளவு, அரிசி மாவு - ஒரு கப், நெய் - ஒரு டீஸ்பூன், உப்பு - ஒரு சிட்டிகை.

விநாயகர் சதுர்த்தி ஸ்பெஷல் - 30 வகை கொழுக்கட்டை
செய்முறை: ஓட்ஸ், பொட்டுக்கடலையை மிக்ஸியில் தூளாக்கவும்.. கடாயில் வெல்லம், தண்ணீர் சேர்த்து சூடாக்கி... வெல்லத்தை கரைய விட்டு, வடிகட்டி, மீண்டும் அடுப்பில் வைத்து, ஓட்ஸ் - பொட்டுக்கடலை பொடி சேர்த்து கெட்டியாக கிளறி எடுத்தால்... பூரணம் தயார். பேரீச்சம்பழத்தை நடுவில் நீள வாட்டில் பிளந்து பூரணத்தை ஸ்டப் செய்து கொள்ளவும். கடாயில் தண்ணீர், உப்பு சேர்த்து சுட வைத்து, கொதித்து வரும்போது அரிசி மாவை தூவி கெட்டியாக கிளறி எடுக்கவும். பெரிய நெல்லிக்காய் அளவு மாவுக் கலவை எடுத்து, உருட்டி குழி செய்து, அதில் டேட்ஸ் - ஓட்ஸ்  பூரணத்தை வைத்து மூடவும் அப்படியே ஆவியில் வேக வைத்து எடுத்தால்... புதுமையான, சத்தான டேட்ஸ் அண்ட் ஓட்ஸ் கொழுக்கட்டை தயார்.

திங்கள், 29 ஜூலை, 2019

30 வகை சூப்பர் ரெசிபி


30 வகை சூப்பர் ரெசிபி

”பிரச்னைக்குத் தீர்வு… சரியான உணவு, தேவையான உடற்பயிற்சி இவற்றில்தான் இருக்கிறது” என்பதுதான் டாக்டர்களின் ஏகமனதான அட்வைஸ்!

‘சுகர் பிராப்ளம்’ வராமலிருக்க… பிரச்னை வரும் நிலையில் இருந்தால், தடுத்து நிறுத்த… ஏற்கெனவே வந்திருந்தால், கட்டுக்குள் வைத்திருக்க… 30 வகை ‘சூப்பர் ரெசிபி’களை உங்களுக்கு பரிவுடன் பரிந்துரைக்கிறார் சமையல் கலை நிபுணர் தீபா பாலசந்தர்.

”சோயாபீன்ஸ், ஓட்ஸ், வேப்பம்பூ, நெல்லிக்காய், கீரை போன்றவற்றை பயன்படுத்தி சுவையான, சத்துமிக்க அயிட்டங்களை கொடுத்துள்ளேன். செய்து பாருங்கள்… குடும்ப நலம் பேணுங்கள்” என்று அழைப்பு விடுக்கும் தீபாவின் ரெசிபிகளை, கண்கவரும் விதத்தில் அலங்கரித்துஇருக்கிறார் ‘செஃப்’ ரஜினி.

டில் கிரீன்ஸ் பாத்

தேவையானவை: கோதுமை ரவை: ஒரு கப், வெந்தயக்கீரை – ஒரு கட்டு (சிறியது), கேரட் துருவல், கோஸ் துருவல் – தேவையான அளவு, வெங்காயம் – ஒன்று, இஞ்சி – சிறிய துண்டு, பொடியாக நறுக்கிய பச்சை மிளகாய் – 4, எண்ணெய், கடுகு, பெருங்காயம் – தாளிக்க தேவையானஅளவு, உப்பு – தேவையான அளவு.

செய்முறை: வெந்தயக்கீரையை சுத்தம் செய்து ஆய்ந்து கொள்ளவும். கடாயில் எண்ணெய் விட்டு கடுகு, பெருங்காயம் தாளித்து… துருவிய இஞ்சி, பொடியாக நறுக்கிய பச்சை மிளகாய், வெங்காயம், கீரை, கேரட், கோஸ் துருவலை சேர்த்து வதக்கவும். பிறகு, இரண்டு கப் தண்ணீர் விட்டு, கொதி வந்ததும் உப்பு, கோதுமை ரவையை சேர்த்து நன்கு வேகவிட்டு கிளறி இறக்கவும்.

வெள்ளரி பிசிறல்

தேவையானவை: வெள்ளரிக்காய் – ஒன்று, பயத்தம்பருப்பு – அரை கரண்டி, காய்ந்த மிளகாய் – 4, கடுகு, பெருங்காயம், எண்ணெய், கறிவேப்பிலை – தாளிக்க தேவையான அளவு, மல்லித்தழை – சிறிதளவு, மஞ்சள்தூள், உப்பு – தேவையான அளவு.

செய்முறை: வெள்ளரியை கழுவி சுத்தம் செய்து, பொடியாக நறுக்கவும். பயத்தம்பருப்பை மலர வேகவிடவும்.

கடாயில் எண்ணெய் விட்டு கடுகு, பெருங்காயம், கறிவேப்பிலை தாளித்து… காய்ந்த மிளகாய், மஞ்சள் தூள், வெள்ளரி சேர்த்து வதக்கவும். பின்பு உப்பு, வெந்த பயத்தம்பருப்பு சேர்த்துக் கிளறி இறக்கி, மல்லித்தழை தூவி பரிமாறவும்.

முளை தானிய சுண்டல்

தேவையானவை: கோதுமை – ஒரு கப், பச்சைப் பயறு, கொண்டைக்கடலை – தலா கால் கப், வெங்காயம் – 2, எண்ணெய் – ஒரு டீஸ்பூன், பொடியாக நறுக்கிய பச்சை மிளகாய், உப்பு – தேவையான அளவு.

செய்முறை: முதல் நாள் கோதுமையை ஊறவிட்டு மறுநாள் மெல்லிய துணியில் முளை கட்டவும் (முளைக்க இரண்டு நாட்கள் ஆகும்). அன்றைய தினம் பச்சைப் பயறு, கொண்டைக் கடலையை ஊற வைத்து மறுநாள் முளை கட்டவும்.

மூன்றாவது நாள், முளைத்த அனைத்து தானிய வகைகளை வேகவிடவும். பின்பு, ஒரு அடி கனமான கடாயில் எண்ணெயைக் காயவிட்டு… வெங்காயம், பொடியாக நறுக்கிய பச்சை மிளகாய் சேர்த்து வதக்கி… உப்பு, முளை கட்டிய தானியங்கள் சேர்த்துக் கிளறி பரிமாறவும்.

இது ஒரு ஆரோக்கியமான மாலை நேர சிற்றுண்டி.

வேப்பம்பூ குழம்பு

தேவையானவை: வேப்பம்பூ – 50 கிராம், புளி – எலுமிச்சை அளவு, சாம்பார் பொடி – 2 டீஸ்பூன், வெல்லம், கடுகு, மஞ்சள்தூள், கறிவேப்பிலை – சிறிதளவு, எண்ணெய், உப்பு – தேவையான அளவு.

செய்முறை: வேப்பம்பூவை சுத்தம் செய்யவும். கடாயில் எண்ணெய் விட்டு கடுகு, கறிவேப்பிலை தாளித்து, வேப்பம்பூ சேர்த்து வதக்கவும். இதனுடன் புளிக் கரைசல், மஞ்சள்தூள், உப்பு, சாம்பார் பொடி, வெல்லம் சேர்த்து கொதிக்கவிட்டு, கெட்டி குழம்பாக இறக்கி, சாதத்துடன் பரிமாறவும்.

இது, பொங்கலுக்கு தொட்டுக் கொள்ளவும் சுவையாக இருக்கும்.

கோதுமை புட்டு

தேவையானவை: கோதுமை மாவு – ஒரு கப், எலுமிச்சம் பழம் – ஒன்று, பொடியாக நறுக்கிய பச்சை மிளகாய் – 4, கடுகு, பெருங்காயம், கறிவேப்பிலை, எண்ணெய் – தாளிக்க தேவையான அளவு, உப்பு – தேவையான அளவு.

செய்முறை: கோதுமை மாவை வெறும் கடாயில் வறுக்கவும். ஆறிய பின் உப்பு சேர்த்து, லேசாக தண்ணீர் தெளித்து பிசிறி, ஆவியில் வேகவிடவும். வெந்த பின் புட்டு போல உதிர்ந்துவிடும். வாணலியில் எண்ணெய் விட்டு கடுகு, கறிவேப்பிலை, பெருங்காயம், பச்சை மிளகாய் தாளித்து… ஆவியில் வெந்த கோதுமை புட்டு சேர்த்துக் கிளறி இறக்கி, எலுமிச்சை சாறு சேர்த்துக் கலக்கி பரிமாறவும்.

குறிப்பு: விருப்பப்பட்டால், தாளிக்கும்போது சிறிது நறுக்கிய வெங்காயம் சேர்த்துக் கொள்ளலாம்.

கோவைக்காய் ரைஸ்

தேவையானவை: கோவைக்காய் – 100 கிராம், வடித்த சாதம் – ஒரு கப், வெங்காயம் – ஒன்று, தேங்காய் துருவல் – 2 டீஸ்பூன், எலுமிச்சைச் சாறு – ஒரு டீஸ்பூன், கறிவேப்பிலை – சிறிதளவு, கடுகு, உளுத்தம்பருப்பு, எண்ணெய் – தாளிக்க தேவையான அளவு, உப்பு, மிளகாய்த்தூள் – தேவையான அளவு.

செய்முறை: கோவைக்காயை ஆவியில் வேகவிடவும். கடாயில் எண்ணெயை காயவிட்டு… கடுகு, கறிவேப்பிலை, உளுத்தம்பருப்பு தாளிக்கவும். வெங்காயம், உப்பு, மிளகாய்த்தூள், தேங்காய் துருவல் சேர்த்து வதக்கவும். ஆவியில் வேக வைத்த கோவைக்காயை சிறு துண்டுகளாக நறுக்கி, வெங்காய கலவையுடன் சேர்த்துக் கிளறி, நன்கு வதக்கி, இறக்கும் முன் எலுமிச்சைச் சாறு விட்டு கலக்கி இறக்கவும். இதனுடன் வடித்த சாதம் சேர்த்துக் கலந்து சாப்பிடவும்.

வீட் பால்ஸ்

தேவையானவை: கோதுமை மாவு – ஒரு கப், பச்சரிசி மாவு – 4 டீஸ்பூன், வெங்காயம் – ஒன்று, பொடியாக நறுக்கிய பச்சை மிளகாய் – 4, கடுகு, கறிவேப்பிலை – தாளிக்க தேவையான அளவு, மல்லித்தழை – சிறிதளவு, எண்ணெய், உப்பு – தேவையான அளவு.

செய்முறை: கோதுமை மாவை வெறும் வாணலியில் சிவக்க வறுக்கவும். கடாயில் எண்ணெய் விட்டு… கடுகு, கறிவேப்பிலை, பச்சை மிளகாய் தாளித்து, ஒரு கப் தண்ணீர் விட்டு கொதிக்க வைத்து… உப்பு, கோதுமை மாவு சேர்த்துக் கிளறி இறக்கி, பச்சரிசி மாவை மேலே தூவி பிசிறி சிறு சிறு உருண்டைகளாக உருட்டி வைக்கவும். பிறகு ஆவியில் வேகவிடவும். கடாயில் சிறிது எண்ணெய் விட்டு, வெங்காயத்தை பொடியாக நறுக்கி சேர்த்து, உப்பு சேர்த்து வதக்கவும். இதனுடன் கோதுமை மாவு உருண்டைகளை சேர்த்துக் கிளறி இறக்கி, மல்லித்தழை தூவி பரிமாறவும்.

பச்சை மோர்க்குழம்பு

தேவையானவை: புளிக்காத மோர் – ஒரு கப், தேங்காய் துருவல் – 2 டீஸ்பூன், பச்சை மிளகாய் – 2, இஞ்சி – சிறு துண்டு, மல்லித்தழை – சிறிதளவு, உப்பு – தேவையான அளவு.

செய்முறை: தேங்காய் துருவல், இஞ்சி, பச்சை மிளகாயை சேர்த்து நைஸாக அரைக்கவும். மோருடன் உப்பு சேர்த்துக் கலக்கி… அரைத்த விழுது, மல்லித்தழை சேர்த்து பயன்படுத்தலாம்.

இதை சில நிமிடங்கள் அடுப்பில் வைத்து இறக்கியும் பயன்படுத்தலாம்.

அடைக்கு ஏற்ற சூப்பரான சைட் டிஷ் இது!

வெந்தயக்கீரை ரசம்

தேவையானவை: வெந்தயக்கீரை – ஒரு சிறு கட்டு, அருகம்புல் பொடி (விருப்பப்பட்டால்) – ஒரு டீஸ்பூன், தக்காளி – ஒன்று, புளி – நெல்லிக்காய் அளவு, மிளகு – சீரகத் தூள் – ஒரு டீஸ்பூன், பூண்டு – 4 பல், காய்ந்த மிளகாய் – 3, மஞ்சள்தூள், பெருங்காயம், மல்லித்தழை, கறிவேப்பிலை, உப்பு – தேவையான அளவு.

செய்முறை: ஒரு பாத்திரத்தில் தக்காளி, உப்பு, மஞ்சள்தூள், பெருங்காயம், கறிவேப்பிலை, மல்லித்தழை, காய்ந்த மிளகாய், நசுக்கிய பூண்டு, புளிக் கரைசல் சேர்த்துக் கரைத்து கொதிக்கவிடவும். வேறொரு பாத்திரத்தில் சுத்தம் செய்த வெந்தயக்கீரை, அருகம்புல் பொடி சேர்த்து… கீரை மூழ்கும் வரை நீர் விட்டு நன்கு கொதிக்க விட்டு இறக்கி, கொதிக்கும் ரசத்துடன் சேர்த்துக் கலக்கவும். மிளகு – சீரகத் தூள் சேர்த்து மீண்டும் ஒரு கொதி விட்டு இறக்கிப் பரிமாறலாம்.

ஆரஞ்சு தோல் கொத்சு குழம்பு

தேவையானவை: ஆரஞ்சு பழத் தோல் – ஒரு கப் (பொடியாக நறுக்கியது), புளி – எலுமிச்சை அளவு, சாம்பார் பொடி – 2 டீஸ்பூன், வெல்லம் – சிறிதளவு, வெந்தயப் பொடி, கடுகு, பெருங்காயத்தூள், எண்ணெய் – தாளிக்க தேவையான அளவு, பச்சை மிளகாய், உப்பு – தேவையான அளவு.

செய்முறை: கடாயில் எண்ணெய் விட்டு, காய்ந்ததும் கடுகு, பெருங்காயத்தூள் தாளித்து… வெந்தயப் பொடி, சாம்பார் பொடி சேர்த்து, ஆரஞ்சு தோலையும் சேர்த்து நன்கு வதக்கவும். பச்சை மிளகாய், உப்பு, புளிக் கரைசல், வெல்லம் சேர்த்து நன்கு கொதித்த பின்பு இறக்கவும்.

கோவைக்காய் துவையல்

தேவையானவை: கோவைக்காய் – 100 கிராம் (ஆவியில் வேக வைக்கவும்), உளுத்தம்பருப்பு – 2 டேபிள்ஸ்பூன், காய்ந்த மிளகாய் – 6, தேங்காய் துருவல் – ஒரு டேபிள்ஸ்பூன், புளி – நெல்லிக்காய் அளவு, கடுகு, பெருங்காயத்தூள், சீரகம், எண்ணெய், உப்பு – தேவையான அளவு.

செய்முறை: கோவைக்காயை சுத்தம் செய்து, மெல்லிய சிறுசிறு துண்டுகளாக நறுக்கவும். வாணலியில் எண்ணெயை காயவிட்டு உளுத்தம்பருப்பு, காய்ந்த மிளகாயை வறுத்து எடுக்கவும். பின்பு அதே எண்ணெயில் கோவைக்காயை சேர்த்து, அடுப்பை ‘சிம்’மில் வைத்து வேகும் வரை வதக்கவும். புளியை சேர்த்து ஒரு முறை புரட்டி எடுக்கவும். இதனுடன் தேங்காய் துருவல், வறுத்து வைத்த உளுத்தம்பருப்பு, காய்ந்த மிளகாய் மற்றும் உப்பு சேர்த்து அரைக்கவும். கடுகு, சீரகம், பெருங்காயத்தூள் தாளித்து இதில் சேர்த்தால்… கோவைக்காய் துவையல் ரெடி!

கோதுமை அடை

தேவையானவை: கோதுமை – ஒரு கப், அரிசி – அரை கப், துவரம்பருப்பு – கால் கப், உளுத்தம்பருப்பு – சிறிதளவு, கடலைப்பருப்பு – கால் கப், கறிவேப்பிலை, மல்லித்தழை – சிறிதளவு, பெருங்காயம், காய்ந்த மிளகாய், எண்ணெய் – உப்பு – தேவையான அளவு,

செய்முறை: கோதுமையை தனியாகவும், அரிசி, பருப்பு வகைகளை ஒன்றாகவும் ஊற வைக்கவும். பின்னர் எல்லாவற்றையும் ஒன்று சேர்த்து… பெருங்காயம், உப்பு, காய்ந்த மிளகாய் சேர்த்து சற்று கரகரவென அரைக்கவும். மல்லித்தழை, கறிவேப்பிலை சேர்க்கவும். தோசைக்கல்லை சூடாக்கி, மாவை அடைகளாக வார்த்து, சுற்றிலும் எண்ணெய் விட்டு வேகவிட்டு எடுக்கவும்.

பச்சைப் பயறு துவையல்

தேவையானவை: பச்சைப் பயறு – ஒரு கப், காய்ந்த மிளகாய் – 5, கடுகு, உளுத்தம்பருப்பு, பெருங்காயம், எண்ணெய் – தாளிக்க தேவையான அளவு, எலுமிச்சைச் சாறு – 2 டீஸ்பூன், உப்பு – தேவையான அளவு.

செய்முறை: பச்சைப் பயறை ஊற வைத்து வேகவிடவும். இதனுடன் உப்பு, காய்ந்த மிளகாய் சேர்த்து அரைக்கவும். எலுமிச்சைச் சாறு சேர்த்துக் கலக்கவும். கடுகு, பெருங்காயம், உளுத்தம்பருப்பை எண்ணெயில் தாளித்து இதனுடன் சேர்த்தால்… ஹெல்தி யான பயறு துவையல் தயார்.

ஸ்டஃப்டு கோவைக்காய்

தேவையானவை: கோவைக்காய் – 100 கிராம், கடுகு, எண்ணெய், உப்பு – தேவையான அளவு. வறுத்துப் பொடிக்க: உளுத்தம்பருப்பு, கடலைப்பருப்பு, எள் – தலா ஒரு டீஸ்பூன், காய்ந்த மிளகாய் – 5, பெருங்காயம், உப்பு – தேவையான அளவு.

செய்முறை: கோவைக்காயை கழுவி துடைத்து நான்காக ( ) போல பிளந்து வைக்கவும் (முழுவதும் வெட்டிவிட வேண்டாம்). பின்பு, ஆவியில் சில நிமிடங்கள் வேகவிட்டு எடுக்கவும். வறுத்துப் பொடிக்க கொடுத்துள்ள பொருட்களை, வெறும் கடா யில் வறுத்துப் பொடிக்கவும். வெந்த கோவைக்காயின் நடுவே இந்த பொடியை அடைக்கவும்.

கடாயில் எண்ணெயை சூடாக்கி கடுகு தாளித்து, ஸ்டஃப் செய்யப்பட கோவைக்காயை சேர்த்து தண்ணீர் தெளித்து வேக விட்டு, உப்பு தூவிக் கிளறி, சுருள வதக்கி இறக்கவும்.

குறிப்பு: கிரீன் சட்னியை ஸ்டஃப் செய்தும் இதை செய்யலாம்.

ஹை புரோட்டீன் சாலட்

தேவையானவை: கொண்டைக்கடலை, பச்சைப் பயறு – தலா 50 கிராம், முள்ளங்கி, தக்காளி – தலா ஒன்று, கோஸ் துருவல், வெந்தயக்கீரை – சிறிதளவு, எலுமிச்சைச் சாறு, உப்பு – தேவையான அளவு.

செய்முறை: கொண்டைக்கடலை, பச்சைப் பயறை முதல் நாள் இரவே ஊற வைக்கவும். மறுநாள் மெல்லிய துணியில் முளை கட்டவும். இதனுடன் முள்ளங்கி துருவல், கோஸ் துருவல், உப்பு, பொடியாக நறுக்கிய தக்காளி, வெந்தயக்கீரை சேர்த்துக் கலந்து, எலுமிச்சைச் சாறு ஊற்றிக் கிளறி, ஊற வைத்து சாப்பிடலாம்.

அவரை கடலை உசிலி

தேவையானவை: அவரைக்காய் – 100 கிராம், பச்சை வேர்க்கடலை – சிறிதளவு, காய்ந்த மிளகாய் – 4, கடுகு, பெருங்காயம் – தாளிக்க தேவையான அளவு, எண்ணெய், உப்பு – தேவையான அளவு.

செய்முறை: அவரைக்காயை சுத்தம் செய்து, ஆய்ந்து, பொடியாக நறுக்கவும். வேர்க்கடலையை வெறும் கடாயில் வறுக்கவும். வேர்க்கடலையுடன் காய்ந்த மிளகாய் சேர்த்து கரகரப்பாக பொடிக்கவும். கடாயில் எண்ணெய் விட்டு கடுகு, பெருங்காயம் தாளித்து, நறுக்கிய அவரையை சேர்த்து வதக்கி… உப்பு, தேவையான தண்ணீர் விட்டு வேகவிடவும். வெந்த பின் வேர்க்கடலை – மிளகாய் பொடியை தூவிக் கிளறி இறக்கவும்.

ராகி சேவை உப்புமா

தேவையானவை: ராகி மாவு – ஒரு கப், வெங்காயம் – ஒன்று, பொடியாக நறுக்கிய பச்சை மிளகாய் – 2, கறிவேப்பிலை, மல்லித்தழை – சிறிதளவு, கடுகு, பெருங்காயத்தூள், எண்ணெய், உப்பு – தேவையான அளவு.

செய்முறை: வெறும் கடாயில் ராகி மாவை வறுக்கவும். ஆறிய பின் சிறிதளவு எண்ணெய், உப்பு சேர்த்துப் பிசிறவும். இதனுடன் கை பொறுக்கும் அளவு சூடான வெந்நீர் விட்டு பிசைந்து இடியாப்ப அச்சில் பிழிந்து, ஆவியில் வேகவிடவும். கடாயில் எண்ணெயை காய வைத்து கடுகு, பெருங்காயத்தூள், கறிவேப்பிலை தாளித்து… பச்சை மிளகாய், பொடியாக நறுக்கிய வெங்காயம் சேர்த்து வதக்கவும். ஆவியில் வேக வைத்த ராகி சேவை, உப்பு சேர்த்துக் கிளறி இறக்கி, மல்லித்தழை தூவி பரிமாறவும்.

குறிப்பு: விரும்பினால் காய் கறிகள் சேர்த்து வதக்கலாம்.

ராகி சட்னி கஞ்சி

தேவையானவை: ராகி மாவு – ஒரு கப், வெங்காயம் (அ) தக்காளி சட்னி – 4 டீஸ்பூன், உப்பு, மோர் – தேவையான அளவு.

செய்முறை: ராகி மாவை இரண்டு கப் தண்ணீரில் கரைத்து அடுப்பில் வைத்து கஞ்சி காய்ச்சவும். இதனுடன் உப்பு, சட்னி சேர்த்துக் கலக்கி இறக்கவும். ஆறிய பின் தேவையான அளவு நீர் மோர் சேர்த்தால்… வாசனையான, ஆரோக்கியமான கஞ்சி ரெடி!

ஓட்ஸ் பகாளாபாத்

தேவையானவை: ஓட்ஸ், தயிர் – தலா ஒரு கப், பொடியாக நறுக்கிய பச்சை மிளகாய் – 3, கடுகு, எண்ணெய், கறிவேப்பிலை, உளுத்தம்பருப்பு – தாளிக்க தேவையான அளவு, உப்பு – தேவையான அளவு.

செய்முறை: கடாயில் எண்ணெய் விட்டு கடுகு, உளுத்தம்பருப்பு, கறிவேப்பிலை, பச்சை மிளகாய் தாளித்து… இரண்டு கப் தண்ணீர் சேர்த்து, கொதி வந்த பின் ஓட்ஸ், உப்பு சேர்த்துக் கிளறி, வேக விட்டு இறக்கவும்.

ஆறிய பின் தயிருடன் கலந்து சாப்பிட்டால்…. சூப்பர் சுவையில் இருக்கும்.

சுரைக்காய் பச்சடி

தேவையானவை: சுரைக்காய் – 100 கிராம், தயிர் – ஒரு கப், எண்ணெய், கடுகு – தாளிக்க தேவையான அளவு, பச்சை மிளகாய், உப்பு – தேவையான அளவு.

செய்முறை: சுரைக்காயை தோல் சீவி துருவவும். தயிரை கெட்டியாகக் கடையவும். கடாயில் எண்ணெய் விட்டு கடுகு தாளித்து, தயிரில் சேர்த்துக் கலக்கவும். பின்பு அதே எண்ணெயில் பொடியாக நறுக்கிய பச்சை மிளகாய், சுரைக்காய், உப்பு சேர்த்து நன்கு வதக்கவும். வதக்கிய சுரைக்காய் கலவையை தயிருடன் கலக்க… சுவையான சுரைக்காய் பச்சடி ரெடி!

தானியம் கீரை தோசை

தேவையானவை: கேழ்வரகு மாவு, கோதுமை மாவு, அரிசி மாவு – தலா ஒரு கப், ஓட்ஸ் – அரை கப், முருங்கைக்கீரை – ஒரு கப், கறிவேப்பிலை, சீரகம், எண்ணெய், உப்பு – தேவையான அளவு.

செய்முறை: ஓட்ஸ் மற்றும் மாவு வகைகளை ஒன்றாக ஒரு பாத்திரத்தில் சேர்க்கவும். அதனுடன் உப்பு, சீரகம், கறிவேப்பிலை, சுத்தம் செய்த முருங்கைக்கீரை, தேவையான அளவு தண்ணீர் சேர்த்துக் கரைக்கவும். பத்து நிமிடங்கள் கழித்து, தோசைக்கல்லை சூடாக்கி, மாவை மெல்லிய தோசைகளாக வார்த்து, சுற்றிலும் எண்ணெய் விட்டு, வேகவிட்டு எடுக்கவும்.

கோதுமை மோர்க்கூழ்

தேவையானவை: கோதுமை மாவு, மோர் – தலா ஒரு கப், இஞ்சி – சிறு துண்டு, கடுகு, பெருங்காயம், கறிவேப்பிலை – தாளிக்க தேவையான அளவு, எண்ணெய் – ஒரு டீஸ்பூன், பச்சை மிளகாய், உப்பு – தேவையான அளவு.

செய்முறை: கோதுமை மாவை வெறும் வாணலியில் லேசாக வறுக்கவும். ஆறிய பின் இதனுடன் கரைத்த மோர், உப்பு, இஞ்சித் துருவல், பொடியாக நறுக்கிய பச்சை மிளகாய் சேர்த்துக் கரைக்கவும். கடாயில் எண்ணெயை காயவிட்டு கடுகு, பெருங்காயம், கறிவேப்பிலை தாளித்து… கரைத்த மாவை ஊற்றி, அடுப்பை ‘சிம்’மில் வைத்துக் கிளறவும். மாவு நன்கு வெந்து, கூழாக வந்ததும் பரிமாறலாம்.

மிகவும் சுவையான, பாரம்பரியமான உணவு இது!

நெல்லிக்காய் பொரியல்

தேவையானவை: நெல்லிக்காய் – 10, இட்லி மிளகாய்ப் பொடி – 2 டீஸ்பூன், எண்ணெய், கடுகு, கறிவேப்பிலை, சீரகம் – தாளிக்க தேவையான அளவு, மல்லித்தழை, உப்பு – தேவையான அளவு.

செய்முறை: நெல்லிக்காயின் விதைகளை நீக்கி, ஆவியில் வேக விடவும். கடாயில் எண்ணெயை சூடாக்கி கடுகு, சீரகம், கறிவேப்பிலை தாளித்து… வெந்த நெல்லிக்காய் துண்டுகள், உப்பு, இட்லி மிளகாய்ப் பொடி சேர்த்துக் கிளறி, மல்லித்தழை தூவி இறக்கினால்.. வைட்டமின் ‘சி’ நிறைந்த ஹெல்தியான பொரியல் ரெடி! இதை சாதத்துக்கு தொட்டுக் கொண்டு சாப்பிடலாம்.

பப்பாளி காய் சூப்

தேவையானவை: பப்பாளி காய் – ஒன்று, எண்ணெய் – ஒரு டீஸ்பூன், மிளகுத்தூள், உப்பு – தேவையான அளவு.

செய்முறை: பப்பாளியை தோல் சீவி, உள்ளே இருக்கும் விதைகளை நீக்கிவிட்டு கேரட் துருவியில் துருவவும். கடாயில் எண்ணெய் விட்டு, துருவிய பப்பாளி காயை சேர்த்து நன்கு வதக்கவும். ஆறிய பின் நைஸாக அரைத்து உப்பு, மிளகுத்தூள் சேர்த்து ஒரு கொதி விட்டு இறக்கி சூடாக பரிமாறலாம்.

கீரை ஆம்லெட்

தேவையானவை: கீரை (ஏதாவது ஒரு வகை) – அரை கப், கடலை மாவு – அரை கப், கோதுமை மாவு – கால் கப், வெங்காயம் – ஒன்று, பொடியாக நறுக்கிய பச்சை மிளகாய் – 2, கறிவேப்பிலை, தயிர், எண்ணெய், உப்பு – தேவையான அளவு.

செய்முறை: தயிரில் கடலை மாவு, கோதுமை மாவு, பொடியாக நறுக்கிய வெங்காயம், பச்சை மிளகாய், உப்பு, கறிவேப்பிலை, ஏதாவது ஒரு வகை கீரை (சுத்தம் செய்து பொடியாக நறுக்கியது) சேர்த்துக் கரைக்கவும். இந்த மாவை தோசைக்கல்லில் ஆம்லெட் போல வார்த்து எண்ணெய் விட்டு வேக விட்டு எடுக்க… சத்தான கீரை ஆம்லெட் ரெடி!

பூசணி மோர் கூட்டு

தேவையானவை: தோல் சீவி நறுக்கிய பூசணி – ஒரு கப், உளுத்தம்பருப்பு – 2 டீஸ்பூன், பச்சை மிளகாய் – 4, தேங்காய் துருவல் – 4 டீஸ்பூன், கடைந்த தயிர் – ஒரு கப், எண்ணெய், கடுகு, கறிவேப்பிலை, சீரகம், பெருங்காயத்தூள் – தாளிக்க தேவையான அளவு, உப்பு – தேவையான அளவு.

செய்முறை: தோல் சீவிய பூசணி துண்டுகளை, வேக விடவும். உளுத்தம்பருப்பை வெறும் கடாயில் வறுத்து பச்சை மிளகாய், தேங்காய் துருவல் சேர்த்து அரைத்து எடுக்கவும். வெந்த பூசணிக்காயுடன் உப்பு, அரைத்து வைத்திருக்கும் விழுது சேர்த்து ஒரு கொதி விட்டு இறக்கவும். கடுகு, சீரகம், கறிவேப்பிலை, பெருங்காயத்தை எண்ணெயில் தாளித்து பூசணிக் கலவையில் சேர்த்து, கடைந்த தயிரை விட்டு கிளறி இறக்கவும்.

ராகி மேத்தி பக்கோடா

தேவையானவை: ராகி மாவு – ஒரு கப், வெங்காயம் – ஒன்று, பச்சை மிளகாய் – 4, வெந்தயக்கீரை – ஒரு சிறிய கட்டு, சீரகம் – ஒரு டீஸ்பூன், கறிவேப்பிலை, மல்லித்தழை – சிறிதளவு, எண்ணெய், உப்பு – தேவையான அளவு.

செய்முறை: ராகி மாவுடன் பொடியாக நறுக்கிய வெங்காயம், பொடியாக நறுக்கிய பச்சை மிளகாய், உப்பு, சுத்தம் செய்து ஆய்ந்த வெந்தயக்கீரை, சீரகம், கறிவேப்பிலை, மல்லிதழை சேர்த்துப் பிசிறி, தேவையான அளவு தண்ணீர் விட்டு கலக்கவும். எண்ணெயை காய வைத்து, மாவை பக்கோடாக்களாக கிள்ளிப் போட்டு, பொரித்து எடுக்கவும்.

புடலை புட்டு

தேவையானவை: புடலங்காய் – கால் கிலோ, பொட்டுக்கடலை – 5 டீஸ்பூன், சோம்பு – அரை டீஸ்பூன், காய்ந்த மிளகாய் – 5, வெங்காயம் – ஒன்று, எண்ணெய், கடுகு – தாளிக்க தேவையான அளவு, மஞ்சள்தூள், உப்பு – தேவையான அளவு.

செய்முறை: புடலைங்காயை கழுவி மெல்லிய வளையங்களாக நறுக்கவும். பொட்டுக்கடலையுடன் சோம்பு, காய்ந்த மிளகாய் சேர்த்துப் பொடிக்கவும். கடாயில் எண்ணெயை காய விட்டு கடுகு தாளித்து… பொடியாக நறுக்கிய வெங்காயம் சேர்த்து வதக்கி, நறுக்கிய புடலை, மஞ்சள்தூள் சேர்த்து சிறிதளவு நீர் தெளித்து வேகவிடவும். உப்பு, பொடித்து வைத்திருக்கும் பொட்டுக்கடலை தூள் சேர்த்துக் கிளறி இறக்கவும்.

சோயா பால் கஞ்சி

தேவையானவை: சோயா பீன்ஸ், கோதுமை – தலா 50 கிராம், வெந்தயப்பொடி (விரும்பினால்) – ஒரு சிட்டிகை, காய்ச்சி ஆற வைத்த பால், சர்க்கரை (சுகர் ப்ரீ) – தேவையான அளவு.

செய்முறை: சோயா பீன்ஸ், கோதுமையை தனித்தனியே வறுத்துப் பொடிக்கவும். இதனுடன் வெந்தயப் பொடி சேர்த்து வைத்துக் கொள்ளவும். கஞ்சி தேவைப்படும்போது, ஒரு டீஸ்பூன் பவுடரை தண்ணீர் சேர்த்து கொதிக்கவிட்டு இறக்கி, சுகர் ப்ரீ மாத்திரை அல்லது பவுடர் மற்றும் பால் கலந்து பருகவும்.

இந்த கஞ்சியைப் பருகினால், நீரழிவு உள்ளவர்களுக்கு ஏற்படும் உடல் தளர்ச்சி சீராகும்.

முளைப்பயறு குருமா

தேவையானவை: பச்சைப் பயறு – ஒரு கப், வெங்காயம், தக்காளி – தலா ஒன்று, இஞ்சி – பூண்டு விழுது – ஒரு டீஸ்பூன், பச்சை மிளகாய் – 4, பெருங்காயத்தூள், கடுகு, எண்ணெய், உப்பு – தேவையான அளவு.

செய்முறை: பச்சைப் பயறை முதல் நாளே ஊற வைத்து, மறு நாள் மெல்லிய துணியில் முளை கட்டவும். வெங்காயம், தக்காளி, பச்சை மிளகாயை பொடியாக நறுக்கவும். முளை கட்டிய பச்சைப் பயறை வேக வைக்கவும்.

கடாயில் எண்ணெயை காய வைத்து கடுகு, பெருங்காயம் தாளித்து… பச்சை மிளகாய், இஞ்சி – பூண்டு விழுது, வெங்காயம், தக்காளி, உப்பு சேர்க்கவும். அதனுடன் வேக வைத்த பயறை சேர்த்துக் கிளறி, சிறிதளவு தண்ணீர் சேர்த்து கொதிக்க விட்டு, குருமா பதத்தில் இறக்கவும்.

இட்லி, தோசைக்கு ஏற்ற சைட் டிஷ் இது.